子彈頭

尋日又去左荃灣整個頭﹗

終於都整左喇﹗

um~~大概整左2個半鐘﹗

不過唔知點解間野勁多人﹗

搞到個髮型師都無咩時間理我﹗

好多時間都係果d唔知咩國籍既人幫我整﹗

當然佢地都整得ok啦﹗

最後最唔鍾意係太貼同埋個陰整碎左唔夠厚﹗

希望快d長多d 厚多d 順多d

而家真係好貼ga﹗我叫自己做子彈頭﹗

塊面睇落又會好肥好長﹗

><  

已經一個星期喇﹗

小葵子點解仲未有動靜ga~~~

希望佢快d破土而出，快高長大﹗

咩事咁黑仔吖~~

原本plan左星期四我去剪頭髮﹗

Justin就陪fd~~

咁一放工就由灣仔搭mtr去荃灣﹗

六點半就到喇﹗

因為唔知會整到幾多點咁我就買左個包包食﹗

之後仲去左 7 eleven 想買支水飲﹗

點知想俾現金既時候發現個銀包唔見左﹗

明明同Emily 食Lunch既時候我有俾錢ga~~~

咁應該係我放左響公司個台面﹗><

已經好唔開心喇﹗

咁岩Justin放工打俾我﹗

我就叫佢過黎救我﹗

因為唔想老遠過左黎又無整到﹗

好好彩我有一個幾好既男朋友﹗

Justin差唔多七點黎到﹗佢話肚餓想食野﹗

咁我無理由唔陪返佢ga~~~

我地食左一間好難食既叫做想不起來﹗

一切都麻麻fu fu﹗

個雞扒好似唔係好熟wo~~

個意粉同個飯既汁好似苦苦地既???

個湯好油呀~~~

成個set得個蒜容包同杯野飲係ok﹗勁灰﹗

食到差唔兔8點就過去剪喇﹗

Justin諗住陪我到9點就過去搵fd~~

點知我剪開果個髮型師休息﹗

一星期七日佢得一日休息我咁都中???

唔緊要啦﹗叫第2個整都好啦﹗

點知佢又話要7:30之前到先可以整游離子﹗

叫我聽日再黎過﹗

我地又遲左喇﹗

ai~~~Justin又約左fd 9:30 wo~~

咁我地就行下荃灣啦﹗

又無咩野可以行﹗

總之由放工到返屋企都無樣野好﹗

最好既就係Justin為左我搭左成30個站﹗

雖然咩都做唔成，不過我都好開心﹗

因為我有Justin~~~

五月的第一個工作天 + 西門町台灣美食

因為之前一直都放自己假，所以直到6號先第一日返工﹗

其實都唔係好想返﹗

因為之前一晚訓我好差，差唔多3點先訓﹗

同埋一諗到返去又係做d無謂野都真係好唔想返﹗

返工果8個鐘真係好悶呀~~

好彩放左工有Justin鍚返﹗

我同佢都想配新眼鏡﹗

見有2張coupond 咪去旺角睇下﹗

不過用左coupnd之後都仲要成 $700 一副﹗

好似唔係好抵wo~

同埋我都係響屋企戴﹗所以都係睇多幾間先﹗

之後就去左食野﹗

因為睇左不眠皇宮個Blog介紹就去左試西門町台灣美食

個set包左好多野﹗

我地揀左拼盤、茄子、腐皮、肉臊飯同擔仔面

款款都OK好味﹗

Justin 叫左杯芋香珍珠奶茶、我就叫左蜜桃玉露﹗

芋香珍珠奶茶勁香好好飲﹗

仲要咁平﹗

抵試呀~~~

之後我地行左陣鯨華同潮特﹗

Justin想買條新牛仔褲、2件shirt﹗^ ^

(放工拍拖拖好開心﹗)

