無敵貓劍俠 (Puss in Boots 3D)

 

DISNEY 動畫有幾套原創都好令人鐘意﹗

TOY STORY、冰河世紀、史力加、沖天救冰~~~

不過感覺呢幾次製作都比較失色......



星期六見無咩野做，又買一送一，於是同媽咪去睇下無敵貓劍俠，第一次同佢睇3D戲﹗

因為我都想知道貓圃未遇到史力加之前有咩遭遇~~~

估唔到就係阿積與魔法豆既故事~~~

每個故事都需要一個壞蛋，估唔到就係佢個壞蛋朋友.........=.=

一個唔知自己想點既壞蛋~~~

中間笑位唔算多，不過貓貓真係好得意~~~



愛貓人士可以一看﹗

今次睇到仔仔周渝民新戲，新天生一對 (New Perfect Two)片頭，感覺都幾好，我睇呢D戲通常都會喊，仲有ELLA，有時間我都去捧下場先﹗

仲有SAMMI套高海拔之戀﹗

雖然而家個個星期五晚都要開會，無左HAPPY FIRDAY，不過星期六去睇場戲都好開心﹗

大年初三

我知道媽咪佢地每個月返大陸一個星期就係要打理果邊D租務~~~

我只係大約知道我地有5橦樓響果邊，但邊間打邊間，響邊度真係唔多清楚~~~

於是爸爸一早就帶我地去行左個圈~~~

最大座應該係呢座，5層、地下接近900呎，上面每層接近1100 呎~~~

建築花費RMB 7X萬



呢橦最遠，每層900呎



呢橦都係差不900呎一層﹗

其實橦橦同隔離設計、用色差唔多，真係好難認呀~~~



呢橦應該最耐歷史，只有2層，爸爸話想加高佢

不過基於經濟效益低我都幾反對加高~~~

仲有一橦就係而家住緊果度，都係2層，之後會成橦改建，希望之後大家都住得開心、舒服~~

仲有D好舊既祖屋，真係殘到無人信~~~



仲有D改建左比較新既祖屋~~~

 

TOTAL 有6間屋仔出租~~~

希望越租越旺，劉氐一家生活無憂~~~~

大年初二 @ 婆婆家

由細到大，每年我都只係見到婆婆一次，就係年初二

因為婆婆住響一個叫大朗既地方，由爸爸鄉下搭車要一個鐘~~

每年年初二，媽咪帶住一包二包、租架車就出發去婆婆屋企........

上年婆婆唔舒服，見唔到佢，整整2年無見喇~~~

見面前我知道婆婆眼睫毛倒生，佢自己亂拔，整到而家2隻眼都睇唔到野，雖然有哂心理準備.........

但當我見到佢，佢捉住我隻手問我係邊個，我講左幾次我個名，好似連耳仔都唔係好靈光........

果下我忍唔住........................

個心好痛~~~

希望婆婆健健康康，下年你就會食到我塊餅~~~



婆婆居住環境唔係太好，不過真係家家有本難念的經，婆婆成6個仔 女，媽咪話好多野都唔到佢話事~~~

佢可以做既就係每個月返去探下佢﹗

好驚自己又忍唔住於是就阿J 出去行陣，以前同D表妹好唔聽話，成日都爬樹~~~~

呢棵應該爬過~~~

其中一舅父屋企，3個舅父都住響附近，所以點解婆婆堅持住返果度~~~

D屋後面就係菜田﹗

自給自足~~~

呢一切響J 眼中都係新奇既~~~

食完午餐就同左表妹去市中心行下﹗

雖然叫市中心但都無咩變，我記得好多年前，婆婆帶過我黎呢度食面~~~

仲去左睇人打籃球~~~

都幾精彩WO~~~

食晚飯前仲去左附近超市，J 仲敢食街邊D小食~~~

勁大條鯉魚~~~

食完晚餐就返去塘廈果邊，我地又去拜年，之後見無咩野做，就同佢去左一轉超市.......

D賀年糖果堆到山咁高~~~

J 仲好有興趣睇D活生生既雞雞........=.=

佢話下年都會同我一齊返去，不過係派利是~~~~

大年初一

J 第一年跟我返大陸拜年﹗

我地同完J 屋企人食完晏之後就出發上去~~

爸爸係廣東塘廈人，塘廈位於章木頭附近﹗

上去我地揀左搭火車，再響羅湖轉巴士~~~

原來火車上羅湖響上水出一出，會平勁多，一個人平成$10.........

