麥生煮意

老公呢排得閒，又有心機煮飯我食，雖然係我話過佢想佢做多d屋企野！anyway都係好轉變！

終於都成功篜魚，原來要放好多蔥薑！呢條魚叫紅油，肉質都幾唔錯，只係$25條，好抵呀！

會再蒸多d魚黎食！

是日仲煲左個芥菜沙白豆腐鹹蛋湯，又平又好飲，去歐洲真係餓左好耐熱湯！

再整多個菜，呢餐加埋都係$59....

Transformer咁大制作實要睇啦，不過時間長，好多戲院都要$90張飛 2D....如果3D要$125好貴呀，於是去左總統八下，點知十二點果場都係$45....唔睇對自己唔住！

睇完都有小小失望，真係無咩故事性，好多為打而打！

但都要期待下一集...XD

又一日煮左個菠蘿炒飯，入面都幾多料，粟米，紅蘿蔔，立腸立肉，最重要係大量菠蘿，雖然放左好小調味，估唔到味道咁正！

有一日麥生煮左個咖哩，其實係用咖哩加蘿白，薯仔，仲煲左個老火湯，雖然味道酸左小小，不過應該算係佢第一次煲俾我飲！

仲整左個茄子，佢整茄子好好味，不如轉行做大廚啦！

端午節2014

端午節當日好好天呀，起身望到個天已經好開心，望到已經扒緊龍舟！

因為同事有比賽，於是落左去睇一陣，真係咁岩睇到佢果場，哈！

最後雖然無贏到，不過都幾得意呀~~~

香港仔河道其實好窄呀，每場最多四條龍舟！

之後去左將軍澳電負離子同埋剪短小小，今次stylist好識做，幫我緊髮根，收我半價！

剪完上左慈雲山想食小食館點知closed.......

有小小失望，不過約左蘇非，Iwin去睇XMan

套戲都幾精彩，氾ping ping好吸引呀~~~

網上面好多人話有d位唔明，但我又無咩特別唔明！

唔知下一套會用咩主題呢？

I really like XMan

大制作 vs 小品

星期六一早買定十二點總統戲院平價戲票，只係$ 40張，好抵！

揀左蜘蛛俠，我真係好迷呢d英雄片，不過可能呢幾年不停都有，其實感覺真係一集不如一集~~

呢集比較多交代劇情，我已經唔記得第一集，就呢集黎講真係好麻麻！

打鬥場面小之又小，又拖得好長@@

電魔又無咩睇頭！

新女新仔，可能先入為主，都係之前個Peter順眼d

朋友送左二張優先場俾我地，如果唔係送我地未必會睇！

都係果句有好多大場面但劇情唔吸引~~

故事好想將人性加入其中，但每段關係描寫得非常不深入！

she is still there......

唯一呢句觸動我的心

但制作睇得出非常認真，仔細！

哥斯拉係人類好朋友！？

同屋企人食完buffet, 揀左套輕鬆笑片黎睇！

但都估到媽媽會悶，因為睇字幕都未必領會到d笑位~~

不過又真係唔知睇咩好，港產片都無套想睇！

套戲idea得一個就係鄰里關係，中間當然有不同人物關係！

唔知呢？可能已經睇厭左大場面，有時一d簡單題材反而睇得舒服~~~

笑位都可以，如你唔介意美式

Humor

珍。惜

其實爸爸走左呢件事我同左好小人講，一方面唔知點講，一方面覺得爸爸無走，一切都無變~~

直到要送別爸爸果日，我同左呢幾個人講，我無諗過佢地當日就黎搵我，仲陪住我!!!

當下感覺一切盡在不言中..........

收拾好個人情緒，復活節長假約左大家出黎，睇左場戲<<那夜凌晨，我坐上了旺角開往大埔的紅VAN>><<，食左個飯，雖然有好多野想講，不過唔知點講，好朋友在身邊就已經足夠~~~

我會好好珍惜我地幾個之間唔可以用言語去形容既關係~~~

繼續來我家吧﹗

 

 2月6返左媽咪度一家人食開年飯，我地劉氏由4 人變到6人，好強呀~~~

假期又係朋友黎我地屋企既時間，星期六同左蘇菲 & 男朋友先去數碼港睇戲，佢地揀左賭場風雲，不過睇完真心覺得麻麻......

