上星期

原來一星期無打blog喇﹗

因為上星期一直都忙緊個功課﹗連返工都一樣﹗

等我記低返上星期去過邊先﹗

星期一同Emily食完晚飯就一齊返學﹗

不過阿sir無幫我解決個功課既問題﹗﹗

星期二應該放工就返左去屋企做功課~~~

星期三請左一日假去做功課﹗

不過都有煲下湯煮下飯~~~

Justin放工就過左黎陪我﹗

星期四都有諗過唔返工﹗

不過因為唔想又留響屋企於是就返左工喇﹗

放工就返左去屋企做功課~~~

其實進度到星期四都係一半左右﹗><

4500 字做左差唔多2000字﹗

星期五又返左工﹗無心機做功課~~

放工去左Justin屋企﹗

佢有教我點做﹗

不過last part仲係做開個頭﹗

星期六一早起身﹗之後做3:30就send俾阿sir~~~5點deadline喇~~

可惜last part得 1000字﹗唉﹗算喇﹗﹗

寫寫下都唔係好知自己寫咩﹗

換左衫就出去搵Justin喇﹗

佢同Eugene響旺角過黎九龍塘搵我﹗

3個人一齊去深圳﹗

(搭火車撞到肥a﹗哈哈﹗笑死﹗)

訂左台食大漁6:30 食完10:00就去按摩﹗

點知我地遲左半1個鐘﹗張台俾左人坐lu~~~~

之後食左一間叫做九千既中式粒似酒樓﹗

佢有成幾十款﹗多野食到呀~~~

不過好多都係辣既﹗

點左鴨舌、手撕鴨、豬骨鍋、露筍、炒花甲仲有一個娃娃菜

我最鍾意個炒花甲勁香﹗好好味呀^ ^

Eugene就最愛個豬骨鍋同娃娃菜﹗

個菜好味不過好辣﹗

Justin最鍾意個手撕鴨﹗好入味﹗

個露筍令我諗起之前個email~~

哈哈﹗唔知我地食果個係咪塊指喇﹗

都幾抵呀~~一個人都唔洗一百﹗

好彩Eugene個胃口好好﹗如果唔係就食唔哂﹗

之後就去按摩喇﹗十點開始﹗之後一直按到2點﹗

今次覺得師傅應該比較支力﹗無上次咁勁﹗

我按按下可以訓著左﹗

之後去左休息室飲杯野﹗睇一陣電視就返香港喇﹗

返到屋企又係六點幾﹗

發現有一個台灣唱歌節目﹗好好睇呀~~

最後埋單3個人都係$450﹗﹗

而家RMB貴左好多﹗

唉﹗﹗$400換到353 RMB ja~~~

星期日當然係留家打打機、煮下飯仔、洗下衫啦﹗

Justin又再開始踢返波喇﹗希望仍然會有好多時間陪我﹗

唔覺唔覺佢無踢波個幾月﹗知道d波蟲搞到佢好辛苦﹗

可以踢即係好返﹗係一件好事呀~~~只要唔再受傷就好喇﹗

仲要第一次出返場隊波比賽就贏喇﹗^ ^永遠支持你﹗

東門+西堤+新美姿

星期五上唔到大陸﹗咁星期六起身就上去喇﹗

天氣好好呀﹗心情真係超好﹗

970X --> 火車 四點幾就到羅湖喇﹗

去到就換錢之後去左整眼睫毛﹗

好似唔係好夠長wo~~~

不過人地話夠自然﹗

我整左大概半個鐘﹗

Justin就響度打機﹗好搞笑俾2個細蚊仔圍住﹗

我隔離個婆婆好潮﹗不過好煩﹗

仲話我同Justin個樣好似﹗><

之後我地就搭mtr過去東門﹗

第一次搭深圳既mtr感覺幾好﹗好光猛﹗^ ^

仲見到個靚仔﹗哈哈﹗

之後行行行﹗其實都無咩買﹗

見到街邊就咁有人賣狗狗﹗好陰公呀~~~

佢地個樣好得意ga~~~

行到差唔多9點就搭的士去食野喇﹗

食Justin上次同爸爸媽咪食果間西堤牛扒﹗

前菜、沙律、湯、主菜、甜品、餐飲加埋有7樣﹗

同埋$100都唔洗﹗

好抵同埋都幾好味﹗^ ^

食左差唔多2個鐘﹗就再搭的士過去新美姿﹗

勁嬲呀~~

架的士轉左個彎就話前面好多車

如果去火車站要排半個鐘叫我地落車自己行﹗

我心諗點解要搭的士就係唔識路﹗唔想行﹗

咁做生意都得gei~~~超討厭呀﹗

仲要收我地$20﹗

第一次響呢度按﹗係名風介紹既~~~

換左衫就上房﹗

wa~~師傅話我條腰有d位側左﹗腳又係長短﹗

好彩佢話我去2次就會好轉﹗

按左2個鐘﹗好恐怖呀~~~~我俾佢按到d骨好似散左咁﹗

不過最後都係幾舒服gei~~~

而Justin條頸師傅就話比較麻煩﹗

要黎多幾次﹗如果去佢開既果間水療會可以幫佢針灸會好快d﹗

不過針灸好似好誇wo~~~

因為我地2個用同一個師傅﹗所以整整下都3點幾喇﹗

個師傅俾左張VIP card我地﹗

原本要$138既中醫雙鐘﹗而家$108﹗抵~~~

咁我地就一人俾左$50 tips 個師傅喇﹗

我地一齊去左休息室坐左一陣﹗

諗緊點好﹗

最後決定即刻走﹗

又搭的士去皇崗口岸﹗

(我覺得今次最唔抵係搭的士)

