當BOOK左酒席同埋PRE WEDDING 之後，我最緊張既一件事就係MUA~~~
因為一個化得你靚既MUA 真係比任何野都重要﹗
試完SHARON之後，我好努力咁睇睇睇...........
當然我都係主力響BLOG SEARCH，ESD LIFE 感覺上真係好多廣告，我有D反感，第一個EMAIL問期既就係我睇左幾年，一直都好鍾意佢D妝好清新既GINGKO，可惜無期﹗
發現GINGKO 下年加價加到 $12880..............
嚇死人咩~~
之後都係一D其他人打出黎比較多正面COMMENT 既 MUA，CHRISTY WONG、ADA YIP、YVONNE@ANNA CREATION、FIONA FI、SANDY WONG@MERRY MERRY~~
不過通通無期
果一下我個心真係有D驚，到底係無MUA，定係我搵既太出名、定係我果日真係好多人結婚
只係得AS MAKEUP (阿石) 同埋KIKO AU 覆我話有期﹗
其實一開頭我都無理佢地既作品，只係問左有無期先，之後我就慢慢睇返阿石同KIKO 既作品喇~~~
阿石應該經驗好豐富，佢個個新娘化得幾靚，個頭都整得唔錯，不過我唔鍾意佢好多附加費，星期六/日要加$1000、遲過10:30 要加$500(半小時)、早過9:30到要加的士錢，加加埋埋我諗成個PACKAGE 要 $12000，J 知道D化妝咁貴之後同我講話佢D同事岩岩結婚，都係搵D $5XXX，佢唔明點解我樣樣野都貴過人地咁多﹗其實我都有小小唔開心，不過我都知道佢都係想我地留返多小小錢，唔想結完就咩都洗哂，佢都就左我BOOK 左個咁貴既PRE WEDDING，所以最後我放棄阿石﹗
KIKO AU 係比較清D，我自己都鍾意清清地，最緊要修下我D輪廓，因為我個鼻唔高﹗D頭佢都會用我大愛既花花 (不過花就要自己買，好驚買錯﹗)
其實KIKO 都唔平，FULL DAY: $9680，試妝 $800，因為我晏晝唔行禮，只係影相，所以我想揀早+午+晚，不過KIKO 無呢個PACKAGE，睇下有無得再傾~~~
佢早+晚 $7680
我心入面覺得要試2次先知自己LIKE 咩STYLE，所以聽同事介紹左NICOLE LEE @ NIC MAKEUP，我見到佢D頭都幾鍾意呀﹗不過有D同事就話佢D妝化到D新娘比較成熟﹗其實我真係好怕果日會俾人覺得我老過J，不過唔試過唔知，同埋最緊要有期~~
NICOLE 試妝 $600, FULL DAY $8800，早+午+晚 $6800，聽落 $6800 係一個好正常既價錢~~~
就係咁就BOOK左呢2間TRIAL﹗
當然先試左NICOLE，當日我同J、MANDY、蘇菲先上去，我地開始傾下想整咩頭、BIG DAY前有咩要整左先......
之後SHIRLEY就打黎，NICOLE就話:"唔好意思呀，我其實有寫到只可帶兩位朋友，不如其餘兩位朋友落去食個飯先再上黎睇...." 我男朋友就話不如佢落去﹗之後nicole都唔想我男朋友一個人落去都有叫佢留低﹗其實我本身真係諗住叫佢地其中2個TAKE TURN咁去食野，點知shirley食左tea，而我地搵路又行左一身汗，所以最後4個都留左響studio，係我安排得唔好﹗
我希望2個姐妹可以睇哂2次試妝，mandy 就係因為學過下化妝所以先叫佢黎俾d意見，其實佢同J下次試妝時間唔ok，係我又想唔同人俾意見，所以搞到好多人...=.=
之後就開始化喇，NICOLE先幫我修眼眉，之後打底都打得好薄，不過我面上既印佢就用左好多遮暇膏，佢痴左一層假眼睫毛，我鍾意佢剪開3份，感覺上自然D~~
不過佢就無咩用眼線﹗
化得底妝用左個半鐘~~
之後整頭加眼影都好快﹗
第1個造型:
點講呢..........我覺得成個妝同頭好似唔多襯自己﹗(唔識講有咩唔襯﹗)
個樣有D惡，有D老﹗同事話似70年代既人...........
係咪因為頭頂!!??
定係我條眉??
後面就有D亂，鬆但唔好散~~~
我諗呢個係掛頭，不過佢呢個頭轉左深D既眼影﹗
MANDY叫NICOLE 幫我貼左雙眼皮膠紙~~
好彩無同條頸2節色~~
次次都LIKE 後面﹗
MANDY叫NICOLE 幫我下巴打多D光影粉﹗
不過NICOLE就話好小人會打下巴位~~~
其實成晚個氣氛有D怪，NICOLE 又唔多講野，我都有D驚~~~
可能平時我係多野講果D，所以性格上同NICOLE唔太夾﹗
OVERALL 佢個妝係做得唔錯，(嘴可能都要化一化，而家睇到好唔同色﹗)
不過髮型我自己就麻麻......><
