Iwin 結婚了; 第一次伴娘

未打完旅行BLOG，不過有一件開心事一定要UPDATE~~~

好朋友Iwin 星期六終於都擺左酒喇﹗

當日我6點就要起身，6:45點出門口，哈哈﹗不過我發現自己太早到，都無咩做﹗都係要等個化妝師搞掂先可以幫我整頭，化妝~~~

好快攝影就到，影下VIDEO、相就係咁已經9點，玩新郎

我地玩左4個GAME，簽名，吹蠟燭，華麗明星賽，同愛的宣言﹗

我係負責果塊愛的宣言板，好彩我堅持一定要羅去印，因為出黎效果好靚，我自己都好鍾意..........

玩完一大餐之後就要斟茶之後去男家﹗

當日好多金、金光閃閃，雖然我要負責點金，不過其實我都係唔係好記得.....=.=

去完男家就去教會，因為唔夠時間只係可以食小小飯盒﹗

2-4 係行禮，好彩我都可以住一陣，因為當日條裙太長，我要著對超高既高爭鞋~~

行上行落，都真係幾支力.........

成個儀式都好莊嚴，亦都好感動，YVONNE 仲忍唔住攬住我喊~~~

最後5點就到酒店: 帝苑﹗

去到又換衫，之後影下相，成晚都忙住換衫，執衫，睇金，雖然支力，不過真係一個好好既經驗﹗

其他人話D食物好好味，不過我只係有機會熱食2味，凍食3味﹗

哈哈﹗睇住自己個好朋友咁幸福，真係好開心，星期日就要訓返足一日補數~~~

祝願IWIN 永遠幸福快樂﹗

首爾秘密求婚之旅2012 DAY 1B

不知不覺已經係首爾時間4點，我地出發食第一餐飲明洞

響明洞我MARK左幾間野食，景福宮、那度香、同全州會館

J 揀左石頭飯~~~

我地揀左一個海鮮餅，一個鮑魚石頭飯﹗

前菜SSS，唔知點解今次去韓國發現D前菜唔同左，我地去親間間都係呢D，無左我地最愛既魚仔~~~

除左泡菜之外仲有碟紅色係魷魚，呢個幾好味﹗

海鮮餅，無咩特別﹗

如果你食過香港蠔餅一定鮮過佢.........

鮑魚石頭飯，其實只係加左幾片鮮鮑魚，味道OK，鮑魚都幾好味﹗

過左2日後，J 居然話下次黎會再食返石頭飯﹗真係咁好食

原本我想去汝矣島先，不過佢好似好想行明洞，行到唔捨得走，搞到要賞夜櫻~~~

我地一邊行一邊再掃下街﹗

其實明洞街頭好多野食，串燒、魷魚、粟米、腸仔、年糕............

原來4年半前我地都黎過，當時好似得2個鐘，行得勁急，今次我地住附近可以日日行﹗

我地唱左 HKD$3000 x 144 --> 432,000 won

不過感覺上明洞唔算太多野，我只係掃左d skin care﹗

之後就過去汝矣島喇，一出地鐵已經見到好大棵櫻花，滿開真係好靚﹗

網上面話向2號出口，往國會議事堂正門方向步行約五分鐘，我地唔知方向，跟住人潮去，呢度應該係汝矣島公園~~~

由於唔多識路，又支力，我地跟人坐左響公園入面，只係見到一排櫻花，都有小小疏落﹗

當時我都懷疑係咪真係呢度~~~

不過又ok 多人，所以真係唔知，之後仲見到議事堂，所以應該行岩方向，不過同我網上睇d相唔同...........

