小心有牙 + 一夜賭城戀大左

先講小心有牙﹗

可能大家講得太恐怖喇﹗

所以睇既時候心情都係戰戰兢兢~~

好彩都唔係好驚﹗

其實最恐怖都係隻狗狗﹗

不過好似無咩意思wo~~

一夜賭城戀大左

搞笑﹗同埋都幾得意﹗

人都係要失去左先識得珍惜﹗﹗

不過我唔係太鍾意個女主角﹗

覺得佢老過個男主角好多﹗

Expected 的happy ending~~~

黑口黑面的Happy Friday

星期五Justin黎左接我放工﹗

佢之前果晚打通宵牌9點幾先返到屋企﹗

之後訓到3-4點就起身過黎湊我﹗

我應該好開心﹗

不過佢之前果晚掛住打牌無打黎叫我訓先﹗><

而佢又知道佢唔打俾我我會訓唔著﹗

結果果晚我醒左幾次﹗訓得好差~~

其實呢個問題已經發生過好多次﹗

而我又講過好多好多次﹗

可能一班人玩緊既時候要打一個電話係好難﹗

其實我應該明白~~~

但我希望Justin都明白我﹗

其實一個電話點解咁重要﹗我都唔知呀~~~

結果我差唔多全晚都口黑面黑﹗

搞到大家心情都唔好﹗

小葵子成長記 5

日期: 5月30日

無見幾日又長高左好多﹗

第5-6塊葉已經長出﹗

差唔多有2/3 支筆咁高喇﹗

不過唔知點解其中一棵小葵子新生的葉形狀有點古怪~~

好似心心形﹗hahahaha~~

不過心心果棵好似有小小斜左﹗

Justin話想同牙簽固定住佢既位置﹗﹗

heehee~~~好得意呀﹗d泥度生左幾棵小小草﹗

其實應該要整走佢，不過有好似靚d﹗

大公司的陰暗面

我同Justin做既公司都算係大公司﹗

員工起碼有過千人﹗

仲有好多overseas offices﹗worldwide~~

我的公司有好多怪人﹗

有人日日返黎扮野，扮有好多野做﹗扮足一日﹗

有人日日返黎訓覺，訓足一半時間以上﹗

有人怕自己下屬，怕到咩都唔敢俾佢做﹗

真係好搞笑的文化呀~~~

咁樣會令到人無心機做野，無心戀工﹗

前2星期一直為Justin的升職而開心﹗

但估唔到職係升左，但人工同待遇完全無變﹗

要等3個月之後先review﹗

有一部分人唔肯簽合約﹗

但佢地就話: “新contract可以唔簽﹗唔會逼大家，但合約一定唔會變﹗”

其實如此的待遇試問會有邊個員工會有心機做落去﹗

今日簽左但離去之心一定會很大﹗

根本小小歸屬感都唔會有﹗

可以我唔係HR啦﹗

但一個有歸屬感既員工同一個無既對比﹗

我諗一定會有好大分別﹗

而家我都搵緊工﹗一直都唔知搵咩行業好﹗

而家諗返我都係做私人公司會比較好﹗

睇到Winnie個boss對佢又超好﹗

大公司的文化始終唔係咁岩我﹗

希望大家都可以搵到一份自己滿意既工﹗

Justin要好好照顧小葵子呀~~~

向日葵；性溫和，味道甘甜，整株植物都具有藥用價值並含豐富營養，對滋養身體，促進生長，很有幫助。全株都可食用；「花瓣」對夜盲症之視力有幫助，「葉子」能去熱健胃具有解毒作用，「種子殼」對耳鳴有效，「根」能退熱利尿，「莖」對支氣管炎及尿路感染有消炎作用，向日葵莖葉也是稻田轉作最佳綠肥植物。「種子」以煎鍋炒過，食用芳香，可口又有滋養，具預防動脈硬化的功效，而且能增加體力。

日照︰

發芽後即須接受日照，使植株色翠緣而健康。向日葵嗜好陽光，要有適當的光線，才能正常發育生長。全日照是最佳栽培環境，否則至少四小時以上日照。若日照不足則植株生長緩慢，葉子易生病枯黃，抵抗力亦較弱，且可能造成開花不易。

水份︰
由於光線需求度高，新陳代謝快，因此水份需求度高，宜經常灌溉澆水，保持土壤之濕潤,尤其在花蕾形成時,但力求排水良好。夏季須每天澆水，冬季則表土乾了再澆。

肥料給予︰
向日葵因生長快速而迅速消耗土壤養分,所以必須要加點少許的肥料讓向日葵快快長大。
肥料初期以氮、鉀肥為主,以促使其莖葉茁壯成長,後期則以磷肥為主,以提高花朵的品質。

