BLT Burger & 被偷走的那五年

這段時間我們很努力挑選新居電器，洗衣機、爐頭、熱水爐、雪櫃、抽油煙機，電視............

不過實在太多不同型號、牌子、功能，令人眼花撩亂~~

如果每一個都要比較功能，真的非常困難﹗

所以我們先隨心看看不同牌子.......

熱水爐我們當然第一個想起TGC，現在有Package ，包括熱水爐、爐頭、抽油煙機..........

看上去很不錯~~

洗衣機第一個想到金章，老公說最好連乾衣~~

看到LG 有一個新產品，不用傳統皮帶拉動，Motor 保用10年，不過我們對於LG 仍有保留.....

雪櫃我希望買Panasonic ，因為現在我家正使用，感覺不錯﹗

電視比較不用畫面後，感覺上sony 跟sharp 最好看~~

價錢9,000 至 12,000 是我們Budget 內......

其實我很享受2個人去不同地方格價，研究功能，一步步建立我們的家~~

走完TGC, 百老匯，教協後，J 帶我去了BLT Burger，叫了一個Classic Combo~~

及試了一個Spare Ribs~~

Spare Ribs 雖然味道不錯，但太乾身.......

Combo 包括Burger, 沙律、薯條/格、Soda & 酸青瓜~~

包包味道不錯，可惜牛肉味道偏淡......

我跟J 提議在家造一幅這樣的Feature Wall，感覺不錯﹗

晚上看了被偷走的那五年，開始時已知道跟失憶有關，但之後跟我想像中有一點不同~~

不知道為何要描寫得如此慘!!?? 是為催淚!!??

J 看到如此慘情，不但沒有感動反而笑不停~~

我們都認為主線不清晰，有些凌亂~~

我想導演想說: 2個人在一起最重要是溝通，不要只用自己角度去看，其實對對方好，但他不一定這樣認為﹗

總而言之，失望了..............

更換鋁窗進行中

無見一星期，今次上去見到全屋都已經搭左棚~~

新鋁窗裝左上去，哈，裝完我先知用左白色........

呢對你廳，一個位For 冷氣，其實右邊個大窗整錯左~~

我地係右邊整3格，左邊整2格，不 過師傅就咁變左大窗，不過我地商量之後覺得都唔係太大問題，所以唔叫佢再整過，如果整過都係2000左右﹗

不過唔講唔知D 樓真係偷工減料得好勁，墻入面係木板唔係水泥~~

好誇張~~

唔知師傅會唔會幫我地執返!!??

廳另一邊既細窗，裝左上去感覺唔四正，D LA 好闊~~ 

 由廳望出去天井，望到廁所同細房個冷氣窗

廚房個窗，上面有D 特別應該係要就返個抽油煙喉~~

我地間房個窗台位，下面整左條cho 俾電線過~~

主人房個冷氣位

其實我最唔鍾意呢個位，不過老公唔想裝分體機，無法~~

細房入面個窗~

最後係廁所，正常野~~

當每一次去到都有唔同野，我就知道老公為左呢個家付出左好多，而我.......

要繼續努力~~

因病得福

呢排可能工作壓力太大，成日都訓得唔好，食完野個胃又好似頂住頂住....

終於都在開大會前一日爆發，嘔左鍋金...........@@

由細到大我最驚就係嘔，因為如果唔睇醫生止嘔就好難好﹗

好彩咁岩J 之前睇過醫生有D 止嘔藥，食完，訓左一晚好左好多~~

意料之後的是，老爺 & 奶奶都好關心我﹗

老爺特別打俾我，問我好返D 未!!?? 要叫工人姐姐整粥俾我~~

奶奶就擔心我無野食，要叮返D 粥俾我食.........

D 粥雖然係我煲俾岩岩病好既老公既~~

係我襯住觀完禮未到晚宴果幾個鐘，返屋企煲左粥、湯 & 菜，俾果個上呼吸道感染既病人﹗

點知之後自己要食返....@@

食完就嘔~~

不過感覺真係好一家人呀﹗

我真係好幸運，有個錫自己既老公，連佢屋企人都好錫我~~

老公去飲，聽到我話嘔就即刻趕返黎睇我.......


我其實仲有咩要求!!??

佢仲幫我做左樣令佢好尷尬既事，甜在心.... 

