SZ Visit

其實我已經好小講公司野，因為呢度只係想記下自己既無聊生活，不過今次係公司第一次有活動Outside HK~~

同埋都幾得意，所以都想記低﹗

一早6:45起身，前一晚打邊爐夜左訓，又訓得唔係幾好，精神真係好差.........@@

好彩阿Head 住我隔離，我痴佢車上去﹗

準時7:30 出門口，好快8:00就到左落馬洲，的士過去關口，準時9點前到~~

雖然今次唔係好多人，Total 10人，不過人小小仲好，羅個經驗~~

齊人就直接上左CAUPC OFFICE，之後Briefing我地一陣會去睇既2個Project﹗

KK 100，蔡屋圍Urban Renewal Project﹗

我地先由地下Zone 2  望返去Zone 1，反思Urban Renewal 對Heritage Preservation 影響﹗

居住環境改善左，係咪就係人類想要既呢!!??

一河之隔，城市及大自然﹗

人與自然既關係應該係!!??

行左一陣就食Lunch 喇，去左京基粵菜，味道唔錯，差不多RMB 100 一個人食個晏都小小貴﹗

之後去左佢對面酒店遠望呢個區既發展，要人地扮睇房，其實都有小小尷尬~~

之後去左深圳灣﹗

特別的建築物~~

深圳灣畔~~

過左橋就係白泥......

呢一日好好天，好感恩﹗

我仲有好多野可以學呀............

之後又沿路返去，過丁九橋，我見到大鴨鴨呀.......XD

AAA Gathering

星期六晚約左班同事去石澳BBQ，買左材料之後突然橫風橫雨，個天好黑

(其實當時我未到石澳，都係聽D同事形容﹗)

如果淋住雨咁BBQ，我實病﹗

好彩最後佢地決定轉場，去將軍澳HOME GATHERING~~~

不過估唔到只係隔左一陣就已經無再落雨.........=.=

是夜真係好多人，SHERRY 買左D海鮮，再去WELLCOME入多小小貨，叫多左3個PIZZA﹗

原本買去BBQ 既海鮮，整左白焯蝦、清酒煮蜆、啤酒聖子、焗蘑菇、焗帶子...........

因為真係好新鱗，所以好好味呀﹗

雖然有好多都無再響公司做，不過見返大家感覺都幾好~~~

下個月佢地搞左船河，不過我怕曬黑 & 當日係J 生日，所以會MISS左佢地一次既活動，唔知下次幾時見呢!!!!??

Urban Design Conference

31 March 2012 - 1 April 2012 @ Langham Place Hotel

是次活動尚算成功，真係好開心﹗

My Boss on TV

the right one behind Tong Tong is my Boss

Quote from my colleagues " Speechless"

公司Cocktail & After Dinner

其實我唔多提公司活動，不過今次真係幾特別，所以都想記一記低

星期五公司得到蘭桂芳GROUP贊助響蘭桂芳有個酒會.......



餐廳有2邊，一邊FOR 飲野，一邊FOR 聽講座﹗

其實真係安排得唔錯~~~

 

最估唔到我地有幸見到DR. ALLAN ZEMEN，業介將佢視為明星~~~

所以當日都幾爆場，佢仲好好咁幫我地頒發CERTIFICATE﹗

同講左一小段TALK﹗

酒會去到差不多9點先散﹗what a nice evening!!!!???

每次有活動雖然工作量加倍，不過滿足感真係大過平時響OFFICE~~~



餐廳位置~~~

真係好旺，我都好多年無去蘭桂芳玩喇~~~

學副會長話: 飲飲食食咁開下會都幾開心﹗

之後同左FIONA、CHARLES、GARY、IAN HAU 仲有TARA 去左隔離D餐廳食飯﹗

揀左間泰+越南菜 - 我的越南餐廳 Moi Vietnam Cuisine

間餐廳都幾得意嫁，用竹同越南草帽裝飾、D燈都好特別﹗

6個人叫左青口 X 2、菠蘿炒飯、泰式炒飯、通菜、魷魚，我叫左PUSSY FOOT~~~

最衰IAN 同TARA唔識講廣東話，所以我都無特別同佢地講野﹗

是夜真係幾開心﹗ ^ ^

撐

每逢大節前夕學會都會比較忙！

一人公司更慘總有分身不下的感覺 =.=

不過我都幾享受忙碌，工作上所帶來既滿足感。

剛過去的星期五一整日把時間花費在＂與特首後選人對話＂的活動上

根本做唔到其他工作！

不過當J說在電視直播中見到我。

我其實暗喜，開心學會知名度提高！

雖然六點回到公司工作至八點半，但那天是值得紀念！

下星期四會員聖誕gathering又會忙上幾日

不過只要再一撐多一個星期就可以了！ 

聖誕節的十天假期等我丫！ 

Hon Treasurer 話會加我人工，希望一月就會有啦~~~~

原本計劃二月去韓國滑雪，不過如果3月個Conference要如期舉行我應該又會分身不下.......

