抖足精神，它公響酒店買左杯Coffee，我地就向St. James Park 出發~~~
好特別既廣告.........
又是超好天氣既一日........
我地響Giraffe Kiosk 買左2個包就搭MTR 去St James Park 好易就搵到，一邊望到London Eye，一邊望到白金漢宮........
公園入面好乾淨，好多小動物，好可愛~~~
第一時間坐草地食早餐.....
一個係牛角包入面係芝士同Ham，一個係法包，可惜凍左，不過食包都幾貴.......
食飽飽就去等換兵，交接儀式時間請點選這裡>>
我地揀左面向白金漢宮左邊門，睇到既都幾多~~~
士兵帶住不同樂器......
步操左一陣，都OK既.......
不過唔算必睇，又要等成個鐘，唔多抵，睇完已經12點......
再影下相，今次帶左腳架，所以影左好多靚相~~~
真係好多兵~~~
下一站係西敏寺，國會同埋London eye....
經過草地又忍唔住訓左陣，好鍾意英國D草咁綠~~~
西敏寺，只係經過影一影，好靚~~~
側邊又一個小公園，好多人休息~~~~
雖然我地無入去西敏寺，不過就去左側邊個St. Margaret's Church
入面都好靚，仲係免費參觀，值得一去........
對面就係國會，哈哈，真係好英式建築呀...........
我諗住行繞一圈，點知入左隔離個公園先知係Dead end ，不過就睇左小小泰吾氏河~~~
Big Ben.....
London Eye~~
上去之前買左3文治同生果食，雖然英國D 生果好貴，不過超新鮮~~~
差不多3點半先上到去London Eye......
上面真係睇到好遠好遠，令我諗返當日Landing 見到London Eye.....
原本下一站係大英博物館，到最後我地都係唔想咁趕~~~~
哈哈，影得好好......
國會全貌~~~
上完去我地就決定去Coven Garden，行過去Waterloo Station
咁岩又有Market ，不過又係得個睇字........
好靚既Waterloo Station......
好似好多車都經呢度，又係一個大站~~~
終於都到左Coven Garden，其實係一個名牌集中地，但今次我地唔係目標名牌~~~
我見Outlet Pandora 同 Links of London 都平幾多，下次如果想買都可以睇定款.......
後面D Market 都開始關門了.........其實只係6點左右
所以我地都係開餐先，老公一早訂左米之連餐廳，不過味道一般!!!
2個人叫左一個蘑菇湯，一個拼盤......個湯幾好味，清清地好香~~~~
個拼盤就差小小，有沙律、青瓜仔、火腿、腸.......
Main 就叫左個鴨腿，側邊係豆，鴨腿唔太入味，不過好軟身.......
另一個主菜係Beef Tartare，唔知係咪包既2個伴碟，沙律 & 薯條~~~
Beef Tartare 其實係生牛肉，加左隻生蛋，老公同我都係第一次食，感覺好恐怖!!!
唔明點解有人會鍾意食，食左無一半已經頂唔住.....XD
隔離台都有叫，個男人食得好芝味，個女人就同我地一樣....XD
只可以話我地唔識欣賞，呢餐64.5 Pound~~
Cafe Des Amis~~
8點幾就返左去Kingscross， 去左轉Harry Porter 個影相位，行左一陣!!!
就返去酒店睇世界盃
好奇怪，英國好多地方用腳架都話要預先申請，奇怪~~~
最後一邊食薯片、一邊食生果，一訪世界盃..........