老公仲話點解周潤發要接呢D 戲~~~

之後就過左去我地度坐，蘇菲仲帶左蛋糕，Wow........

多謝厚愛~~

阿輝都黎坐左一陣......XD

 

之後詩韻，又帶左蛋糕，哈哈﹗

我地由8點開始傾，傾到12點先走，老公話搞到人地咁夜，好彩去銅鑼灣，轉小巴一個鐘唔洗返到~~~

星期日就超多地方去，先去老爺度，之後返返新屋，因為我屋企人黎，由3點坐到5點，諗住去食野，不過又落大雨﹗

最後夜晚去左搵老公個姑姐食飯..........

原本我約左Fiona 同 Lok Lok ，不過因為我係被最後通知的那個，所以都無得Say No~~~

不過終於都叫做完成哂D 拜年活動，開開心心等去沙巴.......

到底我個大阪遊仲繼唔繼續打好呢!!???

飢餓遊戲2：星火燎原

事隔年半再睇第2集，睇返上年篇Blog 原來我覺得套戲麻麻~~

估唔到去到第2集感覺上又幾好，可能我只係唔鍾意佢隨意胡亂殺人，但第2集好多時間講" Revolution"

勝利循遊內心既矛盾、再一次參加Hunger Game~~

一步一步，向叛變走去﹗

期待下一集~~

誰調換了我的父親

 

是感情還是血緣重要，是整部電影的主線~~

一個是自己親生骨肉 - 疏晴，一個是相處六年的非親生兒子 - 慶多，真是手掌手背都是肉﹗

我跟老公說:"如果可以2個小朋友都跟自己"

哈，原來不止富有的那家人這麼想，連窮的那家人也這麼想~~~

 

2個完全不同的背景，一個平凡，但知足，一個無所缺但非常忙碌﹗

到底怎樣的背景會較適合小朋友成長!!!?? 

小時候頑皮並不代表將來會沒有成就~~

這是我跟老公的不同成長背景的縮影，小時候很窮，但我很自由，今天雖然並非成功人士，但我知足常樂，相反老公擁有很多，但常因小事而不高興﹗

 

疏晴回到自己身邊，爸爸給了很多物質，花多了時間，但疏晴的心願是回到重前父母的身邊﹗

大人自私的想法對小朋友傷害極深~~

看到父親翻看著慶多為自己平時拍下的照片，淚不禁流下來了，不要低估了你對於小朋友的重要性﹗你可能是他生命的全部~~

 

很喜歡窮爸爸說:" 對小朋友來說時間就是一切"

老公不喜歡結局，但我就非常喜歡，會有自己思考的空間~~

雷神奇俠2：黑暗世界

 

返左工之後工作都唔算好忙，但總係訓得唔多好，令到個人比較支力﹗

裝修後好似都無咩時間去睇戲，老公餓左好耐，終於都有時間同佢拍拖睇戲~~

宇珊睇左，佢話麻麻，不過老公同事話好﹗

我成日都話睇大製作畫面都抵返，不過呢套戲劇情真係好一般~~

先無LALA走左個暗黑魔王出黎，帶左Portman去ASGuard~~

Portman 真係好靚....XD

都係打黎打去，又有好多唔Make sense 既野，仲要仲有第3集﹗

最憎係拖長黎做，好無謂~~

特殊身份

老公話好耐無睇戲，扭我去睇特殊身份，說真的我對宇宙最強甄子丹並沒有太大感覺

所以更沒有抱太大期望~~

感覺上是一套為大陸市場而開拍的電影，一半人都是說普通話，戲內一時香港一時海南島，令人很混淆﹗

老公說期望更多的打鬥，故事並未有任何驚喜，但也看出來打鬥場面是用心拍攝的~~~

因為張家輝、因為甄子丹，我看到安志杰是一個很努力的演員~~

要加油呀﹗

睇戲前到以前清亭的位置重溫以往越南的味道，結果又是失望而回~~

越簡單的菜式越難，再下一年要同屋企人去感受一下這個非常特別的國家﹗

BLT Burger & 被偷走的那五年

這段時間我們很努力挑選新居電器，洗衣機、爐頭、熱水爐、雪櫃、抽油煙機，電視............

