2011年10月30日 星期日

那些年,我們一起追的女孩 (You Are the Apple of My Eye)



我係女校出身,J係男校出身﹗對於戲入面好多情懷、回憶可以話小之又小﹗

感動、共嗚其實並唔多﹗可能太多人話好睇,我地期望太高,隨後發現套戲並唔係想像中好睇,感覺都有小小失望﹗



我都有回憶自己的那些年,其實中小學都是一名"傻瓜"

一個聽老師的話、不遲到、用功讀書但成績只是中規中矩的乖學生﹗

我運動不行、朗誦不行、參加過口風琴但半途而費~~~

其實我對很多活動也沒太大興趣,也許因為家庭背景,媽咪同爸爸努力工作,根本沒有時間了解、發掘我們的興趣﹗

而我只想快快放學,做好功課,落樓下玩~~~~

好似太浪費青春喇..........=.=



如果要搵我心入面的柯景騰,我想一定是那位跟我由細一齊長大既好鄰居哥哥﹗

我地一齊返學放學、一齊搭校車、佢最愛整我,每次佢都會送我返屋企,我地每次都會經過那條行仔~~~

其實我係喜歡佢既,唔知道佢喜唔喜歡我呢!!!!???

細細個常幻想將來要嫁俾佢,過著幸福既生活﹗

哈哈﹗不過大家已經長大,佢成為醫生,娶了第2個喇﹗

可能已經變成了大肥佬,對於我,佢只係一段美好既回憶~~~



現在的我是一個完全不浪漫、喜歡就喜歡、不喜歡就不喜歡~~~~

不再享受那曖昧的感覺﹗

我想我真的老了~~~


不知道佢地一齊係咪真係會得到幸福!!!???

事物美好既一面永遠都係存在幻想之間﹗

團購 Brunch @ IL Maestro



J 好鍾意生蠔同埋PARAMA HAM,7月果時見到呢間餐廳主打呢2樣野,做團購 @ $ 158 再加一  @ $40

http://hk.deals.yahoo.com/hong-kong/offer/1522

個介紹睇落仲唔錯~~~

我平時決定前都會去openricce睇睇個食評,雖然得6個食評但係都係好評~~

8月頭果時打過去book,點知成個月full左﹗

之後又無左件事,到10月頭 J 就打電話去book左10月29﹗

但係book完再上網睇返就出現勁多劣評,哈哈﹗都幾驚嫁,不過無理由唔去嫁﹗



佢分2個時段11:30 - 2:00 / 2:30 - 5:00

因為餐廳話如果2:30 果轉就要坐去隔離鋪位,於是J 訂左11:30﹗

真係晨咁早起身,雖然得2個半鐘食,不過我地都係遲到仲遲成9個字......=.=

劣評不外乎要排隊、野食好小款﹗我地去到都幾喜出望外,因為個場唔滿,無咩時間要排隊﹗

(可能係我地遲得太多,D人都食飽左﹗)



去到第一時間就羅左D人話好味既PIZZA (得2款,個介紹明明話有3款﹗熱食應該幾好味,可惜凍左﹗)

J 就話好鍾意PIZZA + 火腿﹗

不過火腿當我地食左2轉就無REFILL出黎,要自己問佢,差.....><

3 KINDS OF BRUSCHETTA: 我地果日得蕃茄一款,個包包軟哂﹗差..........

面包3重奏我同J都唔見﹗



意式蕃茄沙律3重奏又係唔見,龍蝦意大利飯唔見,CAESAR SALAD 得D菜同醬,唔好味﹗

蕃茄沙律配MOZZARELLA 芝士呢個幾好味﹗

雜菜長通粉沙律普通﹗

雜錦凍肉唔見,烤雜錦蔬菜3款有2款,燈籠椒都OK,意大利青瓜奇怪~

薯仔伴炸煙薰火腿好似無,見到有一碟薯仔,不過無食﹗

生蠔 (細隻唔好味)、海螺、龍蝦B (唔新鮮)

