CPS 療程完 轉左 Armis; Hydro Facial

不知不覺CPS 做左已經第13次，Elaine 叫我轉餘下CPS + 磨皮既錢做Armis & Hydro Facial..........

其實CPS 已經停滯不前，我知道一個Facial 無可能解決哂所有問題﹗

佢幫我計左一計，我而家仲有大約$5000，加多 $8300 就可以轉6次Armis & 6次Hydro Facial~~

講真真係好心動，因為我真係好想試下Hydro﹗

而家CPS 都成$500 次，只係搽小小野上面，Armis 同Hydro 除返開都係$1000次﹗

最後佢送左盒Mask 俾我......@@

我驚俾J 話，所以唔敢講佢聽呀......XD

女人..............

未日年2012 vs 2013

每年我都會寫一篇對於那一年既回顧，今年當然又係好開心豐富既一年﹗

J 終於都求左婚，呢一年真係做左好多關於Wedding 既野............

當中有開心有唔開心，不過我知道3月31，那一天我一定會好開心、好愉快咁出嫁~~

今年都去左2次旅行，首爾(求婚) & 北京(劉氏一家大旅行)

我覺得自己揀左跟團去北京真係好岩，需要照顧屋企人既麻煩野小左好多﹗

希望下年可以再同佢地去啦！新加波都唔錯呀！

不過仲要plan埋我地個歐洲Honeymoon~~~ 到底幾月去好呢？

自從四月J求左婚之後，好多個weekend都忙結婚既野！ 好多時J都陪我去唔同地方，當然姐妹都陪我試衫試妝，我都好感激~~

最深刻係換左化妝 同 影Pre wedding!

個人小建議如果可以影左相先，知道左自己適合化咩妝再搵MUA會較快~~

不過因為我時間唔夠，心水MUA 俾人左Book 左........@@

想要既草地又俾人Book左，不過其實只要嫁俾一個自己鍾意既人，其實咩場地，咩樣都唔重要............XD
 
而家仲有3個月，仲有好多濕碎野未做，希望呢3個月順順利利啦﹗

媽媽岩岩做左個小手術，J 婆婆又一直未開懷~~

2013 我只係有2個希望，希望3月31 順順利利，仲有希望麥劉2家人快樂健康

我會再投放多D時間落去屋企人度，而家仲要有2個家，要好好加油呀﹗

試 Facial @ Ingrid Millet

雖然Reneex 改善左我唔小問題，不過冬天真係好乾呀...............@@

下下做CPS 真係乾到裂........

早前收到Ingrid Millet電話，俾 $128 可以去試做 40倍鎖水 Facial~~

我預左Hard Sell、好彩最後都堅持到咩都唔買

不過個Facial 真係幾舒服，我覺得呢D先係做 Facial，Reneex 完左之後我一定唔會繼續~~

上到去環境感覺唔錯，先換左衫，因為會按埋博頭.......

張床有熱毯，舒服~~

都係果D程序先洗面，佢俾我感覺洗得好Detail，之後Peeling，治療師建議我一星期要自己Peel 一次﹗(記住先)

蒸面，順道按肩頸

針清，真係好耐無試過喇，真係好痛...........@@

不過佢針得太深，有D位真係有好大個印~~

之後用鑽石水+ 精華噴濕全面，好舒服呢..........

第一層精華 + Mask，等佢吸收既同時再按肩頸，因為佢有小小按到D 淋巴位，有小小痛，不過都舒服~~

之後再用超聲波將D精華打入個底﹗

超聲波我之前都試過，我真係幾鍾意，因為個頭好滑、凍凍地咁，整完塊面好似會好補水

第2層Mask，會拉緊，應該會緊緻D掛....XD

之後就訓喇，成個過程好舒服~~

其實佢俾我個Offer 真係幾唔錯，$415 一次，送埋 Eye Mask & 送一支減淡細紋精華，佢話支野都要$2800

可惜我而家太窮喇，唔可以任性，試下都還可以，不過幾千蚊，我就點都唔會俾﹗

咁佢當然都有Sell 下，不過 Overall 唔算好 Hard~~

我講左幾次堅持自己之後佢都無再Sell 我喇，對比之下覺得Reneex 個過程好唔抵，不過佢就好快見到效果

IM Facial 如果將來想去Relax 下都係一個幾唔錯既選擇

第11次 CPS

不知不覺已經做左11次treatment，其實上一次Elaine Sell 我買6次Armas，我已經俾左張Credit Card 佢，點知因為北京買左野爆左limit 而Look唔到﹗

