好彩有Daddy 響度，不過Daddy 又想我地學下野，唔想樣樣野都話事，所以有時老公都會話下明明好簡單一樣野Daddy 可能用幾分鐘搞掂，而我地可能盲蹤蹤搞一大餐，點解Daddy 唔一開始就開聲，有時夾響中間都幾辛苦~~~
之前已經搵左2個師傅報左價，當然係好唔準確啦，因為好多野未同佢地提要整，已經報價超過10萬，清折屋內所有野，泥頭費都差不多萬五，全屋油油又2萬，重鋪瓦仔 廚房萬二，浴室一萬，未連料﹗拉過電線燈制又差不多2萬，換門又差不多一萬，磨地板5,000
可能Daddy 見我地漫無目的，所以佢整左一份Guideline 叫我地跟住同D 師傅傾，其實全屋最麻煩係水喉，因為我地唔想重鋪地板，所以水喉要走天花，原來係一件好複雜既事，連一個曲位都要考慮
因為廳我地唔造櫃，所以房要整一個大衣櫃連鞋櫃放好多雜物，仲會響走廊整一個閤仔﹗
其實我唔識好多野，我只係幫手搵師傅，將佢地既報價整理埋一份，希望對件事有幫助~~~
雖然呢個過程係好辛苦，不過真係學左好多野﹗
原來封住水喉喉曲都有幾種方法，錫曲會比較安全~~
咩係地腳線、咩係達線、原來水喉而家係換左銅喉﹗
原來設計一個廚櫃唔單止係揀款，仲要預埋洗衣機位，高度，尺寸，樣樣野都要配合﹗
好大學問
真係經一事長一智
我不停問人意見，同事都話應該Living Room 同Dinning Room 調轉~~
因為Window 響圖入面Dinning Room 果邊，不過J 個Point 係Dinning 果邊好難放得落電視﹗
Design 上好多野我都唔敢俾意見，因為人多意見多自然煩，不過當然我都會參與討論啦~~
真係好期待我地人生入面另一個重要Project 出世呀
苦中一點甜
沒有留言:
張貼留言