2011年8月31日 星期三

Yeah~~有得出發喇~~~

今次去東京係因為J 之前響東怡見到個平PACKAGE,$3340去5日包Tax﹗

真係好抵呀~~

上星期打電話去問,個Staff話仲有小量位﹗不過佢話一定要去分行留名先可以留位..........

於是星期4去左中環分行一轉,一入到去問左日子佢就打電話喇,大概係話無位、就咁機票都要3000

之後就問我地去唔去台灣同泰國.....=.=

之後我地轉月尾,佢就話月尾有機位,無酒店,得返最貴果間,total $4800

哈哈﹗$4800,我唔洗響你度book啦﹗

再問11月,佢話仲未成團............

哈哈﹗同我響網上面睇到話佢係黑店既情況差唔多.......

有2樣野我唔明既,第一點解一定要去分行!!???

機票其實入System check到,果個system我以前都用過~~

第2點解11月仲未有,而家都8月尾,機位可以一早HOLD定,酒店2個月前Book都唔算早呀............

好彩我響康泰搵到個差唔多價錢既PACKAGE,五日住SUNSHINE CITY PRINCE都只係$2884 + TAX $880﹗都好抵~~

我地機票加多 $200 去多一日(因為回程無位﹗),不過佢一晚EXTRA NIGHT 要成$1200,我地覺得唔抵,想自己試下搵有無平酒店~~~

今日終於收到電話所有野confirm喇﹗

2008年中秋去左一轉東京,5日時間覺得真係太小,一日DISNEY、一日橫濱、一日上野淺草............

連台場都去唔到,掛住行街買野連野食都唔夠時間ENJOY~~

今次會想花多D時間食野,ENJOY下.....

不過而家最緊要都係搵多晚酒店先﹗


2011年8月30日 星期二

Iwin最後一個單身生日


Iwin下年就結婚喇,今年將會係佢最Last一個單身生日,仲記得之前正正幫大佬搞左個驚喜生日會﹗

真係好感動呀............


我都好想幫Iwin搞一個難忘生日﹗

於是就夾埋佢其他中學朋友,原本我都想搞驚喜,不過Angie已經話左俾Iwin聽,唔緊要大家食餐飯都好好...........

可惜果晚SAMMI約左人,唔係咁多人一定好開心~~~



是晚揀左泰簡單~~

呢隻蟹好正呀﹗佢幫你起哂肉,真係好好味~~~~~

 



炒貴x,油左d無咩人食﹗




呢個包包都唔錯呀﹗

哈哈﹗其實食咩都其次,最緊要係傾得開心﹗

講返勁多中學果時既野,呢d都唔再係我地幾個平時既話題喇........懷念~~~



我地買左個蛋糕,哈哈﹗好大風要幾個人保護住~~~~



哈哈﹗蘇菲有無咁手震呀........................

anyway happy birthday~~




我最愛的芷慧好晏先黎到呀.............




原本以為佢仲係好似以前咁一間間屋仔,點知已經唔同哂~~~~




最後仲響門口影左陣相﹗雖然同呢班同學唔算係熟,不過唔知點解見到都會開心~~~




估唔到claris 比iwin仲快結婚﹗

之前仲去左bali影prewedding婚紗相﹗好開心呀.............




估唔到去到門口先影最多相~~~~





希望之後大家都開開心心,幸福快樂~~



yeah﹗呢張相都幾靚wo~~~



希望你永遠都開心﹗




其實我地仲一人準備左一張相﹗貼響送俾iwin既mask度﹗

同你地一齊既日子都係快樂既﹗希望以後都可以一樣﹗

iwin要加油,做個靚新娘~~~

2011年8月28日 星期日

Seafood Buffet @ Excelsior

咁岩見到康泰有個平既東京PACKAGE~~

於是急急腳去報﹗機位加左$200升左一個CLASS,都係得返LAST 2個位﹗

酒店就要等星期一CONFIRM,希望順利啦﹗

有時去旅行真係越早計劃越好,唔係真係想BOOK都無位,再唔係就勁貴.........

不過我都係岩岩請到假,呢個TRIP並唔係計劃之下~~





訂完PACKAGE就同J 去左Excelsior 食Sea food Buffet~~

呢間buffet 食過應該都成10次,都係果d野﹗

鍾意佢有棉花糖機,食左一個,好懷念呀﹗



今次我食左7隻蠔,不過都唔夠J 多,J 食左19隻........