佢約我過幾日再上去，不過諗左幾日之後，我都係決定放棄，因為我已經投資太多~~

同埋而家效果都OK滿意，當然可以再好D啦，不過要再俾多$8000，真係無錢Lu﹗

我唔可以成日都咁自私，都要為J 諗下.............

點知今次上去佢態度完全唔同哂，平時講好多野，又問我結婚D野搞成點 (佢都差不多結﹗)

今次見到我完全無出聲，入到房好靜，我以為佢唔舒服~~

只係照返公司指引同你講"凍呀、FU個冷凍紗布舒緩返個皮膚、會唔會好吉?"

個氣氛好怪，總之平時唔係咁~~

仲要我同佢講過我鍾意坐響度做CPS，但佢今次都照提議叫我訓響度﹗

最後FU 果個MASK 平時係會搽2隻，今次只係落左GEL~~

其實我有小小嬲，唔係我唔幫你買新Treatment 就咁呀，我之前真金白銀俾左成萬，買呢D treatment﹗

如果我無俾過錢就話Jei~~

我有諗過同佢講返，不過返黎起Mask 果個係佢同事，我都有問點解個Mask 唔同左??

佢同事話次次都可能唔同，但係我之前10次都係一樣wo~~

唉﹗如果下一次佢都係態度唔好，咁我諗都係轉過一次好D﹗

約下次個時間，佢對我態度又係麻麻，" 日日都得，唔得就叫我Partner 幫你整"

以前佢唔會咁~~

唔知關唔關之前佢電話訪問事，不過我都係講事實，佢有做既我就講，佢無做既唔通我都要話有咩........

原來第一次Treatment 會影相，每4次之後又會再影多次，點解我做到第11次都係影過一次!!??

第一次水晶磨皮

上次講話買多左個水晶磨皮既TREATMENT~~

呢日放工終於有機會試﹗

都有小小緊張嫁，怕痛~~

好似平時一樣先清潔，之後就推架機入黎，眼見係一部好細既機，好似PRINTER 咁上下.........

有個嘴佢貼住面既時候好似吸塵機咁，吸吸下，同一時間好似有D沙粒響你面上咁~~~

原來真係沙黎嫁，都有D跌左落身....=.=

我諗原理就係用D沙推左D死皮，之後吸返D沙入部機~~~

佢先幫我整左右邊面，再比較下，其實一定半次會有D咩效果!!??

我反應好冷淡，好似差唔多﹗

之後整埋左邊，整完佢會掃走D沙

最後抺乾淨之後就FU MASK~~~

整完又要返屋企連FU 幾曰MASK，不過呢個TREATMENT 真係幾乾，塊MASK 好快吸哂........

