2013年7月31日 星期三

MAC 魚鮮生



之前響MAC 買左盒新Loose Powder,見佢又出掃Set ,真係好吸引,一套有齊粉底掃、碎粉掃、胭脂掃 & 眼影~~~

最緊要係細細支,好方便,我等佢出好耐喇,早知唔響越南MAC買果Powder 掃啦﹗ 仲要貴過香港

我話有興趣買掃個Sales 同我講話不如Join 佢地個人化妝指導,之後換返Product~~

我見唔洗錢當學弄新野,於是Book左放工去,幫我化既係Chole,先用補濕液打底,其實我完全唔知Mac 有呢D 產品﹗

涼涼地,Chole 話係等皮膚無咁易出油,咁就無咁易出粒粒~~

之後就係Base,今次用左紫色Base 個底好似真係白左,眼用第2隻再補濕多d 既base﹗

之後就上自然色既Foundation,佢全程都用掃上,因為掃無油脂,會比手指更貼~~

(呢個Pt 我覺得唔多可信﹗)

之後就係上返遮暇同埋掃Loose Powder & 胭脂,最後就係搞隻眼,先上個Base,都幾出色,閃閃地都幾Like,之後就用Plate 入面中間果3隻啡Tone Eye Shadow~~

用Base 個好處就係無咁易甩,同埋本身有色,唔洗再加好多野~~

先用最淺啡掃暈全個眼窩,再用深小小隻啡加深眼尾個窩位,原來要3角形咁整,最後就係用最深啡加響個角角位﹗

其實都唔難掌握,之後加眼線,同埋Mascara,成個過程大約40分鐘,不過如果你問我,我覺得唔係好多野學到..............@@

最多都係學到D 掃應該掃咩方向,點打圈~~~

玩完一大餐,就去灣仔搵埋老公同佢2個朋友食飯﹗



佢地又食返魚鮮生,今次試左師傅發板,$200/位就會得到呢D 款式~~

Um......其實樣樣都好新鮮,第一次響香港食到唔腥既海膽﹗

下次可以食貴小小~~



Samsung 相機真係唔多掂,4個人食左呢盤,再叫多2個定食飽哂~~~

頭髮開始好長喇,早知星期六一齊剪啦﹗

2013年7月29日 星期一

Home Square

搵緊師傅既同一時間,我地繼續搵傢私﹗

麥生睇雜誌見到Home Square 做緊減價,我地又去 8 下~~~



呢排個喉嚨唔舒服,成日都好想食D 鹹濕野,同事就介紹我去沙田一條村入口既呢間鹹濕鋪﹗

我前2日去左么鳳,買左一兩 $30 既話梅肉,呢度有隻差不多味道既 $50 半磅,有排食~~~



Home Square 其實同Max Home 差不多,不過會相對地多小小傢私,J 睇岩左呢個鏡架 ($1600)

真係唔買唔知米貴.........@@


餐台就應該會買呢張﹗


廚櫃睇到德國寶有Promotion,$25,000 有一套,不過真係唔睇唔知原來有咁多不同石面~~~

Corium, Acrylic, Quarz........

又有好多色,真係眼都花~~~

雖然喉嚨唔舒服,不過見到IKEA 雞亦又忍唔住食左.....XD

真係要開始裝修喇,我地好快會有自己屋企喇

老公呢排脾氣有D古怪,佢終於同我講左係咩問題喇,原來佢係覺得我唔支持佢,我支持老爺多D﹗

我自己諗返都覺得係,可能因為唔敢挑戰老爺天威 / 老爺講野好有說服力 / 想老公多D 聽老爺意見 / 覺得人多意見多,自己又無咩所謂,都係聽老公 / 老爺話

所以老公覺得我好長頭草...........

佢話如果下次佢同老爺唔同意見,我應該試下同老爺講" Justin 鍾意就好"

唉﹗好尷尬呀~~~

2013年7月27日 星期六

補祝Polly 生日



其實同麥生一齊既呢段日子,我同佢班朋友都叫做有傾有講﹗

不知不覺真係好似多左一堆朋友咁

我老公就係一個咁既人,朋友既野好上心,所以我覺得佢都算係幾多真心朋友~~~




是日約左肥仔 & Polly 補祝Polly 生日~~

Polly 仲帶左部即影即有,其實我都好恨有部,不過又覺得D 菲林貴......

