Niji

睇完戲就去左尖咀諗住買下野﹗

上次響COLLECT POINT睇中既野都未買~~

點知我想買果D無哂貨，點知JUSTIN會睇中件褸~~

到最後都JOIN左個VIP，但果一千蚊係佢用既...><

激死人喇.........

算食餐好既~~

揀左想食好耐既NIJI蛋包飯﹗

火腿沙律﹗我同JUSTIN都覺得唔錯﹗因為我地成日都食PARAMA HAM，平時一包4-5塊已經 $50-$70

呢個有3塊，抵﹗

沙律七汁﹗梅子、醋、芝麻、芥末、千島、面鼓、油.....估唔到我記得哂﹗哈哈....

但味道都唔係好突出，最好味係第一隻梅子~~

好彩都新鮮

除左火腿同菜仲有一個包包同埋一隻蛋~~

其實隻蛋好得意﹗但唔夠香~~

環境都幾好 ^ ^

湯揀左蘑姑，勁濃，好飲，不過飲完已經半飽~~

估唔到個包包都幾好味

一人一杯DRINK~~

藍梅SPARKLING~~

佢話教我點揸杯..........=.=

我揀左士多碑利MILK SHAKE~~

好香好好飲

因為唔知會咁飽，一早叫左2個飯....

溶岩包飯~~

入面有小小雞肉~~

我就揀左芥末汁牛肉蛋包飯~~

個樣都好靚，好唔好食!!???

因為我係一個超愛蛋包飯既人，所以唔洗講啦﹗

如果COMPARE 2個飯，我果個蛋香D，下次要試下其他味先 ^ ^

其實每個食左一半已經好飽~~

最後2個都食滯左.......=.=

哈哈﹗下次都係唔好叫咁多野

買到野既JUSTIN一定好開心啦.........

我又想買呀﹗

愛．別讓我走 (Never Let Me Go)

星期六原本去深圳，不過我唔舒服，於是只係睇左套戲行左陣街同食左餐飯~~

原本想揀愛美麗的謊言，不過因為時間問題於是轉左 <<愛．別讓我走>>

我以為只係一套簡單既愛情戲.......

點知.........

3個人一齊成長，2個女仔鍾意同一個男仔~~

原以為那裡是孤兒院，但原來............

TOMMY明明就係鍾意CATHY......

但我唔明點解佢會同左另一個女仔一齊!!???

其實呢套唔可以叫做愛情片.....

我諗佢係想探討人生既意義﹗但可惜唔深入﹗難有共鳴~~

就算你既命運早已注定，但我相信只要努力一定可以改變

我信我命由我，不由天﹗

Is any different between us??

留響吉隆坡多一日的原因

原本係想多D時間響峇里，5月29號即轉機過去，玩到6月3先返吉隆坡，玩一日，4號返香港

(機票仲未有平，所以仲未BOOK，反而連沙巴都有平，又係500都唔洗，不過香港有直飛去呢個地方，而家轉機去好似好玩野咁﹗可能最後去浮羅交怡都未定...哈哈)

但係俾我搵到個留響吉隆坡多一日的原因﹗

就係呢間酒店 - 黃金棕櫚樹度假村

 

上年8月響AABB個Blog度睇到呢間新酒店(2010年5月開業)

果時見到已經好想去住，不過我訂機票果時唔醒起，後來做下Research又俾我見返佢~~

當年一晚只係$1300，我以為會貴左好多，At least 一倍~~

點知原來一晚都係$1600﹗抵住...

呢種係最平既Travellers Palm Villa

都已經好ok~~

另一個角度~~

連toilet 都有seaview...死未~~

但我諗最平果d房，應該唔係自己一間屋﹗

而應該係呢d，justin話想住樓下，不過我知道，就算住樓下都無得跳落水，因為d水好淺~~

呢度應該係餐廳，不過黎得呢d地方都預左附近無野食，野食一定貴同埋未必好多款~~

我地會響呢度住一晚，先響機場食左lunch先，晚餐睇下食唔食buffet / 自己整野食，早餐包左，午餐會返返出市區﹗所以我諗應該都唔會有太大問題 ^ ^

night view﹗都真係幾好，我真係好希望可以見到gayana果個滿天星空呀﹗

呢個係Premier Travellers Palm Villa，貴小小不過張床好似大d~~

響露台睇日落!!???

房ok，view ok，野食應該問題不太﹗咁響呢度有咩玩呢..........

就咁睇到呢個POOL，我知道我已經無左半日.......