不過如果真係搞得成又會係一個唔錯既經驗﹗

哈哈﹗其實我真係搵到份自己喜愛既工作﹗

希望BOSS可以繼續俾唔同機會我~~~

想了解我既工作 可以去我學會網站 www,hkiud.org

超忙的一星期

星期四學會有個活動，由BOOK場，INVITATION、FOLLOW UP CALL、追PROXY FORM、問食咩、整NAME TAG、NAME STAND、POWERPOINT、試機、SET 電腦、SET 場、RUN DOWN、AGENDA、ATTENDANCE RECORD...............

臨場: 派NAME TAG、簽到、收錢、簽名BOARD、開POWER POINT、影相、點票.......

全部野都要1人 / 2 人負責~~

真係好忙、連續幾日無10點無得走﹗

星期3仲做到12點幾................=.=

真係好耐無咁辛苦喇，但我好滿足﹗

記得之前讀書有讀EVENT MANAGEMNT，都學過好多不同類型既EVENT﹗

今次第一次負責全部野，感覺真係可以學以至用。。。。。正

不過最開心都係果晚好多人同我講THANK YOU﹗雖然我知道佢地都係好客氣~~

但真係好有滿足感﹗

成晚感覺都唔錯，係開始果時比較亂小小...><

因為得1個人幫手，好多野都做唔到﹗但之後都RUN 得好﹗

我真係搵到份自己鍾意既工 ^ ^

(人工多過上一份3X %，又多野學，其他人又好好，又有一班好"同事"﹗)

點票中.........

返新工

9月27終於都完成左我響教育局一年10個月既工作~~

28號我就即刻返新工喇~~

其實我份新工有小小特別，我係響學會主席既office返工﹗

全個office都成2x - 30人﹗

不過佢地全部唔係我同事，佢地係主席公司既人~~

而學會只有我一個員工﹗

雖然係咁不過大家都有一齊食野﹗

唯一係唔會一齊做野﹗

不過都ok，好多council members都會幫我~~

感覺都唔錯

呢3個星期已經做左好多唔同既野﹗

meeting啦﹗cocktail party啦﹗出信啦﹗約人meeting啦﹗

其實都幾多coordinate既野要做~~

而我亦學左好多關於建築 / urban design既野~~

9月最last 1 日我就同左Justin去Outback steak house Dinner~~

公司d人好似對衣著好有要求，我已經著得比教育局果時端莊既衫﹗

不過佢地都話要再著formal d............=.=

又係黑糖包包~~

又係meat lover~~

係呀﹗我就係果d覺得果樣野好味就唔會轉食第2樣既人﹗

希望新工會keep住開心啦﹗

雖然有時都迷迷地唔知自己做咩....=.=

又一年的Summer Intern

話咁快班sumer intern黎左都成4個星期~~

佢地有幾個尋日已經last day喇.........

一如以往大阿Head請左我地飲茶~~

今年呢班都幾唔錯，可惜無咩時間同佢地熟....

Olivia 估唔到係Kester個學妹﹗呢個世界真係細呀﹗

不過對比於上年，今年呢班都有一班咁出去食飯~~

感覺佢地感情好d.............

仲有Fanny，升到大學應該要努力呀﹗

大家都加油啦﹗我就加油轉工 ^ ^

Interview @ HKU

今次轉工都感覺唔容易﹗

都SEND 左好多RESUME出去，不過叫我去見既工都唔算多﹗

計埋我reject左既、約左時間但係改左之後無左件事既、真係去見既加加埋埋只有6-7份

其實我應該積極d~~

我reject既其中一份我覺得係岩我ga，不過太遠............

改左時間既無call back我應該自己call人地，要話俾人知我真係想做呢份工........

可能而家自己有份工做住，又唔太急~~

真係想搵到岩先走~~

反正到contract 完都仲有成半年﹗

星期二果日我去左HKU interview~~

呢份工講真都唔錯，其實同我而家做既野都類同，係為大學轉四年制做準備~~

不過interview全程用英文﹗

加上開始時有小小緊張﹗

感覺自己都唔係in得幾好~~

仲有唔知其他人點，所以我都唔去諗lu~~

不過我都想記低佢問過我既野﹗

佢先叫我講下TDC同埋而家份工係做咩，有無負責整Guideline、organise meeting, function~~

excel, html, photoshop 識唔識~~

鍾意paper work定係對人..........

