北京 Day 1

跟團要求5:15到達機場集合，我地一家4:30 起身，5:10出門口，一落到樓下就走左架車，等到5:40先有車.......=.=

好彩好快就到機場，不過J 仲未到，因為佢黑仔到爆，搵唔到車站、走車............

食過早餐就上機喇，估唔到咁準時起到飛，雖然香港航空D機唔算新，不過都有電視睇，當然節目 / 戲唔算好新~~

不過佢座位好唔掂，唔舒服~~

11:30 到達北京喇，天氣好似唔係好凍，原來早午晚溫差at least 10度以上.......

今次跟團既導遊叫小蔡，呢個人好厲害，好識用說話黎Sell 野，不知不覺間做左好多軟性宣傳。

北京第一餐，一人一鍋

都幾多野食，5個人5碟肉、菇、菜、面、粉絲、豆腐、丸、最搞笑係有海草，有D硬﹗

咩事食D咁港式既野~~

有成幾十款醬汁，有D都幾特別，好味~~

見樓下有得賣北京酸奶，買左支黎試，連樽買走 $5，有點貴~~

飲落有D似乳酪，不過再杰身D，飲唔慣，一人一啖之後.........

之後去左DAY 1 唯一景點，頤和園~~

超多人，唔明點解星期一都可以咁多人﹗

我地沿住昆明湖邊由仁壽殿行到清安舫個碼頭，再搭船過對面岸~~

仁壽殿，好多旅行團，不過導遊話夏天黎會更加靚，百花爭艷~~

昆明湖

文昌院

對出之橋及涼亭~~

亭前飛躍~~

唔知點解呢部分既相解像度有D問題，好似好低像素~~

應該係時候換相機喇﹗

好天氣~~

玉瀾堂

沿湖邊行，望返玉瀾堂~~

慈禧太后寑室

現場睇好靚嫁﹗

長廊~~

佛香閣

排雲殿對出之牌樓

XD

清晏舫搭船~~

岩哂一家大細~~

對面岸~~

日落了~~

因為5:00已經天黑，所以去左食飯，之後就返酒店﹗

感覺上北京菜，太油太鹹，唔係我杯茶﹗

返到酒店就去左浸溫泉，都幾舒服嫁~~

佢地第一次玩魚孫咬死皮，笑到呢...........

不過呢個溫泉比較細，得果1X個池﹗

假Cartoon波波池我地都唔放過玩一餐~~

第一日完

書中字有夢女神

終於都等到連放9日大假喇~~~

除左去5日北京，其餘時間其實無plan特別野﹗

放假第一日就去左電影中心睇戲~~

嘩嘩嘩﹗原來已經裝修好哂，靚左好多呀﹗

J揀左書中字有夢女神，開頭果半個鐘真係有D悶，不過後面講左好多野，我覺得都幾精彩~~

結局都幾唔錯呀~~

其實戲入面calvin同ruby 所面對過既問題，我諗好多男女都經歷過﹗

我自己都可以話有小小控制狂，同埋痴身怪~~~

好彩 J 頂得住ja﹗

我認同情侶都要有自己時間，始終大家都有自己屋企，朋友，不過有時又真係會想見多d 對方~~

個平衡點真係要用好多時間去搵，要搵到個同自己諗法差不多既先work~~

 

copy from yahoo photos

其實佢地2個都幾襯﹗好似話係真實情侶

再Encore 聖博殿

通常假期前一晚，我地都會出去食，今次就揀左去聖博殿食炸蠔﹗

之前食過D炸粉真係好掂，今次應該係第3 /4 次黎﹗

前菜一樣出色，真係好愛佢D漬物，Encore 左幾轉，菜菜Encore 左3碗

叫左2個SET，原來蠔SET 得2粒蠔，J 好想加，不過真係多左小小，D蠔好鮮，仲有汁，又CREAMY~~

個炸豬扒就乾左小小，同埋唔夠肉味，下次都係叫豬柳

個炸粉好輕，下次會再黎食~~

MUA Settled

Book左Wing 之後，我原本都諗住之前俾左Kiko Au既訂羅唔返~~

不過我諗清楚小小，到底係我問題定係佢問題而令到我要轉人。

我覺得唔止係我自己問題！

第一次試完之後雖然我唔可以話自己超鍾意，不過正正常常，我覺得結婚果日佢應該會做得更好。

其中一個對佢有信心既原因有一部分係因為佢收好貴。以為一分錢一分貨。

點知影完希臘女神之後我發現原來自己化左妝可以咁唔同，J好心急想我再試真d Kiko！

於是以Final Trial 之名上去試多次！

第二次經驗有幾唔好，之前都講左。

最後我忍唔住打俾Kiko傾下，我先問佢第二次試妝覺得有咩需要改善，佢話其實用噴槍膚色已經均勻左(佢當咁就答左我？定hea 左我？)

我話胭脂唔滿意，佢就話可以再做好D

試問Big Day得一日，叫我如何再有信心相信果句再好D~~

當日我仲俾埋張相佢睇！

Kiko話噴槍係我要求，但如果佢覺得唔岩我用 \ 出黎效果會唔好，專業意見唔係應該佢去提供？

如果第一次試完我返屋企之後後悔，我自己走左我覺得羅唔返係正常。

但試完第二次佢做唔到我要求，個責任唔應該完全由我承擔。

我傾到咁上下再問多佢一次，Big Day 當日會唔會再用噴槍？

點知佢仲敢答我睇下到時我想用咩，佢點都會帶！

果下我知道已經無野再想同佢講。

J 話我地搵個化妝唔係買佢D產品，我地期望既專業意見佢俾唔到.........

