Boxing Day 一早就上去深圳先去小陶源食個晏，2個人叫左個湯，一個咕嚕骨、芋餅 & 蒸勝瓜~~
食飽就睇窗簾，因為我地間房隻窗係八字形，為免上大陸整完唔岩裝，於是我地就響香港整路"鬼"，4條路"鬼" 叫價 $750 都幾貴﹗
一如以往我地揀返深港窗簾，佢雖然唔平，不過整過幾次都叫有信心~~
我地間屋襯D 靜色野，所以我地都係睇單色既~~
唔睇唔知又出左新布料，仿真絲，但對於我地黎講隻布好似膠.....@@
最後我地房揀左深色，廳會用淺色，4個窗佢開價 RMB 1100，最後只係肯減到 RMB 1000!!
都仲係好貴，於是我地又去第2間睇下，點知行左6-7間都無呢隻布，最後又死死地坎返去，人地實唔會再減啦......@@
之後我地就搭地鐵去左田貝站，先去五方家居，我地除左買燈仲要買施耐德掣面﹗
香港賣好貴，HKD 6x 一個，大陸只係 RMB 15.....@@
第2日我地去保安北路家之福建材店見到仲平~~~
因為唔識分真假，於是我地都行左6-7間，確定大部分價錢差不多，又見到防偽通告，加上我屋企都係用呢個牌子，我知道個手感，所以最後襯人地差不多關門，一口氣買齊全屋40個雹掣~~~
加加埋埋RMB 1350，如果香港買，我估3000都唔知搞唔搞得掂~~
老公唔鍾意呢D 新款，返到黎第2日師傅已經幫我地裝好，咁即係無問題啦.....^ ^
當日老公只係好緊張佢果set 3盞廳燈 & 房燈完全無關心掣面.......@@
最後佢好搞笑咁買左1支Display (RMB 85)，1支新既 (RMB 90)，另一支未買到﹗
又去返上次田貝四路果邊燈城，買左好大個波做主人房燈 (RMB 180)
一個簡單壁燈 (RMB 150)
希望裝完靚靚仔仔
之後搭的士返酒店，上黎前一日訂左位於KK 100 附近既鵬威酒店，HKD 320!!
上到去感覺都幾良好，只係位置唔算好方便~~
浴室用Bur 記顏色，好搞笑，除此以外全部野都好滿意.....
View 又好，有個出唔到去既露台仔，感覺上都算乾淨~~
返完酒店放低野當然又係時間出動搵食，我地行到邊間多人食果間﹗
去左一間北方餃子館
2個人叫左半隻雞，類似北京填鴨、羊肉酸菜面 & 餃子~~
佢份量勁多，2個人根本食唔哂，味道雖然都唔算好味，不過真係好有誠意......
2個人最近101 埋單......XD
第2朝我一早起身，準備好就出發，因為尋日仲有一盞燈未買，我記得保安北路家之福建材店應該有，於是提議去果度，去到好快就買左喇，連價都唔講喇，今日買呢個好似比尋日簿，不過顏色似都OK~~
老公真係好緊張.........@@
其實我地睇過淘寶一套都係 RMB 193，不過又擔心落到黎花左，而家自己檢查過叫做安心D~~
第2日行程其實係要返我大陸幫手睇廚櫃 & 窗簾.......
無錯又要揀窗簾~~
真係諗起都想嘔
新屋大致上完成，全部磚都貼好，只係差樓梯雲石，同埋整緊假天花，細佬要求全屋整，媽咪又洗多幾萬.....@@
新年有新屋住~~
因為要等爸爸搞好電錶申請，Hea Hea 下已經3點幾.......
去到揀左廚櫃，用左好短時間我就決定左喇~~
差不多呢個色 & 款，造4米，大約萬2，料都唔差嫁........
搞好手續已經5點半，媽咪提議食左野先，有時間揀窗簾先再去行﹗
於是又食左飯~~
其實大陞窗簾款式比深圳小，最後又Hea 揀，因為真係好支力.........
媽咪級喜歡大花，我地喜歡靜色，好難磨合
揀完即刻飛的、飛火車返深圳，去酒店羅埋D 燈返到屋企都差不多1點﹗
希望忙完呢2個工程，2家人都可以好好地抖下~~
真係好支力，仲要俾老公話我對媽咪態度唔好，唉﹗
我知要多D 耐性，不過有時真係好忟.........@@
我知道媽咪已經好辛苦﹗
媽咪都叫我唔好發老公脾氣，因為佢已經好好咁過黎幫手........@@
哈哈﹗咩事我響佢地面前好似成日發脾氣咁.......XD
PS: 趣聞一則，話說我地去搭火車，買飛排我前面個男人俾左RMB 100，點知個Staff 好冷靜咁同佢講: " 你這是假幣我要C 了他" 之後就將張RMB 100分開左2邊，最搞笑係個男人完全無反應俾過第2張......XD