搭直通車去旺角﹗搵車返屋企﹗

對左咁耐終於都要分開喇﹗

Miss 田~~~~

6點幾先返到屋企﹗

訓到晏晝4點幾﹗

PS: 我用壓力煲煲既湯因為細佬飲完蓋返好﹗搞到酸左﹗><

星期日全日都係休息﹗所以功課既進度仲係0

三國

Justin飲野飲到6點先返屋企﹗

佢1點起左身就話陪佢上大陸﹗

佢本身應該勁支力﹗

我第一次用壓力煲煲湯﹗

整埋個飯俾細佬食就急急腳出門口﹗

原本話上到去換錢﹗點知我岩岩出門口佢就話過旺角換﹗

好喇﹗搭車去到太子喇﹗佢又話都係上大陸先換﹗

叫我響九龍塘等﹗

如果響九龍塘等我唔洗咁急啦﹗

>< 嬲呀~~

之後搭火車去羅湖喇﹗

我問佢”你有無帶回響証呀??”

佢先如夢初醒﹗

佢真係未訓醒﹗><

因為趕唔切約左個師傅﹗

所以唯有取消﹗

都唔知好嬲定好笑﹗

我地就去左旺角睇戲﹗

<<三國>>

Justin覺得<<投名狀>>好睇好多﹗

但三國係自傳黎ga ma﹗都唔同﹗

場面都係好睇﹗

估唔到Maggie Q會做到古代角色﹗

意外地見到吳建豪﹗哈哈﹗唔知Sammi會唔會睇呢??

不過不失的 一套戲﹗^ ^

之後我地就過左去九龍城食一直都想食既泰國野﹗

食左Winnie男朋友介紹既籽苗葉﹗

叫左個炒金邊粉、半打串燒、蝦餅﹗

全部都幾好味﹗

之後仲去左金滿堂食糖水﹗

好飽飽喇﹗

行街@銅鑼灣

放左工諗住同Justin去睇戲﹗

睇福音戰士

不過去左銅鑼灣我就想行街喇﹗

好開心呀~~~

去到b+ab明明記得係VIP sale﹗

點知係一部分貨品先係﹗

我睇中左4樣野﹗

一件背心、一件衫、一件連身裙、一件工人褲

試完之後條褲同背心都係一般﹗

連身裙係波波﹗衫係星星﹗買左﹗^ ^

之後就陪返Justin睇男仔衫﹗

哈哈﹗不敢認同佢既taste﹗正如佢都唔認同我taste一樣﹗

之後去左食台灣野﹗

食完野佢就返左屋企訓﹗之後2點出去同fd飲野﹗

近期佢同Eugene有d心病﹗

希望快d無事啦﹗

又一齊煮飯仔

原本想返屋企煮野同細佬一齊食野﹗

不過細佬話佢五點幾先岩岩飲完茶﹗

咁我就同Justin一齊返左去佢屋企煮野食﹗

返到去佢爸爸已經食左野喇﹗

Justin蒸蛋﹗不過最後俾我搞亂檔﹗

老哂﹗><

我就炒菜﹗

我就覺得炒得唔夠熟﹗佢話好味wo﹗

我地一邊陪住爸爸睇波一邊食﹗

爸爸每一晚都會去游水﹗

之後我地就一齊食雪糕﹗

哈哈﹗訓唔著好辛苦~~~~

又做Facial

見之後要忙功課忙考試就快快去做返個facial先﹗

今次整得耐左﹗因為fu左個paper mask~~

2個半鐘﹗

之後我見屋企d foundation就用完咪問下佢而家賣緊果隻點﹗

Haha~~一問之下就問左喇﹗

佢仲叫我買埋Powder﹗

其實我屋企都仲有2盒未用哂﹗

不過最後佢都係成功叫我買左﹗><

2件野$730﹗

好似好貴﹗

Ipsa都係$300一支﹗

不過算喇﹗

 “ 錢可以解決到既問題就唔係問題啦﹗”

而家又睇緊第2間既facial喇﹗

想試下modern beauty﹗因為Emily話有好多機﹗

我間野一次機都$270﹗如果加埋之前俾果d都成$700一次﹗

我真係唔想咁貴lor~~

所以如果modern beauty可以百幾蚊一次﹗

又有機做﹗咁我可能會join﹗

唔知呢﹗試左先啦﹗

逃學Monday

星期一原本係返學既日子﹗

不過最後我又無返到﹗

我陪Justin去睇完醫生之後我地就一齊返左去佢屋企﹗

又一齊整野食喇﹗

次次見到Uncle都只係識得叫佢一聲﹗

唔知點解真係會唔知講咩好﹗><

整返熱春捲﹗(Carmen放假之前整定ga~~~)

仲有湯、意粉同雲tung~~~

一邊食野一邊睇恐怖片﹗

我驚到食唔到﹗><

之後仲傾左一陣個功課﹗

可以快d搞返掂個功課就好喇﹗