不過過左關估唔到等成半個鐘先有巴士，搭巴士又一個鐘，之後因為無散紙搭左的士﹗

上到去已經差不多6點喇~~~

媽咪買俾J 既新拖鞋真係好型呀﹗

之後即刻就打邊爐~~~

勁多野食呀，d丸又好味又平，勁大盒肥牛都係rmb 35~~

食完真係成個人暖哂~~~

食完之後就去左附近親戚屋企拜年，一家坐半個鐘都已經差不多10點﹗

細佬帶左我地出去威~~~

先去唱k~~~

大陸唱k原來一間間房計錢，如果人多真係幾抵，我見佢一間房都係rmb 98，d野食就去小食部買~~~

唔好睇小，d歌勁新~~~

touch screen 點歌~~~

阿jay d 歌好齊，仲齊過香港~~~

果晚total 有8個人，有3個人唔飲，另外果5個男人飲左2打.........=.=

細佬個fd有車，真係勁方便，而家大陸人真係有錢左好多呀﹗

我唔排除有d大陸人真係好無禮貌、無咩公德心，但係我相信唔係大部分都係咁........

就正如香港都有人好無公德心，只係無俾人報導出黎~~~

唱完k 仲去左隔離間bar，呢d場應該好新~~~

不過真係太多人食煙............=.=

台上面仲有人跳下舞，DJj打下碟~~~~

J 話係一個唔錯既體驗~~~



玩到差唔多2點就返去喇，因為第2朝要一早去婆婆度~~~~

J 真係一個好CAPABLE既人，連細佬D朋友都好鍾意佢.......

下次有機會再一齊玩~~

團年飯

感覺上J 一家同婆婆感情好好﹗

每逢過節 (新年、中秋.....)都會正日食飯~~~

試過去香港仔富臨、新光、銅鑼灣百樂門、太湖.......

上次做冬食左百樂門，結果大家都感覺奇差﹗

應該無下一次，今次揀左位於上環地鐵一出既北園~~

雖然佢都幾貴，不過真係物有所值﹗

中式黎黎去去都係果D雞、魚、龍蝦E面、姑姑、鮑魚...........

原來都唔係間間整得好食~~~

而我屋企就因為媽咪入左院，所以只係年初一返到大陸，一家人坐埋一齊打左個邊爐﹗

天寒地凍就最岩喇~~~

不過最緊要就係一家人一齊，齊齊整整~~~

我只係希望各人身體健康、日日都開開心心﹗

睇戲、食BUFFET、睇波 + 行年宵

而家逢星期六根本上都係果樣節目 - 睇戲~~~

呢排好多戲上，我都諗緊同唔同媽咪佢地去睇套賀歲片............

JAY 新作逆戰 (The Viral Factor)上畫，當然第一時間去睇啦﹗

仲想睇埋紅花坂上的海 (Kokurikozaka Kara)、地心探險記2：世外秘島 (Journey 2: The Mysterious Island)、無敵貓劍俠 (Puss in Boots 3D)

睇完戲真係好肚餓，於是去左怡東食BUFFET~~

第一次食面檔D面，不過食完一個已經好飽﹗

AS USUAL J 響生豪檔返本，一個人食左差不多 15 隻~~~

我就偏愛龍蝦B，同蟹腳.........好味~~

第一次食呢款蟹，D汁射到全身都係，J響台面夾，射到我成面成身汁、響台底都射到對腳......=.=

澳洲生豪 X 2

今次食到最後先食菜~~~

甜品唔吸引，於是食左棉花糖~~~

同埋一大碟士多碑利~~~

同埋雪糕~~~

一人一個岩岩好﹗

吞雲!!??

食完BUFFET之後趕唔到返屋企，於是落左樓下DICKEN'S BAR一邊飲杯，一邊睇車路士........

可惜到最後都係打和，今年真係好難可以去到曼城果個級數~~

最後仲行左年宵，其實都係得個迫字~~~

APE 個頭套好得意~~~



真係人山人海~~~

咁又一年喇﹗