老公生日快樂2014

老公又大一歲，今年揀左去半島酒店同佢慶祝，仲叫埋老爺奶奶~~~

禮物係我地去歐洲既遊記，今次揀左台灣點點印，連運費HKD 300，Overall 都可以!!

不過有D 相就暗左D，歐遊都影左唔小相，真係揀左好耐~~~

Packaging 都幾認真~~~

每2個人一蓋包，個豬仔包好香~~~

頭盤，其中3個人都叫左呢款蝦+梨沙徉~~

老公就叫左湯!!!

主菜我同奶奶揀左Tuna 魚，老公老爺就食牛扒，牛扒味道唔錯，Tuna 就無咩味~~~

甜品就幾唔錯，法式布甸，入面好多Cherry~~

老公朱古力怪，叫左呢個白朱古力~~

呢個好好食呀..........

其實唔好睇好似唔多野食，不過已經夠飽，講定生日仲有蛋糕送~~~

味道都OK啦!!!

因為8月做緊買三送一，最後加埋一，每位都係 $280...........

抵哂!!!

南生圍 & 下白泥

老公返新工前，我請左日假陪佢郊遊，當然係去上次想去既南生圍！

雖然一早搵左地圖，不過都係搵唔到路~~~

我地去左Yoho Midtown租車，之後一直踩，去到東成里，俾酒店職員點左入去....

踩左一圈都係入唔到南生圍，又出返大路，原來要繼續踩！

經過好長一段路，終於入到去，完全唔建議行路，除非山貝村入，山貝村出~~~

其實南生圍好細，一段路之後就係拍戲果度，影左d相，雖然有羅埋腳架，不過咁熱，都無咩心機！！

如果係枯黃色既蘆葦草應該靚d~~

無要求其他人幫手，影到咁都已經好滿意

雖然搵唔到路令我地有d磨擦，不過過左又無事喇！

始終都係二個人，對好多事個expextation都會有唔同！

過左橋，踩多一陣就係橫水渡！

其實無咩特色，不過如此要返市中心，最快係呢條路！

返左去市中心，食左個 出名車仔面！

個湯係好似公仔面湯底......

其實食物就普通，係個裝修幾好！

下一站係入下白泥！

要由元朗搭半個鐘小巴，我以為天氣唔好，無咩人，點知都好多！

大部分都係學生~~~

以為打風前個晚霞會好靚，點知！

玩左一陣就天黑喇！

呢度好多蠔殼，蠔田，不過除此之外無其他！

當日其實另一邊天閃緊電！幸運地無落雨！

失敗的倒影照！

搭車走原來都有技巧，當個個排響公廁門口，你就要快人一步，行前d....

先有位上小巴！

之後返屋企沖個涼趕下一場！

Home BBQ @ Yuen Long

老公朋友又邀請我地去佢屋企BBQ.....

我地一早就入左元朗，原本諗住2個人去完南生圍之後先Join 埋其他人一齊買野!!!

點知入到元朗落好大雨，真係有D灰。

見都係去唔成，於是出左去Yuen Long Town 食野，揀左生原創蛋包飯..........

3個人叫左2個蛋包飯，一個芝士條，Lunch 都幾唔抵，一個飯都要$90，試左一個牛肉、一個曼魚..........

 標榜即叫即整，味道都OK，入面D 料就小左D，個醬汁就幾好!!!

買齊野之後就開始準備，其實都無咩要洗，只係D帶子要整，菇同粟米、茄子要切好，包好!!

D 肉呀，丸呀，都唔係準備好多~~~~

是日仲叫左蠔..........

都幾新鮮呀!!!!

帶子新鮮燒好，味道都幾好呀!!!!

由七點幾開始食，食到10點倒打左一陣牌，哈哈....

今次贏 $20....好叻呀......

七月忙忙忙

有一日約左EDB 二個前同事黎我屋企hea....

我預備左d Jelly粉同佢地試下整Jelly糖！

新買左三個超可愛三眼仔造型模~~~

因為落左好小魚膠粉同埋個模無搽油所以.......

不過咁樣玩下，傾返以前d白痴野都好開心！

宇珊九月底結婚，叫我幫手做姐妹，我當然Yes啦！

是日上去試裙，佢揀短款，我地只係試左四個款就定左右上個款~~

有朵花響腰都幾簡單elegant.....

