LaSuperMen

好似好耐無正經出街食飯，成日都為左搞結婚既野﹗

今日只係去左食拉面，之後就返屋企.........整火漆印......XD

是日揀左Hysan 既LaSuperMen，聽講係之前我試過果間米之連既分支，果間真係幾唔錯~~


是日J 揀左面鼓~~

好濃呀，不過唔覺得超好味﹗

我原本想揀鼓油味，不過無，所以揀左鹽味~~

味道清清地，我都OK~~

感覺上唔值咁貴~~

仲叫左糖心蛋，係平時響屋佐整唔到既~~

呢樣就幾好﹗

應該無下次喇~~

睇場; 試機

仲有40日就結婚喇，真係好緊張呀................

開始食唔安，訓唔樂，希望派完貼之後可以放鬆小小﹗

呢日約左酒店傾果日既安排，都落實左幾多野，setting (而家個台會放返中間) table 排位，主要都係分2排，最後一排3圍~~

主家席揀左呢個組台布 & 呢個椅顏色~~

普通席就要左呢個色~~

台花而家暫時揀左深紫，因為我地仲未定好Backdrop 顏色~~

Backdrop 位置~~

仲Coonfirm 左小食、4打3文治、4打Fruit Tar、10磅蛋糕 (Cherry & Justin 31 March 2013 Sweet Wedding) 、10張由5-12 既泊車卷﹗

酒店個琴可能羅黎放相簿，前面就放Candy Corner~~

Reception Table & Cocktail 位置都幾闊落~~

應該會響Reception 隔離放一張簽名Board﹗

仍然好細既新娘房 XD~~

之後仲上左去套房度參觀，不過講真有D失望，好細呀...............

房入面好細，放到張床之後已經無咩位~~

廳都好細，而家放多左張床，真係好驚連玩遊戲都無位..............@@

D Window 都好細............

好彩都有小小海景~~

希望果日安排再高D樓層啦﹗不過Overall 覺得唔伕有600呎，咩都覺得好細好迫..........@@

Menu Card 可以俾個Logo 佢印埋落去，好似真係好方便呀﹗

睇下自己仲有無時間跟再算~~

開完會之後其實好多野都定左，咁都係好既，Work Harder on the rundown sin~~

之後我地行左一陣HC，試下機﹗當日只係帶左普通鏡~~

16: 9 張相好似好長，新機當然無太大問題~~

I Auto~~

柔光Mode~~

黃昏Mode~~

玩具Mode，我覺得呢個影出黎好得意呀~~

玩具Mode，可愛~~

另外試左針孔Mode ，都幾得意~~

美肌

強效Mode~

J 好鍾意呢個，話好特別.......@@

尖咀海旁模型..........XD

輕易做到景深，So Far 都幾唔錯，要再去試影先..........

又再一次迷上影相.....XD

加入Olympus 行列

一直都話之前J 送既果部相機Lens 有D 問題，Focus 做得唔係幾好﹗

想換新相機好耐.........XD

呢一日原本我地係去金都行陣，俾左成長片段D相MUSE ，再睇埋個火漆印，點知好小鋪開左~~

個印仲未整到.........@@

之後見仲有時間所以行左陣街，行經Broadway 見到HSBC 做緊Promotion~~

Nikon 1 J 2 一支鏡只係 $2790， Olympus EPL 3 一支鏡只係 $2990.......

真係好心動呀，我仲即時打電話俾細佬問佢響邊，得佢有HSBC，之後J 話過去豐擇睇下，Nikon V1 ，2支鏡都係 $3500，更加吸引

2支鏡WO~~

問左如果買多支Olympus 鏡都成2xxx，不過問過幾個影相既朋友佢地都不約而同話Nikon 1 好多雜訊.........@@

我地試左幾張相，又好似真係WO~~

原本已經決定左Nikon 1 ，因為真係好抵，不過我突然諗起旺角有一座專賣電器﹗

去左10樓睇，叔叔好串吐嘴完全唔理我地，之後去9樓，個Staff 好好呀，好detail 咁介紹2部機有咩唔同，仲講左點解Olympus 好D~~

最後我地買左一個Boxset，好抵2支鏡 $3990﹗

仲買左清潔用既筆、2塊保護鏡~~

終於加入左Olympus 大家庭喇﹗好靚仔呀~~

Olympus 仲有閃光燈，正呀﹗

情人節2013

其實對於呢D大時大節，我已經係好師奶諗法，唔想出街俾人据~~

所以呢個Last Single Valentine's Day 我地都係返左屋企煮飯仔﹗

不過呢餐飯出左D問題，唔係咁好味.....

個湯好難飲.........@@

Organic 既野都係唔岩我地，佢清到好似水咁，我加左D蘑菇落去都仲係無味..........

D蝦就唔太入味，唔知點解，下次仲可以再進步﹗

連D扒都質素麻麻..........@@

太薄真係好易老﹗

最正常係西芹帶子，同埋蘑菇~~

雖然呢餐煮得麻麻地，不過同 J 一齊就夠LU﹗

日日都要快樂

蛇年好開始

呢個農曆新年係我同J 最後一個單身新年，真係馬不停蹄做左好多野~~~

年廿八我公司放早，我再請多左2個鐘假，放半日假，返返舊公司請同事食餅......

