2009年1月31日 星期六

開年飯

Happy Friday 要先返左屋企陪Daddy媽咪食開年飯﹗


放左工先去接Justin收工,之後一齊返屋企~~


Justin買左Birds Nest送俾我媽咪佢地﹗


屋企仲黎多左一個阿姨同一個叔叔~~


又俾左大大利是我地2個~~


Total 6個人食飯﹗因為細佬都未返﹗


果晚有鵝、雞、蝦、蟹、芋頭、燘花膠、仲有螺頭湯....


d crab好大隻,要成百幾蚊一隻﹗個味又岩岩好~~


Justin自己都差唔多食左一隻~~


其實我真係覺得媽咪好叻ga﹗


咩都識整,仲整得好好味~~


有好多人都話佢拍得住d大廚﹗


以前都無咁覺,但當我睇到有好多媽咪都係咩都唔識整﹗雖然媽咪係好師奶~~


不過可以好似媽咪咁都幾好呀~~


Justin個湯怪又黎喇~~


飲左3碗都未夠仲想再飲﹗


一家人一齊開心笑下感覺好好呀~~


之後我地就一齊由我屋企返佢屋企.....點解????


因為第2日一早就要同埋佢d 同事一行14人過大海之後去珠海~~


今次講真一大班人感覺同平時2個人好唔同﹗


耐唔時一大班人都幾好玩~~


不過最緊要係我覺得佢d同事都幾玩得~~~


2009年1月29日 星期四

農曆新年

依照慣例農曆新年都係會一家人返鄉下.....


媽咪佢地年廿七已經返左,我就拖到年三十晚先返到﹗


因為成日都陪住Justin呀ma~~


由深圳搭巴士要一個鐘...


年初一我通常都訓到好晏﹗但一早已經有人黎拜年....


之後就起身一家人一齊食飯﹗



晏晝就出動﹗去3-4 家人屋企....


聽得最多不外乎 : "你靚左好多wo~唔認得你喇﹗做咩唔同埋男朋友一齊返黎呀???幾時結婚???.............."



夜晚就打下牌﹗又係同自拍妹妹~~


年初二係去我婆婆屋企﹗我婆婆住響大陸﹗一年都可能只可以見一至二次﹗


由我鄉下去都要差唔多一個鐘....



其實我好珍惜可以見到婆婆嫁﹗


見佢凍仲幫佢暖下對手....仲買左個暖水袋俾佢希望佢可以訓好d~~


婆婆最緊要身體健康﹗


媽咪有七兄弟娣妹,同姨媽同媽咪婆婆真係一樣樣ga~~



仲有一大堆細蚊仔.....


年初一打牌贏左$20..不過初二果晚就.....不過玩下都ok~~


年初三就十點起身要返香港喇....因為要去Justin屋企拜年﹗


男朋友勁好仲一早幫我準備埋禮物送俾Auntie~~


而Uncle我就係on the way先買既...


唉~~我真係成日都做左d失禮既野........


我主動拖Auntie對手........


之前年三十晚Justin電話同我媽咪拜完年之後俾左個電話Auntie聽....


我又講野講到一舊舊.....


Auntie祝福完我之後我又唔知自己講左d 咩....


希望再相處耐d我會好d 啦﹗


多謝Uncle 、Auntie的大大利是......


呢個新年做得最多係搭車.....真係好攰~~


所以又響Justin屋企訓.....真係去佢屋企仲多過我屋企....


不過我發現同佢一齊我會訓得好好﹗


今年有差唔多60封利是,勁多~~


儲起佢先.....


第一日返工,公司如常地靜,我以為上年的上司已經叫做Cheap ga la~~點知今年果d 仲cheap~~


Room 入面有3個Head,4個人婚﹗


其大一個我阿Head 好鬼鼠咁掉左封利是俾我﹗仲叫我快d 收埋佢唔好咁揚﹗


厡來是因為佢俾左2個無俾其餘果2個﹗


我心諗做到咁你唔派都無咁樣衰,一封利是有幾多呀﹗????


開工利是都係羅個意頭jei~~


2009年1月25日 星期日

2個人團年

年廿九同左Justin2個人去香港仔<<皇家沙>>食團年飯﹗



2個人order左勁多野食﹗


鎮江肴肉﹗都ok好味不過唔係好鍾意凍野﹗


菠蘿咕嚕肉﹗最愛菠蘿


上海粗炒﹗唔係好入味﹗



生煎包﹗小籠包﹗上海雲吞﹗


高力豆沙﹗


飽到我呀...........


見到隔離台一家人幾代同堂﹗我地傾左將來生仔果個問題..........


佢想50歲就退休之後同我2個人去旅行嘆下~~


但我就好想生一個屬於我地的小朋友~~一代代~~(其實我都幾傳統ga~)


如果係咁就更無可能50可以退休~~就算30歲生﹗到50佢都仲係得果20,連書都未讀完......


而家我地根本無能力去照顧一個BB....


呢D時候就會覺得錢好重要~~


heehee~~唔知呢﹗不過諗下都好呀﹗



Justin話如果阿仔(Justin話佢鍾意仔多d﹗因為可以教佢踢波﹗) 似我個nose咁扁...似佢個身勁短,D牙唔齊,頭髮孌孌,似我地2個個唇咁厚,我地2個都近視,皮膚又唔好﹗咁就好Ugly喇﹗



但如果似我雙眼皮,d牙齊整,似佢面尖尖,nose高高,咁又幾ok wo~~


2009年1月24日 星期六

一家3口????