真係好鍾意INFINITY POOL.............><

客人可以任意享用度假村內各式各樣的活動，包括獨木舟、風帆、陸上風帆、水上健身操、沙灘足球、沙灘排球、放風箏、高爾夫球、瑜伽等等

好RELAX 呀﹗

之後響市中心租間4-5星既酒店，最緊要位置方便 ^ ^

咁到底去唔去BALI好呢!!???得返4日，好似好小咁呀.......><

訂左馬航吉隆坡機票

尋日終於都打左電話去國泰度取消張機票喇~~

哈哈﹗係呀﹗到今日先死心﹗其實我地係驚屋企人擔心所以最後都係取消去日本....

之前一直都物識緊可以去邊個地方取代﹗

朋友問我點解一定要去旅行﹗哈哈﹗因為JUSTIN放16日假，唔係響香港過呀..><

真係諗左好耐，做左好多RESEARCH﹗

越南有平機票$1300，不過時間勁怪，晚去早返﹗同埋我地對呢個國家唔係太大興趣，又要簽證 $350一個﹗

沙巴，覺得好正既陽光海灘，一直都想再去﹗不過搵唔到平機票

韓國07年去過，感覺唔多好，唔鍾意果度既人，不過見佢可以玩多幾日都一度想轉去呢個地方，不過宇珊話夏天去無咩好做，冬天可以滑雪同埋溫泉，就算搵到平機票到最後我地都決定唔去﹗

亞洲想去既地方都差唔多去哂﹗澳洲一直都好想好想去﹗不過無平機票同埋我只可以放到10日﹗學會得我一個人，真係好難放耐D....>.<

之前澳航6300 2個人來回，如果訂到可能真係會去﹗哈哈﹗不過我唔明點解澳洲TAX咁鬼死貴﹗CRAZY~~

其實仲有幾個地方係想去就既馬爾代FU、關島、同埋峇里~~

點知無意之中俾我見到馬航都平平地去到吉隆坡~~

1400 + 6XX (Tax) = $2100

價錢同AIR ASIA差唔多，不過早去晚返，有野食、有電視睇，應該唔會DELAY掛~~

吉隆坡轉機可以去好多地方，快快手訂左先~~

訂左5月29出發，6月4返﹗TOTAL 7日﹗我覺得可以玩耐小小嫁﹗話哂2個地方﹗不過機票所限﹗

而家諗緊轉機去咩地方﹗首選當然係峇里啦﹗

不過搭AIRASIA / 馬航由吉隆坡去都幾貴要1300 - 1600一個人，不過其實平過我響馬航直接訂香港去峇里(都係響KUL 轉機﹗) 連TAX: 4500

加埋2100 即係差唔多3500﹗但都好似貴貴地............

(呢個已經係暫時我搵到最平既方法﹗)

如果去浮羅交怡平好多，2個人連稅1000都唔洗﹗

如果去丁加奴 Kuala Terengganu ，2個人連稅1200左右﹗

花多眼亂﹗不過呢程內陸機我應該唔會咁快book~~

要等佢有平先﹗

同埋大把地方可以揀~~

yeah~~希望air asia快d有平啦﹗啦﹗啦﹗啦﹗

買買買買食食食食......

