3月的DICKEN'S BAR

JUSTIN話好耐無食肉，於是又去飯堂睇下有無新菜式

3月轉左個menu，不過其實都無咩新菜式~~

唔知點解無左羊架

於是我揀左bbq ribs~

勁大件，整得好好味 ^ ^

伴碟薯皮同埋沙律都好呀~~

justin想食牛扒，見有個新和牛扒~~

點知勁令人失望~~

勁細件，細件到睇唔到，伴碟有薯條同沙律~~

呢件牛唔值$270 lo~~

雖然今次失望左，不過我地都仲會去俾多次機會佢﹗

試新野

前2日有機會試飲而家鋪天蓋地賣廣告既日本人氣產品CHOCOLATE BB

佢個樣同普通塋養飲品差唔多﹗

不過一打開個蓋，見到D螢光黃色..........

再聞一聞.......

講真味道真係有點怪~~

飲一次都唔會知道有無效，只係知道難唔難飲.....

天氣開始轉喇，唔知點解面上面既粒粒越黎越多﹗

多到我又想去睇醫生喇........

不過睇之前試下轉其他產品睇下會唔會好小小﹗

今次揀左VICHY﹗因為佢話防敏感.........

同埋試果時感覺好舒服同埋都幾滋潤﹗^ ^

SO FAR用左幾日感覺都幾好~~

希望面仔快D好返啦﹗><

白色情人節快樂

白色情人節我地簡單咁買左個蛋糕慶祝

無錯又係黑森林蛋糕......

不過呢個都幾好味﹗

其實簡簡單單日日都係情人節 ^ ^

i love you baby~~

我地係咪真係會結婚???

上星期日我同JUSTIN去左會展個婚紗展~~

之前2次因為落雨無去到﹗

其實我地都係當去睇下........

第一次去已經學左好多野呀﹗(雖然我地只係睇左4間婚紗相、3間酒店)

第1間當然係睇返我一直既心水 -->法國婚紗

咁岩我地坐低無耐就有fashion show睇﹗好正呀......

d婚紗都好靚﹗

唔知點解當年一睇到呔仔媽咪 kelly 佢影果D婚紗相，特別係響遊艇果D，我真係著迷左好靚﹗於是我自己暗地里決定將來我結婚都要影...........

佢介紹左個PACKAGE，其實都唔貴，好似9000 or 8000........

不過包既野唔多，30張相，一睇就知唔會揀咁小啦﹗

其實除左包幾多張相之外，仲要睇埋之後額外每張加幾多啦、包幾多套婚紗禮服、係咪任揀.........總之好多好多要考慮

如果揀包多D相果個Package都成17000..........哈哈﹗

之後行行下就入左去浪漫一生，呢間真係聽佢講解左好耐﹗

sun 勁好人，佢介紹左好多台灣影婚紗相既地方，又送好多野俾我地~~

原來台灣有一座城堡酒店，可以影相~~

佢個package hkd13000，搵最top果個攝影師幫我地影(如果request係要加錢)，多一套禮服，有3本相簿~~

仲有好多好多野﹗

佢仲話去到請我地食小食~~

我仲學到一樣野，就係原來婚紗相簿有分有縫同無縫，原來無縫係貴好多，我問返法國婚紗如果整無縫要加$5000..........=.=

但係我地2個都覺得無縫靚好多~~

其實我個心都幾感動，阿sun果個offer真係好似好好，不過..........

始終第一次黎，justin話點都要再睇下﹗

阿sun問justin"你到底有沒有想要娶她﹗"

哈哈﹗我答佢"他還沒有求婚﹗"

哈哈﹗其實我知佢同我一樣都有小小心動，但係始終理性多於感性~~

anyway，佢都好似好讚成我響台灣(外地)同香港各影一套........

仲睇左mona liza，Justin話佢都鍾意法國多d ^ ^

之後仲睇多左2間，不過感覺都麻麻~~

酒店都睇左幾間，langham、macro polo hong kong..........

我自己就幾鍾意macro polo hong kong，我一直都係諗住響酒店擺，因為service好d，同埋都唔係貴好多，我都唔expect 會賺錢﹗我只係想大家都食得開心﹗

哈哈﹗講到好似真係就快結婚咁呀﹗

anyway呢個係一個開始，希望係一個好開始啦﹗

我問justin 我地係咪真係會結婚，佢話係..........

黑天鵝 (Black Swan)

星期五放工又去太古睇戲﹗

今次JUSTIN揀左 Black Swan

我一直都好欣賞PORTMAN，其一覺得佢好靚女，其二就係覺得佢做戲好睇﹗

由CLOSER開始已經好欣賞佢...........

呢套戲佢簡直係一百分呀﹗

我覺得佢真係好岩做呢D內心戲.........

個故事其實好簡單，一個期待以久既機會，隨之而來是不能承受的壓力.........