蠔有2款,南非同澳洲,南非果隻D肉質好爽,我好鍾意﹗

平時我食2隻,今次都食左7隻﹗

 



如果話SEA FOOD同平時有咩唔同,可能只係多左蟹腳﹗

都幾大條,不過食左一ROUND就無REFILL........差呀........




是日好大食,食左好多野~~~

真係好飽,J話我化悲憤為食量............

哈哈﹗食完真係好飽好開人﹗多謝你,成日都令我開心﹗

原價$469一位,我地半價再用$100 Coupond,抵到呢.............

過多幾個月再去食先﹗ 

2011年8月26日 星期五

蓮香樓

第一次用新介面打BLOG,唔係好習慣,點解無左整相果個FUNCTION,搞到我UPLOAD左勁多張一樣既相,唔識去邊度DELETE返佢WO~~

又唔知點解個PROFILE PIC UPLOAD 極都無.................. 

算啦﹗唯有同自己講慢慢就會習慣~~

呢個星期都忙忙地,不停打電話,因為9月1個AGM,而家仲未夠人數,都驚驚地~~

希望一切順利啦﹗

爸爸又唔知咩事,成日講埋D奇奇怪怪既說話,又勁惡鬧媽咪,問親佢咩事都話無野,唉﹗都唔知可以點做.......

於是我尋日寫左封情信俾爸爸!話俾佢知我有幾愛佢!希望佢會感受到啦!我只希望佢可以永遠健康快樂!真嫁!我真係好愛我爸爸!

無野重要得過屋企人,我諗響呢件事度,得宇珊會明白我............

多謝你支持我﹗

希望9月會係一個順利又開心既月份~~



星期四放工,J 同我去左中環,因為想報東怡果個勁平東京PACKAGE

哈哈﹗不過我覺得佢地手法有D問題 (後話)

最後報唔成,我地去左蓮香樓食飯~~~

佢D杯杯碟碟都好得意﹗



J 叫左個翅,佢話今日要魚軾撈飯﹗

呢個味道都OK,都幾多翅~~



唔知點解J 呢排好鍾意食京都骨,佢以為"招牌醬骨" 係差唔多既野~~

點知................



成件都係肥肉.........

得底下好小係瘦肉,我夾起小小,見住佢滴油,個心真係寒左一寒~~~

呢件野無論幾好味都唔會再食~~~

更何況佢入面唔入味~~~



見隔離台D蝦都幾大隻,我地又叫,真係幾大隻,呢碟好似 $75,但味道真係好好﹗

下次都會再食﹗



呢碟蝦乾蒸勝瓜,味道都麻麻~~~

下次我地自己試下整先~~~



睇下真係好大隻~~~





最後果碟肥肉俾我搞成咁,成碟應該都係無食過...........=.=



佢有糖水送,都幾好味﹗會再去食~~~




唔知你識唔識睇以上菜式幾錢呢??



最後整多件馬拉糕﹗都幾好味呀﹗

下次試下黎飲茶先~~~



佢個門面都好古色古香~~~

2011年8月24日 星期三

教練真係好緊要

呢2個星期都有去THAI Boxing~~


真係好乖呀﹗


呢2堂我覺得好大分別,原來唔同教練效果可差咁遠~~


上上堂果個A教練,佢叫我做果D動作一定會做到岩,要用力先得﹗


踢腳要腳尖都直埋、用埋小腿力踢出去,手唔洗擺得太低


出左一身汗覺得好開心~~


今堂呢個.............


