認識冬蟲夏草

 

上次講到我地一家響同仁堂買左一堆中藥，其實醫師係提議要配合埋冬蟲夏草一齊食，不過因為佢果D太貴RMB700，所以我地決定左返黎香港買﹗

唔買唔知原來呢樣野都幾大學問~~

有3個TERM 要注意 冬蟲夏草、蟲草 & 蟲草菌絲體

其實睇完都係明D唔明D，當然怕某D討論區係廣告多過真用家，感覺上消費者委員會報告應該較可信﹗

教完你會知多小小咩產品先係真冬蟲夏草~~

雖然無話真冬蟲夏草功效大，但唔想自己食左D咩菌絲體，而當左係冬蟲夏草﹗

原本仲諗住買CS4，原來唔係冬蟲夏草﹗

最後揀左中間呢隻，由於佢係由西藏那曲野生冬蟲夏草頭尾整出黎，所以價格上都OK，$388，買3送2，J Total 買左10樽，因為佢買埋俾我食﹗

扣埋D Coupon之後一樽只係 $174~~

隨後果半年要一日食2粒冬蟲夏草、2粒棗仁，希望唔會中膠毒啦 XD

冬蟲夏草小知識

根據《中國藥典》和本港的《中醫藥條例》附表二，冬蟲夏草為麥角菌科蟲草屬藥材 (即Cordyceps sinensis)。

故此如果你準備選購的是「冬蟲夏草」，必須向店員清楚表明要購買「冬蟲夏草」，而不要只說「蟲草」。

希望食完面色真係會好 & J 既Nose 敏感會好轉 ^ ^

趕大閘蟹水尾 X 打邊爐

 

J 訂左5隻大閘蟹返黎，最衰媽咪同爸爸返左大陸，無口福﹗

於是5隻蟹3個人食，我、J & 細佬~~

D蟹好香蟹味，連D蟹肉都好味，D膏唔洗講啦，好甜呀﹗



都幾生猛呀﹗J話 加埋唔洗 $200，30 - 50 一隻﹗

識人真係抵食好多﹗

細佬轉左Note II，不過相片質素好似無IPONE咁好﹗

反轉蒸20分鐘熟哂 ^ ^

除左蟹，J仲準備左支太調酒，好似話係同薑茶一樣去寒，我買左幾粒梅，加埋一齊味道幾好﹗

Ｄ梅好貴呀，買自么鳳：話梅王，7粒多謝$50............@@

2LA、3公，我鍾意LA 多D，D 膏實D，佢地2個就鍾意公，話再香D~~

J真係食得好慢，成餐食左2個鐘~~



其實都唔知煮咩黎襯蟹，見天氣突然轉凍，所以決定打邊爐~~

買左蕃茄、金姑、響鈴、肥牛、丸、菜、腸仔﹗

成餐飯如果唔計支酒 & 梅，應該 $3XX，食到3個人反哂肚﹗大滿足............

Sogo Thankful Week

呢排其實好窮，已經負資產，鬼咩自己又唔想樣樣結婚野都叫J俾錢，又去左北京旅行洗大左﹗

不過見到SOGO Thankful Week 又忍唔住去行左2轉............

屋企D Foundation 差不多用完，於是又想試下新野﹗

RMK 幾抵Wo~~

今次試左佢新出果隻粉同埋比之前上次潤小小既BASE~~

Total $800，送左一支15ml Base & 15 ml Foundation﹗

其實大支果D都係30ml ，即係送一半~~

仲有另外3樣野，可以旅行時羅去用﹗

個化妝袋就麻麻，羅黎裝下雜物都OK﹗

原來送果15ml 係舊版，感覺上好推，不過無咩遮瑕，好彩呢排皮膚好左，薄小小都OK﹗

反而新果支無咁好推，遮瑕雖然好左，不過比較杰身，新野真係唔一定好~~

個BASE 就好推左，Overall 都滿意既﹗

最想係換過D哂新掃，不過真係好貴呀，Set 裝係抵D不過有幾支都用唔著............

除左買化妝品，其實仲想買個新GIP~~

睇埋一田睇邊先，J 都想買新皮鞋，不過減左都好貴.........

於是轉戰超市，買左D野煮飯仔，冷面、蟹柳、泡菜、蕃薯、蜜柑、即食面..........

