製作甜蜜蜜濃情朱古力

❤

一直都諗緊呢個情人節要送咩俾J，一黎大家都努力儲緊錢，二黎佢真係無咩野需要添置~~

想買個返工背朗，因為佢條頸唔太好，不過一直都睇唔岩款﹗

想整本書，不過又係預得太小時間同埋太忙~~~

於是星期3晚就同左前公司同事FIONA去左我屋企整朱古力﹗

J 係朱古力迷，小小心意

放工先去買朱古力，原來公司附近怡和街22號有2間樓上鋪，真係好方便﹗

見就咁溶左D朱古力之後倒模太單調，於是響網上面搵左第2個幾得意既整法，又係簡單又靚﹗

製成品都見得下人嫁~~~~

材料好簡單: 沙利蛋糕、朱古力同Frosting﹗

不過搵Frosting就有小小困難，最後響city super 搵到﹗

先用湯匙整碎d蛋糕，呢個步驟如果去左蛋糕d皮會易好多﹗

 

因為感覺上好碎同有小小粒應該分別唔大，所以我都唔理喇﹗

之後逐小加左Frosting，其實因為唔知份量，我地加多左，好彩可以加返d蛋糕碎補返﹗

 

搞搞下會見到開始痴埋，我地見d蛋糕唔散開就開始下一步~~~




就係將佢整成一粒粒﹗

哈哈﹗大細不一，fiona話咁先係人手造~~~~



之後放左冰格15分鐘，就可以羅出黎點朱古力漿~~~

原來點漿都幾難~~~

有d包唔哂都幾樣衰下...........

戰場

之後再雪佢一陣，就可以淋上粉紅色朱古力~~~

因為我地用湯匙整唔到，所以用左保鮮袋剪一個角仔~~~

真係易好多同靚好多﹗



之後就可以入盒送俾人喇﹗

我地2個人整左3個鐘左右，大概整左50粒﹗

真係大滿足呀﹗不過果盒cream 仲有一大半，唔通我要整多次.....!!!!???