上船BBQ

麥生麥太被朋友邀請去佢老公條船度BBQ，哈哈!!

我之前都諗到底會係一首咩船!!?? 放工我地響筲簊灣地鐵等，再搭的士去一個碼頭，之後再轉駁船，呢次體驗真係好得意~~

之後就由船尾上去，原來條船好大，好大，大到可以踢波，呢個只係放魚既地方，個個格仔下面有2層樓咁高，好厲害呀.........

樓下有2間房，洗手間、廚房，上一層都有房同駕駛室~~~

當晚我地只係負責食，勁大粒扇貝~~~

好耐無自己叉住燒，不過燒左2 Round 大家就話想食快D 之後玩，於是加左網.............

10個人圍臺玩狼人Card Game ，都幾搞笑~~

小女孩、狼人、獵人、女巫、預言家、守衛、普通村長民~~

大家都要諗方法唔俾人殺又要唔俾人知道身份.........

食完玩完朋友仲送左D 急凍魚俾我地試.......

哈哈....真係又食又羅~~~

哈哈，仲要左條鹹魚試下~~~

Happy Friday...........

沙巴豪酒店

 

沙巴其實有幾間大型5星酒店，上次我地就住左Gayana，今次想試下Shangrila~~

一直都有聽聞Shangrila Rasa Ria 好舒服，不過路程真係好遠，由機場去要60分鐘.....@@

上網睇普通房都2000晚，真係有D唔捨得﹗

唔知好彩定唔好彩，咁岩沙巴果邊Agent 出左個Package:

3D2N 住Primier Ocean Wing，包2日早餐，1個晚餐，最重要係包機場接送，仲包Mantamani Island 浮潛，上次我地無去，今次想去返~~~

個套票好似度身訂造咁，不過價錢就好貴........

$3200 一個人

 

呢間就係Ocean Wing，個色就麻麻~~

聽講有管家同埋Check in 會入左房先做.......

露台係Jacuzzi ....XD

 

當年我住過菲律賓Shangrila，好似1800，個環境都好舒服~~

 

Ocean Wing 有自己一邊泳池，應該小D人~~

 

有Golf Court~~

扮哂野.......

 

海邊餐廳好吸引呀，我地包一個晚餐，唔知係咪呢度食呢!!??

 

 

日落Bar，正呀~

 

酒店有好多活動，有D 免費，我地13 號一落機就去，應該3點已經入到去，Enjoy 下日落!!

第2日情人節睇下有咩活動，可以的話大部分時間都想落水玩，Join 下酒店活動，Hea~~

夜晚食酒店包既晚餐.......

2月15 一早就出去島，其實6400 咁樣玩3D2N 真係聽落唔多抵，因為真正可以Enjoy 只係一日半，不過酒店一晚Ocean Wing房都叫價 $3000

仲要自己搭車， Mantamani Island 浮潛叫價$700，樣樣都好貴~~

所以而家呢個Package 叫做幾抵﹗

希望沙巴之旅順利，日日都好天氣~~

過一個火辣辣既情人節﹗

為左節省旅費，我地15 - 17 果3晚酒店都住得好平，加埋 都係$1166，即係一個人 $600都唔洗........XD

呢個Trip 真係2/3 既錢都落左去Shangrila 度........

爸爸生日快樂

爸爸舊曆生日，媽咪仲響大陸，所以得我地2公婆 & 細佬同爸爸慶祝~~

不過佢都好開心，人越老越似小朋友呢句說話好岩，哈哈.....

當晚我地去左8喜試下，老公話味道麻麻，不過我覺得幾好，清小小，細細碟爸爸樣樣食小小~~

4個人叫左13-14樣野，好誇張.........

不過講真無咩邊樣好出色，我志在一家人聚下，而家新屋差不多搞掂有好多野要跟，公司又開始有D忙......@@

食完飯我地返左屋企切蛋糕，我去Regal 買既，因為爸爸唔Like 朱古力，所以無咩得好揀~~

希望爸爸唔好成日轉牛角尖，大家開心最緊要， 更要小心身體唔好再整親.....

當日老公轉左新分行，又要重頭做起﹗

希望呢2個我生命中最重要的男人健康快樂~~

電器陸續就位

 

裝修師傅好好咁安排左姐姐幫我地抺左一轉屋，當然我自己都有去抺~~

呢一日請左半日假等傢私送貨!!!