可能會用右下條粗肩帶！

佢有好多野都自己搞，佢家姐上二年先結婚，佢好多野都跟返~~

真係簡單好多！

不過真係結完婚好認同其他人話到果日就發現好多野都唔再重要！

期待左一段時間既海賊王展覽終於都響時代擺好！

呢一日未正式開幕，已經急不及待上去影左一轉，一比一lu fi.....

見到都咪話唔開心！

好想快d再追返呀~~

睇完佢地之後食左school food.....老公都話好味！

再睇左Ape...特登前一日睇返第一集，講真二集都好睇！

人同猿，其實我睇到二個不同種族既人，世上只要有一個有野心既人，因為自己既偏見已經可以令全世界有戰亂，和平真係好難....

整套戲都好感人！推介

老公新工作

老公見左二份工，好快就有個好offer.....

星期六呢朝一早八點起身，陪佢去中環簽約！

希望佢做得開心，一切都順利，細佬同佢都一齊搵到工，係一個好開始

未訓醒呀，真係......簽完就去左勝香園

我麻麻地茄湯，所以叫左豬扒蛋米，其實麻麻地，係食個風味，好彩鹹檸七都好飲！

仲叫左個檸檬脆脆~~~

食完上左去一街之隔既PMQ, 前排好hit.....

因為果1600隻熊貓，不過展覽岩岩完左，上黎主要八下佢入面有d咩！

但當日天氣太好，我行左一陣都頂唔住要走喇！

入面算係sell好多個人設計，不過未深入了解到，下次再黎！

返去屋企抖陣，之後再出去，又係中環，原本想試下新開Angelina Hightea~~~

不過門口實Q話要等二個鐘，所以放棄左，最後試左Greyhound Cafe！

餐廳係食fusion viet dish....我叫左杯pink journey....

好似沙冰，不過無咩味，叫價$58

，我叫左個pink journey ($58), fiona就叫左thai milk tea...

野飲偏貴，唔太值得試~~~

再叫左碟有毛炒粉！即時換過碟！

偏

無味米紙卷

總括黎講，無下次！

對生命的無力感

呢排屋企又發生左d唔好既事，真係好感慨人生無常，每每面對死亡時就會發現人既力量真係好秒小！

生命係咁脆弱，到底咁努力生存係為左咩！？

有時真係會好灰心……

雖然我好努力提自己要珍惜同屋企人一齊，唔好後悔，但有時真係唔識點同佢地好好溝通，媽咪同弟婦一家既不和真係好無謂！

點解經歷左咁多，仲睇唔開！

人生只係追求快樂，大家都過得開心最重要~~

發完up瘋，希望我地幾家人都健康，平安，快樂！

心情唔好最好就係食好野，呢日午餐total 食左$410 二個人，不過質素都唔錯，每set都有蒸蛋，矮瓜，餐茶同埋生果！

真中一set係魚生飯，有蝦，帶子，三文魚，拖羅，池魚，玉子，波波，海膽！

樣樣都好新鮮，好味，特別係蓮藕！

另一set係天婦羅，有矮瓜，蝦，魚，天葵！

仲有魚生，都唔錯！

要對自己同屋企人再好D

麥生煮意

老公呢排得閒，又有心機煮飯我食，雖然係我話過佢想佢做多d屋企野！anyway都係好轉變！

終於都成功篜魚，原來要放好多蔥薑！呢條魚叫紅油，肉質都幾唔錯，只係$25條，好抵呀！

會再蒸多d魚黎食！

是日仲煲左個芥菜沙白豆腐鹹蛋湯，又平又好飲，去歐洲真係餓左好耐熱湯！

再整多個菜，呢餐加埋都係$59....

Transformer咁大制作實要睇啦，不過時間長，好多戲院都要$90張飛 2D....如果3D要$125好貴呀，於是去左總統八下，點知十二點果場都係$45....唔睇對自己唔住！

睇完都有小小失望，真係無咩故事性，好多為打而打！

但都要期待下一集...XD

又一日煮左個菠蘿炒飯，入面都幾多料，粟米，紅蘿蔔，立腸立肉，最重要係大量菠蘿，雖然放左好小調味，估唔到味道咁正！

有一日麥生煮左個咖哩，其實係用咖哩加蘿白，薯仔，仲煲左個老火湯，雖然味道酸左小小，不過應該算係佢第一次煲俾我飲！

仲整左個茄子，佢整茄子好好味，不如轉行做大廚啦！