洗面時感覺真係滑左，但有無好轉就耍丙觀察下，不過我做完6次CPS TREATMENT 面上既粒粒真係小左好多﹗

高興

女人錢真係易搵~~

上次ELAINE 說我買ARAMIS，不過真係太貴喇，$9800 只係得6次，試做完個效果又唔係有咩大分別﹗

 所以我都無咩諗買唔買好~~

今次去做TREATMENT，佢又講返ARMIS，不過真係太貴唔諗~~

之後佢改變策略，說我買水晶磨皮，我個PACKAGE 其實包左一次﹗

佢介紹水晶磨皮好似好好，去印快，佢知我9月影PRE WEDDING，所以話8月幫我做密D

又話8月頭就加價.............=.=

我買之前都有打電話問左EMILY，不過佢話佢都無做過，佢仲話咁6次 $2160都唔係貴

如果真係去印快D，真係好吸引呀﹗

所以我又落左搭

佢仲幫我BOOK左時間放工去做，8月TOTAL 做5次，不過返黎公司上網睇返，好似唔可以做咁密，大部分人話2星期一次，下次試完再同佢夾過時間先~~~

網上面得好小REENEX水晶磨皮既討論 / BLOG，真係唔知好唔好，有D仲話同HGF 差唔多﹗

HGF 我見就好多人都好鍾意~~

我真係唔可以再落搭喇，唔係真係俾人滅口

今次我已經唔敢話俾J 聽喇﹗

買完之後即刻睇到呢篇:如何避免被脅持碌卡

Elyze 機能瘦身

Join Reenex 佢送左一次Elyze機能瘦身俾我，其實我一次都未試去呢D瘦身中心﹗

不過因為感覺上Reenex都信得過，所以就抱住一試無妨既心態約左星期五去試一試~~~

上到去又係先填FORM，其實我已經係佢客戶咩資料都齊啦，又要再填咁真係好麻煩﹗



之後就入房見治療師，先用呢部機，做一個簡單身體檢查，度高、磅重，脂肪比例，水份，蛋白....

