2009年5月31日 星期日

海鮮餐

星期六又同Justin去睇腳 (點知佢close左﹗)


因為端午節睇完,個跌打師幫佢做左個超聲波﹗


而家佢隻腳仲痛左﹗打俾果個人問下啦﹗點知佢態度勁差....


問返Justin係咪佢要求做!!!!???


聽到真係火都黎.....


大佬你係醫生,而家你問係咪個病人要求.....有無過份d呀.....


我記得Justin係問過佢整左會唔會好d...咁佢就幫佢整喇


整一次收50蚊﹗


咁係咪明知會醫死人,但當個病人問食左會唔會好d就照開藥.....


我地點都會去睇多次,因為佢要負責返呢件事﹗


趙醒楠跌打醫館


西營盤皇后大道西360


(其實Justin一向都睇開佢,趙醒楠跌打醫館而家由佢2個仔打理,其實我一向對佢地都無咩好感﹗)


有一次佢地見電視有肚風舞表演仲一邊幫Justin整一邊響度叫佢老婆睇,仲一邊話 "咁肥就唔好話教人用肚風舞減肥啦﹗"佢地好唔專業......


我地響街市仲買左d海鮮返屋企整.....


貴妃pong~~其實唔係整得太好﹗


因為我地5點幾買左,9點先整黎食﹗唔係太新鮮......



都唔明點解成日蒸野都勁多水.......=.=


不過Justin就覺得好好味.......


佢都唔識食gei~~~



豆鼓薑蔥蒜炒花甲????hin??? 其實我都唔知呢d係咩......


不過呢d貝殼類我好鍾意ga~~


都似似地樣﹗幾好味......


唔知田隻腳幾時可以無事呢........希望快d啦﹗﹗


2009年5月30日 星期六

Sammi Happy Happy Birthday


Happy Birthday Sammi~~



我第一次食風月堂.....

感覺都幾好.....

環境舒服~~



個memu好colourful呀~~~



不過唔鍾意佢無得book台lor~~

好彩羅左飛之後,我地去左行街,一返黎就有位.....



雖然Shirley未到,不過已經9點喇...我地諗住叫住d野食先.....


有人唔專心揀野食.....wahahhaahahha~~



台面d花係真ga~~~



海鮮炒飯....

真係好想知點解人地炒飯可以一粒粒又唔會乾~~


煙肉芝士薯片

都ok~~ 不過上面d醬唔夠多~~


Pizza~~



wa~~好多芝士.....好長.....


其實我地果晚食左好小野....

因為個個都目標住d靚靚甜品....



真係好多款......

仲整得好靚~~~~



10:30 Shirley終於都黎到喇~~~

下次佢話可能8點收得工都唔知信唔信好....=.=



Sammi 生日我地叫佢揀食咩甜品

佢揀左布丁.....

我地仲好無聊咁拍左一段震震布丁Movie...wahahahahaha~~~


wa~~~好colourful~~

d生果都好好味~~~


雪糕好滑 ^ ^



因為佢個樣似cake所以叫黎俾sammi切~~

個雪糕溶緊.....



希望你可以日日都開開心心.....



原來佢底果層士多碑利係焗過之後放個雪糕上去﹗

唔好睇佢好似仲係好新鮮其實係已經焗熟左......

不過焗完之後太酸﹗我地都唔係好識欣賞......



出門口又影下相先.....


有個簡單背景都幾好wo~~



我都唔鍾意而家呢個頭呀~~太爆.....

等多我2個星期,之後去整返直佢....

忍忍忍忍......





nice dinner, nice gathering....


2009年5月29日 星期五

端午節

端午節我地無食糉,因為Justin隻腳唔可以食糯米住.....


一點出門口睇完跌打之後就去左香港仔


其實我都心大心細,Justin約左媽咪、婆婆、e婆、舅母、表弟、表妹飲茶


第一次見佢咁多親戚﹗


同埋唔係幾好意思~~~


不過我又唔想一個人食野,於是就一齊上去喇......


開頭其實我都幾緊張ga~~


我地都仲諗緊叫舅母做Auntie好定係叫返舅母好!!!!!???


最後舅母好好人,主動走過黎同我打招呼﹗


仲叫我叫佢做Annie~~


平時食舅母d野就食得多,不過真人就第一次見﹗


舅母煮野好好味,人都勁nice~~


我真係好開心


婆婆第2次見,對比上一次,身體好左好多﹗


感覺大隻左﹗


飲左2個幾鐘﹗不過感覺時間過得好快﹗


Justin媽咪想去SOGO,不過Justin整親腳唔方便去咁多人既地方﹗


我唔敢一個人同Auntie去街呀~~~


返到去,我地夜晚都有煮左小小野食﹗


Uncle好得意﹗佢同我講煮野食都幾好,2個人有情趣d~~


我真係好鍾意Uncle~~


而家整咩食我都會問佢有無興趣試下﹗


我答Uncle: "係呀,可以成日都2個人一齊﹗"


其實我想話驚自己成日都響佢地度會打搞到佢地,不過我又驚uncle唔知答我咩好wo~~


而家咁既生活我覺得好開心﹗


真ga~~我真係好開心﹗


大菠蘿小菠蘿成長記 5


呢張就係種小菠蘿既說明書喇.....



睇返最下面果幾段.....