Happy Friday同左Justin 仲有Eugene出去督波、唱k、行年宵。


點解叫做一家3口???


因為Eugene成日叫我做阿媽叫Justin做阿爸﹗


佢話果晚係一家人團年wo~~



我地先去左督波,佢地督我就織冷衫﹗



唔知係咪受左Justin影響而家都幾鍾意睇人地督波、踢波......


之後就去左灣仔加州紅唱k﹗


我地因為未食野,所以加左個$32但無野食的Buffet~~


個K仲要勁貴﹗$180.....


埋單要$240一個人﹗超唔抵﹗


仲要搞到Justin發我脾氣~~~



(哈哈.....經過小學同學個攤位~~)


最後Eugene走左,我地2個行花市傾返個問題﹗


佢話之前Eugene話我講野有時好唔岩聽,佢而家都覺得我講野無以前咁顧人感受﹗


有時講野佢都好唔岩聽,但都忍左﹗而家發現咁樣唔Work~~


我就同佢講佢唔講出黎我唔知﹗同埋唔應該突然發咁大脾氣~~


其實之前都發生過同一個問題~~


而提呢個問題都係Eugene~


我知道我自己應該點做.....


超級零零狗3D (Bolt 3D)

迪士尼又一力作<<超級零零狗>>


狗狗將拍戲當成真,以為自己真係有超能力﹗


Super bark、雷射眼.....

Yahoo! 電影

響搵返主人途中,勁多爆笑野﹗

Yahoo! 電影

特別係隻倉鼠......... 笑到死左.......


Yahoo! 電影
 


最後成為真正英雄.........


唔錯唔錯~~~


2009年1月23日 星期五

你知唔知我係邊個呀??警察呀﹗拉你呀嗱.....

講起呢件事我同Justin都勁嬲呀﹗


話說尋日放左工之後我去銅鑼灣羅蛋糕。


而Justin就響北角上左巴士先,到左銅鑼灣我就上車﹗


差唔多到的時候佢sms 叫我上車之後扮唔識佢,佢有野做緊。


果下我覺得好怪,不過我照做左,仲坐左響好遠觀察住佢﹗


但佢又無講電話又無sms又無同佢隔離果個人傾計﹗


講真開始有啲嬲﹗


到就落車果陣又sms叫我一個人落先,佢要之後果個站先落﹗


嘩﹗我啲火係咁湧上黎,但我同自己講唔可以發火﹗聽左解釋先.....


不過入到屋見到Uncle d 火都熄左一半﹗


Justin問我:"點解唔問發生咩事",我就同佢講 :"如果你想講你自然會講ga la~~"


(哈哈,原來我自己咁型ga~~)


Justin 同我講返成件事,佢上左車之後坐左響出面果個位,有個大叔迫入去,咁Justin就好聲好氣同佢講 :"唔好意思,我女朋友一陣就上車,麻煩你可唔可以坐第2個位???"


點知個大叔聲大大咁話 :" 做咩呀???口靚仔﹗想霸位呀???你知唔知我係邊個呀??警察呀﹗拉你呀嗱....." 仲響個銀包show左張Pass出黎


痴線﹗我聽到呢度已經好嬲喇﹗


Justin :"先生,首先我無諗住霸住個位,我頭先係征詢你意見肯唔肯坐第2度,但我覺得你而家係用你警察的身份恐嚇我﹗我想知道你篇號幾多????"


大叔 :"我做咩要俾個篇號你呀﹗我頭先係用乘客身份同你講野呀﹗"


如果係用一個乘客身份點解要show pass 先.....我唔覺得警察係大哂﹗


我同Justin都知道霸住個位係唔岩,但當時車上係仲有好多位ga~~


之後仲要勁乞人憎咁話 :"做咩呀???口靚仔﹗唔順氣呀,報警呀﹗叫全車人同你返警局呀﹗"


Justin :"呢件事係我地2個人之間的事,唔應該搞到其他人,我只係想知你個篇號幾多﹗"


個大叔點都唔肯俾之後仲扮野行埋車長度,望住Justin :" 點呀??係咪報警呀??係就叫車長停埋一邊﹗"


呢種係咩態度呀﹗



之後到左站Justin就跟住大叔一齊落車﹗(果時我已經走左ga la~~)


佢行去邊,Justin就跟住。(雖然咁做係無咩意思,但係我都想串一串返佢lor~~)


大叔忍唔住問 :" 口靚仔,做咩跟住我呀???"


Justin :" 下??呢度公共屋村黎ga wo....你唔係又想用警察身份唔俾我響呢度行呀???"


之後仲羅個電話扮野影佢,激到個阿叔死死下﹗


我男朋友都幾古域﹗


呢件本身係一件好小的事,但我覺得大叔唔應該用啲咁既態度,同埋佢應該都尊重返人唔好下下叫人"口靚仔"


Justin諗過好多野,點解佢唔認我就係唔想個大叔知我係佢女朋友想保護我﹗


佢唔同我一齊落車都係一樣﹗


 雖然好嬲,但突然好感動呀﹗


我始終都係想講一句警察唔係大哂﹗