原來我只係157CM高，全部指數都係NORMAL 既中間，我覺得自己身體都算唔錯﹗

 脂肪正常RANGE 係 20 - 25，而我就係22~~

治療師話可以減到20，唔知計左D咩數，話可能減到6磅﹗

之後就介紹不同儀器，今次我就試RF 射頻，用熱力，達到FIRMING同燒脂~~~



咨詢完之後就入房喇，間房都幾大，要先換衫~~~

房入面有全身鏡，治療師會同你一齊望鏡，睇下到底邊PART 最大問題﹗

之後先決定做邊PART~~~

我其實想試下做腰，不過今次治療師建議做手臂﹗

都好呀，著婚紗手臂緊要D~~~



就係呢部機，佢有2個頭，一打落黎係有小小凍，不過之後會越黎越熱，之後就要換第2個頭﹗

不過有時就真係會太熱........=.=

佢話做完就好似做左半個鐘運動，雖然今次係做手臂，不過佢都有做小小背肌，原來FIRM左個BACK成個BODY LINE真係會唔同左﹗

做完之後當然又去返咨詢房，有小小SELL咁啦﹗

不過都OK，唔算太HARD

都係問下做成點，做咩唔JOIN，不過感覺上有D似機械人﹗

佢個OFFER勁貴10次 RF(燒脂)、10次骨膠原 (FIRMING)，3萬8~~~

之後都有俾其他OFFER，有D仲平過1萬，不過我當然唔會考慮啦﹗

Aramis

黎到第4次TREATMENT﹗ Elaine幫我試左個眼既Aramis 冰凍光學膠原自生 ~~

其實Emily 都有做過，佢個治療師仲好好咁幫佢打全面﹗

不過Elaine只係肯幫我整眼周邊~~

佢係凍凍地，完全唔痛，按一下會打3下﹗

做完感覺好似FIRM左~~~

試完先做CPS，其實整左3次已經見到效果，好轉左好多﹗

做完佢SELL 左我一陣，不過我真係唔會考慮，因為岩岩先俾完1萬~~

2000 X 6 X 0.9 再扣埋之前張COUPON，佢再送多2次CPS﹗個OFFER 都OK嫁﹗

不過如果我同J 講又俾多一萬，佢一家殺左我﹗

所以都係算啦﹗我寧願下年年頭，真係仲未搞掂先再考慮打光﹗

Reenex CPS 第3次 Treatment

好快又過左2個星期又係時候去TREATMENT﹗

上次都有小小不歡而散，佢仲要臨尾介紹個同事，我心諗JOIN左就轉個新既治療師~~

好彩今次都係Elain 幫我﹗唔知呢..我鍾意同一個人跟﹗

今次仲第一次響D 有VIEW既房整﹗

環境真係算唔錯~~

經過3次TREATMENT，J 都有讚話白左﹗

我覺得都有進步，最明顯就係黎M果時，D粒粒真係細左同埋小好多~~~

我真係好期待6次之後塊面既情況﹗

之前2次都係坐響度整，今次第一次訓響度，不過感覺上坐響度佢會用得多D GEL﹗

坐響度係會噴neutrolizer上面，訓響度就用抺，感覺上噴好似乾淨d~~~

下次都係叫佢坐響度整先﹗

之後fu mask，今次佢好似鬆手左搽多小小~~

不過整完之後要化妝真係好煩............=.=

Reenex CPS 第2次 Treatment

JOIN左PACKAGE之後，就要開始每2星期一次既TREATMENT﹗

因為我係NON PEAK HOUR，所以BOOK左22號LUNCH TIME過去~~

不過之後我諗返其實NON-PEAK HOUR 唔著數，又趕，之後做完又要MAKE UP 返，都幾煩﹗

於是我就問下可唔可以買多幾次，轉返PEAK HOUR 放工黎﹗

加上我有張COUPON 如果可以用埋咁就GOOD喇~~

不過到最後都係用唔到，我真係好唔明，上次我已經俾左9XXX，今次如果加多5次即係2XXX，加埋一定過萬，點解唔可以用﹗

個治療師仲要同我講:" 我打工嫁JA，前台話唔俾都無法，之後睇下有無得買COMBO時用啦"

我一定唔會再洗成萬蚊落黎呢度﹗

因為第一次係TRIAL 係無MASK 既，今次第一次有MASK，個MASK 係平時我地用GEL 狀，感覺上應該係平野~~~

整左2次，我感覺係有小小效果既，皮膚好似乾淨左，頭3晚FU左水份MASK 第2日真係好貼，不過我真心覺得呢個FACIAL 唔值4XX﹗

成個過程只係40分鐘都唔洗﹗

條款及細則：

• 客戶必需為年滿18歲之女性。
• 必須列印並出示此換領信，按指定日期領取獎品，逾期無效。
• 現金劵必須於NEO DERM旗下品牌購買療程折實滿港幣$10,000方可使用
• 現金劵只適用於購買正價療程，不可兌換現金或與其他優惠同時使用。
• 現金劵每次只限使用乙張。
• 現金劵有效期至2012年8月31日。
• 每人只限於NEO DERM旗下各品牌分別使用療程現金劵乙張。
• 客戶請預先登記及預約時間，方可享用療程現金劵。
• 享用療程現金劵前，必須出示香港身份證/中國居民身份證/澳門居民身份證以作核實及記錄。
• 只限換領信上所列得獎者使用，不可轉讓。
• 如有任何爭議，NEO DERM保留最終決定權。

雜記

終於又過左2個月，去做第2次Musee 彩光TREATMENT﹗

今次BOOK 1:00 我早左到(12:40)，不過都係要等到1點先有得做.......

今次唔同左人，程序都係一樣，不過佢話我用剃刀太貼，有小小紅，下次要小心D~~

做完又約左5月9再整，其實試左一次激光、做左一次彩光、D毛毛已經小左同埋生得慢左﹗

想響IWIN WEDDING前再整多次，不過佢堅持要夠2個月先可以再整......=.=

我見D人整到第13-14次就得返好小，咁即係我仲要整多年半

放左工即刻走人去洗牙，應該年幾無洗喇﹗(如果可以SEARCH返之前D BLOG就好喇，點解我鍾意網上日誌就係想幾時搵返D野都易，而家無左呢個FUNCTION 真係......)

去返上次個醫生度，佢真係好有心機，都洗左成20分鐘，佢話我D牙都OK乾淨，係後面有2隻可能駐左，叫我快D再約時間CHECK真D~~

其實我都幾怕睇牙醫，洗牙又洗到成口血腥味﹗

呢排沉迷左一隻GAME，DRAW SOMETHING~~~

即係猜猜畫畫，發現有D人都幾有藝術天份﹗

而自己就仲係小學雞畫畫﹗

估唔到D FD都會估到



阿J 就.....................