有好多人踩單車，我都好想租一架，不過唔識睇韓文﹗

每日必做既就係執櫻花，不過佢地真係好易殘，未返到酒店已經不似花形....=.=

用我地d機仔真係好難影到靚相，特別係夜晚﹗

所以當晚既舒服同美景好難表達到出黎﹗

雖然只係公園既一角，不過都有好多櫻花﹗

之後見到lily (eugene 韓國朋友)，佢話我地只係行左公園，而汝矣島最出名既輪中路，我地應該無去到﹗

不過算啦﹗果晚真係好支力~~~

其實櫻花係無味嫁~~~~

圍繞左公園一圈，已經好支力，好想搭車，不過唔想行返轉頭﹗

之後向議事堂再直行，見到好多又高又大既櫻花，加埋黃色燈靚好多﹗

研究下點租車﹗

呢個就會議事堂，我地見有地鐵就入左去﹗

原來我地行左去9號線既國會議事堂站~~~

唉﹗真係totally 唔知自己去左邊........=.=

咁支力應該第一時間返去訓，不過J 仲想行超市﹗第一次去位於首爾站LOTTE MART~~

已經唔記得我地係響邊度轉車喇﹗

當時已經係首爾時間10點，超市收12點~~~

最LAST一日我地都黎左掃貨，半個鐘買哂所有手信﹗

溫室菜﹗

超市比我想像中細，我地行左一個鐘左右就走喇﹗

買左D呢幾日會食既宵夜同埋水，終於都返酒店喇﹗

唔知點解仲係唔係好肚餓，2個人叫左個KIMBAK 紫菜卷黎食﹗

真係好好食，我地差唔多每既都買一條黎食 1000won 抵食~~~~

入面都有幾多料，好似日本壽司，我都係鍾意呢D清野﹗

每日除左KIMBAAK之外仲有就係士多碑利，呢度係半盒，真係好香又甜~~~

一盒只係 5000won，好抵﹗

每日半層

我地仲買多左個CHEESE CAKE，細細個叫做慶祝ANNIVERSARY 啦﹗

終於都打完DAY 1，我真係好長氣~~~

Hill House

酒店位於會賢站，離首爾站一個站，都幾方便﹗

1號出口沿右手邊條路上，經過REX HOTEL，繼續向上行，好快就會見到佢個牌，轉左就到~~~

我就覺得位置幾好，行10分鐘到明洞 / 南大門，地鐵5分鐘﹗

我地個平PACKAGE係住BASEMENT，其實我感覺都OK，因為一光我就醒，BASEMENT可以訓得舒服D﹗

EUEGEN 原來住我地樓上，不過我完全唔發覺，J 話佢個TOILET比我地好，同埋有WINDOW，不過就貴好多......=.=

住左5晚都幾乾淨﹗

間房夠大，J 每晚返黎第一件事就係開電視﹗

咩都有齊﹗

連GEL 都有...=.=

係洗手間差小小，不過都比UJIRO好，起碼大唔會整濕..........

仲有頂頂花曬~~~~

我自己就覺得價錢合理，位置OK，不過下次應該都會試下第2間酒店﹗

我地PACKAGE $4500，扣左$3200 機票，間房 5晚即係 $2600，1晚500左右，我覺得算係咁............

放低行李抖左一陣就出發去明洞喇﹗

首爾秘密求婚之旅2012 DAY 1A

2012年4月17日，同屋企人食完晚飯，睇埋盛女愛作戰之後就出發去機場﹗

零晨1點由香港搭CX飛去韓國，今次係J C 第11次一齊搭飛機﹗

架機都幾新，每個位都有電視，不過真係好支力，雖然訓唔到，但都無心情睇電影﹗

睇左HUGO 開頭，感覺有小小悶就算喇~~

第一次搭飛機有雪糕食，哈哈......

但回程無lo......=.=



入境韓國唔洗簽證，但要填form、打手指紋、同影相，我地排左差唔多大半個鐘，點解除左香港之外去到第2D國家會覺得人地做野咁慢﹗

6點land，7點幾先出到機場~~~~

行李帶轉到唔再轉.............=.=

對於韓國機場無咩印象，唯獨記得4年半前響呢個位影左張相，一模一樣﹗

之前做左RESEARCH 知道搭咩車，機場鐵路有2間，EXPRESS 只係快NORMAL果架10分鐘不過就係3XXX won 同1XXXX won 既分別﹗

同埋我地要轉車，所以都係揀NORMAL果架啦﹗

第一件事，T MONEY (3000 won /張 無得退錢)，我地唔知邊度有得買，地鐵STAFF 俾左張CARD J 入閘買，買完增值中 (2000 won)﹗see him ma???

機場地鐵係最靚，市內果D差小小，不過比香港闊﹗

之後到 桂陽轉車， 都行幾遠下，又上又落，又要出閘又要入閘，韓國地鐵好搞笑，你一入閘就扣1050 won，之後你出閘就會睇下你搭左幾遠，洗唔洗扣多D﹗

有左T MONEY 真係好方便，轉車都無咁煩，唔係就要叫地鐵職員開閘，第2次轉車@富平，感覺已經落 後左好多﹗

呢個站轉車比較難搵，我地又上又落左幾次，好彩有電梯，韓國地鐵好多出口都係樓梯，日日咁行其實都幾辛苦.............

