曼谷 2011 Day 1B

 

按腳媽咪話都幾舒服，之後我地去左BIG C 食雪糕火鍋~~

 

哈哈﹗好彩叫左一個無叫其他，唔係一定食唔哂﹗

 

 

果個9個雪糕球都唔係細嫁~~

 

加埋D生果同朱古力，FULL~~

 

成個SET只係259B﹗

 

食完就上左去BIG C 樓上行Super market

 

 

好大好多野賣呀﹗

 

可惜durian唔係時節，唔係媽咪佢地一定crazy左~~

 

 

買左小小零食就返酒店休息左一陣~~

 

魚條、薯片、紫菜、beams 都係我地favourite~~

 

 

之後第一次搭酒店shuttle 去BTS站出去siam食晚餐~~

 

其實BTS都幾貴，一個人一個站收15B，2個站已經要25B，可能你會話2個站 HKD$6都可以接受，不過當你搭的士成個鐘都係100-200，你就會話佢貴~~

 

所以之後果幾日我地盡可能都搭的士，由酒店出發一定搭，因為酒店的士一定係跳錶，但返酒店就無喇，一定係講價，我印象最深係去chatuchat 酒店的士去 83B，不過返佢地堅持200B，不過最後我地都揀左搭的士，因為搭BTS 一個人35B，即係140B，一個人加多小小唔洗行上行落................

 

 

我記得5年半前都黎過呢度，不過真係唔同哂﹗

 

門口有D怪公仔......=.=

 

 

咁岩有個Food Fair，我地行左一陣，不過無野睇岩，媽咪居然買左個"稯"，係端午節食既"稯"

 

 

落到去原本想去d餐廳食，不過見個food court 咁大又咁多野食﹗於是想樣樣都試下~~

 

先買左個菠蘿炒飯(120B)同埋一個fish ball noddle(45B).............

 

之後我同justin出去再買........返黎既時候，d野食俾佢2個消滅左........

 

真係失禮死人...........><

 

 

於是我地2個既晚餐只係有串燒X5同春卷~~

 

我話再買，Justin唔肯~~

 

 

最後仲行左siam 既night market，不過d野就真係唔多岩﹗

 

次日前往大皇宮~~~

 

其實去左bangkok果幾日都識左酒店附近既地方名，喇dum列...哈哈﹗

曼谷 2011 Day 1A

第2朝一早就起身，真係好早9:00 即係BANGKOK果邊8:00~~

尋晚搭車見到酒店附近有間McDonald's 於是去食個快早餐~~

bangkok Mcdonal's 應該貴過香港~~

我地叫左3個set，300B......都幾貴

去到泰國一定會同"合十"叔叔影相.....

當年我隔離既係Celia，今日變左係當日既團友Justin Mak~~

食完返酒店羅埋行李就搭的士去市中心，臨走前去睇一睇個pool~~

其實都幾細，最恐怖係我坐緊果張野有d臭....=.=

taxi都幾抵，240B + 70B highway fee~~

又快、又響正酒店門口俾我地落，即刻有Bell boy幫手羅行李﹗正~~

順利check in Courtyard by Marriott (呢間住3晚)

房靚過第一晚果間好多，又大，又乾淨.........

睇場床已經睇得出個分別~~

有人已經好想 "攤"響度喇...........

我地間房個view都幾好﹗雖然只係6樓，不過都幾開揚~~~

個泳池如果再大 d就更加好~~

好出發﹗第一站4面佛﹗

好近我地酒店，只係5分鐘路程，媽咪呢d神婆當然想第一時間去拜下啦﹗

當年我無黎拜，因為唔識，同埋驚要還神~~

不過今次同埋屋企人一齊，我許左多個願望..........

希望下年可以再黎還神啦﹗

其實都係想大家都開開心心，健健康康~~

響入面有一檔賣香同花，店主識廣東話，又list左價錢，唔怕俾人當水魚啦﹗

50B買左2個中花加一包香~~

唔知點解泰國D花總係好新鮮好香.....

一入到去就有表演睇﹗^ ^

書上面話順時針方向每一面拜一次，每面3支香.....

