約會Ceci @ 南小館

Ceci 定期就會約我出黎食下野行陣街﹗

有你呢個朋友真係好

最正係可以有人傾下講下~~

是日揀左甜品精美的南小館~~

無鍚小龍包 (比平時既甜，都唔錯~~)

素餃，呢款我鍾意，清清清~~

頭盤4拼 (糖醋骨、AO肉、XX豆腐 & 醉雞)

樣樣都可以試下，不過豆腐麻麻~~

炒年糕，有點太油~~

類似生煎包，味道幾好﹗

Overall 呢間野食都唔錯，不過就細左小小，我地2個唔大食都叫左咁多味.........

D 甜品都幾特別，南瓜B 入面係豆沙、白色係糯米 + 小小蜜糖，唔太甜，好味~~

係面係煩似綠茶布甸，又係清清地好味﹗

我地傾傾傾，食左都2個幾鐘，每次都好似有傾唔完既話題.....XD

中學時既朋友真係唔同D~~

租車

早2個月已經開始問定租車Quotation﹗

價錢由 $1730 - $2400 Book 28座8小時~~

因為Join 左 2013 新娘個Group 知道 $1730 價錢算平，而且都驚驚地會加價，所以就Confirm 左好多人幫襯既孖一世結婚花車服務公司

其實而家行程未算係好Confirm，所以Book左最Basic 8個鐘個Package~~

酒店--> 男家--> 外影 -->女家 --> 酒店

J 揀左藍白色~~

我自己其實鍾意金色多小小，不過無所謂啦，都唔係太重要~~

外影而家諗緊去佐敦谷定係孫中山紀念公園﹗

其實都有小小想去山頂，不過因為要即日回門，時間上已經好唔夠﹗

呢間咁多人讚應該無問題啦~~

酒店送果4個鐘Benz，真係唔知點安排好，酒店去完男家最多去到外影應該已經夠鐘，加鐘 $670 好唔抵呀﹗

定係叫個兄弟揸車呢!!??

媽媽制羊腩煲

媽咪同爸爸返左大陸2星期，因為大陸要起新樓，其實我地3個人反對，不過爸爸堅持，所以算啦﹗

一起樓又會好多野煩，不過我堅持自己唔會involve 落去，我只係搞婚禮，連我地將來新屋裝修我都盡量唔會Involve~~

希望真係順利唔好咁多麻煩事啦﹗

媽咪返左黎，天氣開始轉凍，於是佢就整左羊腩煲，真係好好味~~

其實我媽咪都幾叻，整好多野都好好味﹗

希望將來我有佢一成功力啦

試 Facial @ Ingrid Millet

雖然Reneex 改善左我唔小問題，不過冬天真係好乾呀...............@@

下下做CPS 真係乾到裂........

早前收到Ingrid Millet電話，俾 $128 可以去試做 40倍鎖水 Facial~~

我預左Hard Sell、好彩最後都堅持到咩都唔買

不過個Facial 真係幾舒服，我覺得呢D先係做 Facial，Reneex 完左之後我一定唔會繼續~~

上到去環境感覺唔錯，先換左衫，因為會按埋博頭.......

張床有熱毯，舒服~~

都係果D程序先洗面，佢俾我感覺洗得好Detail，之後Peeling，治療師建議我一星期要自己Peel 一次﹗(記住先)

蒸面，順道按肩頸

針清，真係好耐無試過喇，真係好痛...........@@

不過佢針得太深，有D位真係有好大個印~~

之後用鑽石水+ 精華噴濕全面，好舒服呢..........

第一層精華 + Mask，等佢吸收既同時再按肩頸，因為佢有小小按到D 淋巴位，有小小痛，不過都舒服~~

之後再用超聲波將D精華打入個底﹗

超聲波我之前都試過，我真係幾鍾意，因為個頭好滑、凍凍地咁，整完塊面好似會好補水

第2層Mask，會拉緊，應該會緊緻D掛....XD

之後就訓喇，成個過程好舒服~~

其實佢俾我個Offer 真係幾唔錯，$415 一次，送埋 Eye Mask & 送一支減淡細紋精華，佢話支野都要$2800

可惜我而家太窮喇，唔可以任性，試下都還可以，不過幾千蚊，我就點都唔會俾﹗

咁佢當然都有Sell 下，不過 Overall 唔算好 Hard~~

我講左幾次堅持自己之後佢都無再Sell 我喇，對比之下覺得Reneex 個過程好唔抵，不過佢就好快見到效果

IM Facial 如果將來想去Relax 下都係一個幾唔錯既選擇

筍崗遊

黎緊12月9要過大禮喇，點解咁早!!?? 其實個日子係媽咪搵師傅揀，早D過其實都好，搞完一個Task 得一個........