煎海蜆、黑青口、三文魚、樣樣唔見﹗



唔知上面白色果D係咪黑鱈魚,但唔好味﹗

豬手OK、半肉OK,不過見唔到羊扒、燒牛肉﹗



不過我地食食下越黎越小人,無人排咁滯﹗



甜品: 哈蜜瓜幾好味,我試左焦糖布甸、同一個唔知JELLY定係布甸既物體﹗

個焦糖布甸都幾好味﹗




上圖左邊果個應該係意大利芝士蛋糕不過食食下又無REFILL,我仲未試﹗

黑森林、雜錦意式切餅、意式鮮果沙律都唔多覺眼﹗

總括呢個團購又係被騙﹗野食唔好味、又小款,好多都無,我地遲到好多野都唔REFILL..........

$200 得咁小野食,我地去EXCELSIOR 食一轉TEA/ LUNCH 百幾蚊抵好多﹗

其實我都好明白D人點解好不滿呢間野,我唔洗排食D咁既野都覺得唔抵,更何況食2:30果轉既人要排成半個鐘﹗

但我更加唔明既係D餐廳點解要做團購,OPENRICE 咁多劣評想搵人去都難﹗

J 話如果唔團購應該無人會去﹗



好耐未試過咁早出去,於是行左一陣DNA,J 第一次行﹗買左D無聊野﹗

幾日前已經訂左飛睇口碑同票房都好好既那些年﹗




哈哈﹗我地真係好無聊嫁﹗



睇完﹗影左一陣相,想去食一風堂,今次好左,等60個籌﹗



不過J 要趕返去睇車路士,所以都係唔夠時間﹗

唯有食小小野,再去COLLECT POINT 羅埋張出左好耐既VIP CARD就返屋企喇﹗

這是FUNNY的一天﹗

2011年10月29日 星期六

杭州酒家





星期六細佬生日,加上我地2個呢2個月響股票市場上面賺左小小錢﹗

於是星期五放工就一家人去左食杭州酒家~~~



因為爸爸想食乾炒牛河,所以叫左個蔥爆牛肉﹗

牛肉有牛味,都幾軟滑,好味﹗

寧式鱔絲 都幾多鱔,個汁加埋D飯真係幾唔錯﹗



三鮮魚圓 有菜、火腿、蛋加肉圓,肉圓整得好特別呀﹗軟棉棉好似棉花糖,我地覺得係魚肉加豆腐但唔知點解口感咁得意﹗

腐皮黃魚卷 真係好有心機,黃魚拆肉整入腐皮,好香口,佢個醋都好好味﹗

杭州炒飯 無咩特別,但都好味﹗





東波肉 : 我無成舊食,食左小小肉絲,唔係太特別,不過佢D包包真係幾好,軟熟..........唔值 $105.......

火瞳鴨煲呢個聞落好大陣鴨味,我仲諗大件事一定唔好飲,點知飲落又好好WO~~~~

爸爸都飲左2碗~~~~


到底係細佬手震定係我部機就黎唔得!!!!????



呢餐飯食左 $12XX,小貴,不過野食都幾有心機,下次會再黎﹗

希望細佬越搵越多,開開心心,健健康康﹗

其實我真係好愛我屋企人~~~~

2011年10月26日 星期三

@ 18 Grams


都唔知幾耐無咁齊人,蘇菲揀左家樂地庫既18 Grams﹗




UPDATE 下 Iwin 婚禮、Sammi 轉工、Shirley考試、蘇菲中醫.............好快就10點喇﹗



揀呢間餐廳係因為呢個 Beneditct ($68)﹗

半生熟蛋+芝士+火腿+香草,不過真係OK好味~~~

估唔到個包包又幾軟,個蛋黃好流呀﹗不過唔值 $ 68﹗




呢個3文魚就差D喇﹗個包好硬煙3文魚亦都唔唔出色﹗無下次﹗



加個白汁意粉,都係麻麻﹗



之後再一人叫一杯野飲,我叫左CRANBERRY JUICY~~

Iwin 咖啡~~


 

 

呢排我諗返好多我地之間既野,我諗自己有咩唔同左,對佢地仲係咪好似以前咁...............

