重陽節因為我屋企傳統係女仔唔會去拜山既﹗
而Justin屋企人上星期已經拜左，咁佢又陪我啦﹗
我地起左身就落左樓下食早餐
揀左好好粥面，叫左一個牛腩面、一個生菜凌魚球粥、一隻糯米雞仲有一杯華田
樣樣都好味﹗
食飽飽之後Justin要去比賽呀~~
我就留響屋企搵下工，執下野﹗
其實好多人同我講而家經濟差﹗
慢慢搵工﹗不過我真係覺得響屋企好悶
等人放工等人陪既日子我都厭喇﹗
不過都算係有好消息﹗
10月9號我會去見2份工而10月10日又有1份﹗
同埋最緊要係我都幾有興趣﹗
而家唔講d detail住，等見成左先講啦﹗
不過我要俾d信心自己﹗
希望自己有一個新開始
呢段日子多謝Justin用好多時間陪住我﹗
Love u
星期二係公眾假期呢2日我又同Justin一齊喇﹗
等Justin放左工我地就去左尖咀搵埋佢個Best Friend一齊食韓燒~~
食野都應該OK，不過其他就唔好喇﹗好似上次唱K咁就可免則免喇﹗
原本我想食返新高麗，不過Justin搵左一間響利時附近既叫韓國燒烤屋﹗
果條街有好多婚紗店，有我最想影既法國婚紗﹗
燒烤一至四 $98，六日公眾假期前就 $108 (都幾抵﹗)
不過限時 1小時45分鐘﹗
哈哈﹗我地8點開始食到10:30都無人理wo~~
應該係唔多人就唔會叫你走﹗
野食就唔算多款，雞、牛、豬、羊都叫有齊﹗
最好味係魚同yao魚﹗魚肉好入味....yao魚就好多汁﹗
不過個爐好細，哈哈﹗睇下放到咁小野就知﹗
係咪見到一支支銀色既通由上面通到個爐度???
睇落就好得意，好似唔會好大油煙，不過都係有ga~~~
同埋Eugene勁唔聽話成日整起果個野想同Justin傾計﹗
應該唔係鍾意既﹗係太耐無見Jei~~~
韓國前菜就有10款左右啦﹗
好彩都有我最鍾意既酸瓜同Justin最鍾意既魚仔~~~
YEAH~~大食情侶﹗
Justin食左勁多野，我都食左OK多呀~~~不過Eugene就食左勁小﹗
Eugene同燒烤屋老闆對話
Eugene: 嘩，佢地咁大食老闆你快d收起d野，唔係食到你執粒啦﹗
老闆: 係呀，好快就執啦﹗
食完野，行左一陣就返去喇﹗
Eugene話覺得Justin咁多個女朋友入面對我最認真同最好﹗
唔知呢~~~不過聽到都開心gei~~~
故事由王生救了小唯開始，江都城不斷發生有人被殺而且被剖腹挖心，佩蓉認定小唯就是那隻妖，但大家都很喜歡小唯，連佩蓉丈夫王生都不相信佢.....
佩蓉 "成全"小唯和王生到底是因為愛可以令人為對方放棄所有還是佢對自己對丈夫沒有信心??
小唯對王生的愛又到底是不甘心，還是....
我覺得成套戲都唔錯，都算是有意思﹗不過我覺得情感描寫唔夠深入，唔夠說服力﹗
愛一個人唔會計較得失，可以連自己的命也不要﹗
理論個個都識得講，但又有多小人可以做到﹗
我始終相信愛人先要懂得愛己﹗
始終周訊都是一位好戲之人，甄子丹是一位打得之人﹗
可以一睇﹗
我又再一次瘋了~~~
套戲係講一個以色列特務佢為左脫離打打殺殺既生活而去到美國夢想成為一位髮型師﹗
我以為係一套得個笑字既戲，點知係勁鹹濕ga~~~
我同Justin都睇到O哂嘴.....
唯一可取就係上面果個巴勒斯坦女主角佢好靚﹗
可能係想用輕鬆手法講種族衝突~~~
但我真係唔識欣賞~~
Justin爸爸去左泰國
媽咪就去左台灣~~~
咁Happy Friday就得返我地2個人Lu
不過其實都係同平時既Happy Friday一樣，睇DVD，食野﹗
呢幾日其實都諗緊一個問題~~
一個睇落去唔存在的問題
可能係胡思亂想啦﹗可能....
