JC

2013年11月28日星期四

廚櫃公司的不良手法

10月中Confirm 左廚櫃公司之後，我地第一次就俾左 $300 度尺費﹗當時我地個廚房未鋪好，只係根據大約尺寸傾Design…

上去睇圖傾Design 來來回回好幾次，到我地個廚房磚終於鋪好﹗

終於到復尺階段，我地揀好左Design 之後再俾左$2,000 Deposit, 因為當天是星期六，所以未能確定我地心水color有無貨！

其實由頭到尾我地都係心屬佢地Display 隻色，而亦都不下數十次話要揀果個色﹗

點知星期一既答覆係無貨，要等到一月底返左貨，二月先可以幫我地裝！

公司叫我地一係做左櫃先，到櫃門有貨再裝，一係就轉色~~

我地計劃十二月入伙，換句話說即是有二個月無櫃門，廚房無櫃門，係一件幾可笑的事！
同埋我地都好擔心，驚等完都係有咩出錯，到時入左去住唔知拖幾耐，唔知喊唔喊好！

其他色我地又唔係好鍾意，驚好深！

麥生更不滿呢間公司的態度，感覺上受騙~~

於是我地再到其他地區找尋同一種物料/近似product!

點知，好多公司都無呢個物料，有的都較貴，而且都係要等到二月才有貨！

因為心有不gum, 我打左去消委會，但佢地話我地投訴成立機會好微~~

第一，我地第一張單無列明我地心水色！

第二，船期係供應問題，好難定明合理時間表~~

但我地始終覺得公司有責任提醒會無貨，我地會早小小俾訂，確定心水色有！

懷住不滿心情，我地最後都揀左第二個色！

事件中我地學識唔好太易信人，咩都要白紙黑字……

其他公司價格由500 - 800/尺不等，我地個櫃1088/尺，原來好多公司無論係洗衣機位、焗爐位，都係照計，原本以為我地個洗衣機位計左台面，又計多一尺櫃做法唔合理，點知其他公司仲誇~~~

呢次係一個好好既經驗，過程中學識左好多野，等倨廚櫃整好，我會公開呢間鋪名，等大家小心為上﹗

2013年11月26日星期二

喜事一浪接一浪

我3月結婚之後細佬都有提話佢都想結~~

不過只係注冊先，我地一家人都好支持，媽咪仲話越快越好.....XD

有無咁恨飲心抱茶呀!!!??

好彩細佬只係注冊，成件事我只係幫佢訂左一晚酒店，其他都唔洗幫手.....

一早8:30 起身，梳洗，之後直出旺角幫佢羅花﹗

再去沙田婚姻登記處會合，細佬只係叫左4個朋友，而佢老婆都只係叫左佢媽咪、阿姨 & 阿叔﹗

加埋我地父母，我老公Total 14 人.....

第一次寺注冊處，細佬Book 左11點15分，我地早到左響門口影左一陣相~~

準時11點15分進入禮堂，會有人叫咪" 劉XX 請到2號禮堂﹗"

入到里面，會有2個職員，一個叫佢地宣讀誓詞，一個就幫佢地對名，準備證書，完成宣讀誓詞便交換介指，最後簽名作實~

再到證婚人簽名，當然同我一樣證婚人係爸爸啦~~~

成個過程唔多於10分鐘，完成後影左一陣相，老公就搵台食飯，當日天氣太好，大家都唔想曬，影左幾張就食晏喇﹗

食完晏原本想再影多小小，不過新郎新娘驚大家曬於是就完成左成個超簡單既婚禮~~

佢地下年先會擺酒，到時應該會熱鬧好多......

一場黎到沙田，當然我同老公去一田血拼一下啦﹗

終於都做姑奶 & 姑爺，哈哈........

2013年11月25日星期一

床肉

因為老公頸肩有問題，所以我盡量俾佢選擇佢覺得合適的床肉~~

上星期已經開始密識﹗

原來好多大牌子都需要訂貨，有D 需時1-2個月，所以裝修如果想早D 搬最好快快訂左先，送貨前一星期安排~~

我地第一間試絲連，試左幾個Model，Lamorak($16900), Signature ($16800 - $2000), Hotel xxx ($12xxx).....

老公好鍾意Signature，佢個包身感覺好舒服，好似D 壓力散開左咁~~

之後再試左席夢C，因為感覺唔係特別良好，佢有一個問題就係太軟身，成個人窩左入去，對手感覺好似俾人抬高左.....@@

之後都有試下雅蘭、愛王健......等等不同牌子~~

但老公心意都係想買絲連﹗

一星期後諗住去開九龍灣順手落訂，點知佢個Promotion Cut 左，無得減2000~~

差不多$17,000 真係好貴呀﹗

不過我唔想阻止佢，因為最緊要佢舒服~

我地想一次過訂埋床架，床架要1月中先有，我地想12月底搬入去，問個Sales 可以點，港島Sales 話如果床架未Ready 就可以先借佢地果D俾我地用，雖然我都未必會咁做，不過佢起碼俾D 有建設性既建議﹗

點知九龍灣個Sales 話直接放響地訓到有床架，佢地好多客都係咁做，老公又好嬲，咩事俾萬幾蚊張肉，都放地下~~

於是我地決定再睇其他牌子﹗

咁岩去開一田，雖然好多人，不過都有機會試下D 床肉，咁岩席夢C 做緊Promotion，老公話覺得都唔係好差，於是就訂左喇﹗

好抵呀﹗$9xxx減到 $5999，恆生Card 有95折，一田簽滿 $5,000 又送100 Coupon，所以張肉都係 $5600 左右，足足平左一萬........XD

希望老公訓得舒舒服服啦﹗