我根本上就唔知自己做緊D咩


佢仲勁教我新野,漆撞、4種唔同批爭仲有點擋人地踢你腳


漆撞: 伸直對手,隻腳貼緊向上提,手用力向下推~~


批爭: 勁煩,隻手心向外保護塊面,我成日做唔到隻手


擋人地踢你腳: 原來係用自己腳骨去擋,同一時間擺手同埋伸手擋住人既視線~~


真係暈咁滯


完全跟唔到,做唔到﹗


仲要成個人好似機械人咁


見到人地做到,自己做唔到,都有小小唔開心嫁~~


希望下次可以好D啦﹗


9月16號前仲有4堂要上,真係好緊迫呀﹗


9月12果個星期仲要去日本~~


其實平時我都唔係好多街去,但點解連一星期一次泰拳都好似咁難抽時間....=.=


不過我會繼續落去,因為我覺得都幾好玩﹗


如果我可以多小小運動細胞就好喇~~


2011年8月22日 星期一

又係SHOPPING~~

星期六日唔知有咩做好,J 就話陪我去荃灣SHOP下


尋晚SHOP完今日又SHOP~~


女人無話唔得﹗



不過起身出門口去到都已經差唔多3點﹗仲未食早餐呀~~


J 揀左韓食家,晏晝飯食韓燒應該都係第一次......


我地叫左個2人BBQ,加多碟魚仔﹗


都幾多野食,前菜X 3,湯、肉同飯.....


隔離果2台都係韓國人.....


魚仔雖然唔係我地最愛果隻,不過都好味,燒牛肉真係好好味....



諗住新都會同出面一樣,於是只係行葵涌廣場,不過真係得個行字,食野時間仲多......


我無咩睇岩﹗最後只係買左條短褲﹗


反面食左D小食,魷魚、pancake、happy lemon.....


仲買左d鹹濕野返屋企食....好抵~~


之後都行左一陣新都城,估唔到d野都幾岩睇﹗


我買左條好鍾意既豹紋短褲、連身白紗裙同埋一件藍色返工衫~~


減到4折~~


其實原本想7點就走,因為J 想返屋企睇英超~~



阿仙奴對liverpool


不過趕唔到,好彩響車站附近有間火鍋店有得睇﹗


因為唔係好肚餓,我地叫小菜~~



西蘭花帶子珊瑚pong~~


我好鍾意食珊瑚pong,呢個整得幾好味﹗唔錯~~~



黃金蝦﹗個樣好得人驚~~


d蝦唔新鮮~~~



黃金即係鹹蛋王,不過佢呢個整法,好油﹗


差.....



煎帶子,帶子勁細隻.....=.=


呢碟野 $88,無下次﹗


好彩有波睇﹗幾錢都唔係重點﹗


多謝你陪我行左一日,睇足一日女人野,陪你睇波補返數~~


其實我唔應該再買野,因為如果我請到假,下個月我會同J去日本﹗


不過YEN咁貴,應該會好唔捨得勁洗﹗


2011年8月20日 星期六

Happy Friday

星期五放工真係好開心,因為之後可以有2日假期~~


Justin 大約7:00 到左cwb搵埋我﹗見collect point VIP sale第一日於是上左sogo樓上行一陣,無野睇岩~~


行到roxy,又見到減價,於是試左套泳衣,可惜無我size~~



Justin又想買泳褲,加多對沙灘拖~~3樣野加加埋埋$1200減$600........


check左一期果邊有,我地又過左去﹗試試試.........



2個人開始勁肚餓,點知justin新睇中果條平過之前果條$30,我地又要買多樣野﹗


最後J 揀多一件T Shirt~~


埋單 $8xx,真係好抵......


佢話佢記得應承過我要送件新泳衣俾我~~


哈哈﹗其實係因為上之去KL,佢心急幫我用風筒吹乾件泳衣,貼得太埋整花左.....


我開心唔係因為有禮物,而係佢記得﹗


估唔到咁樣睇睇睇,已經9點﹗


之後我地急急腳去Eecelsior食晚餐﹗真係餓到暈......



快速點左個豆湯﹗呢個麻麻~~



上次佢食唔到Brunch club個all day breakfast,黎excelsior補數~~


呢個正勁多,有羊架


煙肉、蛋、美式腸、血腸、牛肉、蕃茄,茄汁豆、薯條同埋包......


多野食到食唔哂﹗


Brunch club果個無咩特別,要成 $88,呢個只係 $156,我地係vip 半價,抵過Brunch club



呢件3文魚都煎得好好味﹗半生熟﹗我唔食皮﹗


鍾意佢將個皮反左響中間,咁就好易食喇~~


底底個薯蓉又係超級好味﹗


我地呢餐只係 $222.5~~


抵到呢


一個月黎一次都唔過份啦﹗


J話今日我地食同買果D野都有折,好抵~~


開心就係食到好味野食、有錫自己既人響身邊~~