不過實在太多不同型號、牌子、功能，令人眼花撩亂~~

如果每一個都要比較功能，真的非常困難﹗

所以我們先隨心看看不同牌子.......

熱水爐我們當然第一個想起TGC，現在有Package ，包括熱水爐、爐頭、抽油煙機..........

看上去很不錯~~

洗衣機第一個想到金章，老公說最好連乾衣~~

看到LG 有一個新產品，不用傳統皮帶拉動，Motor 保用10年，不過我們對於LG 仍有保留.....

雪櫃我希望買Panasonic ，因為現在我家正使用，感覺不錯﹗

電視比較不用畫面後，感覺上sony 跟sharp 最好看~~

價錢9,000 至 12,000 是我們Budget 內......

其實我很享受2個人去不同地方格價，研究功能，一步步建立我們的家~~

走完TGC, 百老匯，教協後，J 帶我去了BLT Burger，叫了一個Classic Combo~~

及試了一個Spare Ribs~~

Spare Ribs 雖然味道不錯，但太乾身.......

Combo 包括Burger, 沙律、薯條/格、Soda & 酸青瓜~~

包包味道不錯，可惜牛肉味道偏淡......

我跟J 提議在家造一幅這樣的Feature Wall，感覺不錯﹗

晚上看了被偷走的那五年，開始時已知道跟失憶有關，但之後跟我想像中有一點不同~~

不知道為何要描寫得如此慘!!?? 是為催淚!!??

J 看到如此慘情，不但沒有感動反而笑不停~~

我們都認為主線不清晰，有些凌亂~~

我想導演想說: 2個人在一起最重要是溝通，不要只用自己角度去看，其實對對方好，但他不一定這樣認為﹗

總而言之，失望了..............

名瞞戅族

3 日假期不過遇著打風都無咩好做，睇左套笑片﹗

其實係J 話想睇，我都係陪睇，荷里活式既笑片，講真我唔多識欣賞~~

4個原本完全無關係既人要組成一個FAMILY，偷運毒品~~

睇住佢地既改變，真係感覺一個 "家" 真係得來不易。

好彩我一早已經知道家人既重要性

雖然我成日都唔響佢地身邊，不過我知爸爸佢知我好錫佢~~

Photos copy from Yahoo

第一次不是你

Weekend 陪奶奶、老公去左拜拜公公，之後去左銅鑼灣食野，J 又揀返聖博殿炸豬扒~~

2個人影同一張相，點解老公影得角度咁差........@@

3個人食左好多野呀，1個豬柳Set (大)，一個2人餐 有蝦、豬扒、豬柳、芝士豬肉卷、蟹肉卷﹗

老公驚唔夠食，仲叫左2隻蠔...........@@

所以呢一餐係好飽嫁...........

之後我地2個去左睇戲，第一次不是可能我地已經不再青春，有D位都係接受唔到﹗

覺得多左，點解明知女朋友出黎做，仲可以支持～～

支持既係咪應該諗下點幫佢搵錢!!??

女主角又係叫阿寶!!

原本乖乖女，突然接呢D 戲，有小小唔慣，有D位感覺上為露而露

激戰

已經唔知幾多年無睇到咁緊張刺激既港產片~~

套戲雖然成2個鐘，不過你完全唔覺自己坐左咁耐﹗

成套片可以用流暢黎形容﹗

家輝BB 同彭于晏 2隻野真係操得好勁~~

Training 過程充滿左血淚~~

睇到佢地付出既努力，真係令人好投入﹗

到佢地第一次羅到台主，果份喜悅，我地都由心笑左出黎﹗

雖然唔知道MMA真正既打法，不過見到彭于晏被人打.......

真心感覺到痛~~

成套戲都好認真﹗

充滿男人味既一套戲入面，亦有唔小親情~~

真係好感人..........

當中亦有唔小笑位﹗

暑假真係好多好戲呀，推推推~~~