爭女特務王 (This Means War)

因為食飯又搞到遲左小小入場，一開頭就打打打~~~~~

J 問我:" 如果係你你會揀邊個????"

我答佢:" 其實2個都唔靚仔WO~~~"

點知睇睇下，我開始覺得FTR 好型，佢對藍眼真係幾迷人

故事簡單，2個男人(朋友)，爭1個女人，不過因為佢地身份特殊所以爆出好多笑料﹗

成套戲都好輕鬆，好多笑位，仲有好多都係女仔發夢都會笑醒既冧位~~~

會唔會真係有咁靚仔靚女會上網SPEED DATING~~

有其中2句對白，我真係覺得好正﹗

There are no mistakes. Mistakes make us who we are.

是過去所犯的錯令你成為今日既自己﹗

Don't go with the better guy, go with the guy that makes you better.

可以有個令自己更有自信，更完美的人在身邊，感覺真係好幸福

姐妹會

4月28就係IWIN BIG DAY，星期日開左第一次姐妹會﹗

大家傾下姐妹裙、當日RUNDOWN，分工，玩新郎遊戲，輕輕鬆鬆就完左第一次會議﹗

我分左其中一樣工作就係創作愛的宣言，原來網上面都幾多EXAMPLE~~~

有D仲講埋邊度有得整(尖咀百利)，唔洗自己痴﹗遲D去睇下先﹗唔知IWIN 覺得點呢??

老婆嫁俾我

今日我要娶老婆，因為我已經大個

最想有個安樂窩，仔仔女女一籮籮

唔駛一世食白果，從此生活樂趣多

老婆規矩雖然多，對我嚴厲要求苛

終日囉囉又唆唆，對我日哦又夜哦

但求老婆笑呵呵，一一遵守又如何

成份糧比晒老婆，速磅cash快夾妥

每月家用任你?，剩番散銀得幾個

無得再飲酒唱歌，乖乖在家同妳磨

捶骨推拿同按摩，家務我做快又妥

洗衫煮飯唔懶惰，洗完碗切埋生果

用完掃把用地拖，順手洗埋個廁所

若然我有咩做錯，激到老婆把幾火

跪地斟茶猛耳朵，以後只企唔敢坐

日後唔敢口多多，求求老婆饒恕我

將來我頭髮稀疏，大肚腩個背又駝

癡癡呆呆戇夾傻，如果你唔嫌棄我

在座各位聽清楚，老婆老婆嫁俾我！
最聽話的老公
給至愛的老婆大人 (新娘名稱)：


經濟大權在妳手，每日廿蚊我就夠

洗衫煮飯無叫抖，做牛做馬又做狗

老婆生日年年有，一定送車又送樓

外母竹戰場場贏，斟茶遞水好幫手

豬朋狗友約飲酒，老婆say no無得走

見到靚女掉頭走，如果唔係打到嘔

努力搵錢養成竇，朝六晚九唔駛抖

床上功夫識唔夠，記得請教D老友

今日決定接妳走，與妳永遠長廝守

兒孫滿堂福氣夠，共諧連理到白頭！


最聽話的老公仔 (新郎名稱)上

一生一世只愛妳

我愛(新娘名稱)情不變，

一生為奴無怨言，買?煮飯我做先

洗衫拖地我都掂，家用俾足無拖欠

名牌任買隨得妳，最緊要係妳歡喜

唔嫖唔賭唔食煙，篤波賭馬問你先

總之我由今日起，生命裡面只有妳

以後妳話點就點，立下此誓永不變！

(新娘名稱)、(新娘名稱)、我愛妳

(新娘名稱)、(新娘名稱)、我愛妳！

Baby Cafe

旺角好似黎黎去去都係食果D，見朗豪坊新開左BABY CAFE，有朋友試過話OK~~

J 話: "其實ANGELA BABY都唔係好靚JEI，整容個個都整到咁靚啦﹗"

點知食完之後，佢自己都忍唔住話:"又真係幾靚WO......."

