星期一，雖然我地已經對左好多日，不過因為我屋企返左大陸，無人陪我食野，於是就算阿田放左工要開會我都等佢收工之後一齊返屋企﹗
平時我會準時收工，不過反正都係要等，就收遲10分鐘啦﹗wahahahahaha~~
之後就響灣仔行左一陣，再搭丁丁過去上環
經過金鐘
經過中環
終於都到達上環﹗
我仲好無聊咁去偷睇一下，阿田開會，不過真係好多人，我搵唔到邊個係邊個﹗而我又怕會俾人知道......
行左西港城一陣，見無咩做就食左個糖水
唔知點解突然好鍾意食豆腐花~~~
加埋楊枝金露都幾夾wo~~好味﹗
雖然要等個幾鐘，不過可以見到你覺得好開心呀﹗有你陪返，咩都抵啦﹗下次唔洗話唔好意思要我等咁耐ga~~
等一世都等﹗
諗都無諗過會睇呢套戲，不過Justin朋友話想睇，咁我呢個跟得夫人都會陪睇gei~~
差不多2小時，有部分都幾緊張﹗
但有時雙方談判對話就有些悶埸.....
唔可以話喜歡，但都感覺唔錯﹗
看到都市人那種壓抑的生活﹗
睇戲途中，我地不停猜測到底下一個死的人是誰....wahahhahahaha~~好無聊~~
我覺得騎劫犯根本沒有想過可以全身而退......
佢只想證明，自己還有能力在股市上有作為~~
是太傻了嗎!!!!???
還是我們不能明白那東西對那人到底有多重要﹗
可能比生命更重要~~
星期六又係出動既時候喇......
原本想去踩單車，不過最後因為太晏，改左去行街睇戲
出到去都差唔多4點，行左一陣就去食野喇~~
因為太子都叫多野食，但又未食過，所以都係抱住試下既心態~~
極上隔離有另一間，不過我地最後都揀左極上....
Justin笑得好醜呀~~
兄弟都要影張....佢地話呢張好似擺緊post~~wahahahahaha~~
呢間有幾款壽司係一碟3件既，整體都ok...不過就太軟身...
清酒雞窩..好味呀~~d雞仲好滑﹗
$48都唔係貴呀~~~
串燒，我無食呀~~$8一串
介辣八爪魚，元氣好味d~~
漫魚炒飯，好味wo~~又大碗...3個人食岩岩好﹗
芝士沙律焗帶子
呢個就太油喇......
呢個油金魚腩都唔好味，佢解凍既時間唔夠，有好多冰水......難食﹗又油wo~~
呢張係我幫油金魚腩自扮ga~~wahahahahaha~~
Overall黎講都ok gei~~以上total $250
之後就去督波同睇戲喇.....
星期五無咩特別地方想去，當然就係一齊煮飯仔既好時機啦﹗
今晚想整2個送 1. 炒粉絲 2. 滾蘿白湯
粉絲 一札 蝦米 適量 (先用水浸軟)
蒜片、薑片、黃芽白
芡汁: 蠔油、糖、白糊椒、Salt~~
先爆香蒜片、薑片，加入蝦米，煮一陣，再加入黃芽白，煮大約5分鐘，加水再加入粉絲同芡汁再煮大約一分鐘就完成了﹗
檢討: 因為我好鍾意食粉絲，太貪心放多左一札，搞到唔夠水，d粉絲痴到一舊舊...好Ugly~~同埋手腳慢既要預先調定個汁﹗下次一定會整得好d~~~
(食譜抄自笨B媽咪﹗)
【材料】2 人份量，一人一大碗
白蘿蔔 半個 (揀肥大、重手的，一個約一斤)
魷魚仔乾 4 隻
瑤柱仔 約 20 粒 (落大瑤柱當然冇問題喇！不過我覺得呢o的瑤柱仔都好 good，又抵食)
水 2 大湯碗
薑 3-4 片
油 1 湯匙
【做法】
1. 蘿蔔去皮切片 (如圖中大小厚薄)
2. 魷魚仔乾、瑤柱仔洗乾淨備用
3. 先用白鑊 (或小鍋，唔落油) 烘香魷魚仔，烘到有香味就 good 啦
4. 下油一湯匙，爆香薑片，放入蘿蔔片炒一陣 (增加香氣 & 減低寒涼)
5. 加水 & 瑤柱仔
6. 用中火煲約 15-20 分鐘，蘿蔔片變軟就 ok 架啦！
當我準備緊材料時先發現Justin屋企d 瑤柱用哂，咁佢就問佢工人仲有無啦﹗點知佢工人話係俾我用哂........
下!!!呢個罪名好大wo~~我印象中響佢屋企煲過2次粥，係有用到瑤柱，平時我地煮飯都係用即日買返黎d料﹗Justin就話Carmen係因為唔鍾意我用佢個Kitchen~~自問用完有時都會執返好，係有時無洗碗﹗Justin唔俾我洗...............唉~~~~
無瑤柱個湯都無咩味....=.=
4月去完DR PRO，6月原來都有去一間叫Doctor's concept~~
用左$500買多2次Facial......
