是日睇左猿人爭霸戰﹗
哈哈﹗個名好熟應該幾年前都有一套，不過應該無關係既~~
0811
扮緊猿人!!?? 唔扮都似啦﹗
Justin話成套戲唔夠扇情，無理由猿人同爸爸咁多年感情會咁易變....=.=
但我就覺得始終大家都唔係同類............
就算猿人點聰明，佢始終唔會明白人同人之間既相處
D人見到佢咁大隻，咁多毛，就算佢企響度都會驚左佢..........
人就係咁，以貌取人.....
欺凌弱小、歧視，呢個世界到處都係~~
我鍾意猿人佢地夠齊心，佢地相處係好簡單~~
我鍾意戲入面人同動物果種感情~~
希望我地既世界簡單D、和平D~~
星期一二都要開會﹗
好彩2個會都唔多野要跟，星期2果個會準時8點開完﹗
一早響Lunch買左飛同Justin放工睇戲~~
睇戲睇10點，先食左野先﹗
Justin提議 Brunch Club，佢話想試下水煮蛋~~
但呢間我Lunch食過，麻麻地﹗
於是我地揀左佢隔離既維京坊.........
dinner set: 魚塊+菜飯+豆漿 $54
其實唔係貴，但唔係太好味~~
其他set睇唔岩，叫左個羊.......
呢個勁多，d肉好蘇，不過我接受到﹗
但你2個人係根本無可能食得哂﹗
Justin再叫多個胡麻餅﹗
我第一次食，雖然香口，不過油，呢個餅 $42...........
所以果d set真係好抵﹗
埋單 $19x﹗無下次
自從第一次團購完個Cherry On Top之後都有繼續留意有無咩好野﹗
之後團購左踩冰、食Brunch、窩Fu仲有就係呢間Burger喇~~
未團購前我去食過一次，記得係食安格斯牛扒漢堡﹗味道都ok~~
果次一個Lunch用左 $5x﹗
今次個團購 $29，包一鑵氣水，同時間用2張仲有炸姑送﹗講真都幾抵
抵在佢連加一都無~~
不過只可以揀魚/雞既漢堡﹗如果好似我上次果個set就要加$15.......咁即係都平左.....
是日我揀左魚.......
蕃茄下面果塊就係魚...好細.....=.=
不過味道都ok~~
Ceci揀左雞，佢果個好似多汁同埋厚D﹗
佢話都OK﹗
$29 我覺得算係OK~~
會繼續團購~~
因為病左個幾星期，搞到我學泰拳進度慢哂﹗
人地已經上完4堂，我都仲係上左第2堂﹗
星期五放工其實已經好支力，去到又遲左成4個字....=.=
真係無咩心機﹗
熱完身，有個叔叔陪我練返，直、勾同UPPER~~
仲跟其他人一齊踢腳.........><
今次踢落沙包度........
好難，我真係要練返喇﹗唔係真係跟唔上呀﹗
希望之後一星期去到一次啦﹗
我好想自己有進步呀﹗
打完拳返到去忍唔住食左﹗哈哈........
肥~~
細個應該無睇過美國隊長，因為佢果個歷史背景我真係好陌生﹗
套戲2個鐘，臨尾仲要迫你睇埋D字幕先有預告睇...=.=
講真真係長左~~
JUSTIN話唔係幾好睇﹗
但唔知點解我又睇得好開心﹗
佢話套戲好假，咁英雄呢樣野一向都假嫁啦~~
我鍾意佢既特技，我鍾意英雄到最後都會勝利~~
我諗我真係鍾意英雄片
