越南站餐廳@大坑

而家個BLOG好似週記咁呀.........

哈哈﹗公司忙，返到屋企想抖多D，星期六日又好多時出街......

好似今日咁就同JUSTIN去左旺角食野、行街、買野~~

而家好多野減價，不過唔知點解我無咩興趣買衫....=.=

佢就買左幾件裇衫﹗真係好抵

食晚飯仲撞到宇珊，好搞笑呀........

尋日HAPPY FRIDAY，因為成日響銅鑼灣都係食果D野，真係食到厭.........

於是又去大坑﹗其實大坑都唔算多野食﹗好多都勁細間~~

下次一於去天后試下~~

上次食過拉面、咖哩，今次試下個越南野..........

佢有2間，一間越南站一間新越........

因為門面，我地揀左越南站

JUSTIN叫左出名既蕃茄牛河~~

我覺得麻麻、牛肉無味~~

呢個粉皮勁呃錢，無料又無味..........> <

唔明點解響個餐牌係推介又有星

其實我好唔鍾意佢成日食食下飯傾電話~~

一傾就傾成幾個字﹗勁討厭~~

不過佢真係好多電話，永無放工.........

我就揀左蟹檬，反而呢個幾好味﹗

但應該好多味精，2個人食完都好想飲水...........

呢間服務真係一般，都無人幫我地加水﹗

其實見其他人食果D野好似OK，不過無下次LU~~

婚期．分歧

經過上次果件事之後我地為左買樓，結婚呢D問題嘈過好多次﹗

多到連我自己都唔記得喇﹗

差唔多一個月一次，其實咁又次以黎佢都無俾一個明確既時間表~~

每一次佢都係話:"而家未係時候，唔會洗屋企既錢，但一定要買左樓先~"

安居先可以樂業，其實呢D我都聽到麻木哂..............

其實如果你問我，我覺得好多野都係佢要求太高﹗

試問我地而家2X歲，會唔會咁快有首期仲要同時夠錢結婚~~

2樣野如果要體面小小都講緊100幾十萬呀...........

可能一開始我鍾意呢個人已經係錯﹗

我好明白司棋話好想搵一個可以照顧到自己既人

我都好需要

而家既我實在明白得太遲..........

如果你問我仲愛唔愛佢，我會答你愛，好肯定

但原來愛唔可以解決哂所有野﹗

現實生活係需要好多錢﹗

其實佢覺得我迫緊佢，但同一時間我自己都好辛苦~~

我同自己講，而家要好努力咁儲錢﹗

錢儲左一定無壞~~

女人始終都要為自己打算﹗

始終只有自己最愛自己...........

BBQ @ Deep Water Bay

星期日同幾個同事一齊去左深水灣BBQ~~

不過個活動係IA龍舟隊搞既..........

我叫埋女朋友仔陪我，驚到時唔識人，都有個朋友陪住，會比較好.......

是日天氣唔曬，又有陣陣海風，都幾舒服~~

去到坐左一陣，都幾多人，應該都有40人﹗

2個大爐，放D野響上面燒，唔洗點理，好好呀~~

FIONA & 樂，飲BEER~~

ME & 女朋友~~

扮燒﹗哈哈﹗好好味~~

腸仔、雞亦、蝦、牛扒、羊架、鮑魚、魚、姑姑.............

樣樣都好好味呀~~

之後如果有機會我都會再主動出席多D其他活動，要認識多D朋友...........

食飽飽出返去銅鑼灣行街，屋企D護膚品用哂，要再入貨~~

今次試下MIOGGI，買3樣野有15%OFF，呢度只係$670﹗

一支PEELING、一支TINER、一支CREAM，中間果D 係FREE GIFT~~

唔知咩原因呢排個下巴又生野，唔通係果支新ettusai 卸妝油!!!???

以前試過用SHU，勁生野，對卸妝油都已經驚驚地

但水又好似唔夠乾淨......=.=

用左2日PEELING感覺好似好左，唔通我真係毛孔太塞!!???

Happy For you

朋友下年4月就結婚喇.........