佢D野食都唔貴，一個SET 湯 / 沙律，MAIN，茶，都係$118

連MENU都係自己............

我揀左沙律，味道都唔錯，不過如果可以小D沙律醬就仲好........

J 要左湯，唔太濃味牛尾湯，包包都熱熱地，算係咁..........

是日餐茶係洋金菊，我驚好難飲，所以叫左草妹特飲，又真係幾好飲﹗

仲好靚TIM~~

洋金菊茶原來甜甜地都好飲~~~

雞迷揀左燒春雞，肉都幾滑，下次都可試下其他~~~

我地個MAIN黎左一個，另外果個隔左半個鐘先黎，真係食哂隻雞先黎.....=.=

好彩唔趕時間，J話"咁咪幾好，大家可以互相餵下對方﹗"

碟一落台有人已經餓到咩咁.......

黑豚，樣子都OK嫁﹗味道都OK~~

仲叫多個甜品，$35，都唔係貴，味道OK~~~

下次可以去銅鑼灣2期，好似就快開~~

是日仲夾左包糖，好懷念之前讀書成日夾糖既日子呀﹗

雷霆戰駒 (War Horse)

原本想睇爭女特務王，不過去到朗豪坊大排長龍，d飛都賣得7788，天生一對又得返好小戲院有得上﹗

雨果的巴黎奇幻歷險 (Hugo 3D) 、妖夜尋狼：血姬覺醒 (Underworld Awakening) 2套都3D又無帶眼鏡，於是睇左 < >

下次星期六都係唔好出旺角睇，真係多人到爆，又得一間UA，始終都係太古最好~~~

套戲係講一隻生於戰亂既馬，與不同主人之間既情﹗

學指令、學 "爬" 田、學跳、人同動物之間既感情，我覺得描寫得唔錯﹗有幾幕我都幾感動~~

J就話馬馬好似無咩感情，唔去反抗被人帶走.......=.=

雖然係戰爭片，但唔太血腥，有時候心入面既恐懼，比恐怖場面黎得更真實﹗

140 分鐘雖然好長，但唔悶﹗

史提芬史匹堡

一星期一戲好似睇唔哂咁多猛片呀﹗

Cammino @ Excelsior Hotel

好似都有個幾月無去怡東酒店喇，見成日都食DICKEN'S BAR，於是就試下裝修完既意大利餐廳~~~

 一坐低就有包包同埋蒜頭﹗

3款都好好味，長條好脆，另外2款就好鬆軟，揀小小蒜蓉 / 點小小意大利醋好好味﹗

餐廳好似得3款湯可以叫，南瓜湯、西蘭花忌廉、龍蝦蟹肉﹗

是夜揀左南瓜湯﹗ ($98)

一開二，份量岩岩好，好彩叫左一個﹗J 講笑話好彩唔係平時自助餐飲果D﹗

呢個好飲好多~~~

主菜J揀左墨汁意大利粉($240)，味道都幾得意，墨魚仔都幾新鮮~~~

茄汁個味好夾個面﹗

不過是日J 因為公事同私事都有D唔開心，佢話笑唔出..........=.=

希望唔好既野快D過去，之後佢可以開開心心，而家咩都唔重要，最緊要係開心~

我就揀返自己最愛既燒羊鞍，其實同DICKEN'S BAR有幾成似，不過好似樓下平小小，好味小小 ($298)

不過呢個都好好味﹗

D配菜特別小小，芝士焗茄子、蕃茄，好味﹗

其實我都有D野唔係幾開心，媽咪呢2日又成日問住幾時結婚幾時結婚..............=.=

再唔訂酒席今年就結唔成喇~~

可能我呢排公司忙、我又唔想再迫J去計劃，同埋而家我地2個儲緊錢，我覺得好開心，無咩壓力~~~

因為我知呢一日已經越黎越近，所以我放低左呢個問題，無諗好耐﹗

媽咪可唔可以唔好迫我~~

之前都會答下佢，不過呢2日我真係連同佢地講野都唔想.............