看圖識字啦﹗


要先除左個頂 (但我無咁做到﹗)


之後種,一星期淋一次水﹗


(所以落雨我地都由佢應該係又錯左﹗)



50日之後就會有個新芽生出黎~~


但唔係真係響上面ga ma....


其實真係好想睇下佢到時係咩樣﹗


希望而家種過會有機會啦﹗


最後響頭頂生一個新菠蘿.....


真係好好好笑~~~


2009年5月28日 星期四

又玩煮飯仔

5月27日 My Beloved Sammi Happy Happy Birthday


我地將會星期五晚去食飯慶祝~~~


Justin整親腳到而家都仲有d痛,於是放工我又陪佢去睇跌打仲買左送一齊整野食﹗


其實都係好easy果d菜式....



剪雞扒,不過呢個好難食﹗下次唔會再買lu~~


佢係已經有味ga喇,我只係負責煎香....



串燒雞,我地用個燒汁再整多佢一次,個色勁靚....


仲有菜同日本黃瓜....


好味~~


其實成日都平平淡淡咁一齊整下野食,傾下計已經好正喇~~


希望Justin隻腳可以快d好返


2009年5月26日 星期二

大菠蘿小菠蘿成長記 4

呢幾日都落好大雨,而我地照將小菠蘿佢地放響花園﹗


因為我地懶,無放佢地返入黎露台﹗


不過佢地就變到好綠色......



大菠蘿中間果2塊葉生緊呀~~


唔信自己睇返之前果篇啦﹗真係大塊左......


當我出去幫佢地影下相既時候,我發現小菠蘿有d奇怪



佢個根部好似爛爛地,當我諗住推一推睇下個底﹗


佢成個甩左出黎呀~~~


應該係因為咁多日都俾水浸住,而我又無聽說明書話切左佢個菠蘿出黎﹗



個根部真係霉哂呀....


之後我決定挖走小小泥,再cut過佢個頭重新種過﹗


我覺得佢仲咁綠一定未死ga~~


大菠蘿你要氐快d呀~~因為爸爸無咩耐性喇.....


佢成日都話你地死左﹗種唔到﹗要爭氣呀~~~


2009年5月25日 星期一

Family Day

星期日Uncle由大陸返左黎﹗因為佢想去睇車......


於是Justin就拉埋我一齊去﹗佢地一家3口加埋我﹗


其實我唔係好想去,因為又未化妝又未戴con真係頭都未梳.....


係ga~~我成日都響Justin屋企樣樣衰衰咁ga~~


出門口仲發現件衫著錯左,wahahahahahaah~~樣衰到呀......


目的地: 鑽石山荷里活廣場


當時已經落左黃雨,之前果幾個鐘真係大雨到呀.........


有車真係好.........而家Uncle果架車都好舒服ga﹗我都坐過幾次﹗


感覺上Uncle好好人,對我都幾好,好溫柔~~~



呢架Suzuki SX4 原本要18萬,而家14萬有交易﹗


Uncle覺得好抵,不過最大問題係佢其實有2架車,如何再多一架.....就真係太多喇.....


其實買車我唔識呀......


 


不過坐入去後排好似高左小小~~


同埋無真皮咁舒服.....


Uncle考慮緊既時候,我地去左食一螞蟻﹗


我地叫左個浪漫2人套餐同埋一d甜品﹗


因為我地晏晝差唔多2點先食Pizza~~


一個3文魚湯飯、焗田螺、羊架、牛尾湯、餐飲、甜品....


其實如果真係2個人食一定食唔哂.....


最後Uncle都未confirm買唔買架車好呀~~~


我仲陪Auntie行左一陣街﹗原來我地傾下d化妝呀、護膚呀~~都ok wo~~~


大家都女人呀ma~~唔知平時媽咪會唔會覺得多個女會好d呢.....



出面好似倒水咁呀~~Horrible~~


2009年5月24日 星期日

蒸肉餅

星期六我地一早起身就去香港仔飲茶喇~~


2個人食左差唔多10碟點心....


蓮藕、咸水角、燒賣、馬豆糕、叉燒包、鳳爪、牛柏葉、鮮竹卷........


飲左差唔多2個鐘茶,一邊睇下報紙一邊睇下電視.....


感覺好似我爸爸媽咪平時咁呀~~~


好老夫老妻lu~~~


飲完茶當然要去買送煮飯啦﹗


是日勁大雨...我地去左Welcome度行左一圈﹗


買左d菜、雞肉、肉餅、腐竹、白果、黃冰糖、零食一大堆。


之後就返屋企整野食喇........


咁我打俾媽咪啦﹗


我: "媽咪點整肉餅ga???'


媽咪: "你洗左d梅菜,切到佢好細、撈埋d豬肉、加小小"雞"粉、拍實佢、蒸五分鐘﹗"


我:"我用冬姑得唔得ga???"


媽咪:"一樣做法jei~~"



其實都整得幾靚ga wo~~


咁就羅去蒸啦﹗



點解蒸完會咁gei??????


話說我同justin隔左10分鐘之後去睇,發現勁水汪汪,d肉餅仲要勁散﹗


激到佢死....


於是佢就用左燒汁成個炒散佢........


好彩咁樣整都好好味~~~


我就諗返點解會咁散啦﹗


可能隻碟太大,佢有好多倒汗水.....浸到散左﹗


咁我就同媽咪講返啦﹗


點知媽咪問我你無用粉撈勻??????


粉????唔係雞粉????


就係咁就變左散肉餅喇....


下次記住係加生粉,唔係雞粉呀~~~