上去之前仲同阿兒食左Flying Pan﹗

味道都唔錯，好彩我地放假，唔係2點先有得食，會趕到傻左.........@@

請完同事食餅之後就同J 去左金鐘(羅返張支票)、中環見證婚律師(簽左擬結婚通知書) 最後去左上環見AH 執相，執相已經去到最後階段~~

太好喇~~

睇完之後又去左食牛記，連續咁去幫襯，老闆都認得我地喇........@@

今次又試左新野，椒X鮮魷、金沙骨 & 雜菜煲~~

都係樣樣都足料好味﹗

希望老闆真係搵岩新鋪，KEEP返而家呢個水準~~

年廿九，J 一早就出左去督波.........@@

我睇左佢地玩一陣，J 就陪我行街買衫，好似好耐無行街喇，一口氣買左件褸、2件衫、1條裙.......XD

大年初一我地同J 屋企人食左個晏之後就上大陸喇~~

好多謝佢再一次陪我上去，因為真係有D急，都幾辛苦﹗

(今年無咩準備，連俾2家父母既禮物都未買........@@)

上到去就食劉氐開年飯，之後就去幾家親戚屋企拜年，因為Visa 問題，所以而家都未知會有幾多親戚黎飲........

拜會完幾家人都11點幾，我地就返左屋企訓喇~~

年初二一早8點就起身，9點出門口去大姑屋企，都1X 年無見大姑喇，以前佢都湊過我同細佬，果種感覺好難形容，一個曾經熟悉既人，個樣只係老左，你又認得佢............

大姑D 仔都有黎，真係好想見下國平哥哥~~~

之後坐到11點左右就去婆婆度，見到婆婆好健康，都好開心﹗

只係對眼，好彩我識聽婆婆講D 鄉下話ja............

食完晏同左D表妹去左生態園行下，有好多人釣魚呀﹗

我同J 玩左一陣電單車，佢個傻B 第一次揸，唔識用力轉個油門，轉彎果下撞左埋花槽.........@@

仲流左小小血.........@@

好彩無咩事，之後食埋晚報就直接返香港喇，因為唔想霸住J 好耐，想佢多D時間陪佢屋企人﹗

初三去左睇樓度尺，希望唔好再有變掛，一切順順利利~~~

之後去左同J 班朋友打邊爐 & 玩左陣啤排，大細，魚蝦蟹，都幾搞笑﹗

都係果句小賭怡情~~

初四就抖左一日，之後就等開工Lu~~

我的快樂生日2013

又大一歲喇，今年係我最後單身既生日，我好開心，因為我有幾個石斑仔最好既朋友﹗

明白你尊重你了解你

正日當日係公司聚餐，去左Mr Steak 食Buffet~~

食到好飽喇，同事送左呢個心太軟俾我﹗

其實我真係好好彩，咁多間公司D 同事都好好，雖然有D走左之後就無再聯絡，不過工作時大家都好好~~

多謝﹗

原來Mr Steak 都幾多野食，魚生、蟹腳、蝦、沙律、火腿..........

熱食就食左小小，牛扒真係幾唔錯，甜品就試左3-4樣，都出奇地OK~~

終於都試左HD 果隻流心雪糕，揀左Rasberry ，入面有D白朱古力粒粒，太甜，如果唔加就岩岩好﹗

放左工都成9點，因為是日要開會，J 響樓下等左我成個鐘，真係唔好意思

佢帶左我去食鮑魚~~~ 名苑

叫左個餐，好多味送，鮑魚真係幾唔錯~~

其他就唔算特別出色~~

食到最後J 羅住幾個芝士Cup cake 出黎，原來佢響我開會期間去左整，記得幾年前我整左個Cake 俾佢.........

估唔到我都可以食到佢親手整既Cake~~

其實無論任何時間，有你響我身邊，我已經別無所求﹗我知道自己會一生一世都咁幸福快樂，好期待自己成為真真正正麥太

Love

九記牛腩

Confirm 完帖入面既內容，我地去完MP 羅左貼之後，終於都羅左貼去印﹗

仲去左AH 度睇相簿SAMPLE~~

之後去左食九記牛腩，之前好多人排呀，今次星期五反面OK~~

我叫左牛腩米，J 叫左咖哩撈E﹗

牛腩都幾軟身，不過無之前牛記咁有牛肉味~~

不過清清地都幾好，咖哩就特別D，不過有D辣﹗

應該唔會再黎食喇..........

越黎越差了

之前已經食過2-3次，一次比一次唔好食，今次見佢有新野，俾個石頭飯吸引左﹗

點知.............真心覺得唔應該再黎喇~~

叫左個新出既面，呢個味道幾好，無之前白丸咁鹹﹗

不過真係好細，個飯就真係離譜，只能講句" 圖片只供參考"~~

鰻魚有D腥味~

J 見咁小叫多個飯囤，又係好細，仲要無味，差差差﹗

如無意外真係無下次喇~~

Encore Wildfire

而家一話食Pizza 就會諗起Wildfire，不過上次好抵個餐無左~~

轉左一個 $120，有1個pizza & 1個湯，不過加多一個沙律都係 $29、1個蒜蓉包都係 $29﹗

比上次 $180，少左一個湯 & onion ring﹗

都可以接受~~

因為佢d pizza真係好味好多﹗

假期仲多左燒雞套餐~~

如果一大班人都可以考慮下﹗

牛記茶室

每逄去完AH，我地都會去上環搵食，蓮香樓去左幾次﹗

今次原本想詆下九記，不過真係好長龍............@@

見餓餓地，於是試左同一條街街頭既牛記茶室，睇睇下個餐牌發現岩岩響電視見到3嫂介紹，仲認得老闆......XD



玫瑰花皇太后雞

呢個好好味，D 皮完全唔肥﹗好入味，又嫩~~

無錫骨

呢個又係超入味，仲好多舊，不過就油左小小~~~

炒牛河﹗

好肥膩，不過好好味........XD

牛肉又係嫩﹗

原本我地仲想叫多碟，不過老闆話我地食唔哂..........呢度仲食到人情味~~

仲有糖水送﹗

最後我地都係食唔哂，打包左D雞返屋企食~~

下次再試下其他先~~