繼續都係回憶同杰倫之間的點滴~~
我都唔記得第2次係幾時見到佢喇......
因為我試過去機場接機、去好多次佢既小型音樂會、去商台、去酒店............
哈哈....好多狂迷會做既野我都做過~~
不過響2002年1月1日，我就好記得自己第一次去現場睇叱吒.....
為既當然又係阿Jay啦﹗
估唔到個場刊我仲留住~~
記得當年同Celia，2個人整左一個杰字、一個倫字既牌，一人一個﹗
都幾大個嫁，我地仲被雜誌影左，雖然好細粒，不過好搞笑.......
又係一個好好既回憶﹗
不過我仲未搵到張雜誌~~
其實個牌我仲keep住響屋企，不過太污joe喇........
哈哈...其實係咪都係時候掉左佢﹗年尾屋企要裝修，係時候執執佢~~
當年杰倫羅左叱吒新人獎金獎，其實佢響好多個頒獎禮度都係新人王~~
我好似都去過新城同埋港台既頒獎禮~
不過唔知係咪2001果年~~
哈哈﹗就係范特西呢隻碟令我愛上佢..........
上面既上榜歌我真係隻隻都識唱，特別喜歡"可愛女人" 同埋"開不了口"
應該果一晚佢係唱左開不了口........
又係好感動的一晚~~
9月阿Jay就會再黎香港開演唱會喇~~
呢幾日我異常咁興奮.....
仲搵返好多以前既野﹗
好想，真係好想寫返低我由2001年到2010年呢9年同佢之間既點滴~~
當然呢一切都係源自2001年，我第一次同佢見面.............
當日應該係2000年12月7日，因為同一日我當時最好既朋友生日﹗
我從報紙知道，阿Jay會去將軍澳(應該係東港城﹗) 出席東華慈善show~~
於是約埋2個同學3點幾就入去等喇，當時應該大家都係第一次入將軍澳......
我諗住睇埋阿Jay就返去同個朋友慶祝生日﹗
等等下大會仲安排我地坐入去﹗
點知等下一個鐘，等下又一個鐘......=.=
到差唔多8點阿Jay先出黎﹗
其實我係又擔心，又開心~~
擔心 - 係因為知道朋友等緊我，佢等緊我返去開生日會，而個生日會得她Daddy、媽咪、另外一個女仔同我.........(其實可以想像到我地係幾好朋友﹗)
開心 - 我真係可以好近見到阿JAY~~
對當時既我黎講，呢個機會好難得........
同埋當時仲係細，唔識得分輕重﹗
阿JAY當時仲係好純品樣，傻傻仔仔~~
同而家其實都唔同左好多喇~~
我都唔知點解自己會鍾意佢咁耐﹗
可能都關自始之後，我朋友嬲左我...........
當晚我差唔多12點先到佢屋企，雖然都如常地食蛋糕~~
不過我知道我地唔會再好似以前咁喇............
但我完全明白點解佢會咁......怪只可以怪自己﹗
雖然件事都過左咁耐，不過如果我諗返，都會有唔開心~~
哈哈﹗我仲搵到張果時我同D同學一齊既合照....
wow~~10年前既照片大公開﹗
唔知你認唔認到邊個係我呢!!!!???
PS: D相應該係仲用菲林機嫁﹗真係超經典~~
原本諗住放工就返屋企食飯~~
不過咁岩女朋友約我﹗而我都覺得自己真係好耐無去街喇.....
雖然呢排都唔多想見人，因為面仔仲未好返﹗
um~~但係女朋友約到，好難得嫁﹗go go go~~
哈哈...原來女朋友響Marc Jacob睇中左個袋﹗
都 $3xxx，佢想我幫下眼 ^ ^
講真個款都幾好，不過咁貴就唔係好捨得~~
哈哈﹗佢話再諗諗，不過個心應該都已經諗定係買ga喇.....
之後我諗住去isquare買定星期3既飛睇toy story 3~~
點知，勁多人﹗
算﹗或者星期六日再睇~~
i square其實無咩野行﹗於是就去食飯~~
第一次食山頭火，感覺不過不失﹗
面同飯，唔會出色到話下次都想返黎食~~
我的波波隻同埋鼓油味拉面﹗
女朋友的蟹肉飯同鼓油味拉面~~
個蛋睇相明明係唐心，點知.............
以為個飯係滑蛋，點知...........
好彩，我地2個都覺得個拉面ok~~
之後行左陣街，次次都好多野講ga....講唔停~~
感覺到女朋友原來都好care我既意見﹗
Love you~~
女朋友想幫我影相，不過我唔肯，佢仲同我講" 唔係呀，塊面都無咩事﹗"
哈哈﹗咁識tum我﹗真係好~~
Justin到今日都仲未好返呀.........
所以平時星期五六日既活動都取消哂~~
佢星期五、六、日都留左響屋企休息......
我都好乖咁陪響佢身邊，照顧住﹗
(不過星期日要返工﹗陪唔到佢lu~~)
星期六晚我地去左上面個商場買外賣~~
當時咁岩落好大雨.......
