聖誕清遠三日二夜

岩岩由韓國返黎，就同老公幾個朋友跟團上左去清遠，第一日八點關口集合，點知過關人潮超誇張，足足過左成個鐘，等齊人已經十點，經過四個鐘車程終於都上到去！

講真搭咁耐車都幾辛苦，食完晏，行左一條街，點知全部行程得果度叫做有d野買！

食完晏，就搭車入去廣東第一峰溫泉酒店！

一間villa, 三間room.....

一個大廳，我地三個男仔一間，我同Bobo dhare....

仲有一間就係團友夫婦！

跟團有個團友好好，成日幫我地影相！

食完飯就睇左瑤族溝火晚會，都係d表演~~

肥仔被安排上去娶老婆，笑死我地！

睇完表演就去浸溫泉，哈！Merry Christmas.....

不過呢度俾我感覺唔多好，又小款，連小小琉璜味都無，係我去過咁多個最唔吸引，如果自己去根本無可能！

Room入面都有個池，我地Hea左陣！

第二日，食完早餐我同老公又去左浸溫泉，人真係小得可憐

下一站就係北山古寺，又名萬佛寺，真係超多佛像！

另一邊係一個保育做得唔多好既摩涯石刻

之後沿樓梯上可以睇到好大部分清遠！

可惜天氣唔多好！

下一站就係酒店休息同晚餐，雖然話係美食團，不過真心無咩邊餐感覺係美食！

最後一日去左全個行程唯一我覺得值得去既寶晶宮！

真係可以講句別有洞天~~~

哈哈！

入面係鍾乳石形成，再配合燈光，都幾靚，不過就要好似行山咁！

不過年紀大既人就唔多岩！

下一站深圳

Overall黎講清遠都唔算落後，發展中，但真係要搭太耐車

同埋我真係唔鍾意鴨仔團！

20150101

2014對我黎講係出世後最難過既一年，呢一年喊過好多，但我好感激一路上有呢班人！

最尾一日當然同佢地一齊，仲有契仔一家！

咁多人，買左好多野食，三磅牛，二磅丸，羊，豬，蜆，魚皮餃，蠔，菇，菜，魚皮，牛拍葉，同魷魚………

飲品都買左好多支！

最特別係叫左隻燒豬，好大隻，十個人食完都已經飽左一半~~

我地仲交換左禮物，我地二個一份來自首爾，一份黎自青遠~~

都幾特別

成班人玩到五點先散，太青春了

好朋友一齊食物中毒

想幫其中一個朋友增磅，於是買左個團購燒肉放題！

點知食完相繼食物中毒，我又嘔又燒，好辛苦~~

當晚都食唔小野，又蝦，又蠔，又肉，又瓜！

得一個朋友無事，可能係因為佢無食蝦同蠔！？

望落其實正常，不過乾唔乾淨無得睇~~~

肉望落好味，應該唔關佢事喇！

其實蟹腳都有機會出問題！

不過真係唔知問題出左響邊~~

喜事浪接浪！

終於明白咩叫年底係去飲既旺季，我七月十月十一月都要去飲！

十一月更加係飲二場，哈，不過都係開心事，好替得到幸福既朋友們高興~~

可能自己經歷過，知道困難響邊，所以如果可以都會盡量配合！

朝早六點三起身，好彩係去屋企附近L Hotel.....

不過等化妝等左一個鐘，二個化妝師化四個姐妹用左二個鐘好慢！

玩完新郎返男家，敬完茶就去飲茶，一點左右就出發去教堂！

果日明明好多野都好急，但係又唔知點解仲有時間影到相！

不過大家都係爭住同女主角影，你靚你開心，我地班姐妹就開心！

六點幾先去到酒店，幫手佈置reception , candy corner, 相簿台......

