My wedding Logo

原本個Logo已經叫左個同事幫手！不過佢離開左，呢排仲開左學所以我決定搵第二個！

好姐妹蘇非個妺讀design出身，所以諗住問佢有無時間！

點知佢一口答應，仲send 左一堆reference俾我問意見

我其實無咩idea！

於是佢整左5個叫我揀

我問左幾個朋友，大部分都話1

其實5都鍾意！可以印落氣球，果日做場地佈置

而家末諗theme color！其實一直都諗住Tiffany Blue！

但我有條裙係呢隻色！點算呢？

暫時用住黎做WEDDING LOGO，之後得閒D 再睇下點~~~

Disney Halloween 2012

J 公司今年包左迪士尼個場，又有機會去！

4：00可以入埸不過好多人排，差不多4：30先入到去~~

第一時間去左鬼屋，怕入夜會多人排~~

好彩排左半個鐘就有得入去

呢間鬼屋都幾好玩，之後就去排第二間！

原來同上年一樣

浪費左半個鐘！

之後就係灰熊山谷，好期待丫！

灰熊山谷其實只係多左個過山車，其他地方都係賣野同食野~~~

不過我地對呢D野無咩興趣~~

點知個過山車寫住要排75分鐘， 我地嚇到去左反斗奇兵果邊~~

終於都黎呢度喇~~~

J 同佢D 同事~~

呢邊有三個機動䢟戲， 跳傘， 滑板同彈弓狗，我地揀左排跳傘！排左三分鐘覺唔對路！一個鐘走唔甩，但飄10秒！

我以為會有好多靚影相位 & 好多3眼，點知原來係無嫁............

我地決定去返灰熊山谷~~ 玩野

因為好多人都話排45分鐘，我地應該排左半個鐘左右，排緊既時候又影下D無聊野，估唔到咁好玩！ 好想玩多次！

之後去左呢間餐廳就食左小小炸野！

一個炸雞+薯條 $39，加杯野飲 $29﹗好貴呀﹗不過估唔到都幾好味~~

去返反斗奇兵， 當時已經天黑，大約七點半先開始唔俾日場人玩，即時小左一半人，不過我地排滑板又排左差不多一個鐘

呢個又係排成個鐘玩10秒唔扺玩



同埋我真係好唔鍾意D離心力，無下次~~

J & 3眼仔~~~

再見喇WOODY~~

J 當日唔係好舒服，行到9點， 連佢地原本想玩space mountain都無玩到就離開喇！

其實好多野都同上年一樣~~~

最後行多一陣諗住買小小三眼仔野， 點知而家得好小佢既產品！

J 話好想去深井於是我地9：30就離開，夜場真係超多人！

燒鵝仍然好味！

不過J 食左好小， 原來又係頸椎問題，真係要戒Iphone

背心+裇衫

消失左一個星期係因為要忙公司週年大會，好彩都好順利﹗

仲得到幾位老闆既讚賞

其中一位仲送左一盒朱古力俾我﹗

再一次感到自己好幸運，可以搵到份自己鍾意既工，唔知道仲會響呢度做多幾多年，不過呢一刻，我好ENJOY 而家既生活~~

因為都忙所以結婚既野都無時間去跟，希望忙完下星期個PRE WEDDING，會再投入搞MY DREAM WEDDING

已經係上星期三既事，J 同伴郎放左工又上左去深圳，伴郎係度身，J就係羅背心+裇衫

(我諗未來果2個月都唔會上去住，上到怕)

J話件背心又係整得好闊，不過老闆即場幫佢整返細~~~

終於都見到個制成品喇，真係襯得幾好，佢屋企D 燈係黃光，所以望落好似黑色~~

入面件背心就比件西裝深一度藍色，好彩都幾襯

眼見手工真係唔錯﹗(RMB 45 布+RMB120手工)

不過J 就話想個背脊係黑色.......不過唔記得同老闆講，唔緊要啦﹗

而家咁一套都好型

反而件裇衫望落個料有D薄﹗1似貴左D~~(RMB180)

我地叫佢下面整圓邊，點知最後都係方邊

下次都可能會揀返呢間，幫爸爸、細佬、造套西裝~~

J 件白色禮服都可以差唔多年尾先整﹗

希望下次可以順道去埋筍崗啦~~~

買下D垃雜野﹗

不在乎物件價值，只在乎那份心意~~

揀相 @ 希臘女神 (加左錢 =.=)