開花結籽︰
經過50天的生長,當花苞形成時,可加強使用磷肥(花果肥)。花苞成熟後,花瓣開始著色完成,順或逆時鐘方向依序展開,此時花朵仍然持續生長,不斷長大。花朵會隨著種子成熟而低垂。(可將其它旁邊長出的花苞摘除掉，讓所有的養分集中供應一朵，花就能夠開得更大更美。)
當花瓣開始凋落,花心部位漸漸膨脹,即開始發育向日葵種籽(葵瓜子),直到整株向日葵自然枯黃,代表種籽已經成熟,此時就可將其採收‚風乾保存或可直接再種植。

(期待2個月後的美麗小葵子﹗)

奪寶奇兵之水晶骷髏國

放左工去左油麻地同Justin睇戲﹗

頂呀~~VIP都無discount因為套戲係第一個星期上﹗﹗

早知轉睇低清老翻王啦﹗

應該係好好笑﹗不過我覺得Justin會唔鍾意﹗

買完飛就去食野先﹗

時間太趕於是就去食興記煲仔飯﹗

叫左一個咖哩牛筋煲仔飯、羊腩煲仔飯、是椒炒花甲、蠔餅﹗

蠔餅食過N咁多次﹗次次都好味﹗

花甲其實我覺得同蜆好似﹗不過大隻好多﹗

個汁真係好惹味﹗^ ^

不過都係鍾意蜆多d~~~~

個羊腩煲都幾好味﹗﹗

好夠味呀~~~~好香﹗

不過個咖哩味就唔係咁好喇﹗

可能我地2個都唔係好食得辣﹗

同埋有一陣唔知係燶味定係炭味﹗

感覺有點怪怪地﹗﹗

下次都係食d傳統既煲仔飯好d﹗

食食下遲左小小入場﹗

其實睇呢套戲之前我已經知道講咩同埋有咩笑位﹗

因為之前聽過介紹﹗

都可能係聽左個介紹搞到我覺得無咁緊張精彩~~~

不過個伯伯咁老都咁勁﹗我真係想睇返之前果3集﹗

D螞蟻好勁呀~~~

再一次證明主角係唔會死gei﹗﹗hahahaha~~

整體黎講不過不失啦﹗

再等其他新戲上畫先再去睇lu~~~

一直我都想買一部魚眼相機﹗

因為覺得好得意﹗

而家睇中左Fisheye 2﹗﹗

買多個合仲可以潛水既時候都可以用﹗

可以去到20米水深﹗﹗好正呀~~~

我地去旅行既時候可以用喇﹗

等下個月我出左糧就買一部俾自己啦﹗

當係響呢度做滿一年既獎勵啦﹗^ ^

期待~~~

PS: 小葵子可能因為無咩陽光，無咩長大﹗但仍然健康 ^ ^

不愉快經歷@必瘦站

之前必瘦站打過黎叫我去試下佢地既Facial / 減肥~~

減肥我就真係無咩興趣﹗

其實我響海塋仲有7次Facial未做﹗

我而家都係諗住試下新野﹗

再睇下轉邊間﹗

(不過當然會等我差唔多做哂海塋果d先﹗)

之前都試過Modern Beauty﹗

不過覺得一般﹗因為整完我覺得好乾﹗

一開始大家都好nice﹗

Manager suggest我做個水份超音波﹗

其實響海塋都有做開超聲波覺得唔錯﹗都想試下第2間係點﹗

成個Facial好舒服﹗個超聲波機係凍左小小﹗

可能佢地知我唔想俾人“擠”﹗

所以真係成個過程一d痛楚都無﹗

佢地提議我參加一個$3000有25格仔既course~~

有3種機可以俾我揀超聲波、lazer、另一部我自己揀﹗

其實我唔係咁想做lazer因為我知唔可以曬太陽﹗

一曬就會有好多斑﹗最重要係夏天就黎到﹗我好想去海灘﹗

如果用機就會扣2格﹗用人手就扣1格﹗即係一次都係$240

其實都真係幾抵﹗

不過都係想差唔多用哂海塋先參加﹗

因為我知我自己會無心機去海塋如果參加左呢邊﹗

佢地當然係同我講隔住隔住咁用﹗

其實講左差唔多講左半個鐘﹗

2個人manager一句kay一句﹗

我真係有小小心動﹗

但我知自己唔可以﹗

於是我就話打俾男朋友﹗

Justin第一句就叫我唔好﹗我又諗起Emily又係叫我唔好﹗

於是我再一次拒絕﹗

我話都係想睇多2日個效果先﹗

可能係我咁耐都話唔Join佢地就開始改變態度﹗

佢話而家個效果係最明顯，我返到屋企唔知我點護膚﹗

會影響左﹗(咁我就係想睇下我照平時咁護膚會keep到幾耐﹗)

仲叫我飛左男朋友因為佢唔想我靚﹗

又話我出左個門口就唔會有呢個價﹗

咁間間都係咁講ga la~~

叫我一係俾左訂金先﹗

如果最後都係唔join就當做一次facial﹗

佢話下一次就唔收我千幾收我$800﹗

咁即係焗我Join jei~~~睇唔到有咩分別﹗

其實響海塋最大既問題係成日都擠傷我﹗

Manager就話下次佢幫我整﹗保證唔會整到紅哂﹗

如果我join左下次整到我傷哂咁我仲黎唔黎好呢??