將來想有咩發展( 呢個好難答wo...可唔可以話想生仔，照顧好家庭!!!????)

都有問d general 野，點解讀tourism唔做torism既工，ot 果d介唔介意ar，做咩唔做而家份工~~

any plan for further study~~

大家傾傾下都好似傾計咁唔再緊張lu~~

下次都要平常心﹗

我覺得佢個post 都match到我而家做既野，不過佢深入好多﹗

難好多，可能辛苦好多~~

不過如果HKU 唔成功，我應該會stop搵工一排，因為全年最忙既日子到喇~~

我都唔想我阿head對住一個新人﹗

而家我都可以叫做幫得佢手﹗哈哈..........

雖然而家份工有好多野我唔鍾意，不過我阿head係一個好人﹗

可以過埋8月中，無咁忙開始搵工，去埋上海就轉到新工咁就正喇~~

哈哈...我仍然相信我自己會搵到份好工﹗

尋找新工作

因為好多原因我想 / 要轉工喇~~

由上星期開始搵工﹗搵左3日，已經有2份工叫我去見

第一份，HK Airline 既 Admin~~

其實我真係有興趣ga....Airline 都叫關關地我之前讀既野事﹗

同埋Admin應該係我將來想行既路~~

如果唔係都唔會俾錢讀左個Cert啦﹗

不過要去到東涌真係好遠，而我亦知道如果返左我同Justin見面既時間會小好多﹗

考慮左一陣之後都係reject左個interview~~

Justin話而家又唔係無工，要搵當然要搵份自己岩心水既~~

星期一朝早約左一間珠寶公司去見工﹗

約左10點，不過我9點已經到左附近~~

(因為要陪Justin出門口jei~~)

見面其實時間唔長，但都講左好多野，亦令到我唔想做呢份工﹗

原本做Admin & Sec 應該岩﹗

不過佢又係無benefit，又一年得7日AL， Easter, Christmas 紅日放一日要扣假，新年放早2日，不過都係要扣假﹗

我咁鍾意旅行一定做唔到呢間啦﹗

希望自己可以早日轉工成功~~

(張相用手提影ga....好似幾清wo...)

Summer Intership

每年Summer公司都會請一班Summer Intern。

因為8月(某幾日)好忙

雖然短短3個星期，不過有佢地響度感覺好d~~

at least無咁靜，不過佢地有時又太嘈﹗

最last果日大阿head請左我地飲茶......

佢地係來自唔同u唔同科的學生~~

個個成績都好好ga~~係叻仔叻女黎ga~~

有一個因為要上堂黎唔到飲茶。

Lionel同我一齊入黎做，唔知我地邊個會走先呢?????

friend底既，當然唔小得Alan啦﹗

點解我果時唔識apply呢d summer intership既????

不過apply都未必請我﹗intern 既要求都好高~~~

忙到癲

因為"天鵝" 我地放榜前做多好多工夫....

不停改Press release

最後準備左一大堆野都係無用過....=.=

準備左如果5點仲未落風會點，十一點前落會點，十一點之後落會點......

總之咩case都要諗.....都要整﹗

其實我係明白既，因為預先準備就算有咩情況都可以控制。

同埋最緊要係放榜考生同家長既心情一定好緊張﹗

天文台話9:45前會掛8號風，但我9:35都仲響響office~~

果下其實好想Justin黎湊我﹗

真ga~~真係好想~~

(同埋好掛住佢lor，星期六見完都未有得見﹗)

因為佢要準備interview﹗

呢排我地2個都好忙，無論星期六日定係平日﹗

可能忙搞到我精神唔好，成日都好似唔開心咁.....

連野都唔係好想講，咁岩Justin又忙，我地真係傾小左好多計﹗

其實我有好多野想話佢知，不過真係唔想講野，佢因為interview已經好煩，唔想再煩佢﹗

不過我知自己咁諗係唔岩ga~~因為無論點佢都會響我身邊﹗照顧我，關心我，愛我﹗

如果成9點先收工返到屋企真係沖個涼就訓lu~~

一日就咁就無左，我唔想係咁呀，更加唔想Justin係咁，咩事香港d生活會咁ga.....

除左大壓力之外我有時仲支力到有d想喊.......