哈哈﹗原本真係PLAN左揀12張相就走人，點知最後都係加左錢~~~

第一次揀相個過程係咁既 ，STAFF YANI 好快就俾我地睇一次，(SLIDE SHOW 1秒1張)，其實唔係好睇得清楚~~

之後佢就逐張問我地要唔要留~~

我地飛左D 真係好唔鍾意果D先﹗

(其實我唔係好知我地TOTAL 幾多張，因為佢有D加左EFFECT，放左響第2個FOLDER)

揀完原相再揀EFFECT果D，第1 ROUND完左好似TOTAL仲有6X張，之後再飛第2ROUND~~

我諗由頭睇起都睇左3-4次﹗

講返成輯相先，感覺其實無我想像中好，可能第一次影相，我笑得太開心，露左D牙肉

我見到D 真係露好多既就即CUT﹗

下次AH 要叫自己忍下，唔好成日笑到咁..........

J 就唔習慣開口笑，所以有時笑到好假果D佢又CUT﹗

阿優好多時都影 37面，所以我感覺有小小唔似自己，如果真係好有印象，超鍾意既可能真係可以揀到12張~~

之後YANI 就俾左D 相既OFFER 我地~~~

20 or above : $178 X 0.8 = $142/張

30 or above $178 X 0.75 = 133/張

50 or above $118/張

J 可能覺得影得咁辛苦無理由唔要，$118 一張相都可以接受~~

我再DETAIL 放大黎睇多次，話可以再CUT D，佢就話會CUT到幾多張，都係1-2000以內，叫我算
 
最後我地揀到56張就無再揀喇

56 X 118 = $6608

YANI 再叫我地加油畫底同框，J 好順攤咁又加埋， $680﹗

TOTAL $7288

除左我地PACKAGE入面果幾張相之外佢送左2本細相簿俾我地，其實J 唔鍾意佢D相簿，不過送既，細細地都OK呀﹗

我都無R 其他野喇，成個過程我地都好開心，YANI 都無催我地，俾我地慢慢睇，同商量~~

又同我地一齊笑，有D相佢都有俾意見﹗

其實加既錢，比我預期既多，(我預 $3000) 可能因為影既時候都開心，所以都預會加小小~~

之後揀埋油畫果張SO CALL 大相就收工，都睇左成2個半鐘，好得人驚

成件事好似撞邪咁呀...........

不過算啦﹗J都係唔想我地後悔﹗

之後仲去左蘇BOSS新開果間男禮睇左一陣禮服，黎緊應該會再造一套白色﹗

J 同我講，最衰係你，你影得咁靚，搞到我唔忍心唔要D相

YANI 都同我講 J 雖然望落好細個，不過好成熟，係好老公﹗

我知呀﹗我無嫁錯~~

男禮制成品

終於都見到男禮既制成品喇，我地2個都覺得唔錯，幾型﹗

張相望落個領好闊，不過實物望落OK~~~

隻色同黑邊襯得幾好，條褲就有小小鬆，不過老闆即場幫我地改左~~~

都幾FIT身.........

是次仲帶埋伴郎去，諗住羅完之後一齊玩下，點知佢都造左一套

因為希臘女神個PRE WEDDING J 著左件背心，覺得幾唔錯，於是決定造埋~~~

下星期3可以黎羅~~

我地揀左再深一度既藍色，希望襯啦﹗

呢次飲茶去左丹桂軒，雖然係有D貴，不過真係幾好味~~

福建炒飯，個飯整得好香，個醬唔會太濃味﹗

叉燒腸粉 - 太多芫茜，我食左一啖~~皮薄

鳳爪入味~~

木耳西芹炒青瓜 (清新)

伴郎話個燒賣超好食，哈哈，真係幾唔錯~~

芝麻雞反而無小桃源上次隻雞整得咁好~~

不過呢餐都幾貴，2個人RMB300﹗

估唔到搞搞下已經6點﹗

之後又去東門，因為要換過個叉電同埋桌球~~

呢度D Q 好污JOE........見到都唔開胃﹗

好彩玩左一個鐘就走~~

因為張COUPON，又去左食小肥羊，今次3個人食左 RMB 245，不過其實我地叫得太多都食唔哂~~~

樣樣野都OK，係D肉丸唔多掂~~~

今次叫左蕃茄湯，其實食左2次，2次唔同湯，不過都無太鹹~~~

A1 羊，太肥記住唔好叫~~

羊腿就好瘦，下次都係食呢個算~~

最後去左細佬介紹既水上明珠按摩~~

RMB 108 包90分鐘中醫，送一個大堂項目 ( 按肩 / 擦背 / 按腳)

我地3個揀既都唔同.....

價錢上係幾抵，我地每人 俾左 RMB50 TIPS﹗

不過技師手勢麻麻，按完我全身都好痛..............

應該無下次﹗