尺寸的煩惱

全屋傢私已經買得7788，廳只差電視及電視櫃~~

老公之前睇岩左一張Bench，不過我麻麻地，覺得唔知點收埋D 線!!

於是提議再睇下.....

當我地睇左好多間，都發現唔係款唔岩，就係尺寸唔岩，於是我都放棄再睇，諗住去訂~~

但點知原來每一間分店只有1-2件，Display 賣左就會無........

如果訂要等2個月以上，果下老公發哂脾氣，用哂2個人個電話打去人地不同分店問，但我地只係有Product 張相，無佢個型號，根本唔知點問~~

果下感覺好奇怪，唔明點解佢要咁嬲........

我地放電視個位係好奇怪，係大門同廚房門夾住果幅墻，唔計2邊門櫃只係得53寸~~

而好多電視櫃都係60寸!!!

差一寸就係一寸........

最後我地去Franc Franc買左一個49寸，唔算好鍾意既櫃~~

Franc Franc 而家做緊減價，我仲買左張矮羊椅做梳妝椅......

20% Off 都平唔小，黎緊睇埋細房個書櫃同埋床 / 梳發就完工了~~~

太好

星期日同老公家人做節，自己媽咪爸爸仲響大陸未返，未有機會一齊食~~

探BB

星期五有得放早，一班同事約左一齊入元朗探大佬S 個BB~~~

未上去已經有人send左張相過黎，好可愛呀!!

個樣好乖，好靜!!!

我地上到去咩都玩一餐，又俾隻手BB 叫佢揀，最後佢揀左我.....XD

我地一行9人，BB 都無驚我地，仲好似好開心~~

當晚爸爸準備左邊爐招呼我地，又蝦又蟹又鮑魚又象拔Pong~~

又勁多丸、牛、豬 4磅，最神奇係食得哂!!

當晚BB陪我地到10點幾，我抱抱下佢訓左..........

當晚童童都有黎，大BB 與 小BB~~

Ni Sai Ha Chi.........

Miss U~~

新舊木地板

工程去到最後階段，終於都重鋪地板~~

門口位置，好多膠......

電視櫃位，有新鋪地板~~~

顏色比舊果D淺好多............

廳大部分都用舊木，所以望落都幾一致~~~

走廊位置，我覺得做得唔多好，唉............ 

D LA 好闊~~

廁所位一出做唔到平，可能要做一個吸咀...........@@

細房一出個位大部分都係新.........

我地床頭個位都鋪左新，不過放左張床應該睇唔到~~~

廚房完成，台面都鋪好.........

面盤好近個V，唔知會唔會好難用~~~

門鎖都裝好了~~~

海洋公園冬日聖誕

老公公司員工免費去海洋公園，同事再俾埋佢張飛我地，即係2個人都係免費........

是日天氣唔太好，加上我地8月先去過，都唔係好想去，最後3點到達，七點便回家了....XD

由於之前幾次都係玩夜場，去到差不多所有動物都訓左﹗

今次第一站當然先去睇企鵝，估唔到日頭佢地係好活躍，一排排咁落水，一排排咁行......

好得意 X 10000000000

見佢地好靈活咁跳上`跳落，又見到職員餵魚，一睇就睇左半個鐘......

聽到最多的是: 好得意呀....."

另一邊好似埔緊蛋~~~

原來入面有3個品種，跳岩企鵝果堂好搞笑~~

佢地行路果個姿態真係笑死人~~~

大大隻鵝~~~

之後睇海獅開飯~~

超肥，但係又係好靈活~~

好醒目

出左海獅館，咁岩門口望到原來雪狐個入口，又入去8下~~

咁岩見到佢出黎散步.......

好靚仔呀﹗

估唔到聽到後面名姐話: " 造衫一流﹗".......@@

再去左睇海洋劇場~~

係一個未睇過既故事，不過總體感覺係失敗既，最失敗係中間海獅同觀眾近距離接觸﹗

好多人都以為完左，離開座位~~~

海豚仍然吸引~~~

886~~

之後睇埋中華鱘~~

水母館~~

五顏六色，其實唔多討好~~

XD

XD

始終自然色最靚~~

之後玩左一陣影相~~

我老公唔做笑仗，浪費左~~~

之後返返去門口果邊，當日真係好多人，搭纜車排 75分鐘，真係太誇~~~

再走多一轉海洋館就返屋企lu~~

可能小左魚，感覺上成個海洋館好空呀﹗

希望下年去迪迪尼啦~~~

廚櫃裝好

呢一日廚櫃終於安裝好，可能光線好充足，望落唔係好深色~~

不過我地個櫃真係好細，細得好緊要，望到都有小小唔開心﹗

因為感覺上俾左咁多錢，出黎效果唔算理想~~

地櫃又有個位好奇怪........@@

上面個櫃有條油煙喉，可用空間真係好小~~~

條喉又好大條，好怪呀.......

其實我想知道正常裝修程序，到底係咪應該搞好哂個底，抺乾淨哂，先裝櫃???

我地而家成間屋都好多塵，D 櫃就咁上左幅好多塵既墻，雖然個底我地就算抺左都係會有塵~~

但感覺真係唔多良好﹗

衣櫃個收邊做好左，不過.........

我唔知咁做好唔好，佐望落盲唔多靚﹗

OMG 呢排太多不滿.....@@

面包蟹

繼上個月老公羅左個果籃返黎之後，今個月又有一個，仲要大一倍~~~

入面好似好多野﹗

點知開左之後個底係紙皮........

真係好好笑~~

好耐無自己煮喇，呢一日老公買左D 生蠔、蝦、3文魚、面包蟹、再自己煮左個烏冬~~

隻蟹好大，好多膏，我地食左大半都係消滅唔哂﹗

於是就用D 物資，加左冬菇 & 瑤柱整左個粥，個粥煲左3個鐘，好綿，估唔到面包蟹咁有蟹味~~

真係好正呀﹗