札幌拉面

上星期日，要羅個電話去旺角整~~

唉﹗而家聽歌有music 無人聲﹗勁怪~~

不過整完同無整都係一樣，可能係個耳機問題，不過原來3個月後就唔包耳機保養~~

我部機買左5個月ja......=.=

突然之間好想食拉面呀﹗不過朗豪坊只係得一間﹗

其實我見就見過好多次，不過食就真係第一次............

我叫左碗<<雜錦拉面>>

勁唔抵﹗豬軟骨得上面一條仔、叉燒得一塊、帶子一粒﹗呢碗野 $80~~

食888拉面都唔洗咁貴﹗又好味勁多~~

Justin呢碗有3塊瘦叉﹗但係 $45 都叫acceptable呀~~

我地2個都覺得湯入面好多味精﹗

雖然而家既我唔應該食雪糕~~

不過又好想試下，一球應該唔會有太大問題掛.........

我叫雜莓乳酪，Justin就叫左開心果~~

我好鍾意我果個呀﹗不過如果成30蚊食一杯咁細杯我就唔會喇~~

再會泰皇宮

星期六係對於我地2個黎講好沉重既一日﹗

不過我知道一切都會過去~~

我只寄望將來會比而家更好﹗

唔知點解突然之間好想食菠蘿炒飯，於是就去左香港仔食泰皇宮﹗

上次已經食過﹗今次再食試左其他新野~~

同上次一樣都有蝦片同埋甜品椰汁膏~~

當然第一時間叫個菠蘿炒飯啦﹗

um~~好鍾意佢用新鮮菠蘿~~

好味 ^ ^

呢個魚柳又有新鮮菠蘿，個汁岩岩好﹗

so good~~

不過呢個蒜香雞亦就麻麻~~

唔太入味~~

雖然佢有8隻好抵食....不過下次唔會再叫lu~~

仲有個鹹魚炒芥蘭都好味 ^ ^

加埋杯青檸冰飽到咩咁呀~~

見到隔離果個蟹真係好想食呀.........

下次啦﹗下次一定食到~~

自家制意大利飯

Justin某日提議整意大利飯~

於是我地就上網search左個整法....

仲去sogo買左盒意大利米....

再加埋小小自己鍾意既材料，就成為左呢款<<自家制意大利飯>>喇...

做法:

意大利米洗淨瀝乾，備用。

燒紅鑊加入橄欖油炒香洋蔥粒至金黃色，加入意大利米炒，盛一羹雞湯贊入意大利米飯內，炒至湯水收乾，然後再加一羹雞湯，以同樣方法再炒至收水，直至到用完雞湯為止，大約20分鐘。

食譜copy自為食貓

我地除左加入洋蔥之外仲加左青椒、蕃茄湯﹗

味道好好呀﹗

同埋我地唔鍾意食太硬身既，於是煮到自己鍾意既軟硬度~~感覺so good~~

下次仲可以試下整海鮮意大行飯、或者磨姑雞肉~~

一定更加好味.............

轟天猛將 (The Expendables)

動作片一向都唔係my cup of tea，不過Justin話佢都想睇﹗

其實64歲既史泰龍再拍動作片，真係一個幾大既噱頭~~

估唔到戲入面佢都仲跑得、打得.....

厲害~~

如果你問我有邊部分印象最深刻﹗

其實真係無.......

因為都係追黎追去，打黎打去、炸黎炸去........

我諗套戲都想描寫人性

當呢班特工殺左好多好多人之後，發現原來自己仲有能力去救人﹗

可惜無咩感染力~~

網上面有人話李連杰個角色有d奸~~

不過我就唔多覺......

到底奸在何處!!!???

榮華酒樓

2010年9月4日

我、Justin、Eugene一齊去左times度睇左轟天猛將 (The Expendables)

之後宇珊都黎埋﹗我地就一行4人去左榮華酒樓食晚飯~~

4個人叫左勁多野，可能去上海餓左好耐~~

呢個芋泥鴨so ，都幾特別，不過真係好滯~~

瑤柱扒芥菜膽~~

呢個麻麻、瑤柱一定係煲過湯，因為都無咩味~~

燒腩仔

哈哈﹗我一向都唔愛食呢d肥肉....=.=

冬瓜鐘

真係原隻冬瓜，味道都幾清﹗

d料???一早俾我地分哂lu~~

一人可以飲成2-3碗﹗

仲叫左2個炒飯，一個蛋白、一個蠟腸炒飯~~

4個人好似真係叫得太多野食喇~~

哈哈哈﹗﹗

Armani + 千両

響上海返左黎既星期五晚(2010年9月3日)~~

我同Justin去左tims買野﹗其實係我買~~

因為Mac 個Foundation已經用完係時候要換一支新~~

一早就想試下Armani既lasting silk~~

其實佢真係好貼﹗都幾自然........

