因為麻煩Andy哥要結婚，所以要文哥羅喜貼俾我﹗
等佢放工已經等到個肚"bin"左﹗
haha~~佢仲要去買六合彩﹗
不過佢話中左會分d俾我咁就算啦﹗
之後我地就去左 "八喜 " 食Dinner
小龍包、肉燥A菜、三杯雞、南瓜蟹粥、芋頭小丸子
個雞好入味~~
哈哈，其實上次都食過幾次﹗
今次個menu又有唔同﹗
真係好鍾意d餐廳成日都有新野﹗
我地由8點開始食，食到11點﹗
傾左好多野﹗
文哥就好似大哥哥咁....俾左好多意見我﹗
其實我都幾Lucky有好多人都對我好好﹗
原來文哥都幾幸運，可以做到今日呢個位置﹗
不過當然都有努力﹗
終身學習﹗
期待Andy哥個婚禮再同大家一齊傾過﹗ 
晏晝去左銅鑼灣見左個agent~~
可能佢覺得我唔掂掛，見左3個字就走得喇﹗
咁岩Justin可以4點收工，因為要去探婆婆﹗
希望婆婆身體健康，開開心心~~~
咁佢就陪左我一陣，我地仲食左個糖水﹗佢就去探婆婆，我就去旺角搵Celia佢地﹗
其實都隔左好多日先見﹗好掛住Justin﹗
Yvonne同蘇菲比較遲黎，同埋等位等左好耐﹗差唔多8:30先開始食﹗
行到勁支力﹗
又係食 Monster Sushi~~~不過佢個Menu有好多野唔同左﹗
Celia同Yvonne
玉子 (都係一門果個好味d﹗)
清酒煮硯 (ok好味﹗)
我同蘇菲
炸墨魚、軟hoc蟹...(都好好味，因為個醬﹗)
三文魚都幾新鮮呀~~~
帶子、油甘魚、xxxxxxxxx卷 (佢個名真係好長ga~~)
仲有個類似花之戀既~~Yvonne話都好味﹗
搞到我好掛住日本既海膽tim~~~
大家交換下近況，講下旅行，笑下....
之後行左一陣就返去喇﹗
Justin話婆婆好好咁我都放心d﹗佢仲話婆婆問起我﹗
其實聽到都幾開心嫁，估唔到婆婆仲記得我﹗(我之前探過佢一次﹗)
at least i am not a total stranger to ur family~~~
我應該滿足lu~~~仲爭辯咩呢????
Agent約左4點去見一份政府部門既工﹗
不過個contract係under個agent而唔係政府﹗
去到已經有一個人等緊，我坐左一陣又有第3個人入黎﹗
佢係一個Fresh Grad既女仔同我一樣都有d緊張﹗
點知第一個響度果個人勁串話見工份份都係咁，驚咩...
我知個工作性質有時要寫野，咁我就話驚好難﹗
佢又話份份工都要寫野ga la~~除非我去做搬運工人﹗
唔知呢可能佢太有自信掛﹗佢之前都係響政府做，都叫多d經驗﹗
睇得出一個人做過幾年野談吐同我地會好唔同﹗
等到差唔多4:20分我前面果個先開始見﹗
我就差唔多4:45分先見﹗見左3個字﹗
我後面果位都係見左3個字﹗
佢問我其實我係讀旅遊，怕唔怕Paper Work會好悶﹗
問我如果有一個同事做野唔跟程序我智點處理﹗
問我如果成team人有人做錯左，但份野聽日係deadline應該要點﹗
不過我都係講自己Strength 同Weakness 講我最唔好﹗
下次真係要諗定先﹗
要再重新搵過工喇﹗加油﹗
不過真憬好唔明點解連政府都要外判contract出去﹗
返左屋企換左件衫就同阿風去行街﹗佢轉左工想我陪佢買衫﹗
我好乖今次無買野喇﹗(其實我想買條短褲ga~~~)
佢就買左2件﹗
不過真係時間太趕，係咁e行下﹗
仲無時間食飯﹗係咁e食左個面﹗
星期一Justin正式成為team leader﹗恭喜恭喜
原本好支力都唔多想出街﹗
不過呢排Shilrey好衰，成日都話我無朋友ga la~~
有男朋友就無朋友ga la~~
其實我真係好鍾意痴住Justin﹗
不過我都要有自己生活圈子﹗
陪朋友都好重要gei﹗
之後我地就3個人去左旺角﹗
蘇菲Target 西褲﹗(下星期佢要去澳門做野﹗)
最後響Bread & Butter買左﹗
Shirley 想買牛仔褲﹗
最後買左個袋 + 衫...