不過都幾搞笑~~~

開．心．忙．碌．

呢個星期真係好忙呀﹗不舍不覺就已經過完~~

日日公司野都搞唔停~~~

好彩都唔洗點OT，同埋最緊要有進展，所以都幾有滿足感﹗

下星期仲忙，除左開會，CONFERENCE，仲要有個COCKTAIL~~

希望一切順利，我可以一個人完成所有工作啦﹗

不知不覺又到左生日月喇~~

但係無咩特別感覺，可能人大左，都無咩興致去慶祝﹗

簡簡單單食下飯，GATHERING 下已經好好~~~

呢個星期最開心係收到遠自英國既生日CARD............

CELIA ﹗ LOVE YOU~~~

放心﹗我好快就會去英國搵你~~

(最開心係聽到你仲記得那一年我地去泰國既人同事﹗)

本來見到中國國際航空有平機票去羅馬，真係抵到你唔信﹗

$4616 包埋TAX.........我仲自己夾左假期，可以5月18出發，6月2返到黎香港

玩2個星期，順道去倫敦探下CELIA﹗

不過 J 話蜜月先去羅馬，而家唔諗住WO~~~

咁就無左次羅馬假期

雖然真係好想去，雖然話自己夾左假期，不過其實我都要就返公司時間，而家BOOK定真係太早﹗

好啦﹗我等待我地既蜜月啦~~

可唔可以快D搞掂CONFERENCE 既野，之後快D到4月，我就可以FREE一個星期諗下同屋企人去韓國行邊﹗

EASTER快D到啦﹗

 

我的第一滴神仙水

其實想試神仙水好耐，呢排因為壓力，生左唔小粒粒~~~

原來有個fd 有6.8折，不過撞岩聖誕、過年好難約一個媽咪搵日出街羅﹗

約去地鐵站，交收又唔多好﹗



見有奇蹟體驗套裝， $490﹗

有1塊MASK、一支 75ML 神仙水同一支TONER TESTER~~~

即時入會又送多塊MASK~~

用埋之前果 $60 COUPON，都接受到呀﹗

當試下岩唔岩先，之後先買大支仲好，於是我加入左SKII行列~~~

用左差唔多一星期，(有3日響大陸)，感覺上唔太大分別，希望日子有功可以快D擊退D粒粒~~



除左買左SKII，我仲買左盒GURLAIN既POWER，佢真係幾滑，今次試左粉紅色~~~

好似都係上次個色岩D﹗

下犬2轉返先﹗

敬祝新年快樂

敬祝各位新一年身體健康！ 心想事成！ 萬事如意！ 龍馬精神！ 金銀滿屋！ 勁去旅行！ 大飽口福！ 一圑和氣！ 甜甜蜜蜜！ 工作愉快！ 百業興旺！ 靑春常駐！ 開開心心！

Super Woman

因為得到SPONSOR，所以3月公司會有個大型CONFERENCE~~~

我心入面其實好開心，因為我一直希望可以有機會參與其中﹗

不過只係得返2個半月時間，真係好急趕~~

呢個亦係我最擔心既事﹗

星期2開完會，要即刻準備好多野呀~~

請SPEAKER啦、請PR、繼續搵SPONSOR啦﹗

好多好多野我都未做過，而因為公司新，第一年搞，就連可以參照既文件都無~~~

呢幾晚壓力真係好大呀﹗

加上媽咪上個月撞親隻腳，到而家都未好，醫生叫佢留院打吊針..............

估唔到會咁大件事，仲可能要做手術~~

一下子真係成個人都唔知做咩..........

不過估唔到我真係可以響3日入面趕起所有野﹗

放左工仲可以去探下媽咪~~

希望龍年之後一切都會順利﹗

大家都健健康康，開開心心~~

而我亦好多謝 J 響呢個時候忍受我，支持我﹗

我愛你

祝願媽咪早日康服﹗

musee platinum★`$288 腋下完了療程團購 (1st Treatment)

原本BOOK左12月16去整，點知果日有LUNCH MEETING~~~

改期最快只係做到1月6﹗

唉﹗有時人多真係好難轉時間~~~

去完韶關終於都到等到第一次TREATMENT喇...........