可能定期發作一次之後一服藥就會好﹗
可能過過下就響不知不覺間好返﹗
唔知呢...心病還需心藥醫﹗
不過而家唔理得咁多﹗
搵份工大過天﹗
點解突然間經濟會差左咁多???
不過我無後悔過離開﹗
因為我想長大﹗我要長大﹗
希望我的晴天可以好快到來﹗
請耐心等待~~~
國慶有煙花睇﹗
爸爸食完飯之後同媽咪講佢想去睇﹗
媽咪話驚人多唔想去﹗
不過最後佢地2個響7點都出左門口去睇煙花~~~
講真響我心目中爸爸係一個幾難相處既人﹗
從來都係有佢講無人講，好易就猛就發火
(不過我知呢d性格都係因為以前好多既野﹗)
其實細細個爸爸唔係同我地一齊住，果陣時可能幾個月先見佢幾日﹗
每一次見爸爸佢都對我好好﹗我想要咩都有，從來都唔會鬧我﹗
連大聲小小講野都會同我講 "我唔係鬧你﹗"
由細到大我都覺得媽咪同爸爸都最錫我﹗
後來一齊住之後先發現原來爸爸都有難相處既一面﹗
有時候會莫名其妙咁講d傷害媽咪既說話~~~
細佬又成個孤獨精咁唔出聲，只係識同我爭野食野玩~~
我都試過好唔鍾意屋企....
媽咪都話我響屋企成個苦瓜乾咁...
直到上一年媽咪同爸爸相繼有事﹗
果一下我好驚....
因為我覺得我仲未報答到佢地既養育之恩，佢地仲未享過咩福﹗
如果果一次真係有咩事，我會好後悔，後悔無同佢地真真正正去玩過﹗
後悔無關心佢地多d...
後悔照顧過佢地....
我打開相簿真係搵唔到幾多張一家人既合照~~~
所以而家我好感恩，佢地仲響我身邊﹗
時間係唔等人嫁，當我認真咁望清楚日日都響身邊既爸爸同媽咪我真係覺得佢地老左好多﹗
我應承過我自己要對佢地好d.....
而我亦發現細佬都改變左﹗
當我同佢提議一家人去玩下，佢都會一齊﹗
只要一家人一齊就夠喇﹗
記得以為我問過媽咪一個問題 "點解你可以同爸爸一齊咁多年既??"
媽咪就話 "有時相處就係要忍下，雖然爸爸有時係難相處，但有時佢都對我好好﹗"
可能呢d就係執子之手，與子偕老既方法
我知道佢地2個一定可以白頭到老﹗
朋友同男女朋友都未必可以同自己一生一世
家人就真係會切肉不離皮﹗
以前既我咩都係朋友先，而家我會俾多d心機落去同家人相處~~~
爸爸，媽咪我愛你地~~~
星期一晏晝去左見一間Agent~~
佢教左我好多野﹗覺得佢好勁呀﹗
heehee~~
之後就去羅新con喇﹗
Justin果日都收早，之後我地就一齊返左屋企食Dinner~~~
佢話我隻眼好似蛇眼﹗唔好纏死佢wo~~~
星期二11點去左好遠既一間公司interview
其實我都唔係好想做因為太遠同埋係一間好細既公司﹗
不過當去見下都好﹗
見完覺得個boss好好人﹗haha~~~
原來30號晚Justin要去Ocean Park 哈佬喂﹗
不過最後佢決定唔去，我地又一齊去左旺角睇左d package~~~
佢話1月又想同我去大板旅行﹗
台灣、星馬、菲律賓都想去﹗
不過6月又話去英國﹗一年點去到咁多地方呀~~~
真係好有錢咩﹗
是晚Dinner好好味，有自己整既羹、金姑九菜餃、Carmen既菜同雞比﹗
2個人仲好無聊咁砌返Justin細個果時d玩具~~
好多細細粒既人....
10月又開始喇﹗
一早就食左個英式早餐﹗
我只係整熱d面包同搽果醬﹗
唔知點解次次Justin陪完我，要分開我都唔開心﹗
