祖高爾

第6位係10號球衣Joe Cole

生日日期: 1981-11-08

職位：中場

 

 

10號咪同Justin一樣﹗唔知呢~~~總覺得10號球衣既球員係全隊最叻﹗

祖高爾都幾型wo~~~

期待9月的新開始

之前plan左9月尾10月頭同Justin去一轉日本﹗

因為9月尾10月頭係low season﹗

不過9月我應該要轉工喇﹗

於是轉左9月中﹗

尋日收到消息公司9月會請過個新人﹗

咁即係唔同我續約﹗

應該係之前Manager問我讀完書諗住點﹗

而我又好”誠實” 咁答左佢我會搵工﹗

其實而家知佢唔續約我都無咩野﹗

覺得仲好因為可以迫自己真係9月搵過第2份工﹗

(不過個個都話我蠢唔應該話佢地知我會搵工﹗)

應該等9月去完旅行先轉工﹗

但日拖日，月拖月，唔覺唔覺已經做左呢間公司年半喇﹗

我真係好厭惡~~~

覺得自己好似好廢﹗

成日都同自己講我係全職讀書呢度係返暑期工﹗

轉左工如果好忙又讀唔到書又做唔到野仲衰﹗

就係咁浪費左一年響而家呢個部門﹗

哈哈﹗一個月無返幾日，成日鍾意返就返唔返就自己放假﹗

就知我對於而家呢份工係無咩留戀﹗

咩一一樣令我會唔捨得既就係Emily~~~

由一開始我咩聲都唔敢出，到而家成日都走過去同佢講野﹗

Emily真係陪左我好多﹗

佢令我而家份工開心好多﹗有佢陪我傾下我咩壓力都無哂﹗

我真心覺得同Emily係好朋友﹗

希望我走左仲有機會一齊去玩下﹗

探下佢女女﹗^ ^

Thanks Emily for your caring~~~~

希望明天會更好~~~

施治

第5位係1號球衣Petr Cech

生日日期: 1982-05-20

職位：門將

 

 

估唔到施治咁細個﹗首季他替車路士上陣便有上佳演出，更打破了舒米高在英超長時間不失球分鐘的記錄。

施治擁有優秀守門員的所有條件，身材高大，反應快，而且判斷力準確，在適應時候往往棄關出迎，處理單刀波方面，更是他的強項

佢戴頭套個樣真係好特別~~~

期待回歸20週年煙花﹗期待我們的10週年~~

上年既7月1我同Justin第一次響灣仔睇煙花﹗

我以為年年都有得睇﹗

但原來係因為上年係回歸十週年先有﹗

咁即係要等到9年之後先再有得睇﹗

上年第一次回歸紀念煙花﹗

就係我地2個一齊既第一年﹗

Justin就話真係好岩~~~

仲話要約定我9年後都要一齊睇﹗

到時就係睇住回歸20週年煙花﹗

慶祝我們的拍拖10週年紀念﹗

不過要同另一個人一齊咁長時間都係第一次﹗

(講到真係會一齊到十年咁耐﹗)

唔知呢十年會點﹗不過而家開開心心最重要~~~

I Love You~~~

殺神特工

難得一日的公眾假期~~

訓到點幾就起身Shirley買左外賣黎同我一齊食﹗

睇返之前錄既 <<法證先鋒>>

真係好好睇呀~~~

之後我就出左去油麻地搵埋Eugene買飛睇<<殺神特工>>

 

Justin黎左一齊食野﹗再一齊睇戲﹗

其實一開始真係好精彩~~~

不過個故事去到最後就越黎越怪﹗﹗

 

遠距離子彈~~都市賽車~~槍擊戰~~精彩到抖唔到氣﹗

聽返收音機有聽眾話睇Angelina Jolie個背已經值回票價﹗

 

不過佢又真係幾索﹗﹗

火車果幕都好正~~~

呢d咁大既場面到底點拍到既呢~~~勁呀~~~

唔鍾意個男主角無方向，其他人講咩佢就信咩﹗

唔鍾意Angelina Jolie咁樣死法﹗

(可能佢堅守自己信念掛﹗)

一粒子彈殺到10個人真係好誇﹗

因為一匹布就殺人，居然有咁多人信﹗

(不過有時候故事就係咁，聽故唔好駁故﹗)

睇完戲去左食糖水﹗

點解個豆腐花唔滑既???不過有成粒芒果好抵﹗

迷濛濛的測驗~~

上星期一終於都開始左最後既一科﹗

但今個星期一就要測驗喇﹗

因為之前果晚睇完波訓得太小~~

我一上堂已經訓著左﹗

最後既果個鐘已經要Test喇﹗

但唔知係咪我訓覺壓住眼神經線﹗

搞到對眼好濛﹗

差唔多半個鐘都唔係好清~~~

其實都有d驚﹗﹗

好彩之後都清返小小﹗

係要睇Test果d細字係有d辛苦~~~

Justin同我講叫我睇下醫生因為可能視網膜移位﹗

如果遲d再有d咁既情況我會聽話去睇嫁喇﹗

快d讀完呀~~~唔該

歐國盃決賽

行完街就去左Justin度等睇波喇﹗

德國對西班牙

之前果幾場有組織有攻勢有體能既德國去左邊呀???

成場波都幾失望﹗

成日都傳左波，又攻唔到﹗><

只可以講一句西班牙抵贏﹗

踼得好好多﹗

十亞王既波歷克真係好慘呀~~~

費蘭度托利斯真係好勁呀~~~

不過我都係想陪下BB口者﹗