飢餓遊戲 (The Hunger Games)

見到本小說咁好賣，對套戲都有小小期望~~~

雖然都好多改編小說既電影拍得麻麻﹗

睇完之後都有小小失望，咩事24個人入面，一開始就死一半，D人死得完全好表面，我諗書入面唔係咁~~

如果係死得咁表面，咁咪即係大逃殺﹗

下集考慮下仲睇唔睇啦~~~

原本同蘇菲、SHIRLEY 一齊睇，不過佢地覺得5:30 果場D位太前，所以買左7:30，不過我地都見左一面﹗

因為J 睇完就要去飲，所以睇唔到7:30咁晏，佢 都有叫我同蘇菲睇，不過單數買一送一唔抵~~

第一次響K11睇戲，其實第2行都唔係好前，都OK舒服﹗



之後J 去左飲，我就食住飯等佢﹗

一個人食野都有小小怪，不過佢8點上去，9點半就走，都OK~~~

返屋企又睇波﹗

全日既行程都好似好怪咁............=.=

STONE GRILL SEMI BUFFET @ 君好扒房

剪完頭髮同左J & EUGENE 去左灣仔，唔知食咩好，於是提議食SEMI BUFFET~~~

見之前個同學好似好得意 & 好味﹗

地點係位於南洋酒店2樓既君好扒房~~~

環境比想像中細﹗

SEMI BUFFET 頭盤有不同種類菜、青口、蝦、水果..........

個樣都幾唔吸引嫁，可能因為我地比較遲到，9點先開始食，人地收10點﹗都有小小急

J 食左蝦、我就食左菜~~~

另有幾款沙律前菜、煙3文魚、火腿~~~

湯同包包﹗

見到得咁多都有小小失望~~~

不過今次主角係石燒﹗

除左頭盤之後會有一杯餐前一杯餐後飲品﹗

學人叫左一杯白酒，不過飲左一啖

每人都有松露蒜蓉包，不過蒜蓉好大陣味，唔係好食到松露味....NO GOOD~~~

登登....主角出場，我叫左個西冷 + 龍蝦尾 ($340)

J 叫左肉眼，EUGENE 既係黑豚豬 ($280)

佢會將D肉放響舊超熱石上面，之後你要一分鐘轉一轉，同埋佢無任何調味，你要一邊加SALT 一途加PEPPER

仲要影相好忙﹗



一人一圍裙，真係幾好玩嫁，見住佢轉色、慢慢熟﹗

好快就6分鐘~~~~

好靚仔呀﹗

龍蝦尾就要耐D，10分鐘~~~

轉哂橙色喇~~~

J 果件肉質比我果件軟身，好味好多﹗可能我果件OVERCOOK 左﹗

不過龍蝦都好鮮﹗

(PS: 新髮型影都OK，希望洗多2次會自然D啦﹗)

之後試左小小甜品~~

個CHEESE CAKE 唔錯﹗

一杯杯既就食左燉蛋，下次要早D入場，唔好食得咁急先﹗

有機會都會再黎食~~

整頭髮 @ Kln Bay

放假第一天，我終於忍唔住去左整頭髮~~~

因為之前髮型師水準不停下降，黃大仙果個又好唔掂，於是去左朋友介紹既九龍灣整~~~

J 仲唔知點解陪左我去整，一等就係4個鐘﹗辛苦了

去之前食左德福面屋一平安，我以為同SOGO 樓上既面館一平安同一間，不過食完就知應該無關係~~~

呢間無論味道、價錢都差好遠﹗

2個人一人叫左一個SET，有細面同細飯~~~

我果碗豬骨、J果碗醬油﹗



唯一OK既係個豬扒飯仔，個咖哩咩都無，得D咖哩同薯仔﹗

我地叫完1分鐘，佢就轉左TEA MENU，野食一樣，不過平好多

今次整頭我一開始已經同個髮型師講我有咩唔鍾意，咁佢都叫做有小小跟住，唔會好似黃大仙果個整到最後先黎講2句，仲要話" 你想整D頭唔係電嫁，要吹﹗"

有一下好想打佢

雖然最後個OUTCOME我都係覺得麻麻，不過我會俾多次機會呢個髮型師﹗

希望個陰快D長~~~

下一站: STONE GRILL SEMI BUFFET @ 君好扒房

Happy Thursday @ 嘗悅

復活節長假期有4日，星期4放工已經係Happy Thursday~~

約左Shirley 行陣街，因為蘇菲太晏放工，我地2個食左野先，之後陪佢食﹗

佢地2個響網上面訂左對姐妹鞋，都幾得意，好平﹗

我地2個去左食 "素" ，Shirley 成日都話呢間好食，於是試下..........

叫左個2人餐，有湯羹 X 2，竹笙XX羹，味道普通﹗

乳豬 +  糖醋魚塊~~

其實我麻麻地呢D假肉，因為大多數都好假，得D粉好難食，不過果個魚塊整得唔錯~~

係個乳豬麻麻，試左一件就算﹗



福建粉飯，偏淡~~~

炒雜菌，味道OK~~~

結論，我都係麻麻地素食﹗

之後等埋蘇菲又食過，今次係台灣野，我地3個人SHARE左個豆腐，蘇菲就食牛肉面，佢話好好味﹗

行左陣街就返屋企喇，因為好大雨﹗

春嬌與志明 (Love in the Buff)

呢期港產片出左幾套唔錯電影﹗

春嬌與志明 係其中一部，簡單輕鬆，都幾多笑位，我覺得比第一集更有趣~~~~

我記得之前聽過周海光話"有D粗口位，真係會令人笑﹗"  篇劇拿捏得不錯﹗

2個人相處唔係愛就可以...........