佢仲笑笑口咁話皮膚係你既﹗你鍾意俾人整到傷哂咁無辦法啦﹗

明唔明佢咁既語氣真係好討厭呀~~~~

最後我都係堅持要睇下先﹗

如果遲d想join先返黎﹗

佢就話 “咁你下次唔好返黎試喇﹗”

其實我唔係好明佢講咩﹗不過都折磨成8-9個字﹗

我只係想走﹗講咩都唔想﹗

可能去卓悅同Modern Beauty都有人陪﹗佢地點惡都有個譜﹗

今次真係第一次俾人咁樣對待﹗

而家真係唔洗錢都唔去果度做lu~~~

好似係佢叫我去試ga wo~~

做咩好似我唔join就係好大罪咁gei????

我好開心自己可以堅持到最後﹗

黑店﹗

Dinner @ 黃大仙八喜

Happy Birthday to Sammi~~~~

一肚氣之後返左黃大仙叫左Shirley陪我食飯﹗

佢話想食八喜

其實2個人食真係無咩可以揀﹗

叫左個肉噪飯﹗

好好味呀~~~~不過肥豬肉好似多左小小﹗

食左大半先記得影相﹗

柯仔泡飯

好鮮味﹗heehee~~

最鍾意食泡飯﹗

仲有無錫肉骨﹗

可能我食唔慣個汁既味道﹗

同埋覺得太多肉﹗

其實都明會比轉油膩﹗都係覺得麻麻﹗

一路傾傾傾﹗

恭喜Shirley搵到新工﹗

我都要俾心機喇﹗

小葵子成長記4

日期: 5月27日

又長高左喇﹗

又長高左喇﹗

比我地整既Container仲高喇﹗

葉子更加大喇﹗

第3-4塊葉比第1-2塊更大喇﹗

好正呀﹗﹗

要曬多d太陽快高長大呀~~~

小葵子成長記3

日期: 5月26日

事隔一日又大左好多呀~~~

高左好多﹗

每一塊葉都大左﹗

佢地真係好靚仔呀~~~

每日都同前一日有唔同﹗

睇住佢一日一日咁長大﹗好似湊緊仔咁呀~~

真係好開心﹗

7折it

Saturday晏晝同阿風行左一陣旺角﹗

佢響b+ab買左件衫﹗

好抵有7折﹗

之後等埋winnie同佢男朋友個細佬幫Justin買it~~

因為winnie同佢男朋友個細佬係it既staff﹗

有7折﹗又係好抵﹗

幫佢買左一件shirt同埋一件carhart既polo-shirt﹗

買完就同佢地分開喇﹗

好似好衰次次都係買完就say goodbye﹗

希望佢地唔好介意啦﹗

原本想試下新開既Monster Sushi

不過羅左飛差唔多一個鐘都係過左10幾個﹗

仲有10幾個要等﹗

我地又成日都食得好小野﹗

所以我同阿風就去左食魚米家﹗

仲要勁平﹗^ ^

行街行到厭喇﹗

好掛住小葵子﹗

Justin話痴埋一齊果2棵都出緊第3-4塊葉子了﹗

Sunday rest at home

小葵子成長記2

524 Happy Birthday to My Dearest Girlfriend Ada Wu

日期: 5月25日

雖然呢張相唔係好清﹗

不過可以睇到大棵小葵子既第3-4塊葉大左好多﹗

同埋痴埋一齊既小葵子都已經長出3-4塊葉了﹗

與小葵子第一次見面

5月1日 我地2個將買返黎一半既種子放入個有泥既蛋度﹗

Justin每一日都好俾心機咁照顧佢地﹗

一日淋2次水

可惜日子一日一日咁過2個星期都仲未發芽~~~

都知道應該失敗了 ><

5月16日

我地再一次用餘下既種子 + 門外既泥再試一次﹗

最後經過一星期左右小葵子終於都發芽喇﹗

日期: 5月23日 第一次與小葵子見面

5粒種子有3粒成功發芽﹗

(可惜我見唔到佢地出世呀~~~)