哈哈﹗人真係好多，不過師奶心態，好似買到平野咁........XD

再會Dickens Bar

上次黎食感覺上差左好多，不過見Dicken's Bar 餐牌有小小轉左，於是又去試左一轉

見是日精選你燒春雞，諗住Order 一隻，點知是日精選只係得15% discount~~

Cheap 到死，唔折好過﹗

於是都係叫返餐牌上買一送一既野食~~

牛怪都係揀返牛扒，雖然無之前咁好味，不過都可以接受﹗ $288~~

件牛細左好多，好彩個薯蓉仲係好好味﹗

另一個叫左三文魚意粉，有D太油，工文魚又係無之前咁香﹗

不過 $2XX 食到呢個質素都仲會有機會黎~~~

FINAL 執相 @ 希臘女神

其實上星期已經睇左一轉執左既相，因為都1X 張仲有D小問題想執返

例如眼皮膠紙、面色 / 博頭膚色不均、墻身污失跡，有D相執到過左火位，太假........

之外，大致上都OK~~

真係唔同價錢，個期望都差好遠﹗

再睇返呢輯相，其實有部分已經唔記得自己點解會揀，有D真係唔係幾靚~~

應該係因為百幾蚊張，J 覺得唔係好貴，又想KEEP多D COPY 而留響度﹗

返公司俾同事睇左一轉，佢地不約而同講個樣好過ALEZANDER HERA 好多~~

其實聽到都唔知應該開心定係灰左，講真自己鍾意AH 多好多，無論風格，各方面﹗

唯獨是化妝，佢地真係要再做好D~~

一個妝唔靚，就算D相影得幾好都會好影響﹗

當日條晚裝裙真係揀得幾好，我都覺得好襯自己，婚紗有部份相就真係假左D~~

以下係本人最愛其中幾張~~

晚裝條裙~~

J 最LIKE 其中一張~~

SO HAPPY~~

室外婚紗照~~

油畫之選﹗

2輯完全唔同既PRE WEDDING 2個完全唔同既自己.........

跟韓國來的朋友見面

記得4月J 響韓國同我求完婚之後Meet 左個韓國女仔叫Lily~~

佢其實耐唔時就會黎香港公幹，不過之前無時間見，今次終於都夾岩時間響尖咀見面﹗

感覺真係好搞笑﹗

因為佢由深圳落黎，過關耐左，我地約2點，佢差不多2:30 先黎到﹗

最得人驚係我唔記得左羅電話出街~~

好彩最後J 幫我聯絡到LILY﹗

安定左之後我帶左佢去食TEA，其實係我既早午餐~~

好好彩我地被安排坐響海景位﹗

包包仍然好好味~~

LOOKS GOOD~~

食完TEA，Lily就陪我去搵埋J 一齊揀相，之後我地去左掃街﹗

麻麻地雞蛋仔﹗

好Tourist 既一日﹗XD

最後行返去Heritage 1881 & 海港城影下相

不過我部相機又唔聽話喇~~

都幾LIKE 今年D佈置~~~

兔仔~~

希望無悶親Lily啦﹗

下年有機會去韓國探你啦...XD

裙掛 @ 鴻運繡莊

其實上次去EXPO搵佈置公司時，J 已經迫我JOIN左鴻運繡莊，租當日出門套掛

點解用迫，因為我其實未開始睇掛，唔知到底有咩要注意，不過佢就好心急，話間間都一樣............

仲好快手咁落左訂....=.=

過左幾日就有Sales 打黎約我去試款，原來鴻運出名水晶掛

其實我就唔係特別喜好水晶，對於裙掛我其實無咩IDEA，只係知道中小五福....邊件多D紅
上到去，佢先俾左2件水晶我試，好似都係叫新款BOOK線掛，真係唔知咩黎!!??

因為我之前未試過所以想試D普通款對比下﹗

同埋我想要傳統款，覺得傳統款95年後睇返都唔會娘﹗

試左一件小五福，仲試左件金線密D既款，都係鍾意多D紅............

