上星期訂左既傢私，今個星期因為要去梳化公司活動及去交餘款，所以我地2個又上左去﹗
我地先去小陶園午餐，2個人食左RMB 172，上星期4個人飲茶只係RMB 189，證明我地2個好大食~~
食飽就的士去左保安北路交錢，搞掂哂之後就巴士去附近的田貝四路睇燈，超趕咁行左一圈﹗
老公都係想買果3支吊燈，因為間間都話要訂所以我地決定淘寶.....
另外仲睇左盋房燈，,而家只係未有廚房， 細房 & 走廊燈
之後就急急搭地鐵去香蜜湖站，我地都係第一次黎，問個Staff又溝通唔到到底邊個地鐵出口~~
佢話最大果個1號出口，但出口只有ABC.....@@
個展場仲要唔係個個路人都識，同埋都幾遠下~~
去到發現原來係一個好大好大既商場，大陸無野多，地多﹗
我地先去左Cheers 個Staff 先幫我地寫單，RMB 6999 先減2%，再到櫃台俾錢再減10%
RMB 6173~~
我問佢個神秘折扣呢!!?? 佢話係2%，係我一直以為2個點係2 Digit，原來係2%...咁大誤會呀﹗
之後行去佢姐妹店(賣床肉)送左一個羽毛球拍，再返返去佢鋪頭抽獎，中左一個護頸枕，再返返去商場中間換抽獎卷，佢同我地講5點開始抽，我地4點半去到，點知原來係6點先開始，搞到我老公趕唔到去踢波.......@@
襯住有時間我地都行左個圈，入面真係幾多野睇，有D 質素都幾好，不過太大件，有D 就真係太貴....@@
不過我地都睇岩左一個茶几，係我公司個茶几細版，都幾靚嫁，折左RMB 750~~
終於都抽獎，不過感覺上有D Hea........
最後證明我地2個都無抽獎運~~
因為已經趕唔到去踢波，於是就食埋飯先返香港，我記得之前睇一個節目叫"深圳X盪" 有介紹香蜜湖入面有餐廳有蒙古包，好特別﹗
於是我地就行左入去香蜜湖渡假村~~
一入到去就見到D 好得意既蒙古包喇~~~
好特別，當然第一時間羅位，不過無訂位真係要等幾耐下......
於是我地又行左去隔離D 餐廳望下， 有D 餐廳準備左瓜子、椅子 & 水俾等候既客人，我地當然唔執輸，坐左一陣~~
順便羅埋飛，2邊都等﹗
一個幾特別既經驗~~
等等下，我地見印象草原果邊仲有排， 於是就入左去西貝西北菜，其實都係蒙古菜~~
如果講起蒙古當然第一時間諗起羊肉、羊奶，呢一晚我地2樣都有食~~
不過我想由佢杯茶開始講起，茶個名叫苦茶，顏色好似菊花茶，不過就唔係甜既，感覺有小小似飲緊煎茶，都幾特別﹗
每台都有瓜子，即係出面等位食果D，佢D 瓜子原來都係特產，味道唔係好鹹，咁就唔怕一陣食飯會覺得D 送唔夠味啦~~
我覺得間餐廳有樣野好好，就係好多野都可以叫一件試下，一件都食RMB 4-6~~
2個人叫左8樣野，南瓜粥、牛肉餡餅 (1張)、摸摸 (1個)、羊肉串 (9串)、蔥爆羊肉、酥餅 (1個)、XXX面 & 酸奶﹗
個粥係無味既，我地以為會有小小甜味，不過原來無，但入面有一粒粒麥，口感都幾得意，好健康~~
牛肉餡餅外脆內軟，好得﹗
摸摸我就唔多識欣賞，入面係甜豆沙，老公話食小小個皮、食一啖蔥爆羊，一級捧Des~~
羊肉串叫左6串唔辣，3串辣，各有各風味，原味既就好Juicy，辣既就好香香料味~~
蔥爆羊肉睇樣都知好味~~
酥餅上面有D 好特別既香料，甜甜地﹗
老公手上呢個好似涮口杯既物體，入面裝住肉碎、豆腐乾、面條，價錢好平，味道好好﹗
我飲左大半.....XD
2個人埋單 RMB 182，我自己就覺得好抵食，好好味，勁推~~
下次要約多幾個朋友，Book 個蒙古包玩下﹗
有人會特別到每個包入面表演，唱歌跳舞~~
我地今次經福田口岸洛馬州返香港，都一樣方便﹗
一個月上去羅茶几，到時再玩一轉，感覺上無咁浪費時間~~