我諗住隨便行下﹗不過最後都買左野﹗heehee~~女人
我買左一個袋﹗
食左個牛扒餐就返屋企lu~~~
其實我都知呢排我約小左d fd~~
成日都同Justin一齊﹗
之前試過約佢地，不過一大班人真係好難就時間﹗
1 d 早收工， 1 d 遲﹗1 d 今日唔得，1 d 聽日唔得﹗
2個人點都易就d~~
哈哈﹗我唔係俾藉口自己﹗
佢地2個都好靚仔靚女呀~~~
我暈喇﹗凱頓基斯登遜 我會記住ga~~
故事講述男主角係一個大好青年，事業愛情都有，可惜心臟有事一定要換心，響手術過程中佢發現自己清楚聽到醫生對話，原來手術背後是一個驚人陰謀，醫生計劃要殺死他.....
我覺得故事很新穎，當睇落去，個ending會估到﹗但要到後期才知道殺佢的原因﹗
可能男女主角實在太靚喇﹗加左幾分嫁﹗
但都有d位置不夠說服力﹗我同Justin話如果講多d女主角同個醫生之間的事，可以更令人信服....
可以一睇﹗
一早就起身因為要去Times Square見工﹗(Justin仲陪我去tim呀﹗
)
這是一份響Business Service Centre做類似秘書既工作﹗
但佢唔單止係幫一間公司而係好多間﹗
除左秘書之外，仲有租已經有設備既Office﹗
由11:30半一直見到12:30 (第一次見咁耐﹗)
中間問我以前公司有無試過解決同事之間既"斗"分
其實我唔係好明嫁，因為同事斗分係指口角定係指其他????
同埋我邊有呢個Power去解決斗分......
傾左好多以前返fair同以前公司既野﹗
Justin真係慘呀﹗要等我一個鐘﹗
之後我地去左香港富豪酒店食Lunch Buffet
其實食之前上網睇過佢既食評，10個有9個都係話好差﹗
我的沙律，有好多款業揀wo~~(網上話得薯仔only既???)
仲有幾件Sushi (用紫菜一早包定一定唔會好味得去邊﹗)
個劍魚波波....哈哈﹗唔明點解要搞到咁樣﹗
煙3文魚無人搶wo~~(不過就唔夠煙味，唔夠新鮮﹗)
魚生都OK~~係切得醜左小小﹗
佢有好多款咖哩，魚、羊、雞、豆....
仲要真係印度人整ga~~(都OK呀，好似去重慶食咁﹗)
響我地食左好多咖哩之後先發現最後果排有好多熱野食﹗
牛肉都OK~~之前D酒店食呢個都差唔多﹗
果個唔係紫菜而係冷面，一般啦﹗
煙鴨胸都係唔夠煙味 (美味天王好味D﹗)
焗3文魚
焗蠔 (一向都唔鍾意食ga la~~)
不過上面d牛柳粒又幾好wo~~~入味﹗
之後已經係食甜品lu~~
Pancake﹗唉~~~Justin實在加得太多朱古力醬，甜到呀~~~
個雪糕其實有3舊，呢2舊係個staff幫我整既，而我整果堆響底唔見得人﹗
New York Cheese Cake 好好味﹗
不過其他果2件就一般喇﹗
最出色係呢個朱古力cake~~
真係好好味ga~~~
其實真係食得唔多野，同埋食物唔係特別出色，不過我地有買一送一都抵返gei~~~
原價要 $188而家 $210 2個人都ok啦﹗
之後去左寶林cut hair..
可惜間戲院執左，於是就去apm睇 <<離魂驚殺>>
我地仲好無聊咁同d Holloween擺設影相﹗
換轉以前佢一定覺得我好低B，唔肯陪我﹗(而家既佢真係唔同左﹗)
睇下，仲會好傻仔咁陪我瘋癲﹗愛死你
如果Justin係咁大隻而我又咁瘦﹗haha
咁我地咪唔襯lor~~
快樂既時間真係過得特別快﹗><
原本星期四一早要去灣仔見工﹗
不過最後我都無去到，因為感覺份工唔適合我﹗
呢份係幫一間好大既電腦公司做Customer Service...
(其實我係睇中人地係大公司﹗)
第一: 電腦真係會考起我﹗
第二: Customer Service我對酒店業有更大興趣，但酒店個返工時間實在..
於是我就同Justin一齊訓到差唔多2點﹗
中間有2個電話都係叫我見工﹗
一份係星期五去times square見一間business service centre
一份係星期一見政府contract工﹗
起身之後就食下野，睇下台劇 <<惡作劇2吻>>
夜晚就同Justin爸爸一齊食野﹗
其實見過 Uncle N95次﹗不過次次都驚驚唔敢同佢傾計﹗
佢地講緊隔離屋整緊個花園，佢地都諗緊整唔整好﹗
但前面個花園其實都好小會去打理，再整埋後面果個有邊個打理呢???