準時上到去，俾左張MEMBERSHIP CARD登記，之後坐一陣就入房喇~~



冬天著得多衫，而我又無特別著件雞亦袖，所以都換左佢果件衫﹗

佢部機好簡單呀~~

之後訓低佢地就用布同眼鏡遮住隻眼喇~~~

佢先會消一消毒，再剃短D毛毛，之後落JELLY﹗

佢同我講話"開始喇" ，我見到閃左幾次光，真係好光，一下一下咁，每邊1X下就完喇﹗

最後放個冷凍包落黎....=.=

真係好凍~~~

約埋下次個時間就完成喇﹗

成個過程唔洗半個鐘~~

整左幾日，佢完全0效果，希望係因為第一次，佢唔敢整得太勁先無效果啦﹗

下次BOOK左3月7﹗

2011 vs 2012

2011年係豐盛既一年~~~

唯一美中不足就係聖誕當日，J 姨婆離開左我地﹗

姨婆係一個好樂天既老人家，見到J既傷痛........

我知道自己可以做既野唔多，我只係可以陪響佢身邊~~~

生老病死，係人生必經階段，雖然大家一早有心理準備﹗

不過咁多年感情點都會有不捨...............

我係一個眼淺既人，雖然我無響姨婆身邊，但係聽到J 講姨婆既情況，眼淚忍不住一直流............

希望姨婆在天上生活得開開心心﹗

我知道大家都會永遠記掛住你，會好好生活..........

大家真係要好好珍惜身邊既人同事，因為幸福並唔係必然~~~

2012我會更加努力，過好每一天﹗

希望身邊既所有人都可以幸福、快樂~~~

2011年3月同屋企人去左一轉曼谷、6月同9月同J 去左浮羅交怡同埋東京﹗

原本既京阪神之旅，因為地震告吹，希望2012 可以無天災人禍~~~

2011 重遇CECI，呢份友誼我會好好維繫落去............

雖然同好朋友有時都會有誤會，不過我知道好快就會無事﹗

希望2012我地會小D誤會，搵到個好好既溝通方法~~~

2011陪伴屋企人既時間唔係特別多，希望2012 自己可以響呢方面做得更好﹗

11月HELEN 結婚喇，下年4月到IWIN，我仲會幫手做姐妹~~~

希望喜事一件接一件﹗

朋友們要多多努力喇~~~

工作上大致上已經適應，仲搞左幾次FUNCTION，我終於都可以同其他人分享自己工作上既滿足感﹗

希望老闆可以加我多小小人工，等我可以再儲多D錢﹗

雖然我知道2012 自己可以同J 結婚既機會唔高，不過我仍然好期待........

我知道離呢一日越黎越近~~~

我愛我既家人，身邊既每一位，我喜愛自己既工作.......

希望2012 會更豐盛，大家都幸福快樂~~~

Merry Christmas & Happy New Year

Wish my Family and all my Friends Merry Christmas and Happy New Year!

Everything will be alright!

musee platinum★`$288 腋下完了療程團購 (咨詢)

呢個團購係EMILY介紹，實在太抵﹗

上網睇過好多人都話呢間唔錯，位置仲響公司附近，買左之後打電話去BOOK好快就有得做咨詢﹗

第一次上去只做咨詢，療程要再約時間，其實都係簡單填下表~~~

講解下療程前後有咩要注意，其實同上次上Dermes差唔多﹗

原來彩光只係7X 度，激光成14X 度，所以彩光會慢好多，不過真係好平~~

我預計自己應該都要整1x次﹗

上次Dermes成 $8000，而家$288，我知應該係暫時黎講最平﹗

之前佢做過Promotion都要$555.........

其實除左underarm，我仲想試整埋小腿﹗

毛唔算多，不過可以唔洗理佢就好喇...........

但要$5xxx，都係諗諗，可能遲d又做團購，或者可以試下第2間﹗

可能個個都係2個月前book定所以12月個期都幾full~~~

最快都要16號，都好呀﹗整完去韶關............