我記得以前好多時都係我主動去約大家出黎,次次都想齊人﹗

直到漸漸發現大家好似好忙,好多時約極都就唔到日子﹗

約完我諗食咩,諗完又可能有人覺得唔好﹗

我記得有一次我真係有小小嬲,之後仲提議以後邊個生日邊個諗食咩~~~

我唔係想計較任何野,但真係好希望大家都有付出﹗

可能就係咁,令到我地既關係疏離左,我唔係因為有男朋友而唔理你地﹗絕對唔會﹗

希望Shirley以後唔好再咁講,我真係會唔開心~~~

亦希望經過尋日所有唔開心既野都會過去﹗

2011年10月23日 星期日

作死不離3兄弟 (3 Idiots)



呢套片真係好長呀,差唔多3個鐘,不過果3個鐘又過得好快﹗

故事其實好簡單,3個兄弟互相支持、一齊追尋理想、人生價值.................



唔知你認唔認同讀書時既朋友總係比較單純、傾得埋﹗對比做野之後複雜既社會、複雜既人事都令人好難認識到知心好友﹗

戲入面都有好多感動位,雖然FARHAN, RANCHO, RAJU 俾校長一次又一次咁分化~~

但到最後佢地都知道對方既重要性,一次又一次咁一齊面對所有困難﹗



唔知你有無經歷過?? 俾人分化,原來只要係好朋友、真心對待,無論發生咩事都可以一齊過度~~

不要問只要信﹗




開頭都幾多唱歌跳舞,感覺到印度人呢個民族都幾熱情奔放~~~

我最最鍾意就係戲入面講到要搵一份自己喜愛既職業,只要係鍾意就一定會做得好﹗

雖然呢件事唔容易,不過佢個MSG 我諗大部份人收到哂~~

我第一句同J 講既就係將來我地都要俾D仔女試,唔好將我地既思想夾硬灌輸俾佢地~~~

每個人都有佢應該行既路﹗



好朋友可以日見夜見、日傾夜傾,我諗只係可能停留響求學階段﹗

以前返到屋企第一件事就係傾電話,傾到食飯、一邊睇電視一邊傾、差在沖涼水聲太大傾唔到﹗

傾到唔願訓、傾到3更半夜﹗

但其實無咩野講,但都想傾住電話~~~

不過返左工之後就連打個電話既動力都減小左,無咩特別事都唔想打搞到佢地﹗

但係心底裡你係知道大家係好朋友、珍面重之既好朋友...........


最後都算係一個好好既結局呀﹗

人快樂與否在於你滿唔滿足,我希望自己每一日都知足常樂~~

所有煩惱事都走哂﹗

今日一小步,是明天一大步的好開始!





某個星期六傾左好耐計之後我地決定開一個聯名戶口﹗

其實J 一向都有儲,仲儲得唔錯~~

呢個戶口主要係幫我儲既,佢同我夾埋每個月會放一萬蚊落去~~~

其實果日都好趕,仲阻住人收工,太唔好意思﹗

不過開左我又好開心,今日一小步,是明天一大步的好開始!

之後我地就去掃街、買飛睇戲、唱K、食飯..........

