倫敦的4天半，行程非常趕，最後沒有去到最應該去的大英博物館，沒有到Local Market，但非常Enjoy 這安全，舒適的環境，去了一天Oxford, 去了一天Canterbury，London Eye, Picadilly Circus, Oxford Circus, Covent Garden, Big Ben, Abbey, 都去左幾多唔同景點.............
之後搭EuroStar 落去法國，原本2天半的法國之旅，因為遇上騙子，令我們又miss 了到威尼斯的航班，果日真係頭頭撞著黑............@@
一早7點半起身，11點機，10點半前到機場，諗住去超市買小小手信，9點前離開酒店，點知行錯了車站，用左幾個字先搵到Norde 車站，指示非常不清晰，又找不到賣票機，當時一個帶住職員證的男人好心帶我地去到一部買票機，佢先幫我地揀左戴高樂機場2個人，螢幕上打出 39 Euro，部機只係可以入散紙，試問點會有400蚊散紙，其實當下我有同Justin 講應該唔係咁貴，但真係急到死，最後個Staff 幫我地俾左Card，老公就俾左現金佢..........
其實而家諗返成件事都好唔Make Sense........@@
2個人羅住張唔知咩飛就入左閘，因為搵唔到月台於是問左著住紅色背心既Staff，點知個Staff 話張飛唔係去機場，果下真係唔知點做好，又急又迷茫，最後我地唔理跳左上車，加上架車遲左，(書上寫35分鐘，我地搭左45分鐘)，落左車連試張飛真定假都無時間，直接跟人出閘，出左閘先發現機場超大，跑呀跑........ 就係呢D 時間積積埋埋，我地最後遲左5分鐘先到，無得寄行李，但如果直接入Custom，仲可以上機，我提議掉左個大Gip，不過其實細果個都太大，又唔夠時間搵速遞，響其中一個人先去定2個人共同進退之間我地揀左一齊，好彩揀左一齊，因為當日係星期五，當日班班機都Full 哂，Air France 都只係得返business class 780euro，第2朝一早9點去叫價380 euro，但如果我地坐返Easy jet 改第2日機票都係160 euro 2個人，最後被迫留多一日法國，都有諗過出去city 玩，不過都係唔想浪費車錢，於是搵左機場附近一間酒店住，去左附近一個Shopping Mall行，就係咁relax 左一日~~~
第2日一切都好順利，去到威尼斯酒店仲Upgrade 左我地去套房，超大，去到酒店搞好哂之後3點先開始玩，我地一直玩，一直行，之後神推鬼Ong之後買左個12 hours Pass， 因為同個船公司Staff 溝通唔到，佢話d船服務係24小時，我見天未黑諗住去是但一個外島，點知拍完card先見到最last 班船係八點，之後會轉夜航，我地當時已經七點半，雖然夜航都有得返，不過我地好驚，最後遊左一個鐘船河就算喇，真係超白痴！意大行人英文好唔得，好似聽唔明你講咩，我地試過入餐廳問路，可能無幫襯，佢地連望都唔望我地，好正......我地見其他人都係直上直落無人俾船飛錢，不過到第二朝好小人時佢都有check飛，所以買唔買飛好睇彩數
其實威尼斯同佛羅倫斯都幾安全，不過去到車站要小心d人話幫你買飛，打飛，搬行李，個個都係想要tips....衰d咁講你去到當無個係好人就實無衰，我地上florence去羅馬火車時突然有個青年跟我地上車，叫我地行李放另一格車箱，當下我老公真係跟佢行，不過經歷左咁多，我冷靜左，叫老公唔洗理佢，點知我地話no thanks之後佢竟然踢我地個gip…真係勁討厭！
好奇怪既係florence 既人搭巴士都唔洗俾錢，而個司機又唔理，當我地買左飛，見其他人無買，感覺好怪，下次去我都唔買喇！
去到羅馬係我全個trip最緊張既地方，個估唔到又無咩特別，係塔地鐵有d人好奇怪咁迫住你，你會feel到好怪，最好即時行開咁就無事，不過都有小小不愉快經歷，我地去到西班牙廣場準備離開，有個人原本坐石博位，之後起身，我見佢手上羅住d手繩，都大約知咩事，佢跟過黎之後同老公講“你好” (國語), 再伸手想捉佢隻手，我當然第一時間say no....點知條友唔知係咪事敗心心不奮，佢居然打我手㬹一下，真係痴線，其實我真係好唔明點解佢地唔好好搵份工，而要咁做，就係為左肋索你，R你tips, 係咪覺得幫左你小小，你應該打賞，好過行乞！但真係好討厭！
沒有留言:
張貼留言