Justin話開頭佢地好短好細﹗

而家大個左好多﹗

呢一邊有2棵連埋一齊﹗比較細

呢一棵自己響一邊﹗已經開始長出第3,4塊葉子了﹗^ ^

等佢地再大小小我地會將佢地移植去正式既花盆﹗

希望小葵子快高長大﹗

3棵代表: 我愛你

Tepanyaki鐵板燒 @ 太古

Justin今日放早岩岩好搭九可以響天橋等我﹗

平時都係我等佢多ga ma~~~

之後我地就過左去太古

Justin同鯊魚張相好搞笑呀~~

不過唔可以post出黎﹗

之後就去左食上次都想食既Teppanyaki鐵板燒

我地order左一個燒羊+魚排+yao魚既set同一個燒三文魚

um~~其實都幾得意ga~~

有個人響你面前燒燒燒切切切調味再將整好既放響你面前

不過味道就一般啦﹗

有d菜燒燶左d~~~

羊肉放得太多調味有d鹹﹗

不過幾十蚊一個人都抵既﹗

買左Mrs Field既Cookies同埋蘆薈茶就去睇<<滅絕生還者>>

係Justin話想睇既﹗

講真套戲好差﹗

個題材都幾好﹗不過個劇情就好差喇﹗完全唔完整﹗

為左核突鏡頭而核突﹗

故事講一種病毒令到成個Scottland俾人放棄左﹗

點知幾十年之後出面既世界又再一次爆發呢一種病毒﹗

女主角要入到去Scottland呢一個禁區去搵解藥~~

其實有更多位可以"扇"情﹗

總之就不知所謂~~~

原來係表弟叫Justin睇﹗

就係之前同Justin睇<<冒險鱷魚>>既表弟

um~~可能真係外國人同我地鍾意既戲種唔同﹗

不過2個人$110我真係寧願睇<<小心有牙>>

可能更加好笑~~~

星期五我又逃工了﹗

唉﹗我需要一個新開始~~~

愛鬥氣

唔知做咩呢排成日都好鍾意鬥氣﹗

差唔多次次見都會發一發脾氣先心熄~~~

好似上次睇戲Justin唔知響邊搵左條 “仗筋”

睇睇下戲拉高我個 “衫就” 想彈我﹗

原本可以玩返佢﹗

搶左條筋之後彈返佢﹗

不過我就忍唔住即刻發脾氣了﹗

之後佢見我發脾氣佢就唔出聲﹗

不過睇睇下又無事lu~~~

成日都鬥氣好支力呀﹗

可能真係要小d見喇﹗

PS: 上一次種既向日葵發唔到芽﹗

我睇返泥入面既種子變哂黑色﹗

我地用餘下既種子埋響屋外挖返黎既泥﹗

5日之後終於都發芽喇﹗

今晚先可以見到﹗好緊張呀~~~

不過真係好開心﹗^ ^

小葵子要快高長大呀~~~

華麗孽緣

一早已經計劃左星期二睇戲﹗

可能計劃左，我個心諗住會見到Justin﹗

個見面既問題希望會解決到﹗

放左工就去旺角睇<<華麗孽緣>>

不過睇之前當然會食左野先﹗

落雨真係好呀~~~

係咪可以Flexible d 下次天氣唔好都係返屋企好d呢~~~

試左女人街2旁既鐵板王﹗

叫左個牛柳 + 鵝肝 仲加一個羊扒

其實我係對個鵝肝有興趣先食gei~~

不過可能上次響瑞士餐廳食既太好味喇﹗

(價錢其實都差好遠啦﹗)

不過都可以既~~~

我地2個叫左個五成熟既扒﹗

每一次都會比你叫既熟1-2成﹗

heehhee~~我諗Justin都係鍾意西堤果個牛扒ga la~~

下次要試下隔離既一休先﹗

之後就去左睇戲喇﹗

2個女主角都係我鍾意既~~~

覺得佢地2個都好特別﹗

Portman我覺得佢做得好好呀﹗

Scarlett可能個角色唔係太岩佢﹗唔係太大發揮﹗

一個單純一個功於心計

um~~~2個原本好好姐妹，但因為一個男人同誤會而反面﹗

可能人都係自私掛﹗

權力、欲望、財富，每個人都迷失左﹗

可能就只有Scarlett一個人係清醒﹗﹗

可以簡簡單單快快樂樂就夠了﹗

但Portman實在附出太多喇﹗

最無辜都係佢地既細佬﹗

人真係唔好犯錯﹗因為有好多野都唔可以返轉頭﹗

後悔永遠都太遲了﹗><

係我定係你既問題呢???