又請多日假

星期一因為Justin請假﹗

我地2個就留左響屋企煮飯仔﹗

訓醒又點幾2點喇﹗

我負責牛肉、洗菜、炒菜、叮飯﹗

Justin就炒牛肉、蒸蛋﹗

因為個蛋蒸得老左Justin就自己再整多個蒸la腸﹗

好似好簡單﹗不過都幾得意呀~~~

我地勁吸引蚊﹗

我一俾蚊針下就有一大塊印﹗

Justin就一粒粒﹗

屋企響山邊係幾舒服，不過咁就會有好多蚊﹗

因為種左小葵子要更加了解向日葵﹗

已經放左5日假喇﹗

 

花期 : 夏季
花語 : 仰慕、光輝、凝視著你、高傲
日照 : 全日照；日照不足時，葉子容易生病枯黃，抵抗力也會變弱
管理 : 在生長期間不用太多的照顧，適當的供水即可，但是等到花苞出現時，水分需要大增，這時就要增加給水。
水份 : 水分適中，土壤不可積水；澆水時不可以直接淋在花朵上。
施肥 : 花苞出現時，要定時追加開花肥和增加給水，向日葵就會長得又高又大。
繁殖 : 向日葵是以播種法繁殖，而且全年都可以播種，不過以春、秋兩季最好。
向日葵的種子很大粒而且容易發芽，可以選擇日照充足、排水良好的地方，把土壤深掘敲碎，將種子種入約2公分深的土中，並且要避免土壤過度乾燥，必須經常澆水，讓土壤保持一定程度的濕度，約5～7天就會萌芽。
栽培的土質以含有豐富有機質的砂質壤土或壤土為佳，排水和日照一定要很好，因為日照如果不足就不容易開花；植株長高時要設立支柱來防止花莖折斷；花蕾長成後必須多灌水，來保持土壤濕潤，花才會長得好。

被愛感覺多麼好

之前咪日日都同Justin一齊﹗

有一日我地去行街買野﹗

我好肚餓之後見咩就話食咩﹗

有間泰國野，我指一指個炸蝦餅﹗

佢就話我 : “ 又食炸野，呢排都成日都食好多熱氣野﹗咁會好易生粒粒﹗”

