終於都去到最後一日既行程，其實都無咩特別，只係分別去左秋葉原同上野﹗
每日都經過既SUNSHINE CITY 再見喇﹗
GIFT GATE入面都好多 LITTLE TWIN STAR 野，不過有D香港見到既仲靚，所以我無買呀﹗
每日都經過但係無行過既SEIBU 同 PARCO~~~
搭JR 去秋葉原，經過上野，J 搵LOCKER 放好個大GIP~~~
見到好司機，又睇到前面，好得意~~~
@ 上野﹗
幾經辛苦終於都搵到個LOCKER，因為個GIP比較大，真係好難搵，同埋不停有人想爭.......><
辛苦 J 喇﹗
之後搭多幾個站就到秋葉原，響呢度發生左一段小插曲，就係J 行前面(圖中黑色衫、粉紅色領果個係佢)，我影左1張相，佢就唔見左﹗
我見到個牌就自自然然轉左彎，但行極都唔見佢，落左扶手梯都係唔見，之後又上返月台﹗
原來佢直行左去，之後...................當然俾佢話啦﹗不過我真係見唔到佢直行
哈哈﹗不過最後佢地話佢都好驚，唔見左我點算﹗
(因為佢D錢、銀包、PASSPORT所有野都響我個袋﹗)
其實都唔知自己出得岩唔岩，見路就行........
好多呢D動漫、電子產品﹗
其實我地2個都唔係漫畫人，根本上無咩興趣，於是我地就睇下D宅男﹗
而家D漫畫出到好恐怖，勁淫呀.........><
轉個灣係一條行人專用區，不過差唔多食飯，食左先，可惜食完之後呢度唔多夠時間行~~~
其實唔知食咩好，我地只係沿住火車行.......
D野食唔太特別，又無咩人....=.=
當我地煩惱緊之際，見到遠處呢間鋪好多人排，唔理好唔好食等左先﹗
原來呢間餐廳食魚生飯﹗
價錢都幾平，又係時候發表我有限日文，中拖羅飯$100、波波海膽飯 $1500、大拖羅飯 $1500、海鮮大盛 $1500
哈哈﹗爛船都有3根丁~~~
師傅響面前即整﹗
醬油~~
J 揀左海鮮大盛，見到果下真係嚇左一嚇，其實會唔會太多呀﹗大佬
我個波波海膽都有魚生送，又係勁多﹗
波波好好味﹗不過海膽就唔夠新鮮~~~
最後2碗都食唔哂，真係太多﹗
食飽飽又行陣，街隨離有寺廟!!!????
D 女僕好識做，見D 影相即刻整心心
又去返行人專用區﹗
不過條街好長，我地只係 "行" 左一陣就要走喇﹗
我諗下次我地唔會再黎秋葉原喇~~~~
咩事平日呢間GUNDAM CAFE都咁多人!!!???
日本人其實係咪唔洗返工~~
好快就去返上野，又係呢個熟悉既車站﹗
唔洗地圖已經識得行過黎阿美橫丁﹗
又係時候買手信﹗
呢度既野真係幾平，上次黎買左一個紅白藍﹗今次D YEN貴，買左大半個啦﹗
下次黎我諗都會再黎﹗
之後就去返上野站個LOCKER羅野，我諗住去搭JR 去日暮里之後轉返京成線去機場，諗住買飛果陣突然醒起京成線有上野站，於是去INFORMATION 問下，原來個站響附近﹗
我地D行李響站內LOCKER，佢寫左張紙俾我地入閘羅返﹗
原來京成上野站響阿美橫到過多一條馬路，順利買飛、順利上車﹗
$1000 一個人真係好抵呀﹗
3件行李最後成功合體，變成2件~~~
經過個幾鐘之後就到機場喇，香港航空自成一角，唔知係好定唔好，不過就難搵D~~~
之後又係時間食晚飯，我地揀左炸豬扒~~~
我
J 揀左咖哩﹗機場野食當然無得同出面比﹗
最後架機有小小DELAY，但抵港時間就同SCHEDULE 一樣，可惜我地尾班車開左，要搭機鐵轉的士﹗貴
總結今次日本之旅都幾開心~~
日本一切都正常，好安全、唔知幾時會再去呢!!!!!????
完
