Confirm 晚裝

其實BOOK完之後我真係好滿意自己揀既果3條裙..........

不過仲有一個月左右都要上去試下，Final Confirm﹗

原本同埋伴娘，不過佢話有J 唔洗咁多人，係呀，J 真係幾時都響我身邊..........

婚紗 & Tiffany Blue 當然係無問題，我真係好迷件TB，婚紗應該響黃燈下好靚﹗

J 話件旗袍就真係肥左D，對手臂唔得........@@



之後我仲試左D 其他款，金色 好FIT身呀，不過顏色唔多岩﹗

個粉紅就唔多岩身，不過隻色幾特別~~

真係好難揀呀，J 就話搵D 女仔同我去試，所以我又搵左表妹 & 同事Mandy.........

Mandy 真係好好，俾左好多意見，由D相、化妝、相簿、Backdrop，事無大小都幫我諗﹗

希望之後就算我地唔再一齊做野都可以Keep 落去.......

我原本以為表妹 Mandy 佢地會話肥，點知佢地話OK，仲著得好靚

我都有問班姐妹 &13 JM Group(相)，全部人都叫我揀旗袍

雖然影相出黎效果同現場唔同，不過應該都唔會好差掛~~

YC 話有信心就會Carry 到.......

之後同左佢地去食拉面，呢間拉面都唔錯呀﹗位於九如坊，唔好意思打搞佢地咁耐，所以請左佢地食~~

其他人為自己付出唔係必然，要識得感恩﹗

雙方家長見面

終於都等到呢一日喇，開頭都有小小擔心，因為驚UNCLE 聽唔明爸爸同媽咪D 話~~

點知UNCLE 之前做生意成日都會去廣東，所以無咩問題，Aunt 就真係唔明..XD

我以為佢地會傾下當日Rundow 點知全程都係講下大陸發展、買樓..........

搞到我仲特登早小小搞好左份Rundown，幫佢地製造話題﹗

成餐飯我都無咩出聲，Uncle 真係好好，仲有問埋細佬讀書、做野﹗

Wow 完全唔似第一次見~~

是日我地揀左朗豪坊8月軒，之前分別同佢地黎過，今次第一次2家人見面都揀返呢度﹗

叫左BB 豬 X 2、咕嚕肉、蝦球、豆腐、雜菜、雞......

呢個晚上都幾美滿呀，終於放下心頭大石﹗

之後分別返屋企前，我仲同細佬 & 爸爸買左裇衫 & tie，而家減價貨都好貴~~


Anyway 搞掂好哂爸爸 & 細佬D 衫，果日返屋企試左一轉，都幾好﹗

媽咪就決定左造件深紫色長衫，希望出黎效果會好~~

約會Ceci; 派帖進行中..........

3月31 長假令我好苦惱，好多人都唔得閒，唔係去旅行就係撞左婚宴，仲有好多人未覆，我都唔知點好，不過都會再問多一轉~~

整好哂帖之後其實都開始派喇，J 好勁，佢已經派左好多﹗

是日約左Ceci 食飯，食之前我去左Mioggie 試Facial ，VIP 生日有得試做，同埋做左Armis 之後好似有D乾........

試下又無壞，最緊要係聽人講佢地唔HARD SELL~~

成個過程都OK舒服，有清潔、Peeling、針清(第一次針一粒就搞掂)，推油、Mask、倒模、按肩頸~~

大約 $360次，如果唔係Reneex 岩岩加左錢，我都可能會買幾次黎試下﹗

是日Ceci 揀左Apple Green ，2 個人叫左一個沙律 (牛油果，麻麻地) 一個薯皮，一個意粉~~

Overall 都唔錯，我地食食食，傾傾傾，真係講左好多心事呀﹗

唔知呢，我就係呢D 人，有咩唔開心，講幾次就無事~~

太好喇，果次撞返你之後，我而家知道自己應該同咩性格既人岩KEY.......

Ceci 雖然粄GIP ，不過都幫我響韓國買左MASK，仲俾左一堆手信我﹗

造男家衫

因為J 屋企人有D事，所以一直都拖住，未上去深圳造衫，終於都搵到一個星期日一家人都得閒~~

而家雙方家長仲未見面，其實真係好緊張﹗

Uncle 揸車由香港南到北都係40分鐘左右，之後響上水轉火車，上到去食完野見嚴師傅仲未開鋪，於是去左田貝四路睇潔具~~

之前我已經黎過一次

價錢真係相差好遠呀..............