原先計劃去韓國係想一家人去，點知前2日細佬問爸爸，爸爸話唔想去，因為我之前去泰國話過佢﹗

聽到果下我都有D唔開心，上次我發脾氣係我唔岩，但都係因為佢好唔合作，去到大皇宮門口叫我地自己入去，佢自己響門口等.............

其實同屋企人去旅行真係有好多野要PLAN，要煩，我以為可以同佢地去下旅行佢地會開心D~~~

點知原來係傷到一家人既感情，等遲D我心情好轉，我要搵個機會同爸爸講清楚，到底係唔想同我去，定係只係唔想自由行﹗

壞心情快D離我而去啦﹗

J &amp; C 5週年紀念之旅 首爾追櫻2012 - 計劃篇

原本想情人節去韓國滑雪，不過公司實在太多野搞，行唔開~~~

搞完個CONFERENCE，4月頭EASTER之後如無意外應該可以放返一個星期假抖下﹗

同J 夾左時間 (通常佢3/4月會一次過放9日)，於是就決定4月16去一轉韓國追櫻~~

(4月21就係 J 同 C 5週年既大日子﹗)

其實而家PACKAGE 唔係有太多選擇，最抵既應該係學聯5日4夜果個PACKAGE﹗去5日住東大門歷史文化公園站ULJIRO 酒店，只係 $2799

PACKAGE 可以遲一步先訂，我心急睇左首爾追櫻資料先~~

2012櫻花開放預測時間表

地區 櫻花開花日(及前後3-5日)

西歸浦 (濟州道) 3月26日
釜山 (慶尚南道) 4月3日
鎮海 4月2日
河東 4月2日
統營 4月2日
麗水 (全羅南道) 4月5日
浦項 4月5日
光州 4月5日
大邱 (慶尚北道) 4月10日
慶州 4月10日
全州 (全羅北道) 4月9日
大田 (忠清南道) 4月12日
清州 (忠清北道) 4月15日
汝矣島 (首爾) 4月18日
江陵 (江原道) 4月18日
仁川 (京畿道) 4月18日

4月18開花時間真係岩岩好~~~

1. 汝矣島是在首爾最具代表性的櫻花隧道，每年4月中旬，約1400~1600棵的大櫻花、杜鵑、迎春花、雪柳等春花齊放

5號線汝矣島站2號出口，往國會議事堂正門方向步行約五分鐘

2. 從南山市立圖書館至八角亭、從八角亭至獎忠洞國立劇場聯接起來的南山循環道路，伴隨著壯觀的銀春花、杜鵑花和櫻花。

[搭乘纜車]

首爾地鐵4號線明洞站3號出口，往右手邊太平洋飯店方向徒步約10分鐘左右。

* 開放時間

空中纜車、N首爾塔：10:00~23:00 (www.cablecar.co.kr )

 
3. 慶熙大學櫻花道
慶熙大學全校本身就如同一個觀光勝地般，有著古色古香的建築物及美麗的校園。每當四月就會有兩百多棵的櫻花樹同時盛開。

首爾地鐵1號線回基站，往慶熙大學方向徒步約10分鐘左右

4. 昌慶宮
以櫻花最多且美麗聞名，於4~5月時帶給遊客來昌慶宮欣賞美麗櫻花的樂趣。以通明殿北邊的山坡為中心，到花階、春塘池附近不只有櫻花，還有梅花、杜鵑、迎春花等多樣的春花可欣賞。

首爾地鐵4號線惠化站4號出口，直走300公尺後過馬路到對面，往左側道路直走300公尺(走路約需20~25分鐘)