估唔到justin同媽咪一樣............神心

最後同水洗一洗對手~~

我地好多時都會經過，真係幾時都咁多人，連夜晚11點都仲有人~~

拜完就過去隔離既Erawan商場Nara Thai Cuisine食lunch~~

當時係bangkok時間12點，之後就越食越多人，仲要等位﹗

不過食完我地就明白喇，真係好味，環境又好，感覺好乾淨~~

豬肉豬肉丸河、炒芥蘭﹗

蝦炒金邊粉﹗正﹗

雞仲有個泰式牛河~~

4個人食岩岩好﹗仲要樣樣都好味~~

最後仲要食第一個芒果糯米飯~~

呢一餐total : 965B (包括10% Service charge同埋7% tax)好抵~

尋晚唱果$500都差唔多用完喇，要去唱錢﹗

經過central world，big c，去到水門街，之後好易就搵到super rich~~

我地入左去先記得自己無帶passport，辛苦justin要大熱天時跑返酒店﹗

怪只怪我地太小心，驚passport唔見....=.=

一口氣唱左$6000 X 3.91 --> 23460B

之後轉戰central world，不過行左唔夠3分鐘已經feel到唔岩媽咪佢地行，我地入去d鋪佢地就響門口等，都唔睇﹗

我響nayara睇左一陣，買左個card holder同埋散紙包，見佢地唔多岩就叫佢地去按下摩﹗

原本媽咪唔肯，佢話不如佢同爸爸返酒店~~

但我覺得好搞笑jei~~一場黎到返酒店，玩野咩﹗

最後我都迫左佢地去按摩﹗

響super rich 附近有幾間按摩店，我揀左7th sense，因為都幾平，350B按一個鐘腳~~

安頓好佢地，我就急急腳返去Central world行行行...........

不過我地發現其實都無咩野岩，因為都唔吸引~~

同埋得一層係叫做岩我地小小，其他層數都唔岩~~

響商場入面原來都有一間按摩只係300B一個鐘，仲抵又近﹗下次真係要睇清楚先~~

哈哈﹗算唔算浪費左好多時間呢!!???

估唔到行行下都見到車路士，Justin勁開心﹗我地影左好多相......

哈哈﹗傻瓜~~~

佢話第一次咁近見到個盃~~

一個鐘好快就過喇~~又係時間搵返屋企人﹗

其實佢地又唔買野又唔想按摩，我真係唔知仲可以同佢地去邊....=.=

家人同遊曼谷2011 - 試搭約旦航空 +機場酒店

5日5夜既旅程"嘩"咁快就完結左喇﹗今次我一定要打左BLOG先~~

唔可以爛尾~~

哈哈﹗3月3 準時6:00放工就過去SOGO對面搭巴士去機場﹗

其實我一早做左online check in 早一個鐘到已經ok~~

塞塞下差唔多7點半先到..........

媽咪佢地好早就到左喇，justin就再遲小小先到~~

約旦航空響terminal 2，即係平時terminal 1 對面馬路~~

不過去上機果邊就要搭2次無人駕駛都遠遠地嫁，要預多點時間~~

check in 完，我同justin快快手食左個burger king~

驚飛機餐唔岩食......

好早就last call，不過佢係寫去安曼，唔係bangkok~~

bangkok只係轉機站~~~

我以為佢會提早飛，點知都係繞左成半個鐘先起飛﹗

其實唔delay我已經好滿意，其實我search過班機都幾準時~~

機艙入面都幾新，每個位都有電視﹗

有film，有game，都幾唔錯嫁~~

戲都幾新，justin睇緊toy story 3~~

每人仲有張毛毯、一個枕頭，耳通............

飛機餐，個飯都幾香﹗所有野都比我諗既好~~

比airasia 好，雖然途中都有小小震，不過都正常~~

回程仲好穩，舒服 ^ ^

2個半鐘就到bangkok機場lu~~

bangkok好大，不過指示唔清晰，我地又唔知要填入境紙﹗

一個字煩~~

之後羅埋行李，唱左$500 x 3.77 --> 1885B

落機搞搞下都差唔多用左一個鐘~~

好快就搵到酒店專車接我地返酒店lu~~

The Cottage Suvarnabhumi Hotel

睇agoda 酒店好似同機場好近，不過都行左幾遠....=.=

入到一d住宅區，我真係唔信酒店有4星﹗

同埋真係同上網睇感覺好唔同~~

仲要咩都無，真係無下次lu~~~

之後快快手就訓喇﹗

第2日一早起身玩~~