雪櫃入左廚房，Size 岩岩好，當然搵人設計就應該係咁~~

 

不過始終廚房空間有限，整完出黎，其實我都係唔多Like~~

 

洗衣乾衣機就位~~~

 

部機個樣好靚~~~

 

電視櫃岩岩好~~

 

走廊位好舒服~~

 

個洗手間好得，好modern，真係估佢唔到整完係咁靚~~

 

直望~~~

無論鏡櫃、洗手盤、地櫃樣樣都好滿意~~

大愛個大洗手盤~~~

紙巾架揀左最Simple 既款，靚~~

其他潔具都就位好哂﹗

 

主人房燈都裝好~~

仲有小小位要執一執，黎緊焗埋蟲、再抺多一次就可以住喇~~~

2014年1月18日住新屋......

Eugene Wedding 20140105

2014年第一件喜事當然要算係Eugene 結婚，雖然準備時間唔算好長，但總算成功~~

當然我老公功不可沒.......XD

當晚因為5:30 證婚，我一早5:00 已經到達，第一次咁早去飲.........

個場佈置都幾好，簡單得黎又有小小Fun 既元素~~~ 

當晚我又再一次俾呢班男人感動，真係好幫手，所有事都好上心~~

當晚坐響基隔離，算係第一次認真同佢傾計，估唔到佢咁感性，每道菜都快快手食，食完即刻望下有咩幫手，有事第一時間去補位，果種著緊，連我都感覺到!!!

8:00 March In，之後入席，希望新郎，新娘，永結同心，幸福快樂~~~

婚禮比想像中早完，其實晏晝或者早證婚都有好處!!

當日亦都係第一次我地以先生夫人身份出席.....XD

開心

地板搞掂~~

Wow~~磨完個地板，真係成間屋唔同哂呀~~~

而家光鮮勁多，Wow............ 

之前擔心會好唔同色，而家望落都唔算好誇張，接受到~~

不過應該都分到左邊係舊，右邊係新~~

走廊唔平個位都磨走左~~

勁呀~~

不過最唔同色都係電視櫃位~~

不過希望放左電視櫃同餐台之後會遮左.........

唉，不過佢磨爛左我地個鞋櫃.........@@

希望師傅會幫我執返~~~

呢一日清潔左廚房，洗衣機送左黎，好靚仔~~~

燈都就位喇，Yeah.....

仲揀左日子入伙，7號拜4角，14號正式入去訓!!!

超期待~~~

搞埋呢單野，希望好快再忙下一單~~~

201314

倒數當然同一班好朋友一齊，原本想黎我新屋，不過最後都係趕唔到!!

於是就約埋大家一齊燒炭，打邊爐 + BBQ~~

地點係土瓜灣鴻福海鮮四季火鍋

我地七點開始打，一行七人，大家仲帶埋自己另一半，希望Shirley 都快D 搵到幸福...

一邊係火炭邊爐，七個人都唔記得加左幾多轉野食~~

一大班人志不在野食..........

不過呢間餐廳最後唔會話俾你知食過D 咩，點計錢，佢只係會俾一疊Order紙你，好難跟返~~

最好就自己記得食左幾多樣野，咁就唔會咁易俾人計多錢~~

邊爐呢邊墨魚滑幾唔錯，肥牛同本地牛都唔多掂，鱔片都好味，其他普通

另一邊就係炭燒，我記得燒左雞亦，腸仔，大蜆，鮑魚，蠔，牛舌，雞軟骨~~

大蜆未吐哂沙，Sai 左~~

我地個火Keep 住好細，所以燒好耐~~~

飽魚係活氐生被燒死，好殘忍呀..........

麻煩哂Shirley 同Iwin~~

生蠔勁大，大半隻手掌，$20 隻，

食到最後個個都好飽，又要迫人食，不過都係D 男朋友老公被迫......XD

我地仲補祝Shirley 生日，希望大家都健康，幸福快樂~~~

餐廳環境唔好，通風要加把勁，不過食個風味都唔錯!!!

最緊要都係同朋友一齊~~

我地食到10點幾，諗唔到去邊，於是去左我屋企，屋企咁岩無人，我地一齊睇煙花，一齊睇新城~~

笑笑下已經2點幾，愛你們一生一世~~

同埋最開心係第一次見蘇菲個男朋友，好識照顧人，Good~~