哈哈...佢猛話全日都好天，咩事佢一出街就落雨﹗
但我就覺得我地好好彩，出門口前落雨，唔係仲大件事~~
我地仲見到我最驚既"brown青蛙"..........
好核突呀﹗
Justin仲好衰咁嚇我，我話左佢2句之後就乖乖地拖返住我喇~~
有時佢真係好小朋友....
雖然我知道自己響佢身邊，其實都幫唔到佢舒緩病情﹗
不過我可以提下佢飲水、準時食藥....
我見到佢感覺都安心，佢感覺點......???應該都開心有我照顧掛~~
聽到佢猛話喉嚨痛、呢度痛、果度痛﹗其實我都好心痛........
希望佢快d好返﹗我地又可以一齊出去行街、食飯、睇戲﹗
開開心心﹗
其實講真照顧佢咁耐，我都有小小頭暈、頭痛﹗
星期日返左5個鐘Expo 都覺得好辛苦~~
真係慘呀~~
我地2個可以身體好d嗎!!!???
Justin由星期2開始唔舒服﹗
星期3睇完醫生，休息左一日....
但都退唔到燒~~
因為發冷發熱出汗都係訓得唔多好﹗
都唔明點解食左藥仲係退唔到燒......><
於是星期4又再睇多次醫生﹗
今次醫生保證一定會退燒.....
好彩真係退左燒﹗
不過個人就有點遲鈍......
應該係食左藥個腦function唔到﹗
而呢2日我都有去照顧住佢，星期3就整左粥、星期4就整左烏冬~~
希望佢可以快點好返啦﹗
sick leave左2 日之後~~
雖然今日都仲係唔多舒服，不過佢都堅持返工
佢同我講好掛住公司、好掛住d生意、同事........
估唔到佢變到咁積極﹗
哈哈....原來一班好同事係咁重要嫁~~
BBB~~加油﹗
我都係，要一齊加油~~
隔左成3年，其實都唔係好記得第1, 2 集係講咩喇~~
不過迪士尼 3D動畫令我好有信心﹗一定好睇.....
哈哈...結果.....真係好好睇﹗
因為一個壞人角色，原本已經結束左既故事又重頭開始~~
哈哈﹗好鍾意佢一開頭就不停重覆又重覆咁講返史力加"美滿幸福" 的生活........
原來一切變成理所當然、變成呆板，人就會開始厭、開始倦........
好鍾意壞人個角色，森美佩音佩得好好.....
原本想睇英文嫁，不過同事話廣東話好笑好多﹗
果然無介紹錯 ^ ^
原本想過返一日屬於自己既生活，點知就令到一切都改變左﹗
老婆、朋友都唔再記得自己~~
原本幸福既生活一下子無哂.........
那一刻先知道，原來自己厭倦了既生活係幾珍貴﹗
剩下既只有後悔~~
人真係要失去了才知道幸福並非必然~~
好彩，最後經過努力，一切又回復以前一樣﹗
唯一唔同既，就係曾經經歷過失去既史力加學懂左珍惜~~
我除左好鍾意個故事之外，仲好鍾意某幾個人物﹗
貓貓，又可愛，又搞笑﹗
好得人鍾意呀~~
驢友係煩小小，不過我好鍾意林海嫁~~
佢都佩得好好﹗
唔知你又有無諗過你理想既"美滿幸福"生活係點呢!!!???
有無諗過其實而家既你已經好幸福.......
我永遠相信活在當下，珍惜眼前人﹗
星期二買左飛睇SHREK FOREVER AFTER﹗
因為響旺角睇，於是我地就返左我屋企食飯~~
媽咪又煲左靚湯、炒左蟹、煎左豬扒、燒肉、金銀蛋"現"菜~~
哈哈....其實平時都差唔多咁多味送嫁﹗
我地屋企成日都有老火湯飲~~
Justin就小飲，次次都飲成4碗﹗媽咪一定好鍾意你啦....
因為有時飲剩一碗我同細佬都唔肯飲埋﹗
一人最多飲一碗~~
食完飯，細佬就叫我地打機，我打得勁渣，次次都係玩一陣就死，於是佢地2個玩﹗
媽咪話細佬成日自己玩，而家有人陪，有得笑﹗
哈哈.....講真有你一齊食飯，細佬都講多左野.........
我諗細佬都幾鍾意你響度﹗哈哈............
有左你唔單止我開心，我屋企人都開心﹗
之後就出發去旺角，套戲好好呀﹗又簡單、又有meaning、d 3 D仲好靚tim~~
好鍾意而家幾間戲院一齊推出"送你一人一副3D眼鏡"
以後每人都有自己一副，唔洗再每次睇完收集清洗，但大家都會擔心唔乾淨﹗
下次如果你帶自己果副，戲院仲會送你$10 Cash Coupon同埋細爆谷~~
環保野~~我當然支持啦﹗
其實放工見到Justin都已經唔多舒服，估唔到睇完戲仲發燒，頭暈暈﹗
應該係響冷氣地方出出入入，感親~~
臨訓之前食左粒退燒藥，但都係退唔到~
於是我請左半日假，陪佢睇醫生，仲煲埋粥等佢起身有得食...........
身體可以強壯點嗎!!???
心痛你病病呀............