5. 首爾兒童大公園

大公園出口，呢度我睇相覺得最舒服最靚，希望花期會就到啦﹗

雖然韓國櫻花應該及唔上日本，不過日本櫻花應該等唔到我地~~~

除左睇左櫻花，仲睇左D SHOPPING 地點﹗其實去韓國真係好EASY﹗好令人期待呀﹗

資料來源: http://big5chinese.visitkorea.or.kr/cht/index.kto

BBQ @ 大美督

而家份工D同事好多都好YOUNG，成日都搞好多活動，我都唔算活躍份子﹗

是次星期六無去睇戲，只係同佢地一行9人去左BBQ~~~

FIONA, WING, ME & LOK~~

AMY, KIT & JASON~~

印象之中既大美督只係一個類似公園大小既地方﹗

中學其中一年搭旅遊巴去過，所以真係完全無印象，原來大美督響大埔附近，響大埔火車站有小巴~~~



BBQ @ 大美督燒烤王

我遲到，搞到WING都遲埋，哈哈﹗好彩4點左右入到去，燒到8點﹗

咩都夠哂~~~~

LOK好厲害，唔叉住都燒到多春魚~~~

仲有BOBBY同佢女朋友~~~

不過呢間麻麻地，$90 任燒，包一支汽水，話就係任燒，不過只係得肉同丸...........=.=

無我最愛既菇同粟米﹗差左D~~~

不過佢隔離有得摘士多碑利，又有得睇小動物﹗都不失為一家大細，假日好去處~~~



我地大約燒到8點就搭返的士去大埔火車站，有人燒乳豬，好似好正~~~

原本想去睇場戲 / 唱個K，可惜太小人之後就返屋企喇~~~

下次搞次踩單車先﹗

Dating Ceci @ California Pizza Kitchen

而家每個FRIDAY都要開完會先可以HAPPY，都慘慘地嫁~~~

CECI約我話要慶祝我生日﹗又唔介意等我開完會﹗

哈哈﹗YOU ARE SO SWEET~~

好彩是日好早就開完會，之後JOIN 埋佢，就去左TIMES 食通天California Pizza Kitchen﹗

佢一坐底就話好想食甜品

不過都要食左飯先，我地得2個人，仲要唔係大食，都食唔到D咩~~

只係叫左個沙律 +個意粉，個沙律係 WALDORF CHICKEN~~

入面有D好甜既NUTS，同提子，我揀左醋都幾得意﹗

個意粉汁都幾好味﹗

不過唔覺意2個都叫左雞~~



甜品賣相好GOOD~~~

雪糕同D CREAM都好好味﹗底下個BROWNIE 可惜唔夠熱~~~

撞返一個咁好既朋友，真係好呀﹗

再會一風堂

星期4過左去尖咀，因為J 買俾我果個MIU MIU有小小 " 覆痴" 要換﹗

J 話佢係響銅鑼灣買，係LAST 1，可能佢太心急睇唔到有一邊個埋口整得好差，未用已經有小小甩線

打電話CHECK過我隻桃花色只係得尖咀有5個，金鐘有2個﹗

去到MIU MIU佢先羅左2個新既俾我比較，其中一個D色同其他果D好唔同，淺色好多 - 怪，另一個個埋口整得仲差過我果個，叫佢再羅﹗

佢話無哂，好彩我地打左電話知道有5個，原來有人HOLD左，HOLD左果個個口做得好D，不過都係有D膠水碎~~~

換完之後我同自己講下次唔會再買MIU MIU(除非個款好鍾意)，因為我覺得俾左咁多錢，應該做得好D，可能而家一萬幾千已經係好小錢，根本不值一提~~



換之前羅左飛食一風堂，大約要等40個籌，換完返去仲要再等30個，好彩之後去得好快~~

入到去先睇食咩，上次試左白丸，今次J 食赤丸，我食雞湯拉面﹗

仲叫多左個叉燒角包，上次已經想食，味道都唔錯，包包好軟棉棉~~~

J 果個無蛋，當然又加一個啦﹗

好生呀，不過日本蛋真係好好味，我地遲D又試下整先~~~



赤丸應該同白丸一樣用同一個湯，不過就加多小小豆瓣醬，撈埋一齊味道都幾得意﹗

J 話尖咀呢間好味過銅鑼灣



我果個雞湯好有雞湯味，有一個蛋、2塊薄叉燒~~~

味道正常，唔係特別出色~~~

個蛋就好正，半糖芯，係我最愛既質感~~~

遲D試下銅鑼灣果間先﹗