(好似好誇張，不過真ga....我係唔可以太辛苦ga~~)

尋晚終於都同Justin見到面喇....

不過佢要同屋企人食左飯先，而我???OT again

八點半走過去cwb搵佢，不過好大雨成個人濕哂﹗

又支力，仲好肚餓，感覺自己好慘......

我最唔好意思係坐佢爸爸架車，因為佢地一家加埋婆婆、e婆已經5個人，加埋我好似好迫咁呀~~

好彩上車果時婆婆好好，佢拖左我隻手一下，果下心情即時好返﹗

要努力埋呢幾日，之後就會好好多ga la~~

加油呀~~Justin你都係呀~~我會響你身邊支持你，就好似你支持我一樣﹗Love u

會考放榜 - 支持會考同學仔

一轉眼已經七年喇.....

記得果時會考係諗住讀返原校，放榜前都無做過咩準備﹗

好好彩當時真係夠分升返.....(其實都唔知讀左中六七係好定唔好﹗)

如果當日我唔夠分，我會點呢???

而家份工有份準備會榜先知道，原來事前做足準備係好重要﹗

如果到果日你羅到張成績先諗就太遲喇.....

首先要知道自己果一區有咩學校，要知道佢地之前幾年既收生情況﹗如果年年都無位收外校生，咁你幾鍾意佢都無法﹗

要知道呢d資料可以去:

http://www.edb.gov.hk/cgs

click feature search for last 3 years of s6 admission information.

入返相應區分，相關資料~~

呢個search engine好方便，但又可以俾到好多資料你﹗

最正係你可以用唔同分去選學校﹗

放榜前可以先整定一個學校list~~

如果11-12可以去邊間報，如果13可以去邊間，如果14以上可以去邊間學校﹗

如果太低分，其實睇返過往數據，重讀中五 / 硬升中六都未必是好事﹗升到U的機會都不大﹗到時讀完中七再讀asso / hd 就會浪費了時間.......所以真係要好好想清楚....自己將來想走咩路，應該要向住佢行﹗

整左個school list之後，可以click school map就會出左學校地圖，搵埋路線就穩陣.....

到左放榜果一日，12:00前都係俾14分以上同學報返原校﹗

如果學校唔收你，可以到聯招中心 / 其他學校試下，有無得interview~~

不過前往學校之前要知道果間學校有無位就要到:

http://www.edb.gov.hk/s6ap

click 空缺資料查詢即時空缺資料﹗

如果想快d就要記低所選學校的代碼﹗

但如果無電腦都可以打中六學位空缺熱線，再輸入學校代碼都可以得到資料﹗

中六學位空缺熱線: 3499 1111

如果有其他查詢可電: 3590 3100

希望會考朋友仔可以順利升學啦﹗

不過好老土都想講一句，就算讀唔到中六都唔係一件大事，呢件只係人生的其中一部分﹗只要努力過就夠喇~~~

 

公司大食會

因為大阿Head放左假，我阿Head搞左一個大食會﹗

每個人都整左一部分野食。

我阿Head整左海鮮炒飯，"老"水雞亦、豆腐、腎、牛展，帶子粉絲(勁好味﹗)仲有x貝生菜

鄔太 - 杏仁茶同埋紅豆糕

Lionel - 茄子

余太 - 茶葉蛋

Aris - 曲奇

阿兒 - 木Hong布甸

馮太 - 生果

我 - 芝士蛋糕

Jackel - 菠蘿腸仔

其實真係有好多野食﹗

有時感覺大家都幾好感情~~

食到勁飽....其實我阿head整野食都幾好﹗

不過我個蛋糕就有點失手..=.=

應該係落得太多魚膠片喇......

耐唔時一次都係幾好gei~~

公司window出面好靚呀~~

其實都幾正可能望下個海﹗

2009年7月22日香港有日偏食，我返工果時都有望下個天，不過陽光真係好猛呀....咩都睇唔到﹗

Information Expo 2009

星期日都要返工，真係好辛苦

好彩都唔洗太早起身，10點倒啦﹗

12點去到會場，講解下、派下書、行下、企下.....

一直做到8點呀.....