幾百蚊一個TOILET，連埋地磚一齊運落去應該都抵~~

Uncle 真係算係咁，好多野都幫我地諗埋，等結完婚，我都要努力D 幫手睇下新屋裝修﹗

行左2個鐘左右，就返返去羅湖城，J 件白色終於都有喇，不過效果比想像中差~~

Uncle都度身造左件，不過佢都響香港買多左件，西裝佢平時都有著，所以應該唔會浪費﹗

之後第2個星期又上左去，今次係主要幫Uncle 度身，Aunt 睇下有無布岩用，做條連身裙，真係有好多種布，最後都揀左一隻黎做﹗

我就幫媽咪睇中左一條絨既連身裙好似幾唔錯，下星期又要上去...@@

有時真係上到驚......XD

好彩結婚D野搞得7788喇﹗

新郎黑白鞋; 訂花球

新郎鞋已經有得羅，感覺上都造得唔錯，黑色手工好好，白色就差小小~~

白色左腳上仲有2點污點，好彩阿姐話會幫我地SEND 返去廠整返~~

呢個價錢，呢個質素算係咁~~

之後我地去左繽紛 & 秋子睇花球，其實繽紛都幾唔錯，不過手花 + 襟花好貴~

睇左一陣秋子，J 話不如響呢度訂，其實都OK，$1299 包1個花球，2個新郎 (有無記錯呢??) 6個姐妹，6個兄弟﹗

湯生仲俾左SAMPLE 我地睇，不過佢果度就唔多款，手花、襟花一定係玫瑰 / 桔梗

我地揀左4朵粉紅玫瑰俾雙方父母，6個兄弟姐妹可能就用紫+金色桔梗!

類似呢個樣~~

如果Backdrop 真係紫色就會用呢D 花，好似叫勿忘我~~

深紫桔梗~~

不過粉紅色桔梗真係幾吸引，仲好鍾意佢下面果隻粉紅色花....

一個個圈好靚~~

Anyway Confirm 左Backdrop 先~~

再揀花球顏色 =]

AH Album

 

上面2張相，唔知你分唔分到邊張係執左邊張未執?

答案會最後先公佈，不過醒目既你應該已經估到﹗

自從1月中睇左第2次執相之後呢個半月真係好集中咁去睇執相，排版~~~

但真係好令人嘔血，我地上左去AH Office 都2-3次，只係希望出黎效果OK﹗

草地加天，主教山執色，JC 氣球唔夾色，西裝唔岩色，有D位佢真係好唔細心，好多低級錯誤~~

我明影相角度唔同會影響D 衫出黎既色，不過無理由Building 會唔同色，套西裝明明係深藍色變左唔知咩色...........@@

有時真係身心疲累，有時我真係懷疑個執相係有小小色盲，請寬恕我，因為我真係好嬲，好失望~~

唔明點解上面張相可以SEND 俾個客!!!??

雖然佢某D相執得幾好，不過而家真係一日未收到相簿都唔知D 相出黎咩效果，好擔心﹗





執好左D相之後就排版喇，唉，呢D唔係我想要既野~~

雖然2本相簿排唔哂70張相，我寧願靚，都唔要檔房~~

唔好玩我啦~~~

咁都俾得個客..........

響嘔血之中好彩都有D排得唔錯~~

因為信佢唔過，我自己同PS 排左幾個SAMPLE 俾佢，我要求好簡單，整齊，邊位一致小小~~

2張就咁排，SIMPLE ELEGANT~~

我其實唔燧讀DESIGN ，不過當你發現有D 人講極都唔明，你就真係好想落手落腳整個SAMPLE 俾佢，算啦﹗

成件事總算告一段落，雖然中間冑好多嘔血野﹗

30% 因為佢地影好多重複，揀相好辛苦，60% 執相，真係可以執到好恐怖，連我一個外行人都接受唔到，10% 排版~~

加油到再執個Backdrop~~

試掛; 羅鞋

之前講過響Something Thine 訂左晚裝鞋，過年前佢已經打黎話有得羅，終於搵到一日放工順道試埋掛~~

今次搵左表妹陪，我地先去試掛~~

其實同之前果次唔差好遠，輕輕睇過件掛都幾FIT身，同新淨﹗

咁就完喇，希望3月30 羅果日你仲係好新啦........



之後就去羅鞋，好彩我早左好多訂，唔係真係會好擔心，因為原來對鞋這錯左，要再過多2日先有得羅~~

果下都有小小心諗有無搞錯，咁耐先知整錯，仲要無人通知﹗

而我又約左星期一去試衫，都有小小心急﹗

不過見佢隻狗狗幾得意，同埋知道就算發佢脾氣都無用，所以我就算喇~~

之後去MP 羅多小小帖既信封，之後就食飯喇﹗

我揀左之前食過唔錯既博洛尼亞~~

2個人叫左2個Dinner Set﹗

老朋友就係咁，有傾唔完既話題，明白你，了解你...........

是夜真係好開心，雖然結婚有好多野煩，我曾經以為.................

不過對而定既我黎講，咩都唔再緊要﹗

過左2日後我再打去睇下對鞋有未，間野話幫我CHECK，點知CHECK CHECK 下3日都未覆，仲耍我打去佢都仲話耍再等多2日﹗

果下真係唔想再理佢，叫佢搵人送去我公司算，雖然大左小小，不過都OK靚，如果你都鍾意呢間，記得要跟好D﹗