開頭媽咪話好簡單就得，咩都封利是算，點知J 話想買生果籃、海味、餅........

有時都唔明點解佢咁得意，明明西人，但會想做呢D傳統野..........@@

今次上去主要買利是封，包羅萬有利是封 & 禮金利是封﹗不過一場去到當然順便買埋結婚當日會用既野﹗

我地過左羅湖之後就搭的士去，RMB 20，其實巴士都到，原來筍崗就係我地之前睇傢私保安北路隔離~~



Total 買左4個細喜、2個中喜、4個超細喜﹗

呢款(細)比較貴，RMB 15個，不過J 鍾意，無法.....

其他細既都係RMB 5，中既RMB 15............

大利是封 RMB 2 一個﹗

仲買左20包 6個1包既喜字利是封~~~

咕荀 RMB 28

睡衣 RMB 30

拖鞋 RMB 10 (J 話無人幫佢上頭，所以唔洗買俾佢...@@)

紅遮 RMB 28 (呢把算貴，見其他都係 15- 18，不過呢把真係好睇D)

掛鞋 RMB 35 (真係好抵，著幾個鐘，呢個價錢好合理﹗)

呢套比較特別， RMB 85，送左個盤(其他款 RMB 55 - 65)

估唔到佢連兄弟Tie 都有得賣，J 揀左粉紅色，好抵 RMB 8一個，大果個佢自己用﹗

Total 買左 RMB 428，佢減左 RMB 10 --> RMB 418~~

仲送左2包 6個 利是封，算啦﹗唔識講價，買左咁多野應該都抵掛﹗

不過我發現自己無買好細個果D跟貼既利是封，不過都唔緊要，因為過多1-2星期，J 又會上去，我地訂造左套白色禮服

皇帝蟹

Sogo Thankful Week 最後一日買左隻蟹返屋企食~~

唔知抵唔抵，$228﹗

都幾大隻

(請無視我個屋企樣..@@)

仲整左綠茶冷面.....

不過煮完無左綠茶味~~

帶子+3文魚+即食面一個﹗

個面好好味，湯好濃，抵佢賣 $6包~~

好鮮呀﹗

一人食左3條腳，雖然身唔多肉，但都食到好飽~~

第11次 CPS

不知不覺已經做左11次treatment，其實上一次Elaine Sell 我買6次Armas，我已經俾左張Credit Card 佢，點知因為北京買左野爆左limit 而Look唔到﹗

佢約我過幾日再上去，不過諗左幾日之後，我都係決定放棄，因為我已經投資太多~~

同埋而家效果都OK滿意，當然可以再好D啦，不過要再俾多$8000，真係無錢Lu﹗

我唔可以成日都咁自私，都要為J 諗下.............

點知今次上去佢態度完全唔同哂，平時講好多野，又問我結婚D野搞成點 (佢都差不多結﹗)

今次見到我完全無出聲，入到房好靜，我以為佢唔舒服~~

只係照返公司指引同你講"凍呀、FU個冷凍紗布舒緩返個皮膚、會唔會好吉?"

個氣氛好怪，總之平時唔係咁~~

仲要我同佢講過我鍾意坐響度做CPS，但佢今次都照提議叫我訓響度﹗

最後FU 果個MASK 平時係會搽2隻，今次只係落左GEL~~

其實我有小小嬲，唔係我唔幫你買新Treatment 就咁呀，我之前真金白銀俾左成萬，買呢D treatment﹗

如果我無俾過錢就話Jei~~

我有諗過同佢講返，不過返黎起Mask 果個係佢同事，我都有問點解個Mask 唔同左??

佢同事話次次都可能唔同，但係我之前10次都係一樣wo~~

唉﹗如果下一次佢都係態度唔好，咁我諗都係轉過一次好D﹗

約下次個時間，佢對我態度又係麻麻，" 日日都得，唔得就叫我Partner 幫你整"

以前佢唔會咁~~

唔知關唔關之前佢電話訪問事，不過我都係講事實，佢有做既我就講，佢無做既唔通我都要話有咩........

原來第一次Treatment 會影相，每4次之後又會再影多次，點解我做到第11次都係影過一次!!??