好彩都有d人陪我傾下計﹗

其實會考真係人生一個幾大既課題，家長同學生自己都好緊張﹗

我發現原來當年自己真係咩都無準備，可能覺得一定升得返原校掛﹗

所以而家你問返我會考d野，我真係無咩印象﹗

係而家落手落腳做d放榜既野我先清楚d ja~~

除左唔同院校既counter仲有講座，真係好細心﹗

加埋網下面既資料﹗真係好detail~~

其實會考只係其中一個點，人生仲有好多個點﹗會考就算唔好都無咩ga~

到你之後回望就會知係一件好小事，而當時自己努力過咁就根本唔係咩一回事﹗哈﹗

不過星期日返工真係好支力﹗為左儲timeoff，我要加油呀~~

go travel go travel go travel go travel go travel go travel go travel go travel

我想阿仔讀喇沙

哈哈﹗個Blog標題好似好搞笑tim~~~

話說星期六一早7:15我就要出門口喇﹗

因為8點就要去九龍塘喇沙中學幫手一個分享會﹗(公司野﹗)

其實我係第一次去喇沙中學﹗只係知佢係名校﹗

但去完之後我決定將來如果有個仔，我會想佢讀喇沙﹗

(當然都要睇返佢個資質啦﹗)

喇沙真係有好多facilities~~~

有一個大Hall~~

2個Lecture Room...

一個戶外足球場﹗鋪草皮ga~~Justin聽到都不知幾開心﹗

室內籃球場﹗

Gym Room (呢個真係好過分呀~~~)

Swimming Pool~~

真係好好﹗我感覺學校好有活力﹗應該唔係讀死書﹗

其實個分享會我都幫唔到咩手﹗

我最主要目的是儲多d timeoff，等10月可以請一星期假﹗

我要儲24個鐘呀~~~

計埋下星期個展覽應該有16個鐘﹗

仲要多8個鐘﹗唔知中六放榜會唔會有得O咁多T呢......

hahaha~~真係未聽過有人係鍾意ot ga~~~

放到一星期即係又可以去9日旅行呀ma~~~

去台灣環島游都得lu~~~

第一次感覺自己原來咁重要~~

呢個星期六我就會出發去沙巴喇~~

一去就是九日，咁公司我就請左5日假gei~~

Justin就放17日，連埋復活節~~

前2日收到3個人既resume fax, 都正常因為我阿head想搵人代我果幾日........

尋日就有2個女仔黎interview~~

做5日都要interview又真係誇左d wo~~

最搞笑係我阿head想2個人一齊見...

但佢一個就約2點半一個約3點

Winnie形容 "思緒比較混亂"

笑到我死~

最後我地請左3點果個，2點半果個呆等左9個字點知咩都無~~

真係so sorry~~

其實我都有一齊見既，真係3點果個好d既~~

我地即係就要briefing 果個星期要做d咩。

咁我唯有好尷尬咁請2點半果個走先~~

我都唔知點講好，總之好怪~~

希望我去旅行的那個星期一切都順順利利...

感覺自己好似會俾人炒咁呀~~

不過我都會玩得好開心，萬大事返黎先算......

而家我最怕曬黑ja.........

一支50度防水防汗防曬，每2小時補一次，希望ok啦﹗

為左d蚊我又買蚊怕水又買防蚊貼希望無事啦﹗

如果同一時間俾1200隻蚊咬到就會死ga la~~

野我就執好哂、心情都準備埋

聽日就出發喇~~

今次去Sun & Beach好似仲開心過去日本Shopping呀~~

可能岩岩黎完m，心情一直都悶悶不樂，Justin話我成日都黑口黑面﹗

不過你放心我去到沙巴就唔會ga 喇.......i promise

經濟真係有咁差???

我地呢d合約員工，合約一到期即係要等人地話續唔續約....

呢2日有2個同事合約期滿~~

可惜因為佢地個agent bid唔到份約而無得再做.....

佢地個boss話而家請人好抵....

同事A個位 $7000 唔洗就有六個人黎見﹗

有2個仲要係三四十歲的叔叔~~

其實一份人工 $6000 可以做到d 咩???

我覺得好慘呀﹗咁小人工連自己都養唔到啦.....

好得人驚呀~~~~

同埋我真係好驚自己到左3-40歲都仲係一事無成~~

而而家呢份工根本上就咩都俾唔到我.....

我其實有好多時候都唔知自己做緊咩....有咩要做.....

得閒左成個月喇.....

不過我都好乖無再好似之前咁一個月請好多日假~~

可能我了解到無錢會好慘啦﹗

每當我問自己想做咩工的時候我都好唔開心...

到底我的人生係點......

我唔想再係咁懶......

但又唔知自己可以做咩 / 想做咩......

感覺自己好無用.....

我真係好怕因為呢份工我會無左個鬥心...

無左自己~~

我好想快d搵到自己的路.........

其實今年我只希望自己可以搵到一份好工~~~