希望完左黎緊呢幾個會，可以好好地抖返2個星期啦﹗

加油﹗Fighting~~~

Winston Wedding

結完婚之後第一次去飲，感覺同以前唔同左，而家真係會留意多左，同埋感受多左，人地既心意~~~

朝早我7點就起身，因為有個Workshop 要去荃灣，搞完已經12:30，即刻趕過去跑馬地﹗

去到都遲左，新人已經進左場.............

好彩成個典禮都有一個鐘，經過一大串天主教儀式之後，就響門口大合照一張﹗

今次個教堂有時去跑馬地踢波都會經過，第一次入黎，感覺都幾Grand~~~

估唔到咁多同事黎觀禮，當然大部分係舊同事﹗

之後我就返左屋企，煮左個粥、湯、菜俾J，因為佢病左呀~~

呢2個星期真係好忙，我都無咩時間照顧佢，太唔好意思喇，仲要連裝修既野都無時間幫手，辛苦J 一個人搞掂哂﹗

夜晚就再出去飲，反而可能同BOSS一齊坐，感覺有點唔自然......XD

不過好準時開席，第一次未夠11點就散席，好勁呀﹗

真心祝福Winston 百年好合，早生貴子....

浴室

其實我對於室內設計無咩概念，之前屋企裝修我盡量都係揀白色，簡單為主﹗

今次因為人多意見多，我盡量都唔想太多意見~~

老公就揀左上面既磚做浴室，Um..........

講真我唔係太喜歡，因為太多色，我地廁所好細，我驚好亂﹗

不過老公鍾意就得喇~~

廁所櫃如無意外應該用呢個木，台面就用玫瑰米黃，其實係咪太多色!!??

龍頭方面如無意外都應該揀上面果款，個電度做得好似唔錯，成Set $3200左右，包左廁所龍頭，花沙(上下2件) & 廚房龍頭，呢D  用好多年，應該抵返~~

真係唔睇唔知原來呢D 潔具可以咁多唔同款，價錢相差咁遠...........

馬桶我都想揀好小小，TOTO 係心水之一，呢D 壞左要換好麻煩，唔好慳果一千幾百﹗

呢個款都唔錯~~

我地個廁所櫃好窄，所以揀個岩用美觀Sink 都好難，以上係老公心水﹗

雖然我地見到個American Standard 又平又靚，不過太大應該都唔岩~~

定係再圓D 好呢!!??

仲要買個浴缸，ROCA 最平$4200，加埋D 磚，就咁個廁所都用成3萬，人工2萬5，天花 $3750~~

wow~~都成6萬，仲要未計鋪水喉、熱水爐..........OMG~~

裝修真係好貴，我地個戶口又唔知會跌到一個咩數字喇............

Mandy 生日K

Mandy 生日，DF 幫佢搞左個 生日K~~

其實就係佢地班人想唱K，成晚羅住支Mic 唔放....XD

好搞笑，咩歌都唱一餐，其實同佢地唱真係好正，想唱一定有人同你合唱，唔想唱實有人唱，唔識唱都夾硬必D歌詞落首歌度............

我以為90後，一定係唱D 唔識既新人，點知都係楊千嬅、JOEY~~~

其實今次係第2次黎Red Mr，不過今次經驗唔係幾好，我地8點幾到，佢話唱到11點半，我地諗之後應該都無人，應該都可以鍾意唱到幾點都得，點知到11點個Staff 就入黎問我地蛋糕食未.........

搞到飲左酒既DF 好嬲，到12點幾真係無得唱落去，佢地就投訴....@@

DF 加左錢唱落去，不過我地覺得唔抵，最後唱到1點走

下次應該唔會再黎喇﹗

成晚亮點係佢地班人唱流星雨，其實MC 唔識唱，不過又要扮朱孝天，真係笑死............

同呢班人一齊真係好簡單，好開心﹗

裝修2星期進度

不知不覺裝修開始左2星期，我地好懶呀，之前話一星期去睇2次，點知都係做唔到﹗

上到去可以話係面目全非.........@@

之前個入墻衣櫃，已經變左一幅磚，好鏜意呢個咁Raw 既感覺~~

地板都開左條路由廁所通去廚房~~

要鑿開個地下一條路先知裝唔裝到煤氣喉﹗

墻身產起哂，下一步唔知做咩呢!!??

廚房同廁所都起哂喇﹗

大至浴缸、小至龍頭都要開始用心揀喇，都唔知應該買好既定係普通野~~

唔知我地會住呢個地方幾耐呢!!??