幾經轉折，我原本以為8-9點可以黎到，點知最後10點先到.....=.=

天氣真係好好呀﹗可能海邊都有小小凍﹗

地鐵一出左手邊係INFORMATION，前面個巴士站，搭2、23、45號公車去月尾島碼頭，約五分鐘!最多人下車就好下車，唔係下一個站就係總站，會行遠左少少! " Quote fm 細粒麥"

我地上左車，不過成車人得果5個，我地仲諗，死喇得咁小人，幾時先叫最多人落車!!!!!

好彩到左某個站係另外果3個人都一齊落﹗

落左車會見到前面有個樂園物體，不過感覺荒廢左好耐﹗

右手邊就係海邊~~~

我地沿海濱一直行，想搵海鷗號，不過又溝通唔到，又大風，都有小小迷失﹗

明明人地話響碼頭已經好多海鷗，但我地只係遠遠見到一堆，根本好難吸引到佢地..........


於是我地決定餵白鴿

J 將蝦條整成細細粒，好快黎下一隻黎下一隻﹗

哈哈﹗都幾好玩嫁~~~~

好好彩地搵到TOURIST CENTRE，原來得2架船，一個係海鷗號，環繞個島，另一條船就去永宗島碼頭﹗

網上面話海鷗號係 4000won，但問左原來要15000 won，好似貴左小小﹗

所以決定搭去永宗島﹗

永宗島船期﹗

原來7點就有船，不過唔知邊邊打邊邊............=.=

3000 won 一程，我覺得都OK抵~~~

碼頭已經見到好多海鷗~~~~

等食中...........

我地就係搭呢條船，車同人都載﹗

呢個TRIP好多呢D OK 既合照全靠我地新買既自拍杆﹗真係好好用﹗

好彩佢有塊板，我地拖個GIP過去都好易﹗



上到船已經忍唔住餵佢地食野喇﹗

我地見當地人掉D蝦條出去，我地又有樣學樣~~

就算跌左落海，D 海鷗都會飛落去食，感覺好得意﹗

當佢地食到你掉出去果條蝦條，好開心呀~~~

我地掉掉掉，有時一大堆，有時一條﹗玩左好耐﹗



真係好多隻，應該超過一百﹗

海鷗號

D相顏色又好正﹗

差唔多落船，J 手羅住蝦條，有D白色既原來敢落黎食，我地即刻好似發現新大陸咁﹗

見到咁多海鷗，佢地爭住食自己手上既蝦條，感覺好正............

半個鐘之後就到左永宗島，我地行上去，不過見到附近咩都無﹗

唯獨是有一架巴士，叔叔話係去機場，如果你去到仁川機場想餵海鷗，可以試下搵202.......

 見無咩野岩行，就回程﹗

更多海鷗﹗

不過呢一程好多遊客，即係好多食物俾D海鷗﹗

所以回程無去程咁好玩﹗

不過我地都影左D靚相﹗TAKE IT~~~



到J，海鷗食左喇﹗

LOVE THESE SHOOTS..........


睇VIDEO 會易明D~~~

終於都玩完上岸，感覺好開心，畢生難忘~~~~

我地又搭返巴士返仁川站自由公園~~~

沿途都有好多櫻花樹﹗

由呢個門牌入去，行到頂就係自由公園入口﹗

當日見到好多小學生，佢地好嘈呀﹗

望到自由公園喇~~~~

要行哂D石級都幾辛苦，其實另一邊有斜路，可以試下搵~~

連樓梯扶手都加左D創意~~~

真係有好多棵好大好高既櫻花樹，可惜未開....=.=

唯獨呢小小開左JA﹗不過佢係粉紅色好靚，首爾好多地方都係白色，感覺上粉紅色靚D﹗

下次有機會會再黎多次，欣賞呢度既櫻花~~~

幾時望上天都係咁靚﹗

行到支力，我地同一班阿朱媽一齊坐，一邊享受陽光，一邊休息﹗

放假應該咩都唔做，如果香港都有呢D公園就好喇﹗

今次影左好多呢D角度既相﹗

哈哈........

臨走前，J 問我點解黑色呢D花開得咁火餐爛，哈哈...呢D係燈飾黎嫁~~~~

就係呢條斜路~~~

唐人街介紹三國既展板

好多中式餐廳，可惜J 對炸醬面無興趣﹗



下一站明洞

一號線直接由仁川去首爾站