食左好耐無食,加左好多價既小丸子﹗仍然好味﹗

仲有J 最愛阿肥 - 墨魚、生腸﹗雖然我唔鍾意內臟,不過佢真係整得幾好味~~




之後就去左富運NEWAY~~~

呢間應該唱得最耐,我地2點半入去,佢話唱到5點,點知唱到6點都未CUT﹗



每次我都好鍾意佢唱 " I LOVE U" 真係LUM 嫁~~

不過2個人唱就會有小小辛苦﹗我地去到6點都頂唔住走人喇﹗



出到門口見到PS3,有2個小朋友掛住打機,打完仲要話 " D畫面真係好靚呀﹗"

其實我都想買部PS3 / Wii 俾佢,不過又唔想佢打太多機﹗




因為諗唔到食咩,所以又去家樂地庫大食瀛,今次試左大阪王將餃子~~~

2個人叫左一個SET + 一個餃子﹗

唔好睇小呢個SET,一個湯、一個面、一個炒飯、一個沙律仲有6粒餃子~~~

一個女仔一定食唔哂﹗



另加既餃子,其實味道都可以接受,因為佢真係好平﹗

不過都係果句唔會再有下次~~

或者下次只係食餃子﹗

我唔係睇左那些年,而係<< 3 IDOITS>>

估唔到又真係幾好睇﹗

2011年10月22日 星期六

Oyster @ Dickens Bar



 

想食all day breakfast! 於是又係揀返excelsior ^^

J 又係食rib eyes!無新意!

見到有新dish!生蠔一打@$288

就成為左happy friday既豐富晚餐~~
 
雖然蠔就比較細隻,但估唔到咁鮮甜!

唔加檸檬汁/sauce 都好味.....
 
比樓上buffet 更好! 下個月再黎食先^^

2011年10月21日 星期五

迷失東京 DAY 4 - 東京鐵塔





由清海站轉車去汐留站 ($370 YEN)﹗再轉都營大江戶線去赤羽橋站 ($170 YEN)

一出站你已經可以見到佢 - 東京鐵塔﹗




估唔到係咁靚﹗我地影左好多無聊相~~~




向住佢個方向行,5分鐘左右就到佢樓下個商場﹗



響出面影左幾張相~~~



如果個心靚D就仲好呀﹗




因為唔多夠時間於是第一時間上去先﹗



有2層可以觀光,我地揀左中間果層, $820 YEN一個人,我覺得都幾抵呀﹗

最頂果度我諗個VIEW應該同都廳差唔多﹗



佢每個介紹器都有日同夜﹗

好鍾意呢個設計~~~

原來日景係咁靚嫁﹗



夜景又係另一風味﹗

不過唔知點解我鍾意夜晚多小小~~~




實景都一樣咁靚﹗好多一點點紅色~~~



佢仲有中英韓文,每座BUILDING都會有小小介紹﹗



見唔見到隻眼呀?????

無錯就係我地岩岩搭完果個摩天輪﹗我真係好好眼力呀﹗




另一邊﹗有條好光猛既大馬路﹗




呢邊無記錯應該係新宿方向﹗



估唔到日本人都會黎............

其實我地香港人都唔會成日上山頂﹗佢地真係好愛自己國家~~~




留左大約半個鐘﹗行左2個圈,就落一層搭Lift﹗其實我都唔係好明點解要落一層﹗

落一層有玻璃底,可能望落去﹗



其實我唔敢望,呢張係J 影既﹗




好快就落返樓下個商場,不過夠鐘關門LU~~~~

所以我地直接搭車返新宿 ($210 YEN)﹗無直接車返池袋真係麻煩呀﹗



J 提議食返思出橫丁,佢叫左冷面﹗



我就叫左個熱﹗

雖然味道唔係特別出色,不過呢餐真係好平﹗ 2個人 $760 YEN~~

都好當係呢日搭車勁貴既補償啦﹗

池袋 --> 月島 ($460 YEN) -->築地 ($340 YEN) --> 淺草 ($420 YEN) --> 台場 (搭船 $2440 YEN) --> 清島 ($480 YEN) --> 汐留 ($740 YEN) --> 赤羽橋 ($340 YEN) --> 新宿 ($420 YEN) -->池袋 ($300 YEN)

2個人TOTAL: $5940 YEN

一日搭左 $3000 YEN 車,真係痴呀﹗

返到池袋 J 又買小食﹗哈哈﹗唔甩