我分左其中一樣工作就係創作愛的宣言，原來網上面都幾多EXAMPLE~~~
有D仲講埋邊度有得整(尖咀百利)，唔洗自己痴﹗遲D去睇下先﹗唔知IWIN 覺得點呢??
今日我要娶老婆，因為我已經大個
最想有個安樂窩，仔仔女女一籮籮
唔駛一世食白果，從此生活樂趣多
老婆規矩雖然多，對我嚴厲要求苛
終日囉囉又唆唆，對我日哦又夜哦
但求老婆笑呵呵，一一遵守又如何
成份糧比晒老婆，速磅cash快夾妥
每月家用任你?，剩番散銀得幾個
無得再飲酒唱歌，乖乖在家同妳磨
捶骨推拿同按摩，家務我做快又妥
洗衫煮飯唔懶惰，洗完碗切埋生果
用完掃把用地拖，順手洗埋個廁所
若然我有咩做錯，激到老婆把幾火
跪地斟茶猛耳朵，以後只企唔敢坐
日後唔敢口多多，求求老婆饒恕我
將來我頭髮稀疏，大肚腩個背又駝
癡癡呆呆戇夾傻，如果你唔嫌棄我
在座各位聽清楚，老婆老婆嫁俾我！
最聽話的老公
給至愛的老婆大人 (新娘名稱)：
經濟大權在妳手，每日廿蚊我就夠
洗衫煮飯無叫抖，做牛做馬又做狗
老婆生日年年有，一定送車又送樓
外母竹戰場場贏，斟茶遞水好幫手
豬朋狗友約飲酒，老婆say no無得走
見到靚女掉頭走，如果唔係打到嘔
努力搵錢養成竇，朝六晚九唔駛抖
床上功夫識唔夠，記得請教D老友
今日決定接妳走，與妳永遠長廝守
兒孫滿堂福氣夠，共諧連理到白頭！
最聽話的老公仔 (新郎名稱)上
我愛(新娘名稱)情不變，
一生為奴無怨言，買?煮飯我做先
洗衫拖地我都掂，家用俾足無拖欠
名牌任買隨得妳，最緊要係妳歡喜
唔嫖唔賭唔食煙，篤波賭馬問你先
總之我由今日起，生命裡面只有妳
以後妳話點就點，立下此誓永不變！
(新娘名稱)、(新娘名稱)、我愛妳
(新娘名稱)、(新娘名稱)、我愛妳！
我剛剛讀果段就係第三段！
回覆刪除[版主回覆03/07/2012 09:47:11]我都覺得第3段幾好，第一段好似好長，不過我個FD話要自己加D特色﹗唔知最後出黎會變成點~~~