怪獸公司相紙真係好得意呀~~~~


4個人食可以叫多D野喇﹗

叫左個Onion Ring,小食Combo,一個牛扒 + 蘑菇大蝦Combo,一個Ribs + 春雞Combo~~

Onion Ring 油左D ,無以前咁好食~~~

小食Combo 仍然好味,抵~~

個Ribs 同雞都幾好,Ribs 真係入哂味,雞就凍左先食,不過都好香~~

最差係個牛扒,好細件,可以用難食黎形容﹗


之後我地去左Barn II 繼續飲,男人真係好浪漫~~~

其實呢排病病地,喉嚨好痛,不過有時候放縱下都係應該既..........

希望自己可以快D  好返啦﹗

2013年7月26日 星期五

極速晚餐



之前整左餐飯成2個鐘,煮到麥生嬲嬲地..........@@

因為姐姐未放完假我決定自己煮一個快飯﹗

放工前諗好左食咩,寮好耍買咩,呢碟咁小既腩仔要 $40.........



榨菜炒蛋 For 我,苦瓜炒蛋 For 麥生



超快粟米豆腐﹗

先炒左小小雜豆,加紅椒,之後落Can 粟米 & 豆腐,不過唔知點解好多水..........


仲整左個水煮生菜,仲整返熱之前個無花果湯,4送1湯,45分鐘快搞好哂﹗

哈哈﹗好叻~~

2013年7月25日 星期四

最後一日胡志明



時間真係過得好快,原來已經由胡志明返左黎2個月,呢次旅程有小小阻滯,不過So Far 都係好開心,好令人回味~!

估唔到佢係一個咁吸引人既地方~~~

最後一日無咩行程,我地又分開食早餐﹗

我仍然一日一河



之後就正式行檳城市場,入面有街市~~



唔洗曬既室內市場~~



我有興趣2樣野,一牛奶果、二 乾果~~~



應該係因為唔當造,所以都唔係好多間有,價錢仲要幾貴~~

我都係咁E 買左2包腰果乾,一包奶奶一包媽咪~~~



Check Out 前開左黎食,味道就香香地,甜甜地,有小小似好軟身既石榴,Not J Cup of Tea~~~



放左行李響酒店,我地就出發食法國大餐~~

由酒店搭去都唔係好貴﹗



其實唔洗Book 台都無問題,全間鋪得我地同另外2台~~~



我地叫左4個Set,其中2個係 USD 25,另外2個 USD 75,就睇下呢度值唔值咁貴~~~



包包用既牛油~~



好舒服既環境~~~



前菜 X 4

(其中2個係送既,因為得USD 75果個Course 先有)

USD 25 好似係一個頭盤,一個Main & 一個甜品 Only



包包好味,上面D 籽真係好香~~



海鮮湯,都好足料,不過味道偏淡~~~



頭盤,鵝肝........醬.....呢塊野好油,加埋包包食會好小小,不過都唔太吸引~~~



USD 75 真係唔同D ,真鵝肝~~~

真好食,不過唔係我食過最好食..........XD



USD 75 主菜,Juicy 扒~~



煎得岩岩好,好香~~



另一個係鱈魚扒~~ 清清地岩我~~~



之後係一杯類似Surbet 清一清個口~~~



好濃既朱古力味,同個雪糕好夾~~~



不過我都係鍾意呢個焦糖燉蛋多D~~~

同D 橙皮好夾~~~



最後一人有一個朱古力味既蛋糕仔 & 一粒朱古力~~~



USD 75 仲包一杯飲品~~~

佢地叫左Coffee with Sweet milk,當然係無地道咁好飲啦﹗



我地開左一支力,加埋Service Charge USD 216,接近$1700既午餐,感覺上就唔覺自己食左咩貴野,不過咩都試下係旅遊既目的~~



最後黎一個四人合照~~~


樓下應該係廚房 & 等位既位置~~~


因為未夠鐘去機場,於是我地又行左一轉檳城市場﹗


不過發現咁樣Hea都係浪費時間,於是我地去左按摩,熱石按摩~~~

J 話件衫好襯我........XD



去左旅遊書有介紹既118~~~

地下係 Salon & 按腳~~~



樓上係房~~~



佈置簡單~~~



感覺上都幾舒服,特別係D 熱石放響個背上面﹗



價錢都係大約 HKD$100 一個人~~~



返到酒店羅埋行李就去機場喇....

真係好細~~~



入面都有D 鋪,因為我地仲有VND 未用完,所以買左D 野食﹗



越南係一個好可愛既城市,有機會一定再黎~~~


風雨交加之夜要離開喇,唔通越南都唔捨得我地走

終於全部完成