其實爸爸走左呢件事我同左好小人講，一方面唔知點講，一方面覺得爸爸無走，一切都無變~~
直到要送別爸爸果日，我同左呢幾個人講，我無諗過佢地當日就黎搵我，仲陪住我!!!
當下感覺一切盡在不言中..........
收拾好個人情緒，復活節長假約左大家出黎，睇左場戲<<那夜凌晨，我坐上了旺角開往大埔的紅VAN>><<，食左個飯，雖然有好多野想講，不過唔知點講，好朋友在身邊就已經足夠~~~
我會好好珍惜我地幾個之間唔可以用言語去形容既關係~~~
2014年4月20日 星期日
按摩 @ 香港仔
老公條頸又想去按摩，原本想上去大陸，不過晏左起身，我地又住得遠，去上水已經差不多要2個鐘，所以就諗住響香港仔試下，唔行唔知原來香港仔都有成3間，我地揀左新開果間足雅軒試下!!!
有哂價錢都叫有個預算，我地揀左半小時肩頸按摩~~~
每位 $118，新張期10% Off......
我地被安排響一間雙人房，師傅係跟埋入黎，一入到去即刻訓低，師傅就較定鬧鐘，就開始喇.......
即係我地係著住去街套衫，阿姐好大力咁推我個背，去到D 扣位，都無收力，真係好痛.......@@
半個鐘勁快過左，都唔知做左D 咩，就完喇~~~
佢裝修都幾唔錯嫁，都叫光光鮮鮮~~~
老公唔夠喉於是去左對面間試埋，門面差好多，點知上到去原來同一個老闆，即係同一班人，好彩老公唔係同一個師傅，佢話呢邊個師傅正好多，接完鬆哂~~~
第2間我無試，襯老公俾人按緊，我去左買送........ =]
之後去左睇書，就返屋企煮飯喇~~~
2014年4月19日 星期六
我的新吸塵機
搬新屋無耐已經睇吸塵機，睇左咁耐先買，係因為太懶，同埋心大心細，又想買平D，又想買好D~~~
最後唔知點解係去左永安買，仲要俾正價.......@@
我最Concern 既係要有好既filter 同埋 可以吸床~~~
呢部係Electrolux Z 8852，有Hepa filter 13 = 唔會噴返任何塵出黎......
吸床個扒頭如果另外買一個，要$680，好貴呀!!!!
白色機身，前面係塵袋、後面係Filter~~
個手 "Ban" 位可以調教力度，好方便~~
呢個係吸地同埋吸地毯既頭~~~
叫價 $3298，超出我預算好多，不過永安就送埋個吸床扒頭，3 張$100 Coupon，雖然要買滿 $200 先可以用一張，同埋 $200 餐飲禮券!!!
其實如果唔計D Coupons 出面買會平D，傻仔左....@@
不過佢真係好好用，吸一次地，成個地爽哂，好似岩岩抺完咁~~~
下次試下吸床先........
Hea 遊南Y
復活節除左見班朋友之外就係去南Y島Hea 左一陣，其實我都知辛苦左老公，個幾月黎都陪我響屋企，無得出街，見天氣好好，心情又好返D 就同佢去一轉南Y島!!!
其實無特別原因，只係樓下有船直接去到，我地Hea 到3點先落樓，搭3點3船入去，原來樓下有得揀去榕樹灣 / 索罟灣~~~
因為我地只係想行一陣，所以無揀去索罟灣.......
就係呢條船載我地去榕樹灣~~~
原來除左南Y，原來仲有得去蒲台島，下次試下~~~
船上有上下層，室內同外~~~
好耐無曬陽光喇，當日連妝都唔化，只係搽左防曬~~~
香港仔
望住自己住既地方越變越細，發現人其實真係好妙小~~
中途經過北角村~~
終於都到喇，全程大約45分鐘，即係我地到達時已經4點~~~
好靚~~~
靚 X 2
因為我地只係食左早餐，所以去左一間叫農舍食下午茶~~
2個人叫左一個Cake，一個All Day Breakfast......
Cake 同Coffee 麻麻，好彩個Breakfast 幾好味，下次都係食熱食穩陣，其實街邊都好多小食，魚彈、串燒、雞蛋仔.......