同埋保安都係一個問題﹗
隔離整左個魚池、種左10棵樹左右﹗仲有樓梯，其實都幾大﹗
而家仲放多左個類似屋仔既野﹗
咁Justin就話佢都想起返層樓﹗整完之後就同我一齊住﹗
哈哈﹗咁當然唔得啦，因為政府定左係整花園就只可以種花﹗
點可以起樓....
不過聽下都好開心lu~~~
如果日日都可以痴住就好喇﹗
Justin去觀塘上堂仲好早就放學﹗
同埋佢星期四dayoff 所以我地決定夜d一齊返屋企~~
3點就放工真係第一次呀﹗﹗之後我地一齊過左去灣仔﹗
佢呢排d皮膚差左，睇過我個blog既都知佢用左萬幾蚊整好d皮膚﹗
於是我就陪佢去睇醫生﹗問下咩事都好﹗
醫生開左一個星期藥俾佢﹗就咁又無左 $500喇﹗
希望食完又變返白滑靚仔啦﹗
之後都差唁多食晚飯喇﹗
好耐之前已經講開想一齊食北京填鴨﹗
岩岩記得響霸王山莊有得食咁就上左去喇﹗
我Lunch都黎食過，都幾滿意﹗
叫左一個宋嫂魚"更"，紅油抄手、雲tung黑金剛面仲有北京填鴨一食﹗
宋嫂魚"更" 好似多彊左小小wo~~
個紅油抄手上次食好好味，今次就spicy左小小﹗
不過仍然欣賞師傅響加左小小湯響d "雲tung" 度
個面就好有口感，其實好似食jelly咁﹗好滑﹗不過就淡味左小小﹗
北京填鴨一食 (咁二食係點呢?? )
侍應話係將餘下既鴨肉炒多一味菜﹗(不過真係會太飽ga...)
右面叫摩摩，係包住d青瓜、蔥、鴨同醬一齊食gei~~
其實我覺得個鴨都幾油﹗
同埋佢片得唔好﹗一隻鴨點會片得咁小呀﹗
個醬就似燒豬醬，不過無咁甜﹗( i like this)
Justin食得好開心﹗用埋手﹗
我就食左幾舊就唔得lu~~~
之後我地去左銅鑼灣﹗原本想去d 狗狗cafe﹗不過見佢得3隻狗狗咁小又無我地鍾情既玩具貴婦﹗
於是我地就行下街﹗
Justin 買左2件tee 同埋一件外套﹗
行到10:30左右就要搵地方休息喇﹗
去左銅鑼灣地帶﹗飲左杯好難飲既野﹗
Justin成日都係好鬼馬，好好笑﹗
可能我就係鍾意佢夠Funny~~~
之後就返屋企喇﹗
響屋企門口等緊~~~
而家我諗緊個頭應該分界定係整返一個蓋好﹗
星期三四五都同Justin一齊感覺好幸福呀~~~
呢幾日媽咪因為細佬好心煩﹗
可能佢既擔心係真，但亦都可能係佢自己諗得太多﹗
佢成日都怪我做咩唔同細佬傾下﹗
細佬咁大個人佢自己點諗真係好難明白﹗
佢又唔多肯講野﹗
咩事都話 "得啦﹗"
我都知有時媽咪佢地既擔心係多左﹗
不過咩都唔講係唔可以解決到個問題﹗
而我自己又因為搵工覺得好煩﹗
係，係見左好多份工﹗
其實都唔知自己真係有邊份想做﹗
好似次次見既工都唔同性質﹗
好好笑﹗
唉﹗其實我都唔開心~~~
經濟突然唔好wo、我又唔想返返以前既公司﹗
不自覺響Justin身邊喊左出黎﹗
眼淚不停咁流、不停咁流~~
響Justin身邊我總是好易就喊，好易就失控﹗
Justin教我打電話俾媽咪同佢講會同細佬傾~~
叫佢放心﹗叫佢唔好嬲﹗
媽咪原本語氣都唔好，不過好似好左好多喇﹗
希望晴天可以快d到﹗
多謝Justin陪住我﹗
又有機會去見工喇﹗
今次係一間做珠寶trading既公司佢話請marketing executive
不過上到去原來係做唔知邊個個assistant ﹗
上到去多珍珠多到呀~~
可以注滿幾個波波池﹗
我覺得見我果個人好得意﹗
好似好遲鈍咁，同埋應該唔係講純正既廣東話﹗
我介紹左響之前公司既野之後佢問左我幾次點解唔做~~
我講左一次第2次又係話你之前公司咁好做咩唔做呀~~
唉~~我又重複﹗
之後了解左份工﹗
其實我真係未做過類似既野﹗
不過我覺得無野係做唔到既，同埋一定會學得好快﹗
我問左2個問題之後都無咩傾喇﹗
哈哈﹗我都唔知自己表現成點呀~~
不過都係果句等通知啦﹗
其實次次都唔知人地會唔會請我﹗因為都應該見幾個人以上﹗
唔理lu~~