睇睇下戲都可以發嬲﹗

我係咪不知不覺間更年期了﹗

請放鬆點~~~~

不過響我心目中你仍然可愛﹗

Training的第一課

星期一係Justin第一日上training既日子﹗

我諗佢應該對於VRM更有概念﹗

佢話Training好似Group Discussion咁傾下計﹗share下﹗

不過就好悶﹗

要到6月10號先第一日正式返工﹗

我見放工既時候好大雨﹗

於是就膽粗粗咁過去銅鑼灣等佢放工﹗

其實我都驚佢會同同事一齊﹗

不過等左先算啦﹗

其實我都唔知佢幾點放工ga~~~

因為怕阻到佢我全日連sms都無send俾佢﹗

行緊過去CB既時候終於都send左喇﹗

隔左一陣佢就打俾我喇﹗

叫我去利園﹗><

(其實我唔知響邊﹗)

經過好多辛苦路終於都去到喇﹗^ ^

(俾人點黎點去，又大雨﹗)

響途中買左件蛋糕俾佢﹗

哈哈﹗我都唔知點解自己會對佢咁好﹗

七點終於都見到佢喇﹗

佢著住full suit 好型呀~~~

希望呢份新工會俾到更多活力朝氣Justin﹗

之後我地行左一陣﹗

咁就返去喇﹗

我條腰好痛呀~~~~~

(多謝你好傻豬咁響街幫我按摩﹗)

只想記下美好的事﹗

恭喜Justin升職

星期五係Happy Friday

星期五亦係Justin接到升職既大日子﹗

我地當然一齊去慶祝啦﹗

其實唔算升職係佢見左第2份工﹗

轉左一個新既Department﹗

有一個新Title : Vxxxx Realationship Manager

(唔係好記得第一個字係咩﹗)

咁快就升左去做Manager~~~

原本Justin而家係 CS1 --> CS2 --> M14 -->M15 -->M16

到星期一佢就會係M16

雖然呢D Grading既野我唔係好知﹗

不過一口氣升左4個Grad應該都好厲害喇﹗

我連學都唔返lu~~~因為想成日都陪住你﹗

我地去左食Justin最鍾意既元氣卷同腐皮壽司﹗

其實都有試其他野﹗

不過真係麻麻﹗

個海蝦係幾大既﹗不過我覺得唔夠新鮮﹗味道一般

要$18一隻真係好唔抵﹗

如果唔係Justin鍾意食腐皮壽司我真係唔會再黎食﹗

哈哈﹗我叫Justin下次都係買外賣算喇﹗

之後就去左銅鑼灣想買美珍香﹗

因為一件事我又發脾氣喇﹗><

其實我都唔知做咩﹗總之突然angry﹗

對唔住呀~~原本開開心心俾我搞到唔知點咁﹗

之後一齊返屋企﹗

點知爸爸響度﹗

我地2個談左一陣心﹗

最後終於都無事喇﹗

其實我只係唔想你因為我而唉聲嘆氣﹗

我、Justin、爸爸 一齊睇四川既最新情況﹗

我: “ Uncle, 你要唔唔要試下蜜糖茶呀~~~??”

Uncle: “ 唔喇﹗我平時食好多糖喇﹗”

點解爸爸個答案咁得意既~~~

呢年幾﹗見過爸爸大大話話都十幾次喇﹗

但係Justin一次都未正式同爸爸介紹過我﹗

直到星期五先第一次介紹﹗

(你真係好唔識do呀~~咁耐都唔介紹我)

我: “ Uncle，走喇﹗88”

Justin: “ 呢個係我女朋友Cherry﹗”

爸爸: “ Cherry，我認得啦﹗之前見過﹗”