星期六一早起身就出去陪佢試妝試衫

好彩我遲到都無MISS到D重要野﹗

去到岩岩好整好第一個造型~~

第一個妝好BASIC，簡單，不過佢個頭整得麻麻...........

同我平時BLOG睇果D差好遠﹗

之後轉第2個造型，佢加多左小小眼影..........

個頭就全個盤起，婚紗頭都係咁.........

第3個造型就更加唔掂，勁散.........

我叫佢再揀過第2個，慢慢再試真D~~

不過呢間個PACKAGE真係好平，結婚當日咩都包哂﹗

之後試衫，佢地睇中左件婚紗都幾靚，仲要再揀多3套衫，有2套我覺得都OK，仲有一套就俾佢地9月之後影完婚紗相先再去揀~~

好幸福呀﹗其實搵到一個自己鍾意既人唔容易，搵到一個自己鍾意又鍾意自己既人更加唔易............

如果可以結婚一齊生活更加係超級唔易.........

C 搵到 J，J 搵到 C，不過我地都發現原來愛係唔可以衝開一切問題.........

哈哈﹗講講下開心野，但又講返自己D唔開心野﹗

ANYWAY 要祝佢地開開心心﹗白頭到老~~

興趣發展: THAI BOXING

哈哈﹗我同個個人講我想去THAI BOXING但都無人信...........

其實好耐之前已經想試下﹗

因為跳舞節奏唔易跟、YOGA 又太打靜態.........

真係想學樣野好玩又強身健體~~

機緣之下見到同事有學，於是叫埋幾個人一齊試玩一次~~

呢4個同我一樣第一次試玩，其中3個學完都同我一齊繼續玩~~

因為我地去之前HAPPY HOUR左一陣，加上又要買毛巾，都遲左小小.........

人地熱身我地又唔識跟.........=.=

好彩之後MISS會先教基本 擺FORM，腳左前右後，分開同博頭差唔多，雙手握拳，左前右貼自己塊面

佢教左我地3種拳法，直勾同抽....

直就直出直收，節位打橫HIT個PAT~~

勾就難小小，抽就由下而上，其實都唔難掌握.....

不過要加埋對腳既MOVEMENT就唔易喇﹗

仲學左閃........

學完之後就同埋其他人一齊打下沙包.......

可能我唔夠用力，都唔係出好多汗.........

最後佢地做多次熱身運動~~

我地就影下相.........

一個鐘真係好快過呀.........

我地學完再報多一個COURSE........

希望好玩啦﹗

之後果2日JUSTIN都有扮沙包俾我練習，當然我無打到佢啦﹗哈哈........

流汗既感覺真係好好﹗

我都幾鍾意而家班同事，都幾好玩~~~

重溫中學的味道

已經係上星期的事......

星期二放工約左中學同學~~

想重溫一下中學時的味道﹗

Ceci其實只係中二三既朋友，之後因為大家分左科，已經好小一齊玩~~

估唔到咁有緣佢響我樓上做野..........

我地而家KEEP住一星期食一次LUNCH，不過好快佢就要搬OFFICE~~

但係我都會KEEP住搵佢，見返舊朋友真係好好........

佢仲同我講記得以為一齊行返學同埋一齊買早餐~~

我地仲講返食咩早餐TIM~~

原本係想去返以前成日食LUNCH既小食館 / 阿肥...........

點知2間野都8點收左﹗

我地之後轉左去HOLLYWOOD食烏冬..........

雖然重溫唔到果種味道，不過果份感覺、果份感情仲響度，感覺好好呀~~

Cherry On Top =]

其實一直都想試下團購，見EMILY介紹左呢間~~

$18 可以當 $40，好似都幾抵﹗

於是約埋一班同事去試下.........

哈哈﹗其實我第一次食呢種YOGUT.........

我揀左草莓同綠茶味﹗

上面加左好多野，有椰果、桃、士多碑利、脆片、JELLY 糖......

總之樣樣試小小........

哈哈﹗我既一班好"同事"﹗

我果杯好似原價$46，講真唔多抵GA~~

不過團購價 $20，都OK，當試下新野﹗

男同事勁大食，佢果杯 $60...=.=

綠茶味岩岩好，不過士多碑利味就太甜LU~~