意料之外

估唔到我平時D遊記會有機會響YAHOO旅遊專頁登出黎﹗

哈哈﹗實意料之外﹗

謝﹗

Love @ Cebu Day 7 下

醒起附近間waterfront 有得做spa，應該小人d，同埋果度個buffet d人話好抵~~

點知去到間spa今個月裝修........><

個buffet 650 peso 一位

超多野食﹗不過無咩邊款岩食....=.=

最特別係有燒雞~~

我地6點開始食，點知一個人都無，好彩之後都多人d......不過開頭得我地2個霸哂成個buffet感覺好搞笑~~

 

7點半由酒店搭車去機場，最估唔到連跳錶都有得假，酒店d人話200 peso，我地跳到400 peso，果一下真係嬲﹗唔係錢既問題，而係佢地成日當d tourist 係傻仔~~

講真Cebu唔算多野玩，佢d人咁，我諗我有排都唔會再去呢個國家~~

因為無做spa，仲有成幾千peso，我地好豪咁響機場買野，食野﹗不過記住要留返550 peso離境稅~~

呢杯野唔好飲, 但要250 peso~~

 

 

機場d野貴出面一倍，不過Justin話最緊要洗哂d錢﹗佢話洗哂好開心.....=.=

航班delay左成半個鐘﹗不過誚真可能夜晚佢架機好穩，我次次回程都好辛苦，landing又好驚...今次land左都唔知.....

 

 

哈哈...我仲想買多d ga..........

不過已經俾人話~~~

呢7日激氣既野好多，不過我都好開心去到一個新地方﹗最緊要係同BBB一齊﹗覺得你都好鍚我~~

Love @ Cebu Day 7 上

最Last 1 日喇~~

唔係講笑，可以返香港我都有小小開心﹗其實每次去旅行之後我都會好miss香港既人同事﹗

又係呢d早餐...=.=

swim左一陣~~

我地間房就響swimming pool隔離~~

食我尋日響Mall度買既青芒﹗

好酸，不過點左糖就好好味~~

好鍾意ar~~

行下沙灘~~

不過同bluewater一樣都係唔多掂.....=.=

因為佢地2間響隔離~~

點解外國既天空特別藍!!!????

空氣特別好!!!????

好無聊咁響酒店行下~~

我地無出過露台~~

12點正就check_out~~Book左4點去Hilton做spa~~

行行下會大停電的shopping mall....=.=

臨走前仲食左2個雪糕﹗不過可能係我地揀錯味.....唔太好食~~

響超市排左好耐隊，搞到我地去唔切Hilton~~

因為我地知道5點有人book左﹗頂~~

Love @ Cebu Day 6

尋晚check-in已經聞到一陣花香....原來係呢d花~~

我地尋晚打電話俾個Agent，約定九點半響大堂等~~
(個agent個個都讚好，所以雖然佢貴過其他人，不過我都搵返佢﹗)

8點幾就起身食早餐喇~~

日日都咁好天，真係好正ar~~

餐廳就在泳池邊~~

不過無咩野食﹗雖然無flies，不過都係食左蛋同埋腸仔~~

準時九點半響大堂等，點知等等下成半個鐘都未有人黎，又電話都無個﹗

酒店d人幫我打去佢個手提(收費)，佢話黎緊﹗最後遲左差唔多一個鐘﹗佢話要去機場接客，但我覺得起碼要同我地講聲，唔通人地就係客我地就small business!!????

佢之前話由九半玩到四點，點知三點未夠話就黎落雨走人﹗

響保和去2個島先1100 peso，佢地收5000 peso~~

由酒店坐tricycle到pier，一分鐘都唔洗~~

如果要講呢個trip最滿意應該係Ryan，佢捉左好多野俾我﹗不過係鹹濕小小...........=.=

第一個島: 其實響海中心就放你落去﹗

d水超清~~

但好怪，一落水Justin就俾人唔知帶左去邊，Ryan就帶我去另一邊..........

咩事幫個賓佬影到d咁正既相ar????

Ryan捉住我隻手唔肯俾我放左d面包，原來咁樣捉住俾d魚魚咬感覺好得意ga~~

呢度魚既種類有好多﹗

同埋好大條~~

有時Ryan要我搭佢博頭，佢就用手攬住我條腰，之後再用2隻腳夾住我..........其實我感覺好怪..咩事浮潛會用呢d姿勢...........=.=

好彩Justin之後返黎我身邊..........

佢話帶佢果個guide掛住睇女仔，係咁帶佢游水......=.=

呢d angle 感覺好搞笑~~

表演水中吹冬甩~~

落海底捉咩呢......???

原來係雞泡魚ar.........

個質感好特別，時軟時硬~~成身都好滑.....><

真係好得意ar~~

一樣樣ga..........

 

個樣好惡....wahahaha~~

 

 

886

 

 

水中扮大隻~~

 

 

又捉野喇~~

不過Justin唔知又游左去邊.......

 

 

今次係海馬...

好似樹枝....

 

 

大大memo~~

 

 

呢條魚先大e~~應該成半張台咁....

唔知會唔會咬人﹗我唔敢游過去

 

 

浮左9個字左右，我地好鍾意第一個島，諗住上水休息陣再去浮過~~

點知已經去第2個島食飯~~

 

呢度都好靚~~

 

 

Ryan 話教我游水，教Justin吹冬甩~

 

 

點知Justin真係做到~~

而我!!???都識左浮既~~佢叫我第3個島唔好著救生衣.....

 

 

午餐都多野食~~~

 

可能呢度已經值1000~~

 

 

 

芒果超甜~~

 

可能新鮮真係整得幾好味~~

 

 

 

第3個島水質差好多~~

其中一個人捉海膽俾我地食~~

 

 

呢度又無魚，得海草~~

Ryan已經勁搵d野俾我地影相~~不過真係同第1個島無得比~~

 

 

 

 

 

 

玩左45分鐘又上水喇~~

講真浮既時間真係唔多﹗

 

 

Ryan同Justin 2個勁食~~

我都係覺得味道唔好﹗食左一隻jei~~

 

 

船上有5個人，一個嬸嬸煮飯、一個男人開船、Ryan同另一個就陪我地落水，ypol負責覆電郵﹗不過估唔到佢讀完大學~~

因為我地帶既錢響Bohol用哂﹗所以要麻煩佢地陪我地去唱錢﹗

但明明講好唱完就會去7D Factory，點知唱完佢話人地3點關門，有時真係唔知佢地邊樣真........

Ryan陪我地搭duk duk~~

duk duk原來好平，10 peso，不過你要睇清楚佢去咩方向﹗如果唔係有人帶真係唔識~~

Ryan 話因為落車果時d人會用個銀敲一敲車上面支管，發出duk duk聲﹗所以叫duk duk~~

我地留響個Mall度行左一陣，自己2丁友搭返duk duk返酒店﹗不過一路上d人都好奇怪點解我地會識~~

哈哈...感覺好得意~~

原本想試下一間叫the cove既餐廳，可惜搵唔到﹗於是又去左飯堂~~

呢隻燒雞不得了，咬左一啖，Justin即刻叫多個....係超好味~~

春卷麻麻...

不過其他都仲係好味~~

最後見人地叫湯我地又叫，點知呢煲超酸~~

我飲左一啖....=.=

雖然好多人都話Nypol好好人，好值得跟佢出海﹗不過我自己感覺就一般﹗可能因為佢遲到，同埋都有人sell過我地local tour，人地一開都係4000 peso﹗下次去我未必恉搵返佢lu~~~