其實Sales唔算好幫手問佢呢件呢掛，佢件件都係話BOOK線掛，唉，最衰自己無做足功課﹗

Sales 知道我唔鍾意太多金銀線，主力都係sell 我水晶

之後仲試左2件潮掛，有件真係好靚，好COLORFUL，修身D款，不過個領位太高，同埋最後都係想揀返傳統款﹗

可能因為望落水晶閃閃地，感覺上件衫會新D

所以最後訂左件水晶埋單 $1980，扣左 $380 訂，俾多$1600~~

唔知貴定平﹗

不過因為件衫仲會不停出租，所以未知而家呢件係咪就係下年我著果件﹗

雖然佢話放心一定仲係好新~~

之後諗清楚D，發覺自己蠢左，應該都係BOOK普通款先，之後UPGRADE 會好D，而家俾哂，下年真係唔知件衫會變到咩樣~~

中了 JNC 毒

岩岩由北京返黎，因為早前收到2張婚展門卷，Plan左要去睇一睇場地佈置，所以就算好支力都去左一轉﹗

個展覽雖然細細地，不過想睇既佈置公司都有幾間響度

(其實早前做過小小RESEARCH，我一早中左JNC 毒，真係好鍾意佢地D相，D色好MATCH，成個感覺好靚~~

我地睇左MAPLE、COLORFUL、HERE、FUNCTION、ROSY，當然仲有JNC

HERE & ROSY無期，MAPLE係好平，仲同MARCO POLO PART左好多年，不過真係麻麻地佢D DESIGN~~

JNC同FUNCTION 差不多貴﹗

最後BOOK左JNC

COPY FROM JNC

而家個PACKAGE包左BACKDROP，RECEPTION TABLE，相簿台+CANDY CONER、油畫架、蛋糕台、證婚台﹗

我地加左張地毯 $1900，因為唔想煩一次過訂埋~~

而家諗緊要唔要造多個FOAMBOARD，之前想造個魔天輪剪影($3000)  
哈哈﹗終於所有大ITEM 都搞掂哂﹗太好喇﹗

首都博物館

呢個又係自費景點，RMB 100﹗

不過可以認識下北京既歷史都唔錯~~

外面睇都幾大嫁，不過原來入面分開左2邊，中間有個好大既空位﹗

我地先去北京本土文化展覽館，哈哈...原來有介紹中式傳統婚嫁﹗

禮盒~~



大紅花橋~~~

新房

禮服



雖然古舊但好靚~~

老北京

靚靚X10........

當然唔小得磁器~~

京劇介紹~~

戲服

感覺上介紹北京文化呢個展覽館都唔錯幾多野睇﹗

再落去就係介紹由石器時代到近代中國 / 北京文物~~

另一邊展覽館~~

望個外觀似係青銅 / 玉器﹗

由最頂開始 - 玉器~~

人大左開始識欣賞玉器，有D手工真係好靚~~

當然唔小得字畫﹗

總括黎講，呢度都係一個唔錯既景點，去認識中國長遠歷史﹗

下一站去左一間手信店，係古時慈禧太后最愛糕點，可惜我地唔識欣賞~~

因為J 係北京田鴨SUPER FANS，佢好想去D LOCAL D 既鋪再食，於是我地夜晚唔跟團食飯，同埋細佬3個人去左搵食﹗

下一站: 利群烤鴨 (真係幾正嫁)

北京Day 4

跟團真係無咩好記低，哈哈，希望唔好爛尾啦﹗

第四日第一站又去左購物，北京同仁堂。

先有個醫師介紹左都市人既通病，仲介紹左豬腳畺食療！

之後就有四個醫師入左黎幫團友把脈，我地一家個中醫一把就知爸爸心臟唔好，我就氣血不通，我地一家都有一個通病，到J 果時醫師就講中左佢鼻敏感問題~~

於是佢地就又撞左邪咁，連平時冷靜既J 都同我講" 我想你試下D藥.......=.="

又買左一大堆，媽咪買左蟲草 RMB 700盒，仲有其他2款補藥 RMB 520 - 530 盒，細佬都買左2個補藥﹗TOTAL RMB7500

我同J 都一人買左半年份量 RMB 6300~~

如果食完真係健康D，咁都抵既，自我安慰中，反而買左手鏈& 杯既爸爸就唔信中藥，佢咩都無買﹗

J 話北京同仁堂係國企都信得過........XD

之後就去左車遊胡同，我地加左RMB 40一個人入去參選四合院~~

呢D咁舒服既行程真係好岩一家人﹗

四合院

老上海介紹四合院歷史

入面係一個中庭，4邊係屋﹗

唔係好記得主人同仔女點分住咩方位喇﹗

呢度應該算係大廳~~

如果想住特色D可以揀呢D四合院，不過要有心理準備........

另一間房~~

車隊

北京果幾日天氣真係超好﹗

MY 車夫~~

原來踩踩下黎到左尋晚什剎海~~

日與夜其實好唔同﹗

遊經某王府~~

午餐地點，不過呢個團D野食麻麻地.......

唔算好特色~~

下一站係自費景點: 苜都博物館﹗