我覺得呢個女仔都幾靚，第一眼，不過J話覺得佢唔靚，但就猛話張志明好靚仔~~~~

2個人相處無時無刻影響住對方，影響可以係好可以係唔好﹗

不過2個人既世界一定比一個人大﹗

我以為佢會一直拖落去，男人都係唔想做衰人，又想享齊人之福﹗

好彩到最後都揀左~~~

至於呢個好男人，大家不禁講一句，呢個世界無呢個人﹗

明知自己係水泡，但都不求回報，只係付出~~~

要留到最後呀﹗

首爾行程

完左公司個大PROJECT之後不知不覺已經4月喇，仲有2星期就出發，係時候PLAN下行程........

Day 1 (17/April Tue): 韓國時間5:35到達，一定又支力又辛苦，不過4月韓國酒店好爆，一定無得EARLY CHECK IN~~

有一個特別行程我想去，就係去仁川月尾島餵海鷗，原本想最後一日去，不過一諗到可能有4袋野，於是決定一落機就去，搭機鐵 (桂陽、富平轉車)大約89分鐘會到﹗T Money 3750 won，大約8點會到仁川﹗

一出仁川站往左行，你會見到旅客服務中心，再行前少少，就有得坐搭乘2、23、45號公車，約五分鐘!最多人下車就好下車，唔係下一個站就係總站，會行遠左少少! " Quote fm 細粒麥"

(不過我搵唔到海鷗號係去邊?? 如果係去永宗島碼頭(仁川機場附近)，其實可以由機場去永宗島碼頭搭返去月尾島，咁樣真係順路好多﹗可惜資料不詳)

加上唔知幾點開第一班船，以免失望，都係搭下機鐵HEA下﹗坐船，4000won一位來回! 記住買定D蝦條﹗

仁川返去會賢站 (首爾站轉車) 1550 won，大約77分鐘﹗我諗玩完返到去應該都差不多12點，就會返到酒店，其實酒店都幾唔近地鐵3號出口，希望唔好行錯啦﹗

其實我揀會賢站係貪佢夠近明洞買完野都唔怕，夜返又可以行路﹗

食個晏，就訓陣，到黃昏再出動~~

應該都係明洞同LOTTE MART

晚餐 @ 全州中央會館

Day 2 (18/April Wed): 會主力睇櫻花，之前SEARCH左會去汝矣島，不過先食午餐 @ 鷺梁津，會賢 (4號線於銅雀轉9號線) 約30分鐘 1150 won﹗

由鷺梁津去汝矣島 4分鐘 1050 won，之後會去東大門行下，汝矣島去東大門 約28分鐘 轉車@ 東大門歷史文化公園站

晚餐@ 陳玉華奶奶的一隻雞

Day 3 (19/April Thur):  會先去慶熙大學再去兒童大公園站

慶熙大學位於回基站，約25分鐘車程，轉車 @東大門站 1050 won，回基前往兒童大公園站 約20分鐘 轉車@ 上鳳 1050 won

我地應該會買D小食去公園度野餐，希望到時仲有櫻花啦﹗

如果想去樂天世界夜場可以呢一日去﹗ 不過J 話唔想同我去樂園因為我咩都唔敢玩

兒童大公園往蠶室 約18分鐘 轉車@建國大學 1050 won

如果唔去就會返明洞睇下食唔食到韓國燒肉/海鮮﹗

Day 4 (20/April Fri) 會賢 --> 景福宮 約16分鐘 轉車 @ 忠武路，1050 won 午餐 @ 土俗村人蔘雞

參觀景福宮 再到安國站游 仁寺洞 & 北川韓屋

Tea @ 芝士年糕鍋

Day 5 (21/April Sat) J & C 5週年，J 話想呢一日去首爾塔，如果之前果餐鷺梁津好味，會再去食多次﹗

之後去弘大，星期六日有FREE MARKET 同埋 SHIRLEY推介一出地鐵果條街好多野買﹗

黃昏左右就會上塔

N 首爾塔纜車來回票價 : 7500 won(成人)

晚餐要搵間有情調既餐廳食下先﹗

Day 6 (22/April Sun) 下午 15:15 起飛返香港，一早11:30點就要出發去機場，都係行下明洞作最後衝刺﹗

打冷 @ 波鞋街街尾

完左DAY 1個CONFERENCE，J 過左黎旺角陪我食野﹗

我想食中菜~~~

佢提議去打冷﹗

次次都係去波鞋街街尾果間，次次都叫大眼雞﹗其實2碟醬 (豆鼓&鼓油)幾得意.......

生腸 X 魷魚 好味呀﹗

個醬雖然辣小小，不過真係好"野"味~~~

呢個鼓汁炒蜆，無咩火喉，無下次﹗

成晚最好味係個炒飯，不過多汁左D~~

同埋D蝦唔夠新鮮﹗

風味呢家野耐唔時試下都OK~~