不過呢幾句說話發生差唔多響同一秒﹗

我都唔係好聽到爸爸講咩﹗

總之爸爸就係答得好搞笑啦﹗

仲第一次見到Auntie﹗

希望Justin一切順順利利﹗工作開開心心﹗

星期六都係同Justin一齊﹗

星期日就返左學﹗

好支力的一星期﹗

2個人的分歧

其實每一次我地鬧交又或者發對方脾氣都係因為見面﹗

um~~我地2個真係要好好溝通﹗

我日日見都唔會覺得厭~~~

同埋覺得Justin有權揀見我定係佢既朋友~~~

不過耐唔見我就會好唔開心﹗

Justin話我面口好難頂﹗

咁我就好似迫佢咁﹗

可能個問題真係響我度啦﹗

我想我要好好調節自己既心情﹗

令我地唔會一次又一次因為呢個問題而發脾氣﹗

我只係想簡簡單單開開心心咁拍拖拖ja~~~~

你不能沒有我我不能沒有你

思考應該如何調節自己~~

發芽

花期 : 夏季
花語 : 仰慕、光輝、凝視著你、高傲
日照 : 全日照；日照不足時，葉子容易生病枯黃，抵抗力也會變弱
管理 : 在生長期間不用太多的照顧，適當的供水即可，但是等到花苞出現時，水分需要大增，這時就要增加給水。
水份 : 水分適中，土壤不可積水；澆水時不可以直接淋在花朵上。
施肥 : 花苞出現時，要定時追加開花肥和增加給水，向日葵就會長得又高又大。
繁殖 : 向日葵是以播種法繁殖，而且全年都可以播種，不過以春、秋兩季最好。
向日葵的種子很大粒而且容易發芽，可以選擇日照充足、排水良好的地方，把土壤深掘敲碎，將種子種入約2公分深的土中，並且要避免土壤過度乾燥，必須經常澆水，讓土壤保持一定程度的濕度，約5～7天就會萌芽。
栽培的土質以含有豐富有機質的砂質壤土或壤土為佳，排水和日照一定要很好，因為日照如果不足就不容易開花；植株長高時要設立支柱來防止花莖折斷；花蕾長成後必須多灌水，來保持土壤濕潤，花才會長得好。

一家3口 + 阿庭的晚餐

媽咪尋日返左黎﹗

不過今次只會留2日﹗

所以星期四晚就叫左阿庭黎一齊食飯~~~

自從上次2月食過開年飯、3月一齊食過飯﹗

今次已經係第3次喇﹗

haha~~~次次都係好多好多送﹗

今次有Justin特別點既咕嚕肉、仲有蟹﹗

媽咪仲整左火腿炒勝瓜、白切雞同老火湯﹗

次次食蟹都係我食最耐﹗

而家有食野仲慢過我既阿庭陪~~

So good~~~

八點幾食到十點﹗

Justin當然話樣樣都好好味﹗

會唔會係同Carmen對比ja~~~

每一次一家人食飯都好開心﹗

因為都好多野食﹗

B~~I Miss You

誰會為愛人不惜一切　而我或太傻　愛你願放棄一切
朋友亦叫我控制　說放膽愛別失勢　我不想給歪理來蒙蔽
容我愛你深不見低　YAYA

I Miss Yo　感動你　這份愛　太神奇
真心來融化你　誰要勉強假裝愛理不理
我只想保護你　發誓要　你歡喜
不必刻意　無需構思　

坦率對著你說一句　I Miss You
Baby I Miss You

誰可以使我超出估計　如今腦海裡有涉及你的一切
朋友亦叫我控制　說放膽愛別失勢　我不想給歪理來蒙蔽
容我愛你深不見低YAYA

I Miss You感動你　這份愛　太神奇
真心來融化你　誰要勉強假裝愛理不理
我只想保護你　發誓要　你歡喜
不必刻意　無需構思　

坦率對著你說一句　I Miss You
Baby I Miss You

Oh baby, one day I’ll walk away (how can I face the coming day)
Tipping my heart, I pray everyday
We can last till the end of day

I Miss You感動你　這份愛　太神奇
真心來融化你　誰要勉強假裝愛理不理
我只想保護你　發誓要　你歡喜
不必刻意　無需構思　

坦率對著你說一句　I Miss You
Baby I Miss You
I miss you

一向都喜歡陳柏宇

Tourist Destination 1

上星期已經開始修讀尾2的一科﹗

Local Tutor 係讀Space 時的Agnes﹗

感覺都幾親切~~~

今個星期就係外國Tutor

都唔知阿Sir係黎自咩國家﹗

印尼???印度???

是但啦﹗總之就唔係好聽得清楚~~~

放左工去上堂已經辛苦﹗

仲要聽唔明﹗

HRM果一科我覺得自己考得唔好﹗

估唔到有70分﹗

係之前咁多科最好既一科﹗

世事真係有好多意想不到﹗

Facial @ Modern Beauty

好耐之前已經想同Emily一齊試下Modern Beauty個Facial~~

終於都book左喇﹗

放左工就一齊搭車過去﹗

原來去大圍好快ga ja~~

之後就去食日本野﹗

木屋日本料理

叫左三文魚、帶子、三文魚水晶蝦卷同一個蟹肉蟹子炒飯﹗

壽司就一般新解﹗

不過我覺得個飯好好味﹗

可能真係鍾意食蝦蟹啦﹗^ ^

個飯加埋蟹子好得意﹗

7:30去到﹗等到差唔多8點先開始﹗

但係好快9點就做完喇﹗

首先洗面

再用一部震震既“產” 機起左塊面d污joe野﹗

又針清﹗

(呢排成日都食熱氣野，又訓得唔好﹗所以爆左d粒粒﹗)