可能人多，好快手搞掂哂！

當中你睇到宇珊用左好多好多心機！

Reception上面個人情蛋糕係佢自己整！好強！

準備過程中，佢係由頭到尾都無叫我地幫手，自己一個人連玩新朗遊戲都搞埋，我收到開門利是時都唔好意思~~~

可能真係唔同性格，我係咩都想人陪，麻煩友一名，哈，又不知不覺諗返自己結婚！

希望潘生潘太百年好合，永結同心！

CC Birthday Celebration & Wine & Dine Festival

1030係Celia 生日，佢揀左去飲茶，哈哈，好特別！

第一次去翠園，都幾好味，龍蝦湯鮮竹卷，好得意~~~

食完行左陣harbour city, 傾下計，之後我地分路前往美酒佳餚節！

等車半個鐘，塞車又塞左大約一個鐘，真係太誇張了！

真係人山人海，仲誇張過上次青衣戲棚，每個booth都有人排，我同justin先去台前面hea左陣，等埋Celia同Yvonne佢地就買左芝士plate, melt左果隻芝士好好味！

之後買左parama ham同沙樂美腸~~

我地買左桶裝，以為份量唔多，點知食完大家都好滯，已經唔想，再排！

之後當然要上kai tak新碼頭睇下，由上而下，人多既情況更清楚！

咁岩有條來自新加坡既cruise....好有趣，有機會我都想試下遊輪旅遊~~~

再出尖咀食左個面，返到屋企已經一點@@

呢一日好開心，但有d攰！

呢排食過咩正野！

麥生朋友帶我地去中環Landmark Cafe食晚餐，因為試人，Free 左Drinks & 甜品~~~

6個人叫左3個湯，個龍蝦湯真係好真材實料，叫左4個Main Dish，Pizza, 雞、龍蝦天使面、牛扒同魚柳!!!

個面真係好好食，魚柳就好特別，有D 泡響上面...........

不過最估唔到係果3個甜品係咁好味，無沙既梳扶里，芒果拿破倫，同心太軟~~~

好新鮮，好好味..........

呢一日又去左老公最愛間扒房食晏，Semi Buffet~~~

頭盤都係果D，我叫左件羊扒......

出奇地幾好味........

唔會好乾，有羊既SO 味，不過如果再香口多小小重正~~~

牛魔王當然食牛，不過佢話而家午餐平左，件牛無咁好味~~~

有一日又約左Fiona 同Lok Lok 食野，傾既野當然離唔開感情事........

我揀左位於灣仔既OVO Cafe~~~

 環境都幾唔錯，又可以行一陣傢私，是日食左一個蘑菇意大利飯，二個All Day Breakfast~~~

個飯都OK，不過另一個就差D......

2014 年對我同老公真係有好多考驗，雖然係咁，但越多考驗，只會令我地越拖得緊對方隻手

學媽咪話:"好難得搵到個人咁錫你，又咁靚仔....XD"

媽咪真係仍然好迷戀麥生~~~~

希望快D 到2015，我地會有一個好既新開始..........

熊大彩繪卷

同幾個同事去左整餅，哈哈，個個都整得好靚呀！

先跟個草稿畫個熊大出黎！

呢個稿好影響你之後個outcome……

再次證明我無天份！

好彩上左色之後都唔錯！好like 心心！

個個都好靚！

畫好就打個蛋醬，加埋色素同奶之後就可以放落焗爐！

Yeah....出爐！

卷好就搞掂！

越多白色，越可愛！

German Berfest @ Marco Polo HK

第一次參加呢個活動，係伴郎邀請，去到任飲任食！

都幾爽！不過我地都唔係食媽多，啤酒我唔岩tim呀！

地點原來就係酒店停車場！好大個幕！

豬手，腸走唔甩！

不過如果俾錢都幾貴下，都100~ 180

當日我地七點到已經好多人！

一大班人圍住個台跳舞！

可能呢排又食滯左，只係食左小小腸同豬手就唔多想食喇！

唔明點解要咁多security.....去完明哂！

香港其實真係好靚！

當晚唯一洗錢就係掉兵兵波，同打大力鐵錘！

除左live band當然仲有飲啤酒大賽，總括黎講，玩一次都唔錯既！