佢根本上唔知道個問題響邊~~~

最後我重申自己對佢已經無信心，提議轉姐妹化妝都係想溫和地解決件事。

佢話一定唔會提供姐妹化妝，最多訂金$2500扣左之前2次試妝 $1200，果 $1300 一人一半﹗

我覺得合理，不過我之後都唔會再用佢service ，點解仲耍我俾多咁多~~

佢講一大堆，我HOLD左佢個期好耐，之前有幾個新娘查詢過都推左，佢3月31會無Job~~

最後佢話俾齊頭 $700 我，果下我又嬲左，當人乞衣!???唔洗客氣喇

佢好快就過返 $650 俾我，件事應該可以告一段落喇﹗

我並唔係無理取鬧既人，我只係講道理~~~

雖然我知道好多人都係咩都羅唔返~~

可能我真係唔適合KIKO既淡妝﹗

揀相過程原來可以咁痛苦

羅到果1077 張相之後我過左去IPAD，閒來無事就睇下~~~

重陽節假期果日，我地2個好認真咁坐定定逐張睇﹗

呢個過程原來係咁痛苦~~

我諗當中幾個因素令到我地咁辛苦~~

1. 佢好多重複，無論面部表情、光暗都一樣，我地並不專業，唔知道揀邊張最好~~

(有時真係同一個post有5-6張，真係張張好detial 咁睇，只係好小唔同，唔識點揀邊張最好!!??)

2. 有d動作唔同左，但個角度一樣，又係唔知揀邊張好，揀完又要響果5-6張一樣既入面再揀..............

雖然知道咩都有得執，係表情無得執﹗

唔知道表情紋有無得執呢!!??

當日我唔滿意自己個頭，所以就算有d角度ok，都唔會揀~~

J 揀到叫哂救命，其實如Alexander Hera可以俾小小專業意見先會比較好﹗



同埋我有2本相簿，一本最好放30-35張相，但我夜景完全睇唔上眼﹗

覺得太普通唔特別﹗最多可能揀5張﹗

咁當我一本放婚紛，咁另一本就係便服x20、婚紗(威尼斯人)x 10，加晚裝 x 5﹗

呢個組合好怪呀~~

雖然我而家揀到7x張，不過我真係好鍾意既可能只係其中 20-30~~

睇完成輯相咁多次之後我覺得佢係幫我影好多相，不過唔係想像之中咁靚咁好...........

對於呢輯相俾左咁多錢難免會有小小失望~~

希望佢地後期真係會執完靚左好多好多啦﹗

單車樂

J 既 16 日大假開始左喇，假期第一日就去左旺角行街，好想買D轉季衫，不過睇唔岩~~

J 就買左2件衫，又平又靚，好眼光﹗

第2日就去左大圍踩單車，而家租車越黎越貴，以前$50，而家一問都 $90，J 無理個價錢俾左$70，點知又OK，真奇怪~~

因為夜晚會去返大圍食乳鴿，所以唔去大埔果邊，去左馬安山~~

馬安山果邊真係小人好多﹗

不過好快就到左馬安山公園，有好多小朋友呀~~

天氣好好呀，涼涼地，踩單車真係好岩秋天呀﹗

我地睇左一陣MACAU Pre Wedding D 相，仲買左雪糕食~~

好舒服，好鍾意呢度~~

3點開始踩，4點到馬安山，抖到5點，差不多日落喇~~

好靚，返到大圍差不多6點半~~

當然又係客香村，一人一隻鴿，是日仲叫左蜆、薑汁芥蘭同沙鍋雲吞雞，好抵食，個雲吞雞 $58，好味~~

好想個個星期都去踩呀~~

寒冷的北京

早前收到新華既電話，因為28號突然有人退團，所以成唔到...........

唉，煩呀﹗

可以揀退錢 / 轉27 or 29~~

細佬27一定唔得，咁即係得返29

29號唔係搭港龍

係搭7:45 香港航空，唉，都無法，真係唔想搞~~

如果轉旅行社，又無得浸溫泉，媽咪好愛浸溫泉﹗

希望29真係順順利利啦~~

睇返呢2個星期北京既天氣，原來咁凍WO~~

雖然都唔係第一次去咁凍既地方，不過見到-3.....

都寒左一寒~~

唔知會唔會落雪呢!!!???

25號開茶會，J 放假佢會去，哈哈，我一次都未開過呀~~~

如果知道住邊間酒店就可以PLAN下夜晚既活動，不過我估都係HILIDAY INN 最CHEAP 果間........

唔好期望太好﹗