之後個BA Sell 埋我支Primer，因為咁樣一set會有埋個化妝袋﹗

好靚呀﹗Justin一見到就叫我買一set喇﹗

之後就去左食千両，印象中我應該第2次食﹗

而Justin就係第一次﹗

我地2個都同時話佢個帶子好味﹗後面果件係腐皮，同元氣既好似~~

其實係因為佢地係同一集團﹗

不過千両走貴價路線~~味道一樣咁下次都係去返元氣先食腐皮啦﹗

我地除左食平時會食既野之外仲叫左d特別野﹗

玉子燒﹗um~~唔夠多汁﹗

都係搵唔到有一間可以整得同一門咁好味~~

呢個親子卷都好味~~

哈哈﹗影唔到佢入面卷住d咩tim~~

不過佢d波波﹗都好新鮮，好好味~~

呢件好似係左口魚群邊~~

不過勁肥，唔太岩食~~

x魚漬﹗其實呢種係壽司既其中一個整法﹗

都ok 既~~不過都係鍾意食原味~~

哈哈﹗平時就唔會食，不過唔知點解果晚好想食﹗

估唔到都ok~~

so far我覺得千両都做得唔錯﹗

終於由上海返到黎喇~~

原定9月1返港，點知上海打風，要delay一日.............=.=

由5日4夜變左6日5夜~~

但我地其實都無去多左咩地方﹗

因為班機晏晝就起飛........

能夠安全返黎，我已經好感恩~~

等我略略介紹下呢幾日既世博同杭州行啦﹗

總括呢5日天氣都幾好，天陰陰，唔曬，又有風，好舒服呀~~

係最後果2日開始有雨~~

第1日，係星期六其實我知一定最多人，不過我估唔到成527500.........=.=

我地落左機食埋野去到世博園都已經4點半......

夜票原來4點已經開始賣，買完即入﹗

我既宗旨係人多要排既唔入~~

最後第一晚入到12個館(聯合館合計一個)

最有印象係城市足跡館、阿曼館同摩洛哥﹗

其他包括: 震旦館、烏茲別克、朝鮮、伊朗、黎巴嫩、土庫曼、巴基斯坦、斯里蘭卡、亞洲聯合館一 (蒙古、孟加拉、吉e吉斯、馬爾代夫、東帝汶)

佢地都好大，整得好有心機~~

第2日，一早就去左豫園，之後又再一次夜遊世博

8月29日當日既入園人數為:397200

人明顯小，好多大館我地都唔洗排好耐就入到去﹗

公眾參與館、城市人館、城市生命館、新西蘭、柬埔寨、澳洲、印尼、斯洛伐克、葡萄牙、捷克、白俄羅斯、丹麥、希臘、瑞典、西班牙、芬蘭

8月30日去了杭州一日遊﹗

其實行程同我plan既差唔多............

不過唔知點解覺得果一日特別長﹗

好似玩左好耐都未天黑........

8月31日再戰世博﹗

雖然話去全日，不過我地都差唔多12點先去到門口.........

當日人數係前2次既1/2，得200700﹗

所以就算下午都好多大館唔洗排~~

真係好開心~~

我地仲有時間食左個晚餐同午餐﹗

真係好正呀~~

去左阿根廷、南非、非洲聯合館、突尼斯、埃及、秘魯、巴西、美國、加拿大、立陶宛、奧地利、荷蘭、土耳其、烏克蘭、拉脫維亞、愛沙尼亞、塞爾維亞、比利時、瑞士、法國、波蘭、意大利~~

9月1日主要行左南京東路同外灘.....

之後去到機場先知所以航班都因為打風唔可以起飛﹗

被迫搵酒店住，好彩第一間酒店仲有房，不過勁貴~~

成RMB$1100一晚﹗我差唔多係我訂既2晚價錢﹗

walk-in 真貴~~

仲要我地有恐怖事件發生.........=.=

到9月2，我地食埋蟹皇府就返香港喇﹗

好彩有Justin陪住我都唔係好擔心 ^ ^

而家睇下保險會cover到幾錢..........

唉﹗真麻煩~~

不過總括黎講世博都值得去...