唔知點解覺得南Y 島多人左，無咁舒服~~
食完野行左一陣大街，買左紫菜 (煲湯用) & 鹹魚碎 (煮菜用) 之後就出發去紅聖爺灘~~~
去到都差不多日落了~~~
水退到好低，老公學其他人執蜆，不過超細，我地睇下就放生~~~
去石上面坐陣，睇 左陣書，食左小小零食~~~
呢段日子多謝呢個男人一直響我身邊支持住我!!!
陪我哭，陪我過........
我地Hea 完海灘，日落左之後唔想留響呢度食野，於是搭船返去Lu~~
平日12.5，假日17.5 都好抵~~~
南Y 夜景~~~
呢度係貝沙灣，香港真係太多光害!!
未來既日子無論發生咩事，我都會盡力活得開心，盡力愛錫愛我的人~~~
2014年4月15日 星期二
淘．燈
老公恨左好耐想買支燈放響梳化隔離，拖左好耐，終於都淘左!!
仲要係第一次用自己戶口俾錢，之前都係叫同事幫手訂，第一次用PPS，真係幾方便~~~
原本睇岩左一間，不過運費有D問題，間鋪點都唔肯幫我問運費幾多，話用佢個速遞 RMB 180，直接到香港，不過如果用順風就唔知幾錢，講真唔想埋單先知幾錢，於是搵左第2 間........
第2間質量好似都幾好，仲包國內運費，最後傾好左支燈 RMB 468，運費加RMB 67!!!
平就唔係特別平，不過起碼全部錢俾哂安心D~~~
星期五俾錢，星期一就到喇，不過無人收，放左響樓下看更度，洗唔洗咁大件呀!!!!!!
開左個紙盒，入面係支燈既底 & 柱~~~
Um....不過咩事入面爆哂!!!??
條柱有D 生鏽色........@@
好彩抺得甩~~~
用鑼C 鎖實支柱落去個底~~~
扭實個罩~~~
其實Overall 黎講都滿意~~~
2014年4月12日 星期六
2014年4月3日 星期四
我永遠的爸爸
2014年3月係一個非常難過既月份.......
不捨、悲傷、不解、自責、種種情緒交織一齊~~~
喊過無數次，但同一時間同自己講爸爸唔想你喊........
雖然呢段時間好難捱，但我會撐落去~~
爸爸多謝你咁多年既愛護、照顧，我未能一一報答.........
我仲記得細細個你就好錫我，真係好偏心，細佬想要既你未必會買，但只要你我想要你一定即刻買~~~
因為聽覺問題，你大聲小小同我講野都會補一句:" 我唔係話你"
我知道你永遠都係最錫我，最聽我話，放心，我會好好照顧自己，照顧媽咪，細佬同阿庭都會好好照顧我地!!!
我記得直到中學，我地先一齊住，其實我地一齊生活既時間真係好短呀........
我好感恩8年前你突然心臟有事，令我同細佬知道你同媽咪唔會永遠響我地身邊，如果無8年前果件事，我地都唔知道原來你地咁重要，可惜我可以孝順你既日子太短~~~
我地都唔夠細心，你瘦左咁多都唔發覺，你無以前咁好胃口，只係識得叫你小食多餐，不過呢一切都追悔莫及.........
人死左會去到一個咩地方呀? 你係咪同住爺爺、女麻女麻一齊呀? 你生活得好嗎? 係咪好掛住我呀?
其實我從來都無覺得你離開左，我地只係身處不同時空，只係見唔到面，但你永遠都會響我身邊.......
而家既我講既所有野，你都聽到，睇到，你會睇住孫仔出世，睇住佢地成長，爸爸你放心，我會教佢地同你一樣做一個正直既人~~
爸爸我希望你可以放開所有以前執著既野，呢一切一切已經唔再重要喇，重要既係大家都生活得開心!!
爸爸多謝你俾我知道原來身邊有好多天使，你放心啦，我會生活得好幸福~~
我約定你，他日再響天堂上再重聚~~
我愛你爸爸~~
訂閱：
文章 (Atom)