3月底發現passport 8月到期，計返要半年有效期，即刻renew.....
入境處話12號朝早就羅到，心思思又想去旅行，見hk express又有平，去台中一位連稅只係720.....
咁平真係好難抗拒，於是3月6 book左3月12出發~~~
第一次小過一星期book齊所有野.......
6:55起飛，8:15已經到達，再搭公車出市區，酒店揀左位於台中公園隔離既Holidsy Inn Express……
位置好，一晚around 580, 乾淨，又近干城車站，一中商圈，台中車站，真係無得輸！
返到酒店，已經十點幾，酒店staff話幾個夜市已經收緊，提議我地去華中夜市，搭的士前往唔洗NT 100……
先食左個蜆湯同柯仔煎，味道一般~~
唔知點解台灣既湯都係好似水！
第二樣柯仔麵線，老公話好食，我就麻麻！
牛乳木瓜汁超好飲~~
林記燒肉又係好好食，仲食左鹽蘇雞，不過呢樣就麻麻！
食飽飽又行下711, family mart同24小時百貨，就返酒店喇~~
第二朝一早食完酒店早餐就搭車上清境，南投客運站就響酒店隔離，真係好正！
搭左三個鐘終於到，酒店位於老英格蘭酒店隔離，叫春大地，估唔到清境民宿咁full.....
無咩選擇之下揀左佢，好彩ovrrall都幾好，係有一個staff唔helpful....
放低行李就出發上青青草原，見羊羊！
先響草原側邊食晏先，二個人叫左半隻雞，一個荀湯仲食左支腸！
味道叫正常~~之後就入去青青草原，我地買左清境package包來回埔里至清境車票同草原入場券discount~~
天氣超好，影左好多靚相，先自食左條羊奶雪條，好蘇呀！
之後到餵佢地食野，佢地勁餵食，追住你，又踩住你隻腳想企高d.....
呢度真係好舒服，我地由一點行到差不多三點~
好like~~~
草原分二邊，一邊假日有得睇剪羊毛，一邊有得睇馬術！
不過我地時間唔岩無睇到~~~
原本想由另一邊行落山，不過問過遊人都係望一樣既風景，所以臨時改去hightea....
原本可以叫民宿既人車，但因為無電話，所以我地搭左的士，NT200……
如果大家去清境，我提議買張card方便聯絡，民宿既人會車出車入好方便~~
不過當然都可以問人借電話！
講返個hightea....有包包X3, 其他都係甜食，其實味道唔係特別好，只係食個環境，呢個tea NT 1100係全個trip最貴~~
不過抱住咩都諗下！
就係呢個好似好古色古鄉既環境，真係幾舒服嫁，食完再影左陣相已經五點，checkin完就上左去小瑞士！
其實小瑞士無咩野睇，只係有個湖同花花草草！
不過因為無咩景點，所以影左d搞笑相，其實唔係要去咩特別地方，而係同一個特別既人一齊就夠！
行下行下已經天黑，諗住一陣先返黎睇個光影show~~
小瑞士隔離係紙箱王，一個咩都用紙皮整出黎既地方！
可以買手信，如果響紙箱王餐廳消費NT300，就有一張小瑞士入場券，都幾抵嫁，不過我地想早d入去，所以無食~~
小瑞士對面係一個有幾間餐廳既商場仔，原來台灣夾公仔只係NT 10一次，差小小就夾到個免仔.......
夜晚食左個類似快餐既野，味道一般，如果再有機會都係試下民宿一人一窩.....
回程我地麻煩左其他人幫我地打電話，返到去都仲係好早呀，不過明天要一早起身上合歡山睇日出，個guide會四點半黎接我地！