不過當然無海瑩整得咁痛啦﹗

之後用左個gel消毒

最後fu左個mask~~~

um~~如果你問我得唔得就ok啦﹗

$150 一次相對於而家 $450一次就平好多﹗

不過有小小乾﹗

當清潔下都好呀~~~

等得做哂而家果d就再諗下join唔join啦﹗

再試多幾間先﹗

第一次板前

同朋友分開之後就過返去旺角搵Justin﹗

鬧完交之後第一次見﹗

我地無再講返件事﹗

羅左飛等食板前﹗

要等40張台﹗

不過已經幾好喇﹗

之前試過羅飛要等百幾張﹗

之後就一邊行街一邊等﹗

同Justin買左件衫同行左一陣﹗

返到去岩岩到我地﹗

不過點解到我地都要等成3個字先入到﹗

都唔係好記得食左咩喇﹗

最記得個珍寶帶子﹗

因為真係好大好抵﹗

不過可能我唔係幾鍾意食呢d肉質啦﹗

都係鍾意有口感d既壽司﹗

章紅魚一向都係我的最愛﹗

今次試左個章紅魚腩﹗

好味﹗^ ^

蝦膏甜蝦軍艦個蝦真係好好味﹗

不過我又係唔鍾意d 蝦膏﹗

感覺怪怪地﹗

Washabi yao魚好好味~~~

個樣好得意~~~

d salt 要自己加好似有d搞笑wo~~~

行左一陣朗豪坊﹗

買左一副白色太陽眼鏡﹗

我想再佩一副白色眼鏡呀~~~

哈哈而家咩都要白色﹗﹗

2個人始終無可能咩都一致﹗

都係襯我多d~~~heehee

Speed Racer

原本星期一放假想入去長州睇太平清醮飄色巡遊﹗

一早九點起身點知有人話有五萬人響長州了﹗

上幾年平均都係2萬﹗

於是都係改變計劃去睇下戲行下街﹗

唔係同Justin，而係同朋友仔﹗

因為佢唔想去﹗我地仲要鬧左交﹗

因為都無咩戲可以睇﹗

Shirley已經睇左Iron Man﹗

於是就睇左Speed Racer﹗

其實套戲都幾搞笑gei~~

同埋拍攝手法都幾得意﹗

Speed個女朋友好靚女呀﹗

之後就去左行街﹗

因為睇完戲有d唔係好舒服﹗

太子寶太朗~~

食左個tea就好d喇﹗

(不過其實好難食﹗)

杯野飲甜到呀~~~

行左旺中、花園街、瓊華、聯合﹗

不過都無咩野買到﹗

都係食食食食食~~~

之後差唔多六點就同朋友分開喇﹗

 

瘋子與傻人

人響憤怒既時候都會好似瘋了一樣﹗

會說一些極難聽既說話

那些話不一定係真確的﹗

可以不用放在心上﹗

但又有邊個可以唔理????

可能只有傻子能容忍﹗

因為傻子唔會明白瘋子所說的話﹗

但又有幾多個會是傻子???

正係好恐怖呀﹗

希望以後傻子不要再遇到瘋子﹗

孤單的母親節

首先希望大家母親節快樂﹗

媽咪、爸爸返左大陸要再下個星期先返黎﹗

而細佬就同幾個同事一齊上左大陸玩﹗

於是成間屋得返我一個人﹗

其實想約下人﹗

不過我知個個都會同屋企人一齊﹗

於是就自己過左一個孤單的母親節﹗

超感動﹗朋友仔叫我同佢屋企人一齊食野﹗

不過我唔好意思﹗

連我男朋友都無咁做﹗

迷蒙蒙去左黃埔

細佬返左大陸見無咩做咪出去行下街再食個飯﹗

首先去左九龍塘﹗

因為朋友仔要搵d design既書參考﹗

去書局悶死我喇﹗

之後諗食咩wo~~~

我想食壽司﹗不過又想去太子行﹗

咁諗住響板前食左之後過去﹗

點知又係勁多人排隊﹗

於是就諗住去九龍城食大盛﹗

點知因為誤會而搭左去黃埔﹗

太肚餓喇﹗所以是但食左太興燒味﹗

我點左個燒鵝飯﹗朋友仔食八寶飯﹗好多餸呀~~

相就好似好靚，不過我覺得個皮唔夠脆﹗

冰震奶茶，雖然好出名不過我無點呀~~

太夜飲我會訓唔著ga﹗

整完游離子之後第一次洗頸﹗

好似無咁子彈頭喇﹗

其實都想食王子之前介紹既 V嘩BBQ﹗

不過都係等多人D先﹗

好想有自己生活~~~

補祝蘇菲生日

原本5月7日係蘇菲生日，不過佢考緊試，所以等到9號先補祝﹗

我地一行5人去左九龍城既籽苗葉食泰國野﹗

(子彈頭第一次同大家見面﹗﹗)

呢間之前同Justin都食過﹗

唔明點解book左台都要等半個鐘以上先有得入~~~

勁熱，叫哂勁辛苦﹗

我地點左好多好多野食呀~~~

豬、牛、雞串燒﹗個沙爹醬好好味﹗

蛋白蒸蝦﹗呢個好鮮味呀~~~不過蒸得老左小小﹗

咖哩炒蟹，好好味呀﹗好想去泰國再食呀~~

我地全部食哂呀~~不過仲有好多咖哩汁食唔哂.......