我一聽到就轉身走左﹗

之後我地去左食面﹗

我地都無咩出聲﹗

只見Justin不停按電話send sms﹗

之後直到搭車大家就講返野﹗

我個電話就收到佢個sms﹗

同我講岩岩語氣唔好，佢係擔心我生粒粒，怕我又唔開心﹗

^ ^

其實果幾日假期成日都訓得好晏﹗

通常都係3/4 點訓﹗到 3/4 點先起身﹗

咁我就同佢講覺得浪費左d 假﹗

結束果連體80小時﹗

平時我會send sms同佢講thanks﹗

因為我係好珍惜2個人相處既時間﹗

點知俾佢快過我﹗仲同我講對足我咁耐都唔悶﹗

仲好開心有我陪﹗

um~~~被愛感覺真好

我愛你Justin~~~~

仍要努力維繫2個人之間感情﹗

連體80小時

因為星期五請左假﹗

所以連續有4日假﹗由 30號至3號都會同Justin一齊過﹗

30號放左工就過去太子等埋Justin去Biem羅返之前買果件褸﹗

之後就行左一陣旺角﹗

不過買唔到野﹗

八點book左台食芝士火鍋﹗

地點 : 尖沙咀瑞士餐廳

點左 3個菜

1. 鵝肝配黑飯 2. 什菌芝士鍋 3. 安格斯牛扒

個鵝肝好好味呀~~~~

芝士鍋好大鍋，估唔到我地2個人都食得哂﹗

牛扒唔好味﹗

身後既都係外國人﹗真係好小香港人﹗

短時間都唔會再去食lu~~~

因為唔係太鍾意﹗同埋覺得唔係咁抵﹗

3個菜 $600﹗><

食左差唔多2個鐘﹗

之後再行左一陣﹗

可惜好多野都關左門﹗

之後就一齊返左屋企喇﹗

睇左一套Justin推介既戲﹗

好恐怖呀~~~睇得出係小本製作﹗

講述一家人架車去探親戚中途一家人撞鬼﹗

成個故事好完整﹗真係唔錯~~~

訓醒已經好晏lu~~之後就折禮物﹗

我整既果一本靚靚相簿﹗同埋I Love U 牌既向日葵蛋蛋﹗

可以自己種更有意思~~~

首先用Cutter開左個頂﹗放入種子用滴水法淋濕泥土﹗

希望小葵子快高長大﹗^ ^

整下野食 (其實都係整返熱Carmen既野食)

我地仲睇左 <<Over her dead body>>

因為睇靚太唔易做而認識女星Eva﹗

我覺得佢好靚﹗

唔知點解總覺得佢係巴巴JaJa既女仔﹗

個角色好match到佢﹗

睇左另一套叫 << Misery>>

又係恐怖片，不過係心理上既恐怖﹗

星期五我地2個訓醒之後就出左去唱K﹗

真係唔知幾耐無唱過K喇﹗

仲食左個K Buffet﹗

好開心呀﹗好夾﹗

火鍋 + 好多野食﹗

之後就去左數碼港睇<<功課之王>>

其實之前Shirley話唔好睇﹗

我睇左又唔係咁差wo~~~

個故事都幾得意呀﹗﹗

星期六陪Justin去將軍澳剪頭髮﹗

佢本身剪開果個髮型師無返﹗

叫左第2個剪﹗剪到佢勁唔鍾意﹗

之後去左太古行街﹗

haha~~Justin話對住我咁耐都唔悶wo~~

 

向日葵的名字由來

向日葵因花朵正面常向著太陽轉動，而有「太陽花」、「日車」、「迎陽花」、「日輪草」和「望日蓮」等別名，帶給人強而有力的感覺，在秘魯更被認為是太陽的象徵。花朵碩大的向日葵是秘魯的國花，在該國非常受人喜愛，無論足神殿裡的飾花、供花，女祭司的胸牌、髮冠等，都是飾以黃金鑄成的向日葵，因此被稱為「秘魯 的黃金花」。
不管向日葵是否真的隨著太陽而轉動，古今中外倒是流傳著許多有關於此花的傳說。此花大如臉盤，莖桿高直挺拔，當花朵盛開、葵花子漸趨成熟時，也許因重量的關係，總足含羞似的低著頭。至於隨著太陽轉動的故事或傳說，則大多來自希臘神話。
話說漂亮的少女克萊荻亞 (Clytie) 非常愛慕英俊瀟灑的大陽神阿波羅，可惜落花有意流水無情，傷心的克萊荻亞只好以絕食來博得同情，以露水充飢，以淚水代茶，希望有 一天能獲得阿波羅的愛。經過九天九夜不眠不休的盼望，雙腳已變成了根，瘦弱的玉體變 成了枝葉，蒼白的小臉則變成了花朵。克萊荻亞容顏雖改，但她的心卻永遠不變，臉龐始終仰望著太陽，阿波羅駕著馬車載著太陽走到那兒，她的眼神也就跟到那兒。這朵癡情花也就是今天的向日葵，也許，它還盼望著有一天能重拾失落的愛情呢！當然，這也是花語「愛慕」的由來。
向日葵原產於美洲和秘魯等地。1569年，西班牙 Monardes 在他所記載的美洲植物中 ，曾描述了這則沒有結果的羅曼史，一時之問，使大家對它充滿了好奇。到了17世紀，幾乎整個歐洲都普遍種植了向日葵。此外，美國的歷史上也記載著摩門教徒的男人，在橫越猶他平原時，一路撒下向日葵的種子，讓他們的妻子、兒女，能依著向日葵的蹤跡找到他們開拓的地方。