試下邊間好d~~
點知上次同polly佢地上大陸polly話DR唔好﹗
(佢係做美容果行ga~~)
雖然做facial 因人而異，不過聽過人地話唔好始終都會感覺唔好....
我都諗住用埋呢幾次就唔去ga la~~
尋日再去Doctor's concept試做左一個皮膚再生Facial~~
開始都係 remove 左make up先啦﹗不過成個facial完左之後我用紙巾抺下塊面發現佢都唔乾淨........
好彩呢間唔會針清，如果唔係就真係好危險~~
之後就按面，呢part我加左好多分，因為真係好舒服
不過之後用果部再生機，就搞到我有d怕怕喇~~
佢有d電流過我塊面，感覺唔多好，同埋佢係一邊有電一邊好似無咩電力﹗
仲有我feel到d 貼甩左，同個staff講佢又話無﹗雖然到最後佢都有幫我整返﹗
做完之後感覺係真係水左gei~~唔係做facial黎做咩呀......
之後走之前個staff 又叫我買多幾次，俾$2000買多8次，仲俾多好多種facial我揀，不過我都say no~~佢就話我皮膚差左呀.........
咁我就同佢講我朋友話唔好join DR，佢就話自己同佢地無關係既~~話我係自己做Facial，唔應該聽d朋友講﹗傻豬咁叫我﹗=.=
不過點解DR PRO同DR CONCEPT 咁似，同埋大家都響同一棟大廈﹗其實而家既我做唔做facial都差唔多，可能我太懶，隔好耐先去﹗幾時先搵到間係自己覺得好好ga~~
而家用渣打信用Card，去Godiva購買一杯Chocolixir 加多一蚊多一杯。
原本要$42一杯(我覺得都幾貴ga)
不過而家$22都ok~~
有3隻味，mint、Dark chocolate同埋berry
我係唔食mint ga~所以Justin就叫左Dark chocolate同埋berry
Mine: 其實都係加左d醬落去朱古力入面，不過感覺無就咁飲朱古力咁甜....(下次都係試埋mint啦﹗)
Justin's Dark chocolate，可能我地加埋Cream啦﹗真係好heavy~
我地2個都係飲左半杯就勁飽喇~~~
除左Heavy 之外，其實都幾好飲﹗值得試，不過下次唔好加Cream喇~~~
好鍾意自己咁著呀~~
買多d，呢種style先....
點解我又會同Justin一齊???佢本身要去食飯，我就要返屋企，不過佢要去我隔離搞埋中醫藥委員會d野﹗所以佢就黎接我喇.......(其實都唔sure佢係咪真係星期3過黎搞﹗)
我放工佢就打電話黎，話響我公司樓下，不過我搵極都搵唔到佢，之後我以為佢講大話玩下我，點知佢突然響我後面出現﹗wahahhahahahah~~好開心﹗唔知點解我見到佢就會好開心﹗I love u babe~~
唔知大家仲記唔記得6月2日我地投訴過一個中醫﹗
事隔差唔多3個月喇~~上星期終於收到中醫藥管理委員會回覆
但唔係件事有咩發展，而係叫我地俾資料。
要俾證明而家個病點、果間中醫既病歷同埋要上去中醫藥管理委員會簽封信證明自己所講既係事實﹗
如果你問我，我覺得佢地反應真係好慢，都3個月啦﹗而家先叫我地再俾資料，講真3個月可以做好多野，唉~~真係好慢~~
同埋要上去真係好麻煩，講真阿田要返工ga ma，中醫藥管理委員會收5:30，真係無咩人可以咁早去到﹗
其實我都開始覺得算喇，真係好煩，不過當阿田打去趙醒楠跌打醫館問佢羅返個病歷，佢地既惡劣態度令我地又再一次覺得唔可以放過佢。
講真我地唔係想佢吊銷牌照 / 要咩賠償﹗我地只係想有人知道有d咁不負責任，咁態度惡劣既中醫﹗
致: 中醫藥管理委員會
敬啟者:
本人於2009年5月27及28日於趙醒楠跌打醫館求醫及完成一次超聲波療程後腳踝仍感到痛楚。於是在2009年6月12日及7月30, 31日前往馬嘉烈醫院求醫，當時醫生建議本人定期作物理治療，現附上轉介信，以作證明，及後於2009年8月31日早上10時半，本人再次致電趙醒楠跌打醫館，要求取回病歷紀錄，但趙建昌醫師指出並沒有替病人建立病歷紀錄，只有收據，在本人再三要求取回收據下，趙建昌醫師態度非常惡劣地說: “ 你咁痲煩嫁，收據俾左會計保存。如果你強烈要求，得﹗你咁鍾意羅，你咪得一年囉。”
投訴人
6月2日篇Blog~~
http://hk.myblog.yahoo.com/cherrylauljay/article?mid=2266