仲有蒜容包、生菜包、燒豬頸肉、炒金邊粉、泰式拼盤﹗

好大食呀~~~~

大家幾落力食呀﹗﹗

仲有Sammi 既日本手信做甜品﹗

真係飽到有點兒.....

我真係好鍾意一大班人Gathering﹗﹗

一邊傾一邊食一邊笑﹗

每一次都會令我笑到勁支力﹗^ ^

子彈頭

尋日又去左荃灣整個頭﹗

終於都整左喇﹗

um~~大概整左2個半鐘﹗

不過唔知點解間野勁多人﹗

搞到個髮型師都無咩時間理我﹗

好多時間都係果d唔知咩國籍既人幫我整﹗

當然佢地都整得ok啦﹗

最後最唔鍾意係太貼同埋個陰整碎左唔夠厚﹗

希望快d長多d 厚多d 順多d

而家真係好貼ga﹗我叫自己做子彈頭﹗

塊面睇落又會好肥好長﹗

><  

已經一個星期喇﹗

小葵子點解仲未有動靜ga~~~

希望佢快d破土而出，快高長大﹗

咩事咁黑仔吖~~

原本plan左星期四我去剪頭髮﹗

Justin就陪fd~~

咁一放工就由灣仔搭mtr去荃灣﹗

六點半就到喇﹗

因為唔知會整到幾多點咁我就買左個包包食﹗

之後仲去左 7 eleven 想買支水飲﹗

點知想俾現金既時候發現個銀包唔見左﹗

明明同Emily 食Lunch既時候我有俾錢ga~~~

咁應該係我放左響公司個台面﹗><

已經好唔開心喇﹗

咁岩Justin放工打俾我﹗

我就叫佢過黎救我﹗

因為唔想老遠過左黎又無整到﹗

好好彩我有一個幾好既男朋友﹗

Justin差唔多七點黎到﹗佢話肚餓想食野﹗

咁我無理由唔陪返佢ga~~~

我地食左一間好難食既叫做想不起來﹗

一切都麻麻fu fu﹗

個雞扒好似唔係好熟wo~~

個意粉同個飯既汁好似苦苦地既???

個湯好油呀~~~

成個set得個蒜容包同杯野飲係ok﹗勁灰﹗

食到差唔兔8點就過去剪喇﹗

Justin諗住陪我到9點就過去搵fd~~

點知我剪開果個髮型師休息﹗

一星期七日佢得一日休息我咁都中???

唔緊要啦﹗叫第2個整都好啦﹗

點知佢又話要7:30之前到先可以整游離子﹗

叫我聽日再黎過﹗

我地又遲左喇﹗

ai~~~Justin又約左fd 9:30 wo~~

咁我地就行下荃灣啦﹗

又無咩野可以行﹗

總之由放工到返屋企都無樣野好﹗

最好既就係Justin為左我搭左成30個站﹗

雖然咩都做唔成，不過我都好開心﹗

因為我有Justin~~~

五月的第一個工作天 + 西門町台灣美食

因為之前一直都放自己假，所以直到6號先第一日返工﹗

其實都唔係好想返﹗

因為之前一晚訓我好差，差唔多3點先訓﹗

同埋一諗到返去又係做d無謂野都真係好唔想返﹗

返工果8個鐘真係好悶呀~~

好彩放左工有Justin鍚返﹗

我同佢都想配新眼鏡﹗

見有2張coupond 咪去旺角睇下﹗

不過用左coupnd之後都仲要成 $700 一副﹗

好似唔係好抵wo~

同埋我都係響屋企戴﹗所以都係睇多幾間先﹗

之後就去左食野﹗

因為睇左不眠皇宮個Blog介紹就去左試西門町台灣美食

個set包左好多野﹗

我地揀左拼盤、茄子、腐皮、肉臊飯同擔仔面

款款都OK好味﹗

Justin 叫左杯芋香珍珠奶茶、我就叫左蜜桃玉露﹗

芋香珍珠奶茶勁香好好飲﹗

仲要咁平﹗

抵試呀~~~

之後我地行左陣鯨華同潮特﹗

Justin想買條新牛仔褲、2件shirt﹗^ ^

(放工拍拖拖好開心﹗)