好多時都聽到其他人講，唔好咁緊張，越緊張越做得唔好，盡力而為，平常心啦.............

但呢D真係講就易，做真係好難...........

當你在乎果件事，你就會自然緊張~~

其實一開頭轉工，我都好緊張，成日都擔心自己做得唔好，同埋開頭我都唔知道佢地想點，都幾大壓力...........

雖然而家俊俊習慣左，不過都仲未可以完全放鬆~~

我都仲係適應緊﹗

好彩我並唔係一個完美主義者，因為我知道無可能每件事都做到最好..............

LILY到底係真心想同LINA做朋友定係儲心積累想搶走佢個位..........

我同JUSTIN講如果你唔當佢係朋友，佢做咩你都會覺得佢係有計謀............

其實我覺得套戲好岩香港人睇，而家既香港太多負能量，太大壓力~~

講真我都幾同情而定做政府既人，做又唔岩，唔做又唔岩.....

動不動就話示威、掟蕉、撞曾任權，如果呢D行為係對香港有利，做都無可口飛........

但根本對成件事完全無幫助~~

同埋可唔可以理智小小，大環境唔係靠呢D小動作去改變................

我覺得人同人之間既果份尊重好似已經無左。社會好似好恐怖咁........

到有一日都唔知會唔會變到亂殺人...........

其實香港已經係一片福地，點解仲要有咁多不滿，唔通真係想政府包養所有人!!!????

幸福係掌握響自己手，努力一定會過到好既生活~~

可能世界真係差不多走到未日喇，太多災害..............

希望日本受地震影響既人可以平安啦﹗

真心希望世界多一份愛，小一份怨.............

就算真係就黎未日，我都無咩遺憾，因為我一直同屋企、同我最愛既人一齊，我已經好幸福、好幸運﹗

知足常樂，希望大家都快快樂樂..............

抵到忍唔住訂左張去大阪機票

由泰國返黎果晚我陪justin睇波﹗

諗住睇下下個月個假可以去邊，有無平﹗

點知睇睇下見到cx 有去大阪promotion~~

來回只係$1990﹗

其實去日本機票好小咁平，就算印航都要$2050﹗

(原本我地係4月底去﹗)

我之前check過package 價，一張ANA / JAL都要$2500

而家坐CX，雖然個航班時間都幾差，晏晝4點去，回程朝早9點﹗

但係就算早去晚返，其實都唔係去到多幾多地方~~

同埋我地去8日，扣左頭尾都仲有6日，我最想係去京都(2日)、奈良(1日)、大阪(3日)、神戶未知去唔去﹗不過應該都夠玩~~

不過我岩岩先放完，都唔知點開口...........

同埋間公司得我一個，我放左3日都已經唔知點咁.......

(放假第一日仲要見到BOSS既Miss call真係咩mood都無哂﹗)

其實都好怕咁平既promotion會好快無左.........

不過點都要再諗諗..........

第2日返到公司見到只係有9個未read既email，個心即刻定左﹗

哈哈﹗怕去得太密，於是叫justin 同同事調左假﹗

而家調左5月尾去，應該ok掛~~

真係唔該哂佢同事，如果唔係呢個trip 應該去唔成lu~~

雖然個假未請(仲有2個半月wo~~)

不過機票就已經訂左lu~~

希望一切順利啦﹗^ ^

要住平d先，留返d錢黎買野﹗great~~

曼谷 2011 Day 5 回港篇

最後一日起身食完早餐游個水再食個晏就要去機場喇﹗

好愛呢張相~~

呢間個泳池仲細，不過就小人D~~

JUSTIN 表演時間又到喇............

佢真係跳入左﹗厲害~~

可能呢日天氣好，我都幾鍾意.............

 

SO RELAX~~

 

無錯我怕曬，又戴超又戴帽~~~

 

 

黎多張4人合照就差唔多閃人喇~~

 

 

我地見酒店對面有間面鋪，叫佢羅去我地酒店樓下............

 

又唔洗同人迫﹗

 

感覺唔錯﹗

 

再食埋個芒果.............

 

 

搭的士去機場200 B左右好抵﹗無行HIGHWAY都好快到..........

 

哈哈﹗全部都係野食.......

 

 

好快就CHECK IN~~

 

響機場入面行下先~~~

 

 

買多左2包乾同埋10支藥油..........

 

最後食多次個芒果糯米飯~~

 

都好味呀﹗

 

是次泰國之旅，終於都結束喇﹗

 

雖然有好多勞氣野，不過始終同到屋企人一齊都開心........

 

 

希望下次我地既星加波 / 北京之旅你地2老可以醒小小......

 

唔好再係咁喇~~~

 

 

我覺得約旦航空個飛機餐都唔錯﹗ ^ ^

 

食哂﹗

 

 

希望響四面佛既願望成真，好快就返黎BANGKOK還神~~~