上星期六原本話去深圳，點知2隻豬訓晏左~~

之後我就提議JUSTIN陪我去荔枝角行下街食下野﹗

呢排買野既意欲有小小返左黎﹗睇中左COLLECT POINT個袋+裙+衫

加埋大概1100-1200，可以JOIN埋個MEMBERSHIP

不過仲未行動~~

果日我地差唔多2點到左深水埗﹗搵左一間OPENRICE好多人話好味既茶餐廳~~

豬手面只係 $15，公司3文治就貴小小 $22

入面好多料，熱辣辣.....正

不過都係新美姿果件公司治最正~~

呢碗就係$15既豬手面

估唔到好入味，又LUM~~

轉戰荔枝角，JUSTIN好有心機咁同我行，睇中左2對鞋，買左其中一對﹗仲有1件衫

對鞋係水鞋，係我想買左3年既款，$350，要訂，2星期之後羅~~

最衰呢度無男仔，唔係我地可以行耐D~~

之後轉左去旺角，響民華食左個TEA

鵪鶉蛋燒賣，估唔到味道都幾好 ^ ^

好入味鳳爪

超厚西多士

行左一陣太子，去左APPLEGREEN 晚餐

好奇怪佢地勁多吉台

但又唔俾人入，我地7:30入去，佢要我地8:30交台﹗

呢D咁既MANAGEMENT真係好差~~

一坐低就叫野食，明太子意粉、拿破崙茄汁+肉丸、WASHABI薄脆、FULL PORTION 沙律

野食唔洗5分鐘就到，我地話如果只係食一個鐘佢D野食仲要殊耐先黎，真係會打人~~

個明太子意粉都OK，係咸左小小，同埋D意粉好硬~~

個拿破崙茄汁+肉丸就麻麻，無咩味，D肉丸仲好硬~~

意粉都係硬....=.=

個薄脆味道唔錯，呢D香口野好難唔好食~~~

沙律就普通﹗咩都無﹗早知真係加D雞啦﹗=.=

JUSTIN仲叫多左個芝士通粉﹗

個汁都幾濃，不過D通粉都係.....未熟哂，唔係生﹗哈哈.........

SO FAR呢餐都強差人意﹗

不過我下次都會去試下佢其他野，睇下會唔會好食D~~

Mou Mou Club + Pray for Japan

Happy Friday 知道維園有活動支持日本.........

於是放工快快手去食晚餐，揀左MOU MOU CLUB~~

好搞笑去到世貿中心樓下，有Swatch event~~

我地同一班"斑馬"影相，so funny.......

上次食晏同過同事食，夜晚就第一次﹗

午餐可以叫SET: 一碟肉+任食菜、姑同丸~~

夜晚就係任食放題

一入門口已經講到明只可以食個半鐘﹗我地揀左$138 牛+豬任食~~

先每樣野羅小小試下先﹗

justin話樣樣都ok，仲好味過牛陣~~

估唔到d丸都幾彈牙，金姑唔知點解都好味過平時果d~~

呢碟肉我地encore左3次﹗好味 ^ ^

湯底我地揀左昆布同埋豆乳，其實味道都差唔多﹗哈哈.......

其實打邊爐個半鐘都幾急，不過都可以食到好飽~~

佢1:15分之後就叫我地埋單﹗我地1:30先食雪糕，坐多8-10分鐘左右，就有人同我地講"你地真係夠鐘喇，真係要交台........=.="

其實門口真係好多人等緊﹗哈哈﹗算啦........

因為Justin考試合格所以今餐我獎勵佢，我加左人工要再請佢食餐勁先~~

之後就轉去維園﹗

我同justin都捐哂銀包入面d錢﹗之後第2朝去食野先醒起無錢﹗真係傻豬~~

希望日本人好好振作，日本快d回復以前既樣子啦﹗

真係好多人，好鍾意大家無分種族，無分國界.......

如果唔係到有事時，大家都可以咁團結就好喇~~

香港人真係好有心~~

再次重溫果d畫面，真係難免難過..............

希望世界和平，人人平等，生活得開開心心﹗

單身男女 (Don&#39;t Go Breaking My Heart)

同事話想睇<<我和妻子的1778個故事>>，唔知點解上左一個星期港島只係有3個地方有，仲要好小場次~~

於是轉左睇單身男女.......

買左飛先知原來尋日第1日上畫~~

故事好簡單，2個男仔追1個女仔

古天樂，有錢，有面，又有型，好多女人痴埋去，定力唔夠成日都做錯事.....

可惜子欣一早就鍾意左佢..........

吳彥祖都有錢、有面、都好靚仔、都好有型、火星男對自己一條心

可惜子欣好似鍾意古天樂多d~~

你係子欣你會點揀!!??

同事一出黎就問我﹗我答佢一定係揀火星男~~

雖然可以同自己鍾意既人一齊好幸福，但如果佢成日做錯事，咁即係代表佢唔夠愛自己~~

當然同鍾意自己多d，好錫好錫自己既人一齊既幸福又係第2種﹗其實好難比較.....

感情世界從來都係好複雜，無得去計算到底邊個愛邊個多d﹗

邊個付出多d~~

同埋就算可以忍受古天樂成日做錯事，但佢既幼稚行為真係唔掂~~

吳彥祖就唔同呢，從來都無傷害大家之間既感情﹗

佢帶女主角去蘇州果一段、同求婚果一段，我真係有小小起雞皮~~

表達愛既果種心思﹗哈哈..........

雖然我都知世界上應該都唔會有呢個咁好既火星男，不過每一個人我諗都會希望另一半對自己如珠好寶~~

套戲中間都幾多笑位~~

我地2個都覺得個女主角唔太靚~~

希望我身邊果個都係火星男啦 ^ ^

其實